Mohamed Hussein
10 يوليو
حوار مع صديقي الفلسطيني ............. لله الأمر من قبل و من بعد .
.
( الحوار ده تم من ثواني عالشات عندي مع واحد فلسطيني ماعرفوش ) مابقيتش لاقي رد ولا تعليق , لكنه حوار بيختصر حاجات كتير ...........ياريت تقرو بتركيز
.
هو : ......... يعني انت بعباطتك المصرية الاصلية المتغذية بالفسيخ و المش المعفنين مفكر انو العالم مش عارف شو قصة الاعلام المصري انت و امثالك من صهاينة الاعلام المصري صدقني مكشوفين و غباءكم كشفكم بس ما حد فاضيلكم. اما صرتوا معروفين و واضحين الاعلام المصري بكل وضوح يدار بيد يهود و حتى بمذيعين صهاينة بتحب اذكرلك اسماء؟؟؟؟
.
منذ 19 دقائق
أنا :............ انا عايز اشكرك على وصفي بصهاينة الإعلام المصري ...انت كده حطتني في خانة الإعلاميين ..اشكرك يا غالي
تصدق وحشني الفسيخ والمش المعفنين ؟ أه والله والفطير
.
هو : ............ بعرف انك بتحس بالفخر و الشرف بهيك وصف بس اعرف شغلة وحدة... صدقني انت و اشكالك مجرد خرق بمسحوا فيها احذيتهم و لا جزاء و لا شكورا
.
أنا : ........... اشكرك
.
هو : ............ راح يمسحوا اليهود احذيتهم بالمصريين و من ثم الى مزابل التاريخ
يا شعبا ادهش العالم بحماقته و غبائه
.
أنا : .......... هههههههههه المصريين ؟ طيب
.
هو : ............ هلا صارت غزة و حماس اعداء يا اغبياء هم خط الدفاع الاول عن مصر التي قريبا ستصبح جزءا من اسرائيل و اهلها عبدا لهم
.
أنا : ............ كفايه يا صاحبي ..فكرتك وصلت ..كل سنه وانت طيب رمضان كريم
.
هو :............. اتفضل نتناقش باي مكان بتحب و امام الجماهير اذا انت صاحب منطق و حجة
.
أنا : ............. على صفحتي لو تحب
.
هو : ........ صفحتك حضرتك مستخبي و حاجب التعليقات من كثر ثقتك بنفسك
.
أنا :............. لا تعليقاتك هتبان طالما مش عملت لك بلوك
.
هو : ............. البلوك خلق اداة للجبناء
طلبت صداقتك
.
أنا : ..........مممممممم دخلت صفحتك ..مالقتش بوستات لك ..مابتعرضش رأيك ليه قدام الناس بدل الدخول في الشات و غرف مغلقه ؟ طالما جرئ أوي يعني
مش هقبل صداقتك قبل ماضمن انك تكون محافظ في ألفاظك
.
هو :............ بوعدك ما اتعرض الك بشكل شخصي ابدا
انا مش ناشط عالفيسبوك مش من هواتو
.
أنا : ............ انت فلسطيني ولا سوري ؟
.
هو : ............. الفيسبوك عندي كل مواقع الاخبار و الفضائيات و المذيعين يعني بستعملو اداة للاخبار
انا فلسطيني من فلسطين
.
أنا :......... وليه سيبت بلدك و قضيتك وسافرت أبو ظبي ؟ ليه ماقاومتش احتلال أرضك ؟
.
هو : ........... خلينا نحكي بالعلن مش هون و لا تخاف بجاوبك على كل اسئلتك
.
أنا : ......... هتتعب صدقني
فكرت أنشر حوارنا في بوست
بس هتلاقي نفسك وسط ألاف البشر بيدوسو و مش هتستحمل
حسيت انها مش فروسيه اني أعمل كده
.
هو :.............. اطلب من اصدقاءك التزام الصمت و الاستماع بشكل حضاري
بس انا و انت منعلق
.
أنا : ............ اللي عندي مصريين ..مش هيقبلو كلمه على مصر ولا جيشها ... مصريين يا مولانا وابقى انزل مصر وانت تعرف يعني ايه مصريين
يعني لو كتّفتهم بسلاسل برضه مش هقدر امنعهم
.
هو :................ انا العمال اللي عندي بالورشة كلهم مصريين و الشغالة بالبيت مصرية و عارف ايه هم المصريين بالزبط
.
أنا : .............. اهه
.
هو : .............. بعرف انو تلاقي مصري ساكت معجزة و يا ريت في منطق بالكلام
.
أنا : ............ غني و مقتدر و زي الفلسطينيين في الأردن .......... و نعم الأخلاق
عدل ربنا إنكو تفضلو مشردين كده ..اقصد الجيل بتاعكو ده ويا فرحة الصهاينه بيكو
إنهاء الدردشة
.......................
........................
......................
و في النهايه قررت أنشر الحوار بعد تعليقاته الأخيره , وقررت اني مش هدخل نقاش معاه مع اني اقدر أوقّف قيادات حماس صف واحد واناقشهم في نفس الوقت
............... و عايز أقول كلمه أخيره لأصدقائي: سلّمولي عالقضيه الفلسطينيه بقى و محدش يكلمني عن فلسطين تاني ( لو سمحتو ) .
Mohamed Hussein
10 يوليو
و طول ما القضيه الفلسطينيه بنختصرها في دعوه على الصهاينه أحفاد القرده و الخنازير , و في مظاهره و نرجع بعدها بيتنا و في أغاني نغنيها على خيبتنا و وكستنا , و في كوفيه نحطها على كتافنا و شوية شعارات نرميهم في حجر غيرنا و حبّة بوستات و شحتفه هينام الصهاينه و في بطنهم بطيخه صيفي , يوم ما نبطّل شعارات و أغاني يوم ما هنعرف نقلق نوم الصهاينه .
تحرير فلسطين بيبدأ من فاسك اللي بتضربها في أرضك , بيبدأ من عرق جبينك اللي نازل على عيونك , بيبدأ من و قفتك في مصنعك و نومك عالكتاب من التعب وانت بتذاكر .
Mohamed Hussein
10 يوليو
فطرنا الحمد لله , سجاره بقى سجاره بقى سجاره بقى , أيوه أيوه أييييييوه , يا سلالالالالالالالالالالالالالالالام , دي سجاره ايه دي ياض ؟ دي إل إم يا معلمي , باين عليها ياض .
Mohamed Hussein
9 يوليو
ماتش هولندا والأرجنتين ما يلزّش , مافهوش كابتن فرج و لا كابتن حمدي الوزير زي إمبارح و لا حتى فيه زيزي صديقة الطلبه اللي قلبها كبير ومش بتعرف تقول لأ , يعني حيالله ماتش كوره , الفريقين اللي بيلعبو دلوأتي المفروض يخرجو من البطوله و ألمانيا تفوز بكاس العالم بالتزكيه .
Mohamed Hussein
9 يوليو
و عشان تبقى فاهم , مصر أكتر دوله وقفت جنب القضيه الفلسطينيه , في السلم و في الحرب , دخلنا عشانهم حروب , و مات مننا ألافات , و مع ذلك لا عمرك عجبت الفلسطيني و لا هتعجبه , بس إحنا بنعمل بأصلنا و هما بيعملو بأخلاقهم ...قدر الكبير إنه يقف و قفة راجل و يساعد و مايستناش رد الجميل , و الصغير بيفضل صغير يلعب في الطين و يعمل بيبي في الشارع .
تحرير القدس على عيني وراسي , بس اللي تعوزه القاهره يحرم على غزه ورام الله و القدس ذات نفسها .
مصر أولا و ثانيا و عاشرا , و زي ما قال نزار قباني لحبيبته هقول لبلدي :
.
عدي على أصابع اليدين ، ما يأتي
فأولا : حبيبتي أنت
وثانيا : حبيبتي أنت
وثالثا : حبيبتي أنت
ورابعا وخامسا
وسادسا وسباعا
وثامنا وتاسعا
وعاشرا . . حبيبتي أنت
Mohamed Hussein
9 يوليو
خالد مشعل : ننتظر نخوة جيش مصر العربي العظيم !! ههههههههههههههه نياهاهاهاهاهاها , لا يا عم , اسمه جيش سوسن , خليك انت في شعار رابعه بتاعكو , و كان ممكن تطلب المساعده من جحافل الإخوان , أيوه جحافل أومال ايه , كل جحفل واخوه يسدو عين الشمس , و بعدين انتو مش كان عندكو كام عربيه ربع نقل داتسون و كنتو بتعملو بيهم عرض عسكري عشان جيش مصر العظيم يخاف ؟ روحو حاربو الصهاينه بعربياتكو بتاعة الخضار دي .
.
يابني حاول تفهم أبوس إيد اللي خلفوك بقى , أحد أهم اسباب العدوان على غزه حاليا هو إحراج موقف مصر الرسمي , و خالد مشعل قاعد في قصره المكيف , كل الخطابات دي مُعده سلفا , دي حلقات يا حماده و عامله دايره , بس دايره على حل شعرها .
الحمد لله إن السيسي مش عبيط ولا بتاع بليله , ربنا يرحم الغلابه بتوع غزه , دعوه حلوه أهي و كفايه , مصر مش هتبقى فريسه أبدا بين صهاينه اسرائيل و صهاينة حماس , العبو غيرها يا ولاد الوارمه .
Mohamed Hussein
9 يوليو
عن البوب الإله بس حاول تركز
.
هناك مجازر في كل مكان في العالم , صح يا بوب , بس التاريخ طول عمره ابن تيت كده , عمر الكره الأرضيه ما عاشت في المدينه الفاضله ولا دلدلت رجليها في ماية البسين زي حضرتك , مغول و هكسوس و فرس و روم و امريكا وبريطانيا و صهاينه , ده لو كنت بتقرا تاريخ .
هناك مشكله في انسانيتنا !! ...لا يا ننوس , مفيش مشكله في انسانيتنا يا حماده , فيه أمريكا و بريطانيا وصهاينه عملو جماعات ارهابيه في الشرق الأوسط و خربوه مداين تحت زعم الحريه والديموقراطيه احيانا و بإيد الإرهابيين أحيانا , و صنعو أنظمة فاسده عشان تساعدهم على كده , تعرف تقول الكلام ده ؟ تعرف تلعن أبو الصهاينه والأمريكان والجماعات الإرهابيه ؟! مممممممم لا ماتعرفش .
.
تعرف تتنحنح بس و تقول تخرصات ولايك يا جدع و شير بعنف , البرادعي الإله الشاعر الكيوت نطق وقال هناك مشكله في انسانيتنا , يعني المفروض أفهم من كلامك إن أمي هي سبب خراب العراق و فلسطين و إن أبويا الله يرحمه هو السبب في انفصال غزه عن الضفه .
يا برادعي , شكلك بقى أندر وير قدامي وانا كنت بحترمك في يوم من الأيام , يا إما تسترجل و تقول للغوله عينك حمره , يا إما تخليك كده في بسينك و تابلتك و تويترك و كنكتك و سبرتايتك .
Mohamed Hussein
9 يوليو
تخاريف صايمين
.
يعني أنا أفتح التلفزيون ألاقي إعلان : الناس بتسأل إيه هو سر شهرة محمود الليثي و أنا بقول إن سر شهرته في لولوا !!
وافتح الأخبار ألاقي البرادعي بيقول : مجازر في كل مكان في العالم , هناك خطأ في انسانيتنا !!
