Mohamed Hussein
3 يوليو
دليل الثائرين في نفخة البلالين
.
1- السيسي مش عبيط عشان يعين توني بلير مستشار له والجارديان ماشيه على حل شعرها من بدري , بس انت لسه فاهم إن الغرب ده عباره عن ملاك كبير و له جناحين اسمهم أمريكا و بريطانيا !!.
نفس اللي بتعمله فيك شبكة رصد , خبر كاذب أو صوره متفبركه و شير بعنف يا جدع و بعد يومين تشيل الخير و جايز تعتذر مش مهم محدش بيقرا الإعتذار , المهم ان حضرتك خدت الخبر على صدرك واتنفخت زي البالونه وتيجي عندي بقى تفضل تتبلّور و تتقعّر و تتحظرم و تكلمني عن #التخرصات ....!!.
.
2- البنت قالت الظابط خدني في المدرعه واغتصبني كداهو يا سعادة البيه , عمل فيا كذ و قالي كذا قلت له لأ لا يمكن أبدا, مممممممممممم هو احنا عندنا ظباط ممكن يعملو كده ؟ أه عندنا و فيهم أزبل من كده كمان , وعندنا دكاتره و نجارين بيعملو كده عادي , بس استني , هات ألف جنيه وانا اجيب لك بنت تألف لك قصه زي دي , أو هات 5 الاف وانا أخليها تعملها بالفعل ( ترمي جتتها ) و تطلع في التلفزيون و تتشهر , و لو مش معاك فلوس اصبر عليا شويه وانا هجيب لك بنت من بتوع جهاد النكاح , هتعمل كده مجانا لوجه الله والجماعه , وعشان مش توجع قلبي هقولك الشعار اللي بتحبه و انا مصدقه ( الشرطه بنت تييييييييت و محتاجه تطهير ) .
.
3- لو حضرتك شايف ان الليله في مصر هي عباره عن عاركه بين الجيش والإخوان يبقى اسمح لي أبشرك إنك وصلت ل ليفل الأخير في السلبيه و الإفلاس , ألف مبروك يا غالي , و تبقى حطيت الشعب في المعادله على إنه صفر , بس ده اسمه اسقاط لأنك انت صفر و اللي بتأيده صفر عشان كده أسقطت صفرك على الشعب , الشعب اللي لما بينزل الشارع بيهز الكره الأرضيه , إنما الشهاده لله : الصفرُ يليقُ بكْ ( من مؤلفات أحلام بتستعماني يا هرم ).
.
4- يا ريس عبد الفتاح انت قلت ماعنديش فواتير أدفعها لحد , مطلوب إقالة وزير الداخليه محمد إيراهيم , خلي بالك انت اللي بتشيل الليله لوحدك في النهايه , محمد إبراهيم يمشي مش عشان نرضي الإخوان و لا الصفرجيه ( بتوع الصفر يليق بهم ) , إنما عشان محمد إبراهيم فااااااااااااااااااااااشل باختصار , وبيحضر صوانات عزا أكتر ما بيستحمى .
Mohamed Hussein
3 يوليو
يعني الأقباط يستغلو شهر رمضان و يعملو حملة ( الله محبه ) يوزّعو فيها شنطة رمضان على الفقراء من المسلمين و الإخوان يستغلو شهر رمضان في التفجيرات و القتل و في الأخر تسألني انت بتحب مين ؟!............ انت عبيط ياض ؟!!.
Mohamed Hussein
3 يوليو
تبقى الزياره وجبت يا عطيه
.
الإخوان ناويين لها رسمي , هيقلبوها خراب النهارده و كلامهم نفسه معلن و واضح , البشاير بدأت تبان , و ولاد ال *** بعد التفجيرات كالعاده هيقولو ده شغل أمن دوله !! .
.
كده تبقى الزياره وجبت يا عطيه , سيبك يا سيسي من ولاد ال *** , و افرم الإرهابيين , أهو شر واتكتب علينا ( شر لابد منه ) , مفيش بلد في الكون هتعيش تحت رحمة فصيل إرهابي , بناقص يا أخي ...........عالم ربنا إني بخاف حتى من منظر الفرخه و هي بتندبح و مش بتمنى الشر لأي مخلوق , بس البلد دي لازم تعيش حتى لو موتنا كلنا .
............... رحمتك بمصر يارب .