يعني أنا دلوأتي أصدق كلام محمود الليثي إن المجازر في كل مكان في العالم و هناك خطأ في انسايتنا و لّا أصدق كلام البرادعي إن أكياس لولوا هي الحل عشان أبقى مشهور ؟!.
طب هو البرادعي بيستخدم شامبو لولوا فعلا عشان كده بقى مشهور ؟ ولا محمود الليثي خبير في مجازر العالم و جرئ و قاري تاريخ و ضليع في قواعد الإنسانيه المرهفة الحس و الفجل الرومي عشان كده بقى مشهور ؟!
.
كلنا محمود الليثي , محمود الليثي على الأسفلت , اشتري شامبو لولوا و البرادعي لما يروح روح معاه .
Mohamed Hussein
9 يوليو
أنباء عن هروب المدير الفني للمنتخب البرازيلي إلى قطر , و فور وصوله إلى مطار الدوحه قام المدير الفني برفع شعار ( سابعه رمز الصمود ) , و قال في تصريح له لقناة الجزيره بأن المنتخب الألماني يترنّح .
Mohamed Hussein
8 July
الشعب البرازيلي مش بيحب الكوره ولا بيعشقها , الشعب البرازيلي بيتنفس كوره , بيقولو إن الطفل اللي بيتولد هناك أوّل حاجه بيشوفها لما يفتح عينه هي كوره جنبه عالسرير .
اللي حصل النهارده ماحصلش في تاريخ السامبا , أتوقع ثوره بكره في البرازيل , لأ مدير فني إيه ؟ الجمهور هيطالب بإقالة الحكومه واحتمال الرئيس .
.
الجزيره من دلوأتي هتلاقيها جهزت قناة ( الجزيره مباشر برازيليا ) , أصلها بتهيص أوي في الليله دي , و ألتراس برازيلاوي بتاع خيرت ريفالدو هيطلب استدعاء توكل كرمان و أسماء محفوظ و البت مروه بتاعة مصطفى النجار عشان يصممو بنفسهم لوجو الثوره , أصلهم بيشتغلو مصممين , مصممين أوي .
Mohamed Hussein
8 July
أعوذ بالله من غضب الله , بيقولو حارس مرمى البرازيل هيصحى بكره من النوم و الدمويه راده في وشه و لا كأنه عروسه في يوم الصباحيه .
ماهو اللي بيحصل ده مش ماتش كوره , دي ساعة حظ و مزاج , و ساعة الحظ ماتتعوضش , صباحيه مباركه يابن الرفضي .
بس 5 في ساعه إلا ربع ؟!! هو انت بتلاعب منتخب ألمانيا ولا كنت بايت مع عربجي ألماني في العشه ؟!.
Mohamed Hussein
8 July
اليوم العالمي للشحتفه .
.
الناس بتتشحتف زي سعيد صالح في المسرحيه
بص يا مولانا , الصهاينه ولاد كلب من يوميهم , بس قيادات حماس الحاليين ولاد صرمه زيهم , جامعة الدول العربيه منبطحه أه بس اللي عمال يغني على انبطاح جامعة الدول العربيه قالع بنطلونه من بدري !! .
.
وانت قدامك اختيارين , يا إما تكون عندك الجرأه تقول الكلمتين اللي فوق في الوش كده من غير زواق , يا إما تعمله اليوم العالمي للشحتفه , و تكتب بوستات بقى تعبر فيها عن مكنون شخصيتك المرهفة الحس و قلبك اللي زي قلب الخسايه .
.
اللي بيدفع الفاتوره هما أهالي غزه الغلابه , و دول بس اللي بتعاطف معاهم , بس تعاطف بحدود , عشان هما اللي قبلو بحكم حماس وانفصال القطاع عن الضفه , هما اللي قبلو بتمويع القضيه الفلسطينيه , بالمناسبه , صدق أو لا تصدق , إنفصال قطاع غزه تم بعلم و مباركة الكيان الصهيوني .
.
هات علبة مناديل بقى واشتغل شحتفه بس اعمل حسابك في كام علبه عشان فصول المسرحيه هتتكرر كتير وخصوصا في رمضان !! .
Mohamed Hussein
8 July
السيناريو الأحمق
.
- حماس و الجهاد يرمو صاروخين بلاستيك على قطاع غزه , اللي هما شبه بمب العيد دول , بس الإسم بيبقى جبار و مخيف , يعني قسام 1 , هولاكو 2 , الغوريلا 17 , أبو رجل مسلوخه 36 , والصاروخ بيقع في الصحرا غالبا ولو ضربته في بطن عسكري اسرائيلي على بعد 10 متر هيقول أي , أه يا أسي , واحتمال يجيله مغص في بطنه بيخف بحبايتين بسكوبان وشريط إنتوسيد .
.
- اسرائيل ترد بغارات جويه عشان خاطر حبايتين البسكوبان بيكلفوها شويه , و تهد على أد ما تقدر في قطاع غزه , والغزاويين الغلابه يدفعو التمن ( قيادات حماس في قصورهم في طهران و لبنان و سابقا في سوريا والتجمع الخامس ) .
.
- أبو الفتوح ولا مؤاخذه يطلع بقافله و لا مؤاخذه إنسانيه لقطاع غزه , شوية قطن وشاش و رز و مكرونه و هو رايح و طبعا مش بيرجع بإيده فاضيه , كام حتة سلاح على كام ارهابي , أصل الحمساويين كُرمه و مش بيفوتهم الواجب .
.
- الجزيره تصور و تصرخ , وأين القاده العرب مما يحدث في غزه ؟ , هل يترك العرب أهل غزه تحت الحصار ؟ و حلقات و تقارير عن التخاذل العربي و انبطاح الجامعه العربيه , و عزمي بشاره يتألق بقى ...نياهاهاهاها .
.
- شيكات إعادة اعمار جيوب قادة حماس قصدي إعادة إعمار غزه تنزل زي نقطه الرقاصه في أفراح الباطنيه و معاها طبعا صناديق البيره و كراتين مطهرات الجروح .
.
- المهم بقى , إنت عامل إيه دلوأتي ؟!
Mohamed Hussein
8 July
كانت سنه هباب
.
من أقوال سيدنا محمد مرسي رضي اليهود عنه ( و راضوه ).
......... الجسد المصري ضخم وفيه امكانيات كبيره .
كان المفروض الفاجومي الله يرحمه يغيّر قصيدته , و بدل مايقول مصر يامّه يا سفينه يقول : مصر يامّه يا هياتم !!.
Mohamed Hussein
8 July
أومال يعني إنت عايز نادي بيرأسه واحد بلطجي زي مرتضى منصور و بيدربه واحد بكرش زي ميدو يطلع إيه ؟ الأول ؟!
في الموسم اللي جاي هتلاقي لاعبي الزمالك بينزلو الملعب و هما شايلين في جيب الشورت اليمين مطوه و في جيب الشورت الشمال ساندوتش كبده !!.
.
بس أنا مبسوط , والله مبسوط , أخيرا الحمد لله و بمجهود فردي قدرنا نتخلص من عقبة المركز التاني اللي لازقه في ضهرنا بقالها سنين زي الأتب و طلعنا التالت , أحمدك يا ربنا طلعنا التالت , دي #بشرة #خير
Mohamed Hussein
8 July
زي كل سنه , الأهلي بياخد الدوري والزمالك بياخد حاجه تانيه , .......... زملكاوي بقى و متنيلين على عين أهلنا #مكملين .
إنما إحساسي بسبب عمايل الزمالك دي إن الزمالكاويه اللي زي حالاتي باقي لهم سنتين تلاته و يبقو أد النسبه اللي خدها حمدين في الإنتخابات الأخيره , لأ أصوات باطله إيه ؟ هو احنا نطول ؟ , و يبقى السيسي ملزم يجمّعنا في متحف للمخلوقات الغريبه النادره .
و عشان الروح الرياضيه و كده يعني مضطر أقول مبروك للأهلي , أيوه مانا بقيت أقول مبروك للأهلي و هارد لك للزمالك أكتر ما بستحمى .
Mohamed Hussein
7 July
لوحة الصيدليه الكبيره محروقه و طافيه بقالها تسع ست سنين , والباب الحديد بايظ من سنتين , بنزّله للنص كده واقفل الإزاز و خلاص , والإضاءه جوه نص اللمبات محروقه والنص التاني ممممممممم بيشاور نفسه , و معنديش عامل من 6 شهور تقريبا و الصيدليه بقت أشبه بالشارع الكبير اللي فيه السوق في السنبلاوين , بس الحمد لله الحمد لله صاعق الناموس شغال كويس !!.
الصيدلي اللي هييجي يستلم مكاني هسلّمه شوية الأدويه و صاعق الناموس أه والختم اللي في الدرج , هههههههههه ده كنُّه مرار طافح يا ولاد .
Mohamed Hussein
7 July
شوفت تقرير على قناة أون تي في عن السنه السوده , سنه حكم الإرهابيين لمصر , و الله عيني دمعت , إيه ده ؟ قتل لعساكرنا الغلابه و هما بيفطرو على إيد ولاد الكلب و ولاد الكلب بيحكمو أم الدنيا ؟ خطف للعساكر و نطالب بالحفاظ على أروح الخاطف والمخطوف , زياره مريبه لإيران و عناصر حماس في قلب القاهره , حصار للمحكمه الدستوريه العليا بشوية بهايم , تهجم على الأزهر الشريف والكنيسه والقضاء ؟ قتل و تمثيل لجثة شيخ شيعي و شغل دراع و بلطجه ؟ تنفيذ أحكام القصاص والقتل في الشارع , الإرهابيين اللي قتلو السادات حاضرين في ستاد القاهره في احتفالات اكتوبر بتاعة السادات ؟ إرهابي عينوه محافظ للأقصر ؟ , و هوب هووووووووب المارد اتحرك , شعب عجيب , صبور زي الجمل بس وقت الجد بيفز و ينتر ولاد الكلب من على ضهره , إيه المشهد ده ؟ الأرض بتتهز , الأرض بتتكلم مصري .
و تقولو ثورة 30 يونيو ليه ؟ داحنا شعب طيب أوي و مسامح , والله لولا إننا شعب طيب أوي كنا جبنا مرسي وكل قيادات الإرهابيه و رصيناهم قدام قصر الإتحاديه في الشارع وفرمناهم بالدبابه رايح جاي , و كذلك نفعل بالمجرمين .
Mohamed Hussein
7 July
لايك يا ريس
.
السيسي : رفضت التصديق على الموازنه لأن العجز تجاوز 300 مليار جنيه !! ............. الكلام طلع بجد أهو .
السيسي : تحريك الأسعار قد لا يناسب التوقيت و قد يضر بشعبيتي !!.
........................................
مش قلت لكو ؟ الراجل ده فاهم و جرئ , فاتح صدره , مش خايف , مش بيهمه , بيقلع المشكله من جذورها , مش بيجيب مقص و يهذب أوراقها و فروعها و يخلي شكلها حلو و مقبول قدام الناس , بيشتغل فلاح , مزارع , إيده خشنه , مش جنايني واقف بخرطوم المايه .
و لّا تحبو نجيب لكو مرسي ؟ بتاع أنهار عسل و بحيرات مربى و مناجم دهب و كنوز على بابا و في الأخر في الأخر نلاقيه بيبيع قناة السويس لولاد الكلب و ال 40 حرامي ؟!.
هي بلدنا , وإذا كان حتما ولابد نبيعها في وقت من الأوقات يبقى نبيعها لولادها , هما أولى , يشتروها و يدفعو التمن , مش خساره فيها .
Mohamed Hussein
7 July
الجيش هيفتح منافذ لبيع الخضار والفاكهه للناس بسعر مخفض , و هيبعت عربيات تساعد في النقل العام , يعني باختصار الجيش واقف ورا السيسي وقفة راجل , لا سواق ميكروباس هيلوي دراع السيسي و لا تاجر خضار ............. ده الكلام اللي قال عليه من الأول , مفيش حد هيلوي دراعنا .
الشلوت الجاي لرجال الأعمال , اللي هيستعبط أو يحمرق هيتنفخ , ده توقعي , ماهو السيسي مش هيكشف وشه في موضوع زي بتاع البنزين و هو عارف أن كتير من الشعب هيهيج عليه و في الأخر هيخاف من شوية رجال أعمال حراميه , الراجل ده جرئ وله ضهر سانده , و مصر تستاهل , تستاهل جيش بيعرف يسند و يشيل زي جيشها و رئيس جرئ زي رئيسها , هو ده الكلام اللي جاي , و نقدر نقول بالفم المليان #مكملين .
Mohamed Hussein
7 July
مش مهم , كل ما بلاقي اتنين تلاته من المهروشين عندي عالصفحه اللي فاهمين إن الثورجيه طولة لسان و كلام أبيح ( بقت نوع من التخصص ) بس مش بزعل , عشان بفتكر إن عندي ألاف الأصدقاء عقلهم بيسبق لسانهم , بيعرفو يتناقشو , يوافقو أو يعترضو بس بزوق و حُجّه و بيّنه , بنأثر في بعض بالإيجاب , ممكن أقتنع بفكره منهم أو أقنعهم بفكرتي , حب البلد دي بيجمعنا , مش هلفطه كلام هي ولا تخبيط في الحلل الفاضيه , فخور جداً بأصدقائي ال 5 ألاف , هما دول راس مالي الحقيقي و مستقبل مصر اللي بيعرفو ينزعو الخوف من جوايا , ماهو أصل اتنين تلاته من 5 ألاف يبقو صفر عالشمال , دي حسبه بسيطه خالص , و الصفر يليقُ بهم .
Mohamed Hussein
6 July
عارف إنت لما تكون فجأه بقيت مسئول عن بيت و أولاد كتير , و اللي قبلك كان بيحل المشكله بتاعة البيت ده بمشكله تانيه , والمشكلتين بقو 7 لأ بقو 36 , العيال مش واخدين بالهم من اللي بيعملو المسئول عن البيت , و هو عمال يستلف من هنا و هناك و بدل ما يسيب لهم تركه يتسندو عليها ساب لهم ديون و كمبيالات و فاتوره مشلتته على رأي اسماعيل ياسين .
المسئول الجديد جه قعد مع ولاده و قال لهم مش هينفع كده , لو عايزيني أضحك عليكو قولو بس أنا مش هقدر , احنا رجاله لا إدينا عويله و لا عايزين عيونا تبقى مكسوره للخواجه ولا لطويل العمر , هنربط الحزام شويه ... مفيش حل تاني دلوأتي , الحلول التانيه أه موجوده بس هتاخد شوية وقت .
................ أهي دي مصر اللي بيحلم بيها السيسي أو هكذا أتخيّل !!.
خدها بالشكل ده و من حقك تقبل ربط الحزام أو ترفض و تقول ولا يوم من أيامك يا ريسنا يا مستتنا بالأوي !!.
Mohamed Hussein
6 July ·
كلام بالعقل
.
بلدنا مش فقيره , فيها ثروات و مشاريع , و إعادة هيكلة القطاع العام هيرجّع للخزنه مليارات متلتله , القضاء على البيروقراطيه هيقلب شكل مصر الإقتصادي , بس الكلام ده محتاج وقت شويه مع عزيمه و رغبه حقيقيه في التغيير , يعني سنتين تلاته قول خمسه , طب احنا عايزين حد أدنى للأجور معتبر و حد أقصى معقول و عايزين نبطل شحاته و معونات , الدين العام قرّب من 2 تريليون جنيه و أوشكنا على الإفلاس كدوله , الله يجحمه مبارك , 30 سنه كانو كافيين لدوله زي اليابان انها تطلع متدمره من حرب عالميه و تبقى هي اليابان بتاعة دلوأتي , بتاعة تويوتا و توشيبا و ليكزس , و 30 سنه تحت حكم المجحوم كانو كافيين إننا نعلن إفلاسنا ........... إحنا مش أسفين يا زفت!!.
.......... هنا كان السؤال بالعقل , انت عايز توقف نزيف الدين العام و تعمل حد أدنى و أقصى للأجور بتاريخ النهارده ولا تصبر معانا سنتين تلاته خمسه ؟! لأ عايزين النهارده عشان نحس إن الثوره حققت أهدافها و إلا هننزل و نتظاهر و نلعن الكل كليله , طيب حضرتك إيدك على 60 مليار جنيه بشيك مستحق الدفع النهارده عشان نحقق لك أهداف الثوره النهارده .
Mohamed Hussein
6 July
لما واحد كاتب على بروفايله ( عضو اللجنه المعرفشي ايه كده لحماية ثورة يناير ) و تدخل صفحته تلاقي بوستاته عباره عن السيسي الع** , والراقصات , و هش** له , و ا*ا , و في النهايه تلاقي السفاله دي , اللي مفهاش لا فكره ولا رأي و لا حتى أسلوب , عاجبه ناس و معمول لها 20 شير يبقى مممممممممممم أنا كده اتطمنت ان مفيش ثوره هتقوم تاني , عشان السفاله دي بتعني إن اللي مسميين نفسهم ثورجيه حاليا و صلو لقمة الإفلاس , و اتأكدت كمان ان اللي عاملين نفسهم حماة الحمى لثورة يناير هما أكتر ناس شوّهو ثورة يناير , الله يرحم اللي ماتو , لو كانو عارفين انها هتصفصف عالأشكال دي كانو رجعو بيوتهم من بدري .
Mohamed Hussein
5 July
حوار مع فضيلة الشيخ الشيطان
.
شوف حضرتك , إحنا بنجيب الشاب من دول , يشترط إنه يكون حمار بنسبة 70 % , بس 70 % مش كفايه , و نقوم إحنا زياده في الإحتياط يعني نمسح له عقله بأستيكه و نرجع نملى عقله ده ( اللي بقى أنضف من الصيني بعد غسيله ) بكلام عن حور العين اللي مستنيين الشهداء في الجنه , و إزاي إنهم مستنيين ورا باب الريان على نار و كل شويه حوريه فيهم تبص في الساعه و تقول أبو حسن اتأخر ليه ؟ اتأخرت كده ليه يا شهيد ؟ تقوم الحوريه التانيه تقول لها اصبري ياختي الغايب حجته معاه .
.
تعرف يابو حسن إن إنت بس هيبقى لك 60 من الحور العين في الجنه ؟ لأ دول 600 , بص بقى هما أخر كلام 6 ألاف , و ليك لوحدك يا معلم , رقص و دلع و منجهه , وايه بقى يابو حسن , الحوريه من دول لا تقولي زبيده ثروت و لا صوفيا لورين ولا كيم كارديشان الله يجحمهم في نار جهنم , طب تعرف كمان إن الحور العين لا بيحيضو ولا بيولدو ؟ يعني 30 يوم في الشهر يا معلم , خدمه 24 ساعه ولا صيدليات العزبي و علي وعلي , وعمرك ما هتلاقي فيهم حوريه رابطه الطرحه و عاقداها زي ما أم حسن بتعمل معاك , و لا هتقولك في يوم عايزه أروح أزور خالتي اللي في البدرشين عشان بنتها بتولد , ولا هتقعد زعلانه و مكتئبه عشان الواد حسن المدرسه بتاعته قالت له : إنت ليه مش بتستحمى وتقص ضوافرك ؟!
.
و بعدين بقى لما نحس إن أبو حسن سخن أوي نقوم ملبّسينه حزام ناسف , طب و عهد الله أبو حسن ما بيبقى لازمه زرار للتفجير , هي حرارة جسمه بتبقى كفيله بتفجير الحزام الناسف في الوقت ده , و في الأخر بنبعته أي مكان في العالم ينفجر فيه , أي مكان ما عدا تل أبيب و واشنطن و لندن .............. الشهدااااااااااااء لهم الجنه .
Mohamed Hussein
5 July
و تلاقي المغرب و الفجر في رمضان السنادي عاملين زي ما يكونو توأم سيامي ملتصق , تفرح أوي و تقول المغرب هيأدن أهو و هشرب مايه بقى و اهيص مممممممممممم طب خلاص بقى , ألحق اشرب بؤ مايه قبل الفجر ما يأدن .
المغرب والفجر الايام دي عاملين شبه حسام و ابراهيم حسن راشقين ورا بعض في أي مصلحه .
Mohamed Hussein
5 July
إني استخرتُ الله , و عصرت على نفسي لمونه ممممممممم أعلن تأييدي الكامل لقرار حكومة السيسي برفع أسعار الوقود , ربنا ما يخيب ظن الناس فيك يا عبد الفتاح .
أيوه مش عيب أعصر على نفسي لمونه و أأيد قرار لرئيس مصري من تراب الأرض دي و طينها ( حتى لو مش مقتنع بنسبة 100 % ) , مانا قاعد عالشط و اللي عالشط عوام , مش عيب أعصر لمونه دلوأتي , أصلي ماعصرتش لمون قبل كده عشان أجيب الإرهابيين يبيعوها في المزاد .
........ مؤيد يا سيسي , و لعلمك بقى عندي عربيه و هتنفخ في الزيادات أكيد بس عشان خاطر مصر هستحمل .
Mohamed Hussein
5 July
ماهي حاجه من اتنين و مالهاش تالت
.
يا إما السيسي جرئ و عارف هو بيعمل ايه وبياخد قرارات صعبه في وقت صعب عشان مفيش حل تاني , و عايز يبني فعلا و يقلل الدين الخارجي و مش عايز يضحك عالناس زي اللي قابله و مش خايف يأجل حلول المشاكل عشان كلام الناس ... وهنا هيبقى بيجازف بشعبيته وفاتح صدره و داخل على مشاكل مصر بطريقة يا قاتل يا مقتول .
.
يا إما متهور و جنبه حكومه بتلبسه في الحيطه و برضه بيجازف بشعبيته و رامي قفازه و وشه مكشوف .
.
أتمنى يكون الإختيار الأول صح , مش عشان السيسي ولا شعبيته و لا عشان يبقى زعيم زي عبد الناصر , بس عشان البلد دي محتاجه حد جرئ وحلول جذريه للمشاكل وبلاش ندفن راسنا في الرمل .... أتمنى .
.
إنما الحياه مش بالتمنى , ورّينا كرامه يا سيسي , ورينا هتسيطر عالأسعار إزاي بعد مارفعت أسعار الوقود والكهربا , ورينا ال 60 مليار اللي داخلين الموازنه هيروحو فين ؟ عايز أشوفها عالأرض بعنيه , ورينا كراماتك في رجال الأعمال و الحيتان , عايز أشوف ملياراتهم داخله الموازنه أو أشوفهم بشحمهم و لحمهم مرميين في السجن جنب خواتهم .
.
إحساسي بيقولي إنك في اختبار صعب جدا , يا إما هتنجح فيه بامتياز و تطلع الأول بلا منافس يا إما هتشيل الماده والليله كلها .....................يارب سلِّم.
Mohamed Hussein
5 July
أحمد بيحب نوسه
.