Mohamed Hussein
3 يوليو
الفجر أدن عندنا , مش بحب النص الساعه اللي بتبقى قبل الفجر دي , بشرب فيها كمية مايه كبييييييييره جدا وسجاير كأني بعمل ( خزين ) , و أول ما الفجر يأدن أدخل أنا بقى في مرحلة ( التلحمه ) و دي بتستمر بتاع نص ساعه , ببقى عامل فيها شبه الراجل اللي كان قاعد عالكرسي في مسرحية الواد سيد الشغال اللي عادل امام كان بيجيب له اكياس عدس و خيار و زيت و كده , يتهيألي لو دخل عليا حرامي في الوقت ده هبقى نفسي جدا ياخد اللي هو عايزه بس مش يكلمني ولا كلمه , حرامي ماشي و يسرقني أوكيه , لكن يبقى غتيت لأ مش هستحمل .
Mohamed Hussein
2 يوليو
الجارديان نشرت تقرير بتقول فيه إن توني بلير هيشتغل مستشار للسيسي , و مكتب توني بلير نفى الخبر !! ............ الخبر كان وابور جاز حلو يسخّن الناس اللي عايزه تنزل بكره .
يا حضرة يا حضرة , إمتى حضرتك هتفهم إن مفيش فرق بين الجارديان و الواشنطن بوست و بين ريري سيلان صديقة الطلبه ؟ , و إمتى هتفهم إن الجزيره بتلعب دور شخصيه معروفه جدا في عمارة يعقوبيان ؟!!.
.... say hello للصحافه الحره , say hello للإعلام المهني ولا مؤاخذه الشريف .
Mohamed Hussein
2 يوليو
أحيانا كده بتخيل إني اتولدت في البرازيل , برازيلي يعني وافتخر , اسمي بقى محمد رونالدو و لا شمعون ريكاردو , أي حاجه مش مهم , بس لما وعيت عالدنيا كان فيه بالصدفه نظام حاكم فاسد , قومنا عملنا ثوره عليه , و لجل حظنا الحلو إن بلدنا البرازيل مفهاش جماعه اسمها الإخوان ولا فيها بهاليل اسمهم السلفيين و اكيد اكيد ماعندناش بنت اسمها اسماء محفوظ ولا مصطفى أبو صداغ , إنما كرم ربنا علينا كان أكبر بكتير في حاجه تانيه خالص , إن دولتنا البرازيل مالهاش عدو في الشمال ولا صديق قليل الأصل عايز يخرب دولتنا مداين و يهرب لها سلاح وارهابيين , و في الغرب مش فيه قبايل كل واحد بيحكم حته , وفي الجنوب مش فيه واحد معتوه قسّم بلده وخربها عشان يطبق الشريعه ولا فيه قناة السويس ولا بترول في دول الخليج المجاوره .
مش كان زمانا زي الفل دلوأتي , و بنغني : يا ورد على فل و ياسمين , الله عليكي يا غابات السافانا ؟!
.
الشرق الأوسط منطقه موبؤه , مفيش مستعمر في التاريخ إلا ما جه لها وعمل ( بيبي ) عندنا , وكانت النتيجه في النهايه , تخلف و جهل , سنه وشيعه , اخوان وسلفيين , إسرائيل وايران , إنت كافر وانا هدبحك , لا بقى انت اللي كافر وانا هقتلك , لالالا مفيش حد كافر غير الواد اللي هناك ده و تعالو نحرقه بجاز .
.
أمريكا بقالها سنين طويله بتخطط لإفقار الشرق الأوسط و دفنه في مستنقع غباء , عشان اسرائيل تعيش في سلام و نفضل احنا سوق مستهلك لأمريكا و الكاتشب بتاعها ...بس الشهاده لله , إحنا وصلنا لمستوى من التخلف والتشرزم مكانتش تحلم بيه السي أي إيه نفسها , يعني احنا أبهرنا أمريكا , و لسه ياما هتشوف مننا انبهارات
!!.
.
ده مش دفاع عن حد ولا بسوق مبررات مقدما , بس رأيي الشخصي إن الرئيس اللي يقدر ينتشل مصر في الظروف اللي فيها الشرق الأوسط دي و يوصل بيها لحلم بنحلمه هو بلا شك رئيس يعرف يحكم العالم كله بصباع رجليه الصغير !!
Mohamed Hussein
2 يوليو
من وحي الثوره
.
في وقت من الأوقات كنت بشتغل في ( الفاعل ) , يعني على خلاطه مثلا , أشيل رمل و زلط و أسمنت , أو أشيل طوب أحمر و اطلّعه الدور السابع ( الألف كان ب 6 جنيه تقريبا ) , ترص رصة طوب معتبره كده فوق بعض خِلف خلاف ( 16 طوبه غالبا ) و تشيلهم على ضهرك و تطلع السلم , على بال ما تخلص ال الف طوبه تكون طلع لك عضلات في كل مكان في جسمك , تحكم عجيب في عضلات الجسم .
.
نصيحه لوجه الله , لما تحب تسأل عن الغلابه و الفواعليه و عُمّال اليوميه و عيشتهم ابقى اسألني أنا عشان عشت معاهم و وسطيهم , بلاش تسأل الشاب إياه اللي مربّي 12 كلب في بيتهم و بيصرف عليهم 10 ألاف جنيه في الشهر أكل وسلاسل و فسح و سمع عن الغلابه في مسلسل الوسيه فاتأثر أوي و الدمعه فرّت من عنيه , و قرر إنه ينزل ويهتف عشان حقوق الغلابه , الشاب ده مع أول فرصه للظهور في التلفزيون هينسى , و هيفكر في شقه كبيره في ماونتين فيو عشان يعرف يفسّح فيها الكلاب بتاعته اللي أكيد أكيد بتعاني من حاله نفسيه سيئه بسبب الحبسه و مش بيخرجو غير كل أسبوع مره , يا حرام , قلبي الضعيف لا يحتمل !!.
Mohamed Hussein
2 يوليو
طب جرّب كده و خد 10 من الشباب في مصر ( عينه عشوائيه ) و اقعد معاهم قاعده , اتكلمو في حال البلد والأمن والبنزين و التظاهر والقوانين و داعش و حماس والحدود , في النهايه هتطلع حضرتك ب 30 رأي مختلف في كل موضوع , أه كل واحد من الشباب له 3 أراء مختلفه في نفس الحاجه .
عشان كده أنا وصلت لقناعه تامه إن أحسن واحد يحكم مصر هو الشخص اللي (خغلخغسلغيخعل ) و عقله ( لهخلهلغلعلع ) و له ( هلهغلغلخغلغل ) إيد , و بيفهم أوي في ال ( هعلغخلغلغلعلع ) أكتر من فهمه ومعرفته لل ( هخلغخلغلخفعبف ) مممممممممم و برضه مش هيعجب في الأخر !!........ بيصعب عليا عبد الفتاح السيسي أحيانا و متعاطف معاه , الحريه للسيسي , السيسي على الأسفلت !!.
Mohamed Hussein
2 يوليو
لما شوفت صورة عبدالرحمن عز و مراته و هما في المطار راكبين ل قطر و رافعين إشارة رابعه و افتكرت كام واحد تاني كده كانو برضه عاملين نفسهم قادة الشباب و الفكر الثورجي المناضل , اللي بيدوّر على مروه الشاطره اللهلوبه و ياخد ربع مرتبها , واللي عايز ملفه وسيديهاته , و اللي التحرير كان مكان حلو بالنسباله لو حب يشقط مزه ثورجيه , و اللي بقت ثروته في البنوك كذا مليون دولار , لا اتغرّب ولا شال فاس و زرع شجره , و اللي رشق في مصلحه و سبوبه معتبره , و اللي بقى اشهر من محمد غنيم و مجدي يعقوب و ساعته في الجزيره بألفين دولار واللي واللي , ممممممممممممم الله يرحم عماد و مينا و سالي , النضيف اللي كان فيها مات وسابولنا شوية كلاب , هو احنا عملنا ثورة كأننا رجاله و لّا اتعمل علينا شوربه كأننا جوز فراخ ؟!!........ اللهم إني صائم
Mohamed Hussein
1 July
و لما يدخل عليك مريض و ياخد دواه و طلبه و خلاص هيمشي بس يلاقيك مشغول أوي في حاجه بتعملها فجأه هتلاقيه افتكر 10 ألاف سؤال جم على باله في نفس اللحظه , يعني ممكن مثلا يفتكر إن حماته من 3 سنين كانت بتدور على شراب للدوالي , أو إن دوا السكر بتاع أمه كان ناقص شويه بس أمه الله يرحمها ماتت من 9 سنين , و لو مافتكرش حاجات زي دي هيسألك عن رأيك في كاس العالم و أثر شامبو بانتين على الشعر المصبوغ كستنائي فاتح , أو يسألك عن عملة الدنمارك و عاصمة بوركينا فاسو و العلاقه بين بورصة وول ستريت و سعر حزمة الخس في السوبرماركت اللي جنبي !!.
.
إحنا العرب كتير مننا محتاجين يتعلّمو أصول المعامله من أول زرع و حصد .