هههههههه شعب زي العسل والله , اللهم لك الحمد , فُرجت من وسع , بقى الراجل ماعرفش في قرية إيه كده و عنده كام شجرة مانجه ولقى المانجايه مكتوب عليها الله أكبر , وبس بقى الدنيا اتقلبت عليه و بقت أرضه مزار سياحي , ومش بعيد يطلع مع منى الشاذلي أو يظهر في الجزيره والساعه بألفين دولار .
.
والله ربنا بيسبب الأسباب , وقال انا قاعد أفكر هنصرف منين في مصر وهشتغل ايه ولا هشتغل كام ساعه في اليوم ؟ يا ترى الدخل هيكفي بيتي ؟ بس انا كده لقيتها الحمد لله , فكره عبقريه بمليار جنيه و ابقى أمّنت مستقبل بناتي وأحفادي لألف سنه جايين .
.
أنا هشتري نص فدان أرض في بلدنا , و ازرعهم فاكه وخصار , ممممممممم وبعدين ابيع الفاكهه والخضار كل سنه واكسب ألفين تلاته ؟ انت عبيط ياض ؟ لأ طبعا مش هعمل كده , أنا هزرع الأرض فاكهه وخضار و أول ما الثمره بتاعتهم تظهر كده هجيب عود حطب أو أي حاجه حاده واكتب على كام ثمره كده ( الله أكبر ) و لا إله إلا الله , ولما الفاكهه تكبر وتستوى اوي هيبان النحت بتاعي على إنه جزء من الثمره نفسها ولا تخرج قبل أن تقول سبحان الله و تدفع 50 جنيه تمن مشاهدة المعجزه الربانيه !!.
.
دانا كمان ممكن أتوسع في الفكره و أكتب على حبايتين تلاته جوافه ( مجّد المسيح ) أو الله محبه و صورة صليب , عشان مانخسرش الزبون المسيحي ( المسيحيين في مصر معاهم فلوس زي الرز ) , و ممكن أتوسع أكتر واكسب المليون إخوانجي و فلوسهم لما اكتب على تفاحتين ( مرسي راجع )........ مممممممممم وممكن أطمع في الكام ألف برادعاوي واكتب ( البرادعي سابقنا بمليون سنه ضوئيه ) تعالو بقى عندي وشوفو المعجزات الكونيه , ولا تخرج قبل أن تقول سبحان الله و تدفع ال 50 جنيه !! .
.
وليه الواحد يتاجر في المخدرات ولا يبيع دماغه , ولا حتى يتاجر في السلاح , التجاره في الدين بتكسب أكتر , وانت ياض ياحمد لو عايزني أكتب لك عالبطيخه أحمد و بعدين قلب وسهم و بعدين نوسه , يعني أحمد بيحب نوسه يبقى لازم تدفع 3000 جنيه , أه مش خساره في نوسه والله واسأل في السوق وانت تعرف إني كارمك أوي .
Mohamed Hussein
4 July
أهه , رفعو أسعار الوقود , رسمي فهمي نظمي , البنزين و السولار , كده أجرة المواصلات هتغلى , و التاكسيات و أسعار الخضار و الفاكهه و المواد الغذائيه عشان النقل , و التاجر مش بيدفع حاجه من جيبه , كله في النهايه هيصب على كاهل أو بمعنى أصح على قفا المواطن معدوم الدخل !!.
أهو خبر زي ده لو كانو لمّحو له بس في عهد مرسي كنت قلبت عليهم الدنيا و عملت حفله 3 أيام بلياليهم زي فرح بنت العمده , بس أنا دلوأتي هعمل إني مش واخد بالي و هبص للسقف و أهلفط بأي كلام , وانت ياد انت إزيك كده و إزاي أمك ؟ طب أغيّر الموضوع طيب , ممكن أتكلم عن أحدث الطرق لنفخ الشفايف , بما إننا يعني داخلين على مرحلة النفخ و الشئ بالشئ يُذكر .
مبسوط مني كده يابه الحاج عبفتاح ؟ أه اقتصاد مصر واقع و مش هينفع نعيش على معونات , بس أنا أعرف إنك جرئ ماكنتش أعرف إنك متهور ........... يارب سلِّم .
Mohamed Hussein
4 July
احنا الشعب الوحيد في العالم اللي فيه ناس بيتلمو و يتجمّعو حوالين واحد بيبطل مفعول قنبله , و بنبقى واقفين كده نصور المشهد بالموبايلات , و نفسنا أوي القنبله تنفجر عشان يعني لزوم الأكشن و كده , أصل القنبله لو مانفجرتش هبقى كأني واقف بتفرج على واحد بيفتح علبة سلامون , يا سلام , يعني أنا أضيع الوقت ده كله في الزحمه دي عشان اتفرج على واحد بيفتح علبة سلامون ؟ طب أنزّل الفيديو عالفيس إزاي ؟ و أقول لأصدقائي إيه ؟ كنت بتفرج على واحد بيفتح علبة سلامون ؟! لا ماتجيش طبعا .
.
أقولك على سر يا صاحبي , هتبقى حضرتك راكب عربيتك و ماشي في الطريق و فجأه تلاقي عربيتين كسرو على بعض بالغلط و بقى بينهم 5 سم بالكتير , هتلاقيك في اللحظه دي بتقول لا إراديا ( أستر يارب أستر يارب ) بس نفسك العربيتين يخبطو في بعض عشان تشوف الحادثه !!.
.
الجيل بتاعنا ده لو كان حضر حرب اكتوبر كنت هتلاقي 3 بيحطمو خط بارليف و 3 ألاف متجمعين حواليهم بيتفرجو على خرطوم المايه و بيلعبو في الحنفيه !!.
Mohamed Hussein
4 July
بناتي نزلو مصر من إسبوعين ( 14 يوم ) , صرفو 3 ألاف جنيه و قالولي الفلوس خلصت , ممممممم بتشربي مايه معدنيه يا دلال ؟!
..3 ألاف جنيه في إسبوعين ؟ دانا أبويا إتجوز أمي ب تلتميت جنيه و طشت نحاس , أه و عهد الله , وعلى كده أمي خلفت 6 عيال زي الورد بسم الله ما شاء الله , كل واحد فيهم يُعِّرش عرشاً و يسدٌ بابا , أه بال 300 جنيه .
و اغربتاه , واغربتاااااااااااه , ضاعت فلوسك يا صابر , شكلي هشوف أيام حلبه في مصر , لأ حلبه مش حلوه , و نور عنيك هيتمرمنط يا سيسي , أنا اتمرمنطت من قبل مانزل .
طب حد يعرف عنوان جمعية رساله في القاهره يا جدعان ؟ أنا أركّب دقن , وابقى اخوانجي و اروح لجمعية رساله أقول لهم : أنا عامل حمله لجمع التبرعات من أجل الأطفال المعاقين في بوركينا فاسو , و أقب على وش الدنيا بقى , هبقى بوركيني فاسّاوي و أفتخر , و ماتقولش إيه إدتنا مصر عشان دي كلمه عيب ( الله يرحمك يا عم جلال ) .
Mohamed Hussein
4 July
قنابل و متفجرات و ألغام , ضرب نار حي و تهديدات من البلتاجي , حبّاره بيهدد مصر من ورا القضبان بمستقبل أسود , و حرائر الإخوان قالو الظابط اغتصبني في الشارع بس كان لابس قناع وانا اصلي متجوزه بس الكلام ده حصل من 3 شهور أو 9 سنين !! ............ ولسه صاحبك الناشط بيقول حكم العسكر و فصيل وطني و بيشيّر صور و بوستات شبكة رصد للتأكيد .
.
بص يا صاحبي , هقولك نصيحه بلغة أهل النحو والصرف ( أبو الأسود الدؤلي مش أبو بكر البغدادي ) عشان تعرف تحلم بحياتك ( نحو ) مستقبل أفضل و ماتلاقيش نفسك في النهايه محشور في ماسورة ( صرف ) صحي و مش عارف تطلع منين ؟
.
(( حاول , حاول في حياتك السياسيه و الإجتماعيه و الثورجيه تبقى من مشتقات ( فَعَلَ ) كلها فيما عدا حاجه واحده , ......... حاول تكون فاعل أو على الأقل فعل أو مفعول معه أو مفعول لأجله بس إوعى تعيش طول عمرك و انت مفعول به أو مفعول فيه ) !!.
Mohamed Hussein
4 July
و لما تكون مقشفر و جيبك أنضف من الصيني بعد غسيله و تسأل صاحبك على فلوس فيقوم جايبلك مبلغ كده و يقولك : يا راجل امسك دي الفلوس كتير و خير ربنا كتير
............................مممممممممممم إعرف إن دي أخر فلوس في جيبه و بيديهالك و هو مش عارف هيتصرف إزاي بعد كده .
.................. حلاوه روح المصريين .
Mohamed Hussein
4 July
و في 30 يونيو قولي وانا احكيلك , اخويا سألني هتشيلو مرسي ؟ قلت له أه بالفم المليان , كنت وقتها في البلد و نزلت ميدان المحافظه يومين , مش بنسى المشهد , الناس ماليين الطريق من أول مستشفى التأمين لحد النيل , اللي جاي مواصلات واللي جاي بعربيه واللي جاي بتوكتوك أو حتى موتوسيكل
.
كل واحد جايب مراته و عياله , الناس الغلابه قطعو من قوت يومهم عشان يشترو علم مصر , الشقق كلها , كل شقه عامله علم مصر كبير في البلكونه , وانت ماشي تسأل نفسك : أومال فين الإخوان ؟ لا في الشارع ولا الشقق ؟ فين الإخوان يا أستاذ ؟ فين الإخوان يا هانم ؟ محدش شاف الإخوان يا خوانا ؟
.
أه المشهد اللي مشيت وسطه ييجي 2 كيلو كان فوتو شوب !! , فرحة الناس و الأعلام و الأغاني كانت فوتو شوب , المنصوره كانت كلها في الشارع بس فوتو شوب !!.
ماهو فيه ناس اتعلمت و راحت المدرسه كل يوم و اتخرجت من الجامعه ولبست الروب و علقت الشهاده في المندره بس لما تتكلم معاها تقول والله خساره صباع الطباشير اللي الدوله صرفته عليك .
وانا كان معايا حق , القصه مش قصة جيش ولا حتى قصة شعب , كان معايا حق لما قولت تراب الأرض مش طايقهم , ده مين الحمار ده اللي أبدع في حموريته و فكّر إنه ممكن يلعب في هوية شعب عمره 7 الاف سنه ؟!!
Mohamed Hussein
4 July
حد في الدنيا يفطر سمك يا جدعان ؟ كيلو سمك متتبّل ييجي ب 2 كيلو ملح و بهارات ؟ حد بيفطر سمك يا أستاذ ؟ حد يفطر سمك يا هانم ؟ شكلي كده هشوف بكره في الصيام يوم من أيام العرب ... و هنام و إزازة المايه في حضني و كل ماقلق من النوم عشان ريقي ناشف هبص للإزازه و اقول لها ( هانت , فاضل عالحلو تكّه ) , إنا والإزازه هنبقى قصة حب من طرف واحد .
Mohamed Hussein
3 July
هو الواحد عشان صفحته دي تكبر كده يعمل إيه ؟ مممممممممم أه لقيتها لقيتها , أنا أروح السجل المدني في مصر و اعزم عالموظف هناك بسجاره كليوباترا و جوز جنيهات و اخلّيه يغيّر إسمي ل ( أيه مصطفى ) .
و بعدين أروح أقرب مستشفى و أقول لهم اسحبو الدم اللي في عروقي و حطولي مكانه دم البلتاجي أو تامر هجرس أو أي حد سخيف والسلام ... ساعتها هشتهر أوي و مش هلاحق عالمعجبين و المعازيم .