Mohamed Hussein
1 July
قريت مره بحث بيقول إن المسجون اللي مرمي في السجن فتره طويله بيفضل يحلم باليوم اللي يخرج فيه من السجن و يشوف النور , بيحلم بالحريه و الأهل والصحاب , و لما ييجي اليوم ده بيحصل له حالة خوف و رهبه غريبه مالهاش تفسير , الحكايه دي ظاهره عامه تقريبا , و لها اسم علمي مش فاكره .
.
من شهور و سنين وانا بحلم بالرجوع لمصر , بالنور و الحريه والأهل والصحاب , و من شهر و نص قدمت استقالتي , النهارده ظهرت بوادر قبول الإستقاله و معاها جت لي لحظة الخوف والرهبه !!.
.
تقريبا الواحد بيرتبط أحيانا بالجماد من طول العشره , بالمكان والجدران , بالطريق حتى لو كان ثابت سنين مابيتغيرش , و جه على بالي أقول للصيدليه ( أهاجر واسيبك لمين ؟ ) .
.
أنا نازل مصر بإذن الله يا سيسي , مش عارف هشتغل ايه و هشتغل فين ؟ أظن كده الرساله وصلت , يعني لو رئيس تحرير الأهرام بصفه مؤقته ماعنديش مانع , أنا أصلي متواضع و برضى بقليلي , و على فكره بقى أنا مستعد أصحى من النوم كل يوم أغسل وشي واكتب مقاله متر ونص ( الله يرحمك يا عم جلال ) عن حكمة و عظمة و ألمعية سيادة الرئيس و عن جمال و رقة و حكمة فخامته , دانا كمان ممكن أكتب مقال عن ( طشة الملوخيه ) , يعني تقدر تقول إن جينات رئيس التحرير فينا بس ربنا هادينا !!.
Mohamed Hussein
1 July
كلاكيت عاشر مره , اسرائيل بتضرب قطاع غزه , و قالك أصل فيه 3 اسرائيلين اتخطفو و مارجعوش , و ديني لاحط السيخ المحمي في صرصور ودن حماس .
هههههههههههه عبيط أنا يا عصام ؟! عبيط أنا صح ؟ و داقق عصافير على دراعي الشمال , حتى شوف أهي .
.
بقى الحكايه و ما فيها , إن حماس بقالها 4 شهور مش لاقيه فلوس تدي مرتبات للموظفين في غزه ( الكلام ده معلن ) , حالهم اتوقف بعد ردم الأنفاق , أصلك مش واخد بالك , الأنفاق دي كانت بتعمل لهم مليارات في السنه , تهريب بترول و مواد غذائيه و سلاح و مخدرات وإرهابيين و متفجرات و سبح و سجاجيد صلاه , و لما اتقفلت الأنفاق اتقفلت الحنفيه .
.
طب نعمل ايه يا ناس ؟ أشق هدومي يعني ؟ أجيب فلوس منين للموظفين في القطاع ؟ أه وجدتها وجدتها , نخطف كام عيل اسرائيلي بمساعدة حكومة الصهاينه نفسها , اسرائيل ترد بشوية غارات ( تجرب سلاحها و تمرّن عساكرها عشان يبقو جاهزين باستمرار ) , إحنا بقى يحصل عندنا شوية خراب كده و الجزيره تصور , القاده العرب ( بتوع الخليج ) يقوم كل واحد فيهم مادد إيده في جيبه و مطلّع دفتر الشيكات , و عندك شيك بمليار دولار لحماس قصدي لقطاع غزه , حماس تشيد بموقف القاده العرب و يا دار ما دخلك حشيش ولا سجاجيد صلاه .
.
طب احنا مطلوب مننا ايه بقى في أم الليله دي ؟ مطلوب مننا نستنكر و نشجب ممممممممممم أه نسيت و ندعي على الصهاينه و نهتف لتحرير القدس و لا مؤاخذه .
.
عيل صغير عمل صوابعه كداهوه مسدس و قال لصاحبه طريخ طروخ , قام صاحبه صدق , عملّ له ميت و أهله قالو ده طخه طخ !
Mohamed Hussein
1 July
أجمل حاجه على الإطلاق في صديقك الناشط السياسي والفيسبوكي بتاع #عبث إنه في الوقت العادي يقولك مفيش ارهاب , ده شغل أمن دوله , الإخوان فصيل وطني , و لما يحصل تفجير يقولك ايوه فيه إرهاب أهو بس النظام مش قادر عليه ولازم يمشي !!.و لما الدنيا تهدى شوية هيقولك برضه مفيش ارهاب , و يفضل على كده حتى إشعار أخر أو تفجير أخر .
الناشط السياسي مش بتفرق معاه حكاية و طن ولا ديموقراطيه ولا حقوق لامؤاخذه إنسان , ده كله كلام في الهجايص , هو يهمه في المقام الأول إنه يثبت إن فكرته صح بس الغريبه جدا إن فكرته دي هي أصلا ( الحاجه و عكسها ) , بس هو مستني يثبت , مفيش إرهاب بس فيه إرهاب , القمح مش محتاج صوامع , القمح محتاج صوامع !!.
Mohamed Hussein
30 June
أنا مصدق إوي إن الرئيس فلان الفلاني ده عنده شعبيه جارفه , شعبيه ترعب , الشارع كله معاه و الغلابه و ملح الأرض , مؤسسات الدوله كمان , و الطريق قدامه مفتوح عالبحري و الصوت عالي أوي و بيقول له : إنجز , إخلص , دوس .
.
أغلب الناس مصدقين زيي كده , و يا خوفي يا خوفي لا يكون أكتر واحد مش مصدق كده في مصر هو عبد الفتاح السيسي نفسه , مصيبه يا سيسي لا تكون بتتفرج عالجزيره و صدقت إن شعبيتك فوتو شوب !!.
.
صح فيه كلاب كتير بره و جوه , و العين مفتوحه عليك أد كده , بس الشعبيه دي هي سندك و عكازك و كافيه جدا إنك تدوس , مايهمكش حد , عارف ؟ عارف ؟ u know ? , شويه كده نونو و مش هلاقي لك عذر و لا مبرر و جايز أتحول لمعارض أو حتى مؤيد صامت زي اللي في متحف الشمع !!
Mohamed Hussein
30 June ·
في ذكرى ثورة شعب
.
قنابل في محيط قصر الإتحاديه , استشهاد لظباط و عساكر و ناس غلابه , فصيل وطني بقى و بيمارس حقه في المواطنه , و قالو : قوتنا في سلميتنا , المصالحه هي الحل ( قال الفيلسوف ) , شرطه ضعيفه و متخلفه , خطاب عاطفي للسيسي , مفيش حسم مفيش حسم , كيري جلط الحنه اللي على رجله و جه مخصوص عشان يقول الحريه لعلاء عبد الفتاح و مصوري الجزيره , داعش على الأبواب , ألف مبروك , الإخوان على الأسفلت , المغرب أدن هشرب بؤ مايه بقى , لما نشوف مسلسلات السنادي , أهه , بنت بترقص و شاب قاعد بيشرب خمره و يتفرج عليها , اللهم لك صمت و على رزقك أفطرت , تحرش في الشارع , الحريه للمتحرشين , البنت هي السبب هي السبب هي السبب , مفيش حسم , خطاب عاطفي , داعش على الأبواب , فصيل وطني , نشطاء بيتغرغرو صبح وليل , #عبث #عبث #عبث , بنت بترقص وشاب بيشرب خمره , شرطه متخلفه , خطاب عاطفي , إرهاب و دم , مفيش حسم مفييييييييييييش حسم .
Mohamed Hussein
30 June
و اكتملت أركان دولة الخلافه الإسلاميه الداعشيه
.
أبو بكر البغدادي خليفة اللامؤاخذه المسلمين , عاصم عبد الماجد كبير البصاصين , وجدي غنيم مفتي الديار الداعشيه , علاء صادق كبيرة الجواري و محمد محسوب لقسم الغلمان ............. اللهم صل عالنبي , اللهم صل عالنبي , الإسلام قادم يا شلاليط يا أوباش , خيبر خيبر يا يهود جيش أوباما سوف يعود !!
Mohamed Hussein
30 June
داعش أعلنت قيام إمارة إسلاميه في شمال العراق و جنوب سوريا , لأ لأ مش هسمح لك تجيب سيرة داعش بكلمه وحشه , دول مهما كان فصيل وطني يا منى !! ...............كلنا داعش , الحريه لداعش , داعش على الأسفلت
Mohamed Hussein
29 June
رمضان في الحر
.
من 25 سنه ولا اكتر شويه كان رمضان بييجي في الصيف برضه , و بعدها فضل يرجع بضهره لورا و بقى ييجي في مايو و ابريل و و و لحد ما رشقنا في الصيف من تاني .
.