10 يوليو
حوار مع صديقي الفلسطيني ............. لله الأمر من قبل و من بعد .
.
( الحوار ده تم من ثواني عالشات عندي مع واحد فلسطيني ماعرفوش ) مابقيتش لاقي رد ولا تعليق , لكنه حوار بيختصر حاجات كتير ...........ياريت تقرو بتركيز
.
هو : ......... يعني انت بعباطتك المصرية الاصلية المتغذية بالفسيخ و المش المعفنين مفكر انو العالم مش عارف شو قصة الاعلام المصري انت و امثالك من صهاينة الاعلام المصري صدقني مكشوفين و غباءكم كشفكم بس ما حد فاضيلكم. اما صرتوا معروفين و واضحين الاعلام المصري بكل وضوح يدار بيد يهود و حتى بمذيعين صهاينة بتحب اذكرلك اسماء؟؟؟؟
.
منذ 19 دقائق
أنا :............ انا عايز اشكرك على وصفي بصهاينة الإعلام المصري ...انت كده حطتني في خانة الإعلاميين ..اشكرك يا غالي
تصدق وحشني الفسيخ والمش المعفنين ؟ أه والله والفطير
.
هو : ............ بعرف انك بتحس بالفخر و الشرف بهيك وصف بس اعرف شغلة وحدة... صدقني انت و اشكالك مجرد خرق بمسحوا فيها احذيتهم و لا جزاء و لا شكورا
.
أنا : ........... اشكرك
.
هو : ............ راح يمسحوا اليهود احذيتهم بالمصريين و من ثم الى مزابل التاريخ
يا شعبا ادهش العالم بحماقته و غبائه
.
أنا : .......... هههههههههه المصريين ؟ طيب
.
هو : ............ هلا صارت غزة و حماس اعداء يا اغبياء هم خط الدفاع الاول عن مصر التي قريبا ستصبح جزءا من اسرائيل و اهلها عبدا لهم
.
أنا : ............ كفايه يا صاحبي ..فكرتك وصلت ..كل سنه وانت طيب رمضان كريم
.
هو :............. اتفضل نتناقش باي مكان بتحب و امام الجماهير اذا انت صاحب منطق و حجة
.
أنا : ............. على صفحتي لو تحب
.
هو : ........ صفحتك حضرتك مستخبي و حاجب التعليقات من كثر ثقتك بنفسك
.
أنا :............. لا تعليقاتك هتبان طالما مش عملت لك بلوك
.
هو : ............. البلوك خلق اداة للجبناء
طلبت صداقتك
.
أنا : ..........مممممممم دخلت صفحتك ..مالقتش بوستات لك ..مابتعرضش رأيك ليه قدام الناس بدل الدخول في الشات و غرف مغلقه ؟ طالما جرئ أوي يعني
مش هقبل صداقتك قبل ماضمن انك تكون محافظ في ألفاظك
.
هو :............ بوعدك ما اتعرض الك بشكل شخصي ابدا
انا مش ناشط عالفيسبوك مش من هواتو
.
أنا : ............ انت فلسطيني ولا سوري ؟
.
هو : ............. الفيسبوك عندي كل مواقع الاخبار و الفضائيات و المذيعين يعني بستعملو اداة للاخبار
انا فلسطيني من فلسطين
.
أنا :......... وليه سيبت بلدك و قضيتك وسافرت أبو ظبي ؟ ليه ماقاومتش احتلال أرضك ؟
.
هو : ........... خلينا نحكي بالعلن مش هون و لا تخاف بجاوبك على كل اسئلتك
.
أنا : ......... هتتعب صدقني
فكرت أنشر حوارنا في بوست
بس هتلاقي نفسك وسط ألاف البشر بيدوسو و مش هتستحمل
حسيت انها مش فروسيه اني أعمل كده
.
هو :.............. اطلب من اصدقاءك التزام الصمت و الاستماع بشكل حضاري
بس انا و انت منعلق
.
أنا : ............ اللي عندي مصريين ..مش هيقبلو كلمه على مصر ولا جيشها ... مصريين يا مولانا وابقى انزل مصر وانت تعرف يعني ايه مصريين
يعني لو كتّفتهم بسلاسل برضه مش هقدر امنعهم
.
هو :................ انا العمال اللي عندي بالورشة كلهم مصريين و الشغالة بالبيت مصرية و عارف ايه هم المصريين بالزبط
.
أنا : .............. اهه
.
هو : .............. بعرف انو تلاقي مصري ساكت معجزة و يا ريت في منطق بالكلام
.
أنا : ............ غني و مقتدر و زي الفلسطينيين في الأردن .......... و نعم الأخلاق
عدل ربنا إنكو تفضلو مشردين كده ..اقصد الجيل بتاعكو ده ويا فرحة الصهاينه بيكو
إنهاء الدردشة
.......................
........................
......................
و في النهايه قررت أنشر الحوار بعد تعليقاته الأخيره , وقررت اني مش هدخل نقاش معاه مع اني اقدر أوقّف قيادات حماس صف واحد واناقشهم في نفس الوقت
............... و عايز أقول كلمه أخيره لأصدقائي: سلّمولي عالقضيه الفلسطينيه بقى و محدش يكلمني عن فلسطين تاني ( لو سمحتو ) .
Mohamed Hussein
10 يوليو
و طول ما القضيه الفلسطينيه بنختصرها في دعوه على الصهاينه أحفاد القرده و الخنازير , و في مظاهره و نرجع بعدها بيتنا و في أغاني نغنيها على خيبتنا و وكستنا , و في كوفيه نحطها على كتافنا و شوية شعارات نرميهم في حجر غيرنا و حبّة بوستات و شحتفه هينام الصهاينه و في بطنهم بطيخه صيفي , يوم ما نبطّل شعارات و أغاني يوم ما هنعرف نقلق نوم الصهاينه .
تحرير فلسطين بيبدأ من فاسك اللي بتضربها في أرضك , بيبدأ من عرق جبينك اللي نازل على عيونك , بيبدأ من و قفتك في مصنعك و نومك عالكتاب من التعب وانت بتذاكر .
Mohamed Hussein
10 يوليو
فطرنا الحمد لله , سجاره بقى سجاره بقى سجاره بقى , أيوه أيوه أييييييوه , يا سلالالالالالالالالالالالالالالالام , دي سجاره ايه دي ياض ؟ دي إل إم يا معلمي , باين عليها ياض .
Mohamed Hussein
9 يوليو
ماتش هولندا والأرجنتين ما يلزّش , مافهوش كابتن فرج و لا كابتن حمدي الوزير زي إمبارح و لا حتى فيه زيزي صديقة الطلبه اللي قلبها كبير ومش بتعرف تقول لأ , يعني حيالله ماتش كوره , الفريقين اللي بيلعبو دلوأتي المفروض يخرجو من البطوله و ألمانيا تفوز بكاس العالم بالتزكيه .
Mohamed Hussein
9 يوليو
و عشان تبقى فاهم , مصر أكتر دوله وقفت جنب القضيه الفلسطينيه , في السلم و في الحرب , دخلنا عشانهم حروب , و مات مننا ألافات , و مع ذلك لا عمرك عجبت الفلسطيني و لا هتعجبه , بس إحنا بنعمل بأصلنا و هما بيعملو بأخلاقهم ...قدر الكبير إنه يقف و قفة راجل و يساعد و مايستناش رد الجميل , و الصغير بيفضل صغير يلعب في الطين و يعمل بيبي في الشارع .
تحرير القدس على عيني وراسي , بس اللي تعوزه القاهره يحرم على غزه ورام الله و القدس ذات نفسها .
مصر أولا و ثانيا و عاشرا , و زي ما قال نزار قباني لحبيبته هقول لبلدي :
.
عدي على أصابع اليدين ، ما يأتي
فأولا : حبيبتي أنت
وثانيا : حبيبتي أنت
وثالثا : حبيبتي أنت
ورابعا وخامسا
وسادسا وسباعا
وثامنا وتاسعا
وعاشرا . . حبيبتي أنت
Mohamed Hussein
9 يوليو
خالد مشعل : ننتظر نخوة جيش مصر العربي العظيم !! ههههههههههههههه نياهاهاهاهاهاها , لا يا عم , اسمه جيش سوسن , خليك انت في شعار رابعه بتاعكو , و كان ممكن تطلب المساعده من جحافل الإخوان , أيوه جحافل أومال ايه , كل جحفل واخوه يسدو عين الشمس , و بعدين انتو مش كان عندكو كام عربيه ربع نقل داتسون و كنتو بتعملو بيهم عرض عسكري عشان جيش مصر العظيم يخاف ؟ روحو حاربو الصهاينه بعربياتكو بتاعة الخضار دي .
.
يابني حاول تفهم أبوس إيد اللي خلفوك بقى , أحد أهم اسباب العدوان على غزه حاليا هو إحراج موقف مصر الرسمي , و خالد مشعل قاعد في قصره المكيف , كل الخطابات دي مُعده سلفا , دي حلقات يا حماده و عامله دايره , بس دايره على حل شعرها .
الحمد لله إن السيسي مش عبيط ولا بتاع بليله , ربنا يرحم الغلابه بتوع غزه , دعوه حلوه أهي و كفايه , مصر مش هتبقى فريسه أبدا بين صهاينه اسرائيل و صهاينة حماس , العبو غيرها يا ولاد الوارمه .
Mohamed Hussein
9 يوليو
عن البوب الإله بس حاول تركز
.
هناك مجازر في كل مكان في العالم , صح يا بوب , بس التاريخ طول عمره ابن تيت كده , عمر الكره الأرضيه ما عاشت في المدينه الفاضله ولا دلدلت رجليها في ماية البسين زي حضرتك , مغول و هكسوس و فرس و روم و امريكا وبريطانيا و صهاينه , ده لو كنت بتقرا تاريخ .
هناك مشكله في انسانيتنا !! ...لا يا ننوس , مفيش مشكله في انسانيتنا يا حماده , فيه أمريكا و بريطانيا وصهاينه عملو جماعات ارهابيه في الشرق الأوسط و خربوه مداين تحت زعم الحريه والديموقراطيه احيانا و بإيد الإرهابيين أحيانا , و صنعو أنظمة فاسده عشان تساعدهم على كده , تعرف تقول الكلام ده ؟ تعرف تلعن أبو الصهاينه والأمريكان والجماعات الإرهابيه ؟! مممممممم لا ماتعرفش .
.
تعرف تتنحنح بس و تقول تخرصات ولايك يا جدع و شير بعنف , البرادعي الإله الشاعر الكيوت نطق وقال هناك مشكله في انسانيتنا , يعني المفروض أفهم من كلامك إن أمي هي سبب خراب العراق و فلسطين و إن أبويا الله يرحمه هو السبب في انفصال غزه عن الضفه .
يا برادعي , شكلك بقى أندر وير قدامي وانا كنت بحترمك في يوم من الأيام , يا إما تسترجل و تقول للغوله عينك حمره , يا إما تخليك كده في بسينك و تابلتك و تويترك و كنكتك و سبرتايتك .
Mohamed Hussein
9 يوليو
تخاريف صايمين
.
يعني أنا أفتح التلفزيون ألاقي إعلان : الناس بتسأل إيه هو سر شهرة محمود الليثي و أنا بقول إن سر شهرته في لولوا !!
وافتح الأخبار ألاقي البرادعي بيقول : مجازر في كل مكان في العالم , هناك خطأ في انسانيتنا !!
يعني أنا دلوأتي أصدق كلام محمود الليثي إن المجازر في كل مكان في العالم و هناك خطأ في انسايتنا و لّا أصدق كلام البرادعي إن أكياس لولوا هي الحل عشان أبقى مشهور ؟!.
طب هو البرادعي بيستخدم شامبو لولوا فعلا عشان كده بقى مشهور ؟ ولا محمود الليثي خبير في مجازر العالم و جرئ و قاري تاريخ و ضليع في قواعد الإنسانيه المرهفة الحس و الفجل الرومي عشان كده بقى مشهور ؟!
.
كلنا محمود الليثي , محمود الليثي على الأسفلت , اشتري شامبو لولوا و البرادعي لما يروح روح معاه .
Mohamed Hussein
9 يوليو
أنباء عن هروب المدير الفني للمنتخب البرازيلي إلى قطر , و فور وصوله إلى مطار الدوحه قام المدير الفني برفع شعار ( سابعه رمز الصمود ) , و قال في تصريح له لقناة الجزيره بأن المنتخب الألماني يترنّح .
Mohamed Hussein
8 July
الشعب البرازيلي مش بيحب الكوره ولا بيعشقها , الشعب البرازيلي بيتنفس كوره , بيقولو إن الطفل اللي بيتولد هناك أوّل حاجه بيشوفها لما يفتح عينه هي كوره جنبه عالسرير .
اللي حصل النهارده ماحصلش في تاريخ السامبا , أتوقع ثوره بكره في البرازيل , لأ مدير فني إيه ؟ الجمهور هيطالب بإقالة الحكومه واحتمال الرئيس .
.
الجزيره من دلوأتي هتلاقيها جهزت قناة ( الجزيره مباشر برازيليا ) , أصلها بتهيص أوي في الليله دي , و ألتراس برازيلاوي بتاع خيرت ريفالدو هيطلب استدعاء توكل كرمان و أسماء محفوظ و البت مروه بتاعة مصطفى النجار عشان يصممو بنفسهم لوجو الثوره , أصلهم بيشتغلو مصممين , مصممين أوي .
Mohamed Hussein
8 July
أعوذ بالله من غضب الله , بيقولو حارس مرمى البرازيل هيصحى بكره من النوم و الدمويه راده في وشه و لا كأنه عروسه في يوم الصباحيه .
ماهو اللي بيحصل ده مش ماتش كوره , دي ساعة حظ و مزاج , و ساعة الحظ ماتتعوضش , صباحيه مباركه يابن الرفضي .
بس 5 في ساعه إلا ربع ؟!! هو انت بتلاعب منتخب ألمانيا ولا كنت بايت مع عربجي ألماني في العشه ؟!.
Mohamed Hussein
8 July
اليوم العالمي للشحتفه .
.
الناس بتتشحتف زي سعيد صالح في المسرحيه
بص يا مولانا , الصهاينه ولاد كلب من يوميهم , بس قيادات حماس الحاليين ولاد صرمه زيهم , جامعة الدول العربيه منبطحه أه بس اللي عمال يغني على انبطاح جامعة الدول العربيه قالع بنطلونه من بدري !! .
.
وانت قدامك اختيارين , يا إما تكون عندك الجرأه تقول الكلمتين اللي فوق في الوش كده من غير زواق , يا إما تعمله اليوم العالمي للشحتفه , و تكتب بوستات بقى تعبر فيها عن مكنون شخصيتك المرهفة الحس و قلبك اللي زي قلب الخسايه .
.
اللي بيدفع الفاتوره هما أهالي غزه الغلابه , و دول بس اللي بتعاطف معاهم , بس تعاطف بحدود , عشان هما اللي قبلو بحكم حماس وانفصال القطاع عن الضفه , هما اللي قبلو بتمويع القضيه الفلسطينيه , بالمناسبه , صدق أو لا تصدق , إنفصال قطاع غزه تم بعلم و مباركة الكيان الصهيوني .
.
هات علبة مناديل بقى واشتغل شحتفه بس اعمل حسابك في كام علبه عشان فصول المسرحيه هتتكرر كتير وخصوصا في رمضان !! .
Mohamed Hussein
8 July
السيناريو الأحمق
.
- حماس و الجهاد يرمو صاروخين بلاستيك على قطاع غزه , اللي هما شبه بمب العيد دول , بس الإسم بيبقى جبار و مخيف , يعني قسام 1 , هولاكو 2 , الغوريلا 17 , أبو رجل مسلوخه 36 , والصاروخ بيقع في الصحرا غالبا ولو ضربته في بطن عسكري اسرائيلي على بعد 10 متر هيقول أي , أه يا أسي , واحتمال يجيله مغص في بطنه بيخف بحبايتين بسكوبان وشريط إنتوسيد .
.
- اسرائيل ترد بغارات جويه عشان خاطر حبايتين البسكوبان بيكلفوها شويه , و تهد على أد ما تقدر في قطاع غزه , والغزاويين الغلابه يدفعو التمن ( قيادات حماس في قصورهم في طهران و لبنان و سابقا في سوريا والتجمع الخامس ) .
.
- أبو الفتوح ولا مؤاخذه يطلع بقافله و لا مؤاخذه إنسانيه لقطاع غزه , شوية قطن وشاش و رز و مكرونه و هو رايح و طبعا مش بيرجع بإيده فاضيه , كام حتة سلاح على كام ارهابي , أصل الحمساويين كُرمه و مش بيفوتهم الواجب .
.
- الجزيره تصور و تصرخ , وأين القاده العرب مما يحدث في غزه ؟ , هل يترك العرب أهل غزه تحت الحصار ؟ و حلقات و تقارير عن التخاذل العربي و انبطاح الجامعه العربيه , و عزمي بشاره يتألق بقى ...نياهاهاهاها .
.
- شيكات إعادة اعمار جيوب قادة حماس قصدي إعادة إعمار غزه تنزل زي نقطه الرقاصه في أفراح الباطنيه و معاها طبعا صناديق البيره و كراتين مطهرات الجروح .
.
- المهم بقى , إنت عامل إيه دلوأتي ؟!
Mohamed Hussein
8 July
كانت سنه هباب
.
من أقوال سيدنا محمد مرسي رضي اليهود عنه ( و راضوه ).
......... الجسد المصري ضخم وفيه امكانيات كبيره .
كان المفروض الفاجومي الله يرحمه يغيّر قصيدته , و بدل مايقول مصر يامّه يا سفينه يقول : مصر يامّه يا هياتم !!.
Mohamed Hussein
8 July
أومال يعني إنت عايز نادي بيرأسه واحد بلطجي زي مرتضى منصور و بيدربه واحد بكرش زي ميدو يطلع إيه ؟ الأول ؟!
في الموسم اللي جاي هتلاقي لاعبي الزمالك بينزلو الملعب و هما شايلين في جيب الشورت اليمين مطوه و في جيب الشورت الشمال ساندوتش كبده !!.
.
بس أنا مبسوط , والله مبسوط , أخيرا الحمد لله و بمجهود فردي قدرنا نتخلص من عقبة المركز التاني اللي لازقه في ضهرنا بقالها سنين زي الأتب و طلعنا التالت , أحمدك يا ربنا طلعنا التالت , دي #بشرة #خير
Mohamed Hussein
8 July
زي كل سنه , الأهلي بياخد الدوري والزمالك بياخد حاجه تانيه , .......... زملكاوي بقى و متنيلين على عين أهلنا #مكملين .
إنما إحساسي بسبب عمايل الزمالك دي إن الزمالكاويه اللي زي حالاتي باقي لهم سنتين تلاته و يبقو أد النسبه اللي خدها حمدين في الإنتخابات الأخيره , لأ أصوات باطله إيه ؟ هو احنا نطول ؟ , و يبقى السيسي ملزم يجمّعنا في متحف للمخلوقات الغريبه النادره .
و عشان الروح الرياضيه و كده يعني مضطر أقول مبروك للأهلي , أيوه مانا بقيت أقول مبروك للأهلي و هارد لك للزمالك أكتر ما بستحمى .
Mohamed Hussein
7 July
لوحة الصيدليه الكبيره محروقه و طافيه بقالها تسع ست سنين , والباب الحديد بايظ من سنتين , بنزّله للنص كده واقفل الإزاز و خلاص , والإضاءه جوه نص اللمبات محروقه والنص التاني ممممممممم بيشاور نفسه , و معنديش عامل من 6 شهور تقريبا و الصيدليه بقت أشبه بالشارع الكبير اللي فيه السوق في السنبلاوين , بس الحمد لله الحمد لله صاعق الناموس شغال كويس !!.
الصيدلي اللي هييجي يستلم مكاني هسلّمه شوية الأدويه و صاعق الناموس أه والختم اللي في الدرج , هههههههههه ده كنُّه مرار طافح يا ولاد .
Mohamed Hussein
7 July
شوفت تقرير على قناة أون تي في عن السنه السوده , سنه حكم الإرهابيين لمصر , و الله عيني دمعت , إيه ده ؟ قتل لعساكرنا الغلابه و هما بيفطرو على إيد ولاد الكلب و ولاد الكلب بيحكمو أم الدنيا ؟ خطف للعساكر و نطالب بالحفاظ على أروح الخاطف والمخطوف , زياره مريبه لإيران و عناصر حماس في قلب القاهره , حصار للمحكمه الدستوريه العليا بشوية بهايم , تهجم على الأزهر الشريف والكنيسه والقضاء ؟ قتل و تمثيل لجثة شيخ شيعي و شغل دراع و بلطجه ؟ تنفيذ أحكام القصاص والقتل في الشارع , الإرهابيين اللي قتلو السادات حاضرين في ستاد القاهره في احتفالات اكتوبر بتاعة السادات ؟ إرهابي عينوه محافظ للأقصر ؟ , و هوب هووووووووب المارد اتحرك , شعب عجيب , صبور زي الجمل بس وقت الجد بيفز و ينتر ولاد الكلب من على ضهره , إيه المشهد ده ؟ الأرض بتتهز , الأرض بتتكلم مصري .
و تقولو ثورة 30 يونيو ليه ؟ داحنا شعب طيب أوي و مسامح , والله لولا إننا شعب طيب أوي كنا جبنا مرسي وكل قيادات الإرهابيه و رصيناهم قدام قصر الإتحاديه في الشارع وفرمناهم بالدبابه رايح جاي , و كذلك نفعل بالمجرمين .
Mohamed Hussein
7 July
لايك يا ريس
.
السيسي : رفضت التصديق على الموازنه لأن العجز تجاوز 300 مليار جنيه !! ............. الكلام طلع بجد أهو .
السيسي : تحريك الأسعار قد لا يناسب التوقيت و قد يضر بشعبيتي !!.
........................................
مش قلت لكو ؟ الراجل ده فاهم و جرئ , فاتح صدره , مش خايف , مش بيهمه , بيقلع المشكله من جذورها , مش بيجيب مقص و يهذب أوراقها و فروعها و يخلي شكلها حلو و مقبول قدام الناس , بيشتغل فلاح , مزارع , إيده خشنه , مش جنايني واقف بخرطوم المايه .
و لّا تحبو نجيب لكو مرسي ؟ بتاع أنهار عسل و بحيرات مربى و مناجم دهب و كنوز على بابا و في الأخر في الأخر نلاقيه بيبيع قناة السويس لولاد الكلب و ال 40 حرامي ؟!.
هي بلدنا , وإذا كان حتما ولابد نبيعها في وقت من الأوقات يبقى نبيعها لولادها , هما أولى , يشتروها و يدفعو التمن , مش خساره فيها .