كان عمري 11 سنه تقريبا و كنا عايزين نضم أرض الفول و انا صايم , الجو حر أوي , و أرض الفول بتاعتنا كان فيها حشائش و ( ديل قط ) أكتر من شجر الفول نفسه , و ديل القط ده رخم أوي في ضمه و مقرف , أرخم من البلتاجي و أحمد موسى , و انا من انفعالي قمت ضربت ( المنجل ) جامد في ديل القط و انا بقطعه قام المنجل راشق في كعب رجلي , ماسورة دم اتفتحت بعدها , أبويا الله يرحمه جابلي قماشه بسرعه ( كانت فالنه قديمه مرميه عالطريق ) و ربطتها عشان الدم يقف و كملت ضم , رجعنا البيت الساعه كانت 2 الضهر , ريقي ناشف أوي وحاسس اني هيغمى عليا , اترميت في المندره عالأرض من التعب و نمت لحد المغرب , ماغسلتش وشي حتى .
.
دلوأتي إيدي نعمت , قاعد في التكييف و اللاب توب قدامي و ريموت التليفزيون , و بقول إيه الحر ده ؟ , مش ممكن , مش معقول , شئ لا يصدقه عقل , ههههههههههه , زمان كنا رجاله و بنقف وقفة رجاله .
Mohamed Hussein
29 June ·
تخاريف صايمين .
.
مفيش عالم ابن حلال كده يخترع لنا سيجاره الواحد ياخد منها نفس قبل أدان الفجر مباشرة و يفضل النفس ده موجود في صدره لمدة 16 ساعه ؟ نفس طويل المفعول يعني زي البنسلين كده .
مفيش حاجه كتيره على ربنا , ماهما زمان كانو بيقولو إن الضظوي بيشوط الفاول في استاد القاهره والكوره تدخل جون في ستاد ريودي جانيرو ..... و مرسي راجع هو و الزمالك .
.
لو حد من حضراتكو قفش علاء صادق في القاهره و مسكه من ياقة القميص و طحنه العلقه التمام ياريت يا ريت مايرميهوش في الشارع عشان مايدفعش غرامه 500 جنيه , انتو مش عارفين إن الحكومه عملت غرامه 500 جنيه على اللي يرمي الزباله في الشارع ؟!
.
كان نفسي اطلع صياد سمك , عندي مركب صغيره و شوية شبك و اتعلم العوم و اصطاد في بحر واسع مافهوش شبكة نت ولا موبايل , بس انا واثق اني برضه كنت هقابل السمكه الغلسه الغتيته اللي لا عايزه تدخل الشبكه ولا عايزه تعوم في البحر و كل ما أكلمها هتقولي #عبث
Mohamed Hussein
29 June
العيال بناتي و حشوني , وحشتوني يا ولاد الكلب , لمار كل ما تكلمني تقولي انت كل ده بتشتغل بتشتغل بتشتغل أومال هتيجي إمتى ؟ ..يا ترى يا لوجي يا بنتي وصلتي ل ليفل كام في كاندي كراش ؟!
Mohamed Hussein
28 June
يعني الماتش كله فيه كورتين اتنين ..كوره نجيبها جون في نفسنا و كوره بلانتي لنا و نضيعها و في الأخر نفكر نكسب أي بطوله ؟ ... الزمالك ده المفروض أول ما نشأ النادي يعني كانو يسمّوه شحته أو خيشه عشان الحسد و النحس
Mohamed Hussein
28 June
في نص الطريق
.
اللي فات كان رأيي في موضوع جهاز فيروس سي , مش متفائل , بقيت مش متفائل , و لقيت نفسي واقع في النص بين فريقين , فريق عشمان أوي وبيقول لسه فيه أمل و ده فريق بحبه رغم اني مش متفائل .
.
و فريق تاني عامل حفله عالجيش مش عبد العاطي , لدرجة انه بقى يردد شعارات ( عسكر كاذبون ) , الكلمه كبيره أوي يا صاحبي , اسمه جيش مصر مش عسكر , و حكاية الجهاز كانت سوء تقدير , ناس بتوع سلاح و حروب و تفائلو بحاجه هي في علم الغيب , و انا في الحكايه دي تحديدا لا أؤمن بنظرية المؤامره اللي بتقول إن الجهاز من الاول كان خدعه لكسب تعاطف سياسي ولا أؤمن بنظرية المؤامره العكسيه اللي بتقول إن الجهاز حقيقي و إن تأخير الإعلان عنه عشان هو جهاز حساس جدا و يمس الأمن القومي , لا جهاز علاجي بيمس الأمن القومي ولا السيسي كان يلزمه جهاز علاجي عشان يفوز بانتخابات .
.