Mohamed Hussein
7 July
الجيش هيفتح منافذ لبيع الخضار والفاكهه للناس بسعر مخفض , و هيبعت عربيات تساعد في النقل العام , يعني باختصار الجيش واقف ورا السيسي وقفة راجل , لا سواق ميكروباس هيلوي دراع السيسي و لا تاجر خضار ............. ده الكلام اللي قال عليه من الأول , مفيش حد هيلوي دراعنا .
الشلوت الجاي لرجال الأعمال , اللي هيستعبط أو يحمرق هيتنفخ , ده توقعي , ماهو السيسي مش هيكشف وشه في موضوع زي بتاع البنزين و هو عارف أن كتير من الشعب هيهيج عليه و في الأخر هيخاف من شوية رجال أعمال حراميه , الراجل ده جرئ وله ضهر سانده , و مصر تستاهل , تستاهل جيش بيعرف يسند و يشيل زي جيشها و رئيس جرئ زي رئيسها , هو ده الكلام اللي جاي , و نقدر نقول بالفم المليان #مكملين .
Mohamed Hussein
7 July
مش مهم , كل ما بلاقي اتنين تلاته من المهروشين عندي عالصفحه اللي فاهمين إن الثورجيه طولة لسان و كلام أبيح ( بقت نوع من التخصص ) بس مش بزعل , عشان بفتكر إن عندي ألاف الأصدقاء عقلهم بيسبق لسانهم , بيعرفو يتناقشو , يوافقو أو يعترضو بس بزوق و حُجّه و بيّنه , بنأثر في بعض بالإيجاب , ممكن أقتنع بفكره منهم أو أقنعهم بفكرتي , حب البلد دي بيجمعنا , مش هلفطه كلام هي ولا تخبيط في الحلل الفاضيه , فخور جداً بأصدقائي ال 5 ألاف , هما دول راس مالي الحقيقي و مستقبل مصر اللي بيعرفو ينزعو الخوف من جوايا , ماهو أصل اتنين تلاته من 5 ألاف يبقو صفر عالشمال , دي حسبه بسيطه خالص , و الصفر يليقُ بهم .
Mohamed Hussein
6 July
عارف إنت لما تكون فجأه بقيت مسئول عن بيت و أولاد كتير , و اللي قبلك كان بيحل المشكله بتاعة البيت ده بمشكله تانيه , والمشكلتين بقو 7 لأ بقو 36 , العيال مش واخدين بالهم من اللي بيعملو المسئول عن البيت , و هو عمال يستلف من هنا و هناك و بدل ما يسيب لهم تركه يتسندو عليها ساب لهم ديون و كمبيالات و فاتوره مشلتته على رأي اسماعيل ياسين .
المسئول الجديد جه قعد مع ولاده و قال لهم مش هينفع كده , لو عايزيني أضحك عليكو قولو بس أنا مش هقدر , احنا رجاله لا إدينا عويله و لا عايزين عيونا تبقى مكسوره للخواجه ولا لطويل العمر , هنربط الحزام شويه ... مفيش حل تاني دلوأتي , الحلول التانيه أه موجوده بس هتاخد شوية وقت .
................ أهي دي مصر اللي بيحلم بيها السيسي أو هكذا أتخيّل !!.
خدها بالشكل ده و من حقك تقبل ربط الحزام أو ترفض و تقول ولا يوم من أيامك يا ريسنا يا مستتنا بالأوي !!.
Mohamed Hussein
6 July ·
كلام بالعقل
.
بلدنا مش فقيره , فيها ثروات و مشاريع , و إعادة هيكلة القطاع العام هيرجّع للخزنه مليارات متلتله , القضاء على البيروقراطيه هيقلب شكل مصر الإقتصادي , بس الكلام ده محتاج وقت شويه مع عزيمه و رغبه حقيقيه في التغيير , يعني سنتين تلاته قول خمسه , طب احنا عايزين حد أدنى للأجور معتبر و حد أقصى معقول و عايزين نبطل شحاته و معونات , الدين العام قرّب من 2 تريليون جنيه و أوشكنا على الإفلاس كدوله , الله يجحمه مبارك , 30 سنه كانو كافيين لدوله زي اليابان انها تطلع متدمره من حرب عالميه و تبقى هي اليابان بتاعة دلوأتي , بتاعة تويوتا و توشيبا و ليكزس , و 30 سنه تحت حكم المجحوم كانو كافيين إننا نعلن إفلاسنا ........... إحنا مش أسفين يا زفت!!.
.......... هنا كان السؤال بالعقل , انت عايز توقف نزيف الدين العام و تعمل حد أدنى و أقصى للأجور بتاريخ النهارده ولا تصبر معانا سنتين تلاته خمسه ؟! لأ عايزين النهارده عشان نحس إن الثوره حققت أهدافها و إلا هننزل و نتظاهر و نلعن الكل كليله , طيب حضرتك إيدك على 60 مليار جنيه بشيك مستحق الدفع النهارده عشان نحقق لك أهداف الثوره النهارده .
Mohamed Hussein
6 July
لما واحد كاتب على بروفايله ( عضو اللجنه المعرفشي ايه كده لحماية ثورة يناير ) و تدخل صفحته تلاقي بوستاته عباره عن السيسي الع** , والراقصات , و هش** له , و ا*ا , و في النهايه تلاقي السفاله دي , اللي مفهاش لا فكره ولا رأي و لا حتى أسلوب , عاجبه ناس و معمول لها 20 شير يبقى مممممممممممم أنا كده اتطمنت ان مفيش ثوره هتقوم تاني , عشان السفاله دي بتعني إن اللي مسميين نفسهم ثورجيه حاليا و صلو لقمة الإفلاس , و اتأكدت كمان ان اللي عاملين نفسهم حماة الحمى لثورة يناير هما أكتر ناس شوّهو ثورة يناير , الله يرحم اللي ماتو , لو كانو عارفين انها هتصفصف عالأشكال دي كانو رجعو بيوتهم من بدري .
Mohamed Hussein
5 July
حوار مع فضيلة الشيخ الشيطان
.
شوف حضرتك , إحنا بنجيب الشاب من دول , يشترط إنه يكون حمار بنسبة 70 % , بس 70 % مش كفايه , و نقوم إحنا زياده في الإحتياط يعني نمسح له عقله بأستيكه و نرجع نملى عقله ده ( اللي بقى أنضف من الصيني بعد غسيله ) بكلام عن حور العين اللي مستنيين الشهداء في الجنه , و إزاي إنهم مستنيين ورا باب الريان على نار و كل شويه حوريه فيهم تبص في الساعه و تقول أبو حسن اتأخر ليه ؟ اتأخرت كده ليه يا شهيد ؟ تقوم الحوريه التانيه تقول لها اصبري ياختي الغايب حجته معاه .
.
تعرف يابو حسن إن إنت بس هيبقى لك 60 من الحور العين في الجنه ؟ لأ دول 600 , بص بقى هما أخر كلام 6 ألاف , و ليك لوحدك يا معلم , رقص و دلع و منجهه , وايه بقى يابو حسن , الحوريه من دول لا تقولي زبيده ثروت و لا صوفيا لورين ولا كيم كارديشان الله يجحمهم في نار جهنم , طب تعرف كمان إن الحور العين لا بيحيضو ولا بيولدو ؟ يعني 30 يوم في الشهر يا معلم , خدمه 24 ساعه ولا صيدليات العزبي و علي وعلي , وعمرك ما هتلاقي فيهم حوريه رابطه الطرحه و عاقداها زي ما أم حسن بتعمل معاك , و لا هتقولك في يوم عايزه أروح أزور خالتي اللي في البدرشين عشان بنتها بتولد , ولا هتقعد زعلانه و مكتئبه عشان الواد حسن المدرسه بتاعته قالت له : إنت ليه مش بتستحمى وتقص ضوافرك ؟!
.
و بعدين بقى لما نحس إن أبو حسن سخن أوي نقوم ملبّسينه حزام ناسف , طب و عهد الله أبو حسن ما بيبقى لازمه زرار للتفجير , هي حرارة جسمه بتبقى كفيله بتفجير الحزام الناسف في الوقت ده , و في الأخر بنبعته أي مكان في العالم ينفجر فيه , أي مكان ما عدا تل أبيب و واشنطن و لندن .............. الشهدااااااااااااء لهم الجنه .
Mohamed Hussein
5 July
و تلاقي المغرب و الفجر في رمضان السنادي عاملين زي ما يكونو توأم سيامي ملتصق , تفرح أوي و تقول المغرب هيأدن أهو و هشرب مايه بقى و اهيص مممممممممممم طب خلاص بقى , ألحق اشرب بؤ مايه قبل الفجر ما يأدن .
المغرب والفجر الايام دي عاملين شبه حسام و ابراهيم حسن راشقين ورا بعض في أي مصلحه .
Mohamed Hussein
5 July
إني استخرتُ الله , و عصرت على نفسي لمونه ممممممممم أعلن تأييدي الكامل لقرار حكومة السيسي برفع أسعار الوقود , ربنا ما يخيب ظن الناس فيك يا عبد الفتاح .
أيوه مش عيب أعصر على نفسي لمونه و أأيد قرار لرئيس مصري من تراب الأرض دي و طينها ( حتى لو مش مقتنع بنسبة 100 % ) , مانا قاعد عالشط و اللي عالشط عوام , مش عيب أعصر لمونه دلوأتي , أصلي ماعصرتش لمون قبل كده عشان أجيب الإرهابيين يبيعوها في المزاد .
........ مؤيد يا سيسي , و لعلمك بقى عندي عربيه و هتنفخ في الزيادات أكيد بس عشان خاطر مصر هستحمل .
Mohamed Hussein
5 July
ماهي حاجه من اتنين و مالهاش تالت
.
يا إما السيسي جرئ و عارف هو بيعمل ايه وبياخد قرارات صعبه في وقت صعب عشان مفيش حل تاني , و عايز يبني فعلا و يقلل الدين الخارجي و مش عايز يضحك عالناس زي اللي قابله و مش خايف يأجل حلول المشاكل عشان كلام الناس ... وهنا هيبقى بيجازف بشعبيته وفاتح صدره و داخل على مشاكل مصر بطريقة يا قاتل يا مقتول .
.
يا إما متهور و جنبه حكومه بتلبسه في الحيطه و برضه بيجازف بشعبيته و رامي قفازه و وشه مكشوف .
.
أتمنى يكون الإختيار الأول صح , مش عشان السيسي ولا شعبيته و لا عشان يبقى زعيم زي عبد الناصر , بس عشان البلد دي محتاجه حد جرئ وحلول جذريه للمشاكل وبلاش ندفن راسنا في الرمل .... أتمنى .
.
إنما الحياه مش بالتمنى , ورّينا كرامه يا سيسي , ورينا هتسيطر عالأسعار إزاي بعد مارفعت أسعار الوقود والكهربا , ورينا ال 60 مليار اللي داخلين الموازنه هيروحو فين ؟ عايز أشوفها عالأرض بعنيه , ورينا كراماتك في رجال الأعمال و الحيتان , عايز أشوف ملياراتهم داخله الموازنه أو أشوفهم بشحمهم و لحمهم مرميين في السجن جنب خواتهم .
.
إحساسي بيقولي إنك في اختبار صعب جدا , يا إما هتنجح فيه بامتياز و تطلع الأول بلا منافس يا إما هتشيل الماده والليله كلها .....................يارب سلِّم.
Mohamed Hussein
5 July
أحمد بيحب نوسه
.
هههههههه شعب زي العسل والله , اللهم لك الحمد , فُرجت من وسع , بقى الراجل ماعرفش في قرية إيه كده و عنده كام شجرة مانجه ولقى المانجايه مكتوب عليها الله أكبر , وبس بقى الدنيا اتقلبت عليه و بقت أرضه مزار سياحي , ومش بعيد يطلع مع منى الشاذلي أو يظهر في الجزيره والساعه بألفين دولار .