الفريق التاني في رأيي الشخصي مريض مش أكتر , محتاج علاج نفسي , و أقسم بالله انه بقاله شهور بيحلم إن الجهاز يطلع مش حقيقي , يعني لا يهمه بحث علمي ولا وجع الناس , الفريق التاني لو عرف ان مصر عملت جسر علوي عالبحر الأحمر مثلا يربط مصر بالسعوديه هيدعي ربنا كل يوم إن يحصل زلزال والجسر يقع عشان يدخل على صفحته ويكتب #عبث .... الجيش عمل جسر و وقع
Mohamed Hussein
28 June
اعتذار واجب
.
الجيش أعلن تأجيل العلاج بفيروس سي لمدة 6 شهور كمان !! , و قالو عشان الأبحاث تبقى سليمه و كل حاجه متستفه , أصلنا يهمنا في المقام الأول عامل الأمان في الإختراع الجديد و الأمن الدوائي و أمن و سلامة المواطن !!.
.
كده بح , بحكم شغلي و معرفتي بالأمور دي أقدر أقول بح , و وجب عليا الإعتذار , أسف جدا يا بشر , كنت واحد من المتفائلين باحتمالية نجاح الفكره , و قلت نستنى و نشوف , طريقة العرض مكانتش عاجباني بس قلت جايز , أصل أغلب المرضى بفيروس سي غلابه اوي و بيتعلقو بقشايه , قلت المبدأ في فكرة الإختراع معقول و ربنا يخيب ظن الناس بس مخابش !!.
.
مطلوب من المتحدث العسكري فورا تقديم اعتذار للشعب و التبرأ من فكرة الإختراع و تحويل عبد العاطي لتحقيق أدبي على الأقل , مطلوب من الجيش المصري العظيم إنه مايشيلش فوق طاقته مره تانيه , إختراع زي ده لا هيكبّره لو نجح ولا هيصغّره لو فشل , بش العيار اللي مايصبش يدوش.... مطلوب من الجيش المصري التوقف فورا عن منح ما يُسمى باسم ( الرتب الفخريه ) , عشان في النهايه كل حاجه بتتحسب عليه , و فخريه نفسها مابقتش مستحمله .
.
ياريس عبد الفتاح مطلوب اعتذار , و الإعتذار شيمة الكبار , أمي عندها فيروس سي ربنا يعافيها , و انت غالي صحيح بس بالتأكيد مش أغلى من أمي
Mohamed Hussein
28 June
خبر هتسمعه عالجزيره سنه 2020
.
هذا وقد صرح مصدر مسئول رفض الكشف عن هويته أن قبيلة الجن الأزرق قد وضعت لافته كبيره في مدخل القبيله كُتب عليها ( الإنقلاب يترنح ..مرسي راجع ..هل صليت على سيدنا محمد اليوم ؟ ) و أن 3 عفاريت من أبناء القبيله قررو تدشين حملة ( جن أزرق مع الشرعيه ) , و علمت الجزيره من مصادر قريبة الصله من المصدر المسئول أن حملة جن أزرق مع الشرعيه سوف تختار مقرها في مدينة الدوحه حيث يقيم شرفاء العالم أمثال علاء صادق و محمد محسوب علينا راجل و المناضل الحقوقي عاصم عبد الماجد و الناشطه السياسيه ريري سيلان , و عن اختيار قطر تحديدا لاستضافة الحمله قال المصدر قريب الصله من المصدر المسئول أن قطر هي معقل الحريات و الديموقراطيات و الحضارات و مهبط الأديان السماويه و طائرات الأباتشي الأمريكيه .
Mohamed Hussein
28 June
و سمعت فتوى كده من راجل شيخ جليل لابس أبيض ف ابيض , و باين عليه علامات التقوى و الصلاح و الورع , قال الشيخ الجليل : و يجوز للمسلم إنه يفطر في نهار رمضان لو كانت درجة الحراره 45 وانت طالع , أو كان التكييف مش أد كده و محتاج فريون , و يجوز كمان انه يفطر لو كان عنده مشوار الصبح و هيخلص اجراءات و أوراق أو عنده جرد للصيدليه , و يجوز إنه يفطر لو كان نفسه في شوية نسكافيه و سجاره ممممممممممممم و بس صحيت من النوم بقى , اللهم بلغنا شهر شوّال وانت راضي عنا يارب , هو باقي كام يوم عالعيد يا جدعان ؟ أنا عطشان أوي
Mohamed Hussein
27 June
مش صعبان عليا في الليله دي غير الراجل اللي بيمشي ورا السيسي في زياراته الخارجيه ( كبير الياوران تقريبا ) , الراجل يا عيني طلع كعب داير من القاهره للجزائر لغينيا للسودان في 3 أيام , و زمان نفسه اتقطع يا ولداه .
.