.
والله ربنا بيسبب الأسباب , وقال انا قاعد أفكر هنصرف منين في مصر وهشتغل ايه ولا هشتغل كام ساعه في اليوم ؟ يا ترى الدخل هيكفي بيتي ؟ بس انا كده لقيتها الحمد لله , فكره عبقريه بمليار جنيه و ابقى أمّنت مستقبل بناتي وأحفادي لألف سنه جايين .
.
أنا هشتري نص فدان أرض في بلدنا , و ازرعهم فاكه وخصار , ممممممممم وبعدين ابيع الفاكهه والخضار كل سنه واكسب ألفين تلاته ؟ انت عبيط ياض ؟ لأ طبعا مش هعمل كده , أنا هزرع الأرض فاكهه وخضار و أول ما الثمره بتاعتهم تظهر كده هجيب عود حطب أو أي حاجه حاده واكتب على كام ثمره كده ( الله أكبر ) و لا إله إلا الله , ولما الفاكهه تكبر وتستوى اوي هيبان النحت بتاعي على إنه جزء من الثمره نفسها ولا تخرج قبل أن تقول سبحان الله و تدفع 50 جنيه تمن مشاهدة المعجزه الربانيه !!.
.
دانا كمان ممكن أتوسع في الفكره و أكتب على حبايتين تلاته جوافه ( مجّد المسيح ) أو الله محبه و صورة صليب , عشان مانخسرش الزبون المسيحي ( المسيحيين في مصر معاهم فلوس زي الرز ) , و ممكن أتوسع أكتر واكسب المليون إخوانجي و فلوسهم لما اكتب على تفاحتين ( مرسي راجع )........ مممممممممم وممكن أطمع في الكام ألف برادعاوي واكتب ( البرادعي سابقنا بمليون سنه ضوئيه ) تعالو بقى عندي وشوفو المعجزات الكونيه , ولا تخرج قبل أن تقول سبحان الله و تدفع ال 50 جنيه !! .
.
وليه الواحد يتاجر في المخدرات ولا يبيع دماغه , ولا حتى يتاجر في السلاح , التجاره في الدين بتكسب أكتر , وانت ياض ياحمد لو عايزني أكتب لك عالبطيخه أحمد و بعدين قلب وسهم و بعدين نوسه , يعني أحمد بيحب نوسه يبقى لازم تدفع 3000 جنيه , أه مش خساره في نوسه والله واسأل في السوق وانت تعرف إني كارمك أوي .
Mohamed Hussein
4 July
أهه , رفعو أسعار الوقود , رسمي فهمي نظمي , البنزين و السولار , كده أجرة المواصلات هتغلى , و التاكسيات و أسعار الخضار و الفاكهه و المواد الغذائيه عشان النقل , و التاجر مش بيدفع حاجه من جيبه , كله في النهايه هيصب على كاهل أو بمعنى أصح على قفا المواطن معدوم الدخل !!.
أهو خبر زي ده لو كانو لمّحو له بس في عهد مرسي كنت قلبت عليهم الدنيا و عملت حفله 3 أيام بلياليهم زي فرح بنت العمده , بس أنا دلوأتي هعمل إني مش واخد بالي و هبص للسقف و أهلفط بأي كلام , وانت ياد انت إزيك كده و إزاي أمك ؟ طب أغيّر الموضوع طيب , ممكن أتكلم عن أحدث الطرق لنفخ الشفايف , بما إننا يعني داخلين على مرحلة النفخ و الشئ بالشئ يُذكر .
مبسوط مني كده يابه الحاج عبفتاح ؟ أه اقتصاد مصر واقع و مش هينفع نعيش على معونات , بس أنا أعرف إنك جرئ ماكنتش أعرف إنك متهور ........... يارب سلِّم .
Mohamed Hussein
4 July
احنا الشعب الوحيد في العالم اللي فيه ناس بيتلمو و يتجمّعو حوالين واحد بيبطل مفعول قنبله , و بنبقى واقفين كده نصور المشهد بالموبايلات , و نفسنا أوي القنبله تنفجر عشان يعني لزوم الأكشن و كده , أصل القنبله لو مانفجرتش هبقى كأني واقف بتفرج على واحد بيفتح علبة سلامون , يا سلام , يعني أنا أضيع الوقت ده كله في الزحمه دي عشان اتفرج على واحد بيفتح علبة سلامون ؟ طب أنزّل الفيديو عالفيس إزاي ؟ و أقول لأصدقائي إيه ؟ كنت بتفرج على واحد بيفتح علبة سلامون ؟! لا ماتجيش طبعا .
.
أقولك على سر يا صاحبي , هتبقى حضرتك راكب عربيتك و ماشي في الطريق و فجأه تلاقي عربيتين كسرو على بعض بالغلط و بقى بينهم 5 سم بالكتير , هتلاقيك في اللحظه دي بتقول لا إراديا ( أستر يارب أستر يارب ) بس نفسك العربيتين يخبطو في بعض عشان تشوف الحادثه !!.
.
الجيل بتاعنا ده لو كان حضر حرب اكتوبر كنت هتلاقي 3 بيحطمو خط بارليف و 3 ألاف متجمعين حواليهم بيتفرجو على خرطوم المايه و بيلعبو في الحنفيه !!.
Mohamed Hussein
4 July
بناتي نزلو مصر من إسبوعين ( 14 يوم ) , صرفو 3 ألاف جنيه و قالولي الفلوس خلصت , ممممممم بتشربي مايه معدنيه يا دلال ؟!
..3 ألاف جنيه في إسبوعين ؟ دانا أبويا إتجوز أمي ب تلتميت جنيه و طشت نحاس , أه و عهد الله , وعلى كده أمي خلفت 6 عيال زي الورد بسم الله ما شاء الله , كل واحد فيهم يُعِّرش عرشاً و يسدٌ بابا , أه بال 300 جنيه .
و اغربتاه , واغربتاااااااااااه , ضاعت فلوسك يا صابر , شكلي هشوف أيام حلبه في مصر , لأ حلبه مش حلوه , و نور عنيك هيتمرمنط يا سيسي , أنا اتمرمنطت من قبل مانزل .
طب حد يعرف عنوان جمعية رساله في القاهره يا جدعان ؟ أنا أركّب دقن , وابقى اخوانجي و اروح لجمعية رساله أقول لهم : أنا عامل حمله لجمع التبرعات من أجل الأطفال المعاقين في بوركينا فاسو , و أقب على وش الدنيا بقى , هبقى بوركيني فاسّاوي و أفتخر , و ماتقولش إيه إدتنا مصر عشان دي كلمه عيب ( الله يرحمك يا عم جلال ) .
Mohamed Hussein
4 July
قنابل و متفجرات و ألغام , ضرب نار حي و تهديدات من البلتاجي , حبّاره بيهدد مصر من ورا القضبان بمستقبل أسود , و حرائر الإخوان قالو الظابط اغتصبني في الشارع بس كان لابس قناع وانا اصلي متجوزه بس الكلام ده حصل من 3 شهور أو 9 سنين !! ............ ولسه صاحبك الناشط بيقول حكم العسكر و فصيل وطني و بيشيّر صور و بوستات شبكة رصد للتأكيد .
.
بص يا صاحبي , هقولك نصيحه بلغة أهل النحو والصرف ( أبو الأسود الدؤلي مش أبو بكر البغدادي ) عشان تعرف تحلم بحياتك ( نحو ) مستقبل أفضل و ماتلاقيش نفسك في النهايه محشور في ماسورة ( صرف ) صحي و مش عارف تطلع منين ؟
.
(( حاول , حاول في حياتك السياسيه و الإجتماعيه و الثورجيه تبقى من مشتقات ( فَعَلَ ) كلها فيما عدا حاجه واحده , ......... حاول تكون فاعل أو على الأقل فعل أو مفعول معه أو مفعول لأجله بس إوعى تعيش طول عمرك و انت مفعول به أو مفعول فيه ) !!.
Mohamed Hussein
4 July
و لما تكون مقشفر و جيبك أنضف من الصيني بعد غسيله و تسأل صاحبك على فلوس فيقوم جايبلك مبلغ كده و يقولك : يا راجل امسك دي الفلوس كتير و خير ربنا كتير
............................مممممممممممم إعرف إن دي أخر فلوس في جيبه و بيديهالك و هو مش عارف هيتصرف إزاي بعد كده .
.................. حلاوه روح المصريين .
Mohamed Hussein
4 July
و في 30 يونيو قولي وانا احكيلك , اخويا سألني هتشيلو مرسي ؟ قلت له أه بالفم المليان , كنت وقتها في البلد و نزلت ميدان المحافظه يومين , مش بنسى المشهد , الناس ماليين الطريق من أول مستشفى التأمين لحد النيل , اللي جاي مواصلات واللي جاي بعربيه واللي جاي بتوكتوك أو حتى موتوسيكل
.
كل واحد جايب مراته و عياله , الناس الغلابه قطعو من قوت يومهم عشان يشترو علم مصر , الشقق كلها , كل شقه عامله علم مصر كبير في البلكونه , وانت ماشي تسأل نفسك : أومال فين الإخوان ؟ لا في الشارع ولا الشقق ؟ فين الإخوان يا أستاذ ؟ فين الإخوان يا هانم ؟ محدش شاف الإخوان يا خوانا ؟
.
أه المشهد اللي مشيت وسطه ييجي 2 كيلو كان فوتو شوب !! , فرحة الناس و الأعلام و الأغاني كانت فوتو شوب , المنصوره كانت كلها في الشارع بس فوتو شوب !!.
ماهو فيه ناس اتعلمت و راحت المدرسه كل يوم و اتخرجت من الجامعه ولبست الروب و علقت الشهاده في المندره بس لما تتكلم معاها تقول والله خساره صباع الطباشير اللي الدوله صرفته عليك .
وانا كان معايا حق , القصه مش قصة جيش ولا حتى قصة شعب , كان معايا حق لما قولت تراب الأرض مش طايقهم , ده مين الحمار ده اللي أبدع في حموريته و فكّر إنه ممكن يلعب في هوية شعب عمره 7 الاف سنه ؟!!
Mohamed Hussein
4 July
حد في الدنيا يفطر سمك يا جدعان ؟ كيلو سمك متتبّل ييجي ب 2 كيلو ملح و بهارات ؟ حد بيفطر سمك يا أستاذ ؟ حد يفطر سمك يا هانم ؟ شكلي كده هشوف بكره في الصيام يوم من أيام العرب ... و هنام و إزازة المايه في حضني و كل ماقلق من النوم عشان ريقي ناشف هبص للإزازه و اقول لها ( هانت , فاضل عالحلو تكّه ) , إنا والإزازه هنبقى قصة حب من طرف واحد .
Mohamed Hussein
3 July
هو الواحد عشان صفحته دي تكبر كده يعمل إيه ؟ مممممممممم أه لقيتها لقيتها , أنا أروح السجل المدني في مصر و اعزم عالموظف هناك بسجاره كليوباترا و جوز جنيهات و اخلّيه يغيّر إسمي ل ( أيه مصطفى ) .
و بعدين أروح أقرب مستشفى و أقول لهم اسحبو الدم اللي في عروقي و حطولي مكانه دم البلتاجي أو تامر هجرس أو أي حد سخيف والسلام ... ساعتها هشتهر أوي و مش هلاحق عالمعجبين و المعازيم .
ليست هناك تعليقات:
إرسال تعليق