زيارات السيسي كلها أفريقيه و محسوبه ( الله يفتح عليك يا شيخ ) , الراجل على فكره مركّز على دول الممانعه أو الدول اللي موقفها مش أد كده من مصر حاليا , الجزائر فلوس قطر لاعبه فيها للصبح , و البشير مواقفه زي الهباب , يعني السيسي بيروح لخصمه السياسي في عقر داره .
.
الله يمسيه بالخير مرسي , كان كل دوره الخارجي إنه راح زار باكستان ( ماعرفش ايه علاقتنا بباكستان الحقيقه ) و هناك لبس السلطانيه و أشاد بدور باكستان في حرب اكتوبر ( أه كده عرفت ايه علاقتنا بباكستان ) .
و راح ايران و ترضّى عن صحابة رسول الله , و بس يا عم , أقامو الأفراح و الليالي الملاح كأننا حررنا القدس و فتحنا عكا !!.
Mohamed Hussein
27 June
ذكريات بقى ذكريات
.
و كل مامشي بالعربيه في شوارع السنبلاوين و المرج أسمع عربيتي بتقولي : حرام عليك يا شيخ , هو انت فاكرني شيفروليه الدبابه ؟ انت يا عم انت لاقيني في الشارع ؟ دانت جايبني من التوكيل , أنا بنت ناس يا ناس .
و انا أقول لها استحملي يا حبيبتي استحملي , هانت خلاص , و ادعي لي ربنا يرزقنا بشقه في الرحاب و اجيب أمي تعيش معانا و يبقى لا سنبلاوين ولا مرج .
.
تقولي : استحملي استحملي استحملي , دانا عضمي اتفشفش و شعري شاب , و انت لسه بتحلم بشقه في الرحاب ؟ انت عبيط يا محمد ولا كداب ؟
.
أنا كداب يا حبيبتي كداب ........ , هه هه عربيتي بقت بتقول شعر , من كُتْر ما تعبت و فاض منها العَجَل , اتعلِّمت الشعر والزجل !!
Mohamed Hussein
27 June
رمضان على الأبواب , كل سنه وأهل مصر كلهم كلهم بخير و سعاده , من أهم المميزات في رمضان إن الهري السياسي بيقل كتير عالفيس , الناس مش بيبقى فيها حمل للمناهده , بس في المقابل بيحل محله دعوات تاريخيه للكاندي كراش , اللي هي ( السيجه ) الأفرنجي , و على يوم 29 رمضان هتلاقي ناس ختمت القرأن مره و اتنين و ناس وصلت لليفل 600 في كاندي كراش , كل سنه وانتو طيبين يا كاندي كراشييين
Mohamed Hussein
27 June
ألف مبروك لمنتخب الجزائر الشقيق صعوده لدور ال 16 في بطولة كاس العالم , والحمد لله الحمد لله إن ماعندهمشي في المنتخب ده لاعب اسمه مجدي عبد الغني و إلا كان طالبهم برئاسة الجزائر مدى الحياه و يكتبوله نُص مدينة وهران بإسمه بيع و شرا !!.
Mohamed Hussein
26 June
بيقولو السيسي مكانشي أد كده في الخطبه بتاعة النهارده في المؤتمر الأفريقي , مايعجبكش يعني يا مولانا , تحرَّش بحروف اللغه العربيه و نصب و رفع براحته و مزاجه هو مش مزاج سيباويه و أبو الأسود الدؤلي , صح يا ريس عبد الفتاح انت كنت طول عمرك ظابط جيش مش أستاذ حمام نحن الزغاليل بتاع اللغه العربيه , بس ده مايمنعش إنك محتاج حد يكتب لك خطاباتك و تقراها أكتر من مره قبل المؤتمرات , مش عيب يعني , وحياة عيالك يا شيخ تسمع كلامي و بلاش تشمت فينا ولاد الذين , ده فيه ناس واقفين لك على رابطة الكرافته حتى , و هيقولك شوفت أهي رابطة الكرافته دي زي بتاعة مبارك بالظبط , عرفتو بقى إن الفلول راجعين ؟!
Mohamed Hussein
26 June
كل يوم بضطر أعمل بلوك لاتنين تلاته من الأصدقاء , مع إني صبوووووووووور جدا عالناس , بس على حد علمي الفيس بوك ده اتعمل عشان الناس تدخل ب فيسها ( يعني ب وشها ) كده و تقول صباح الخير الأول و لا حتى عواف عليهم , إنما فيه ناس بتدخل بقرونها , أيوه بقرونها , يا جدعان مفيش واحد ابن حلال كده يعمل موقع تواصل اجتماعي و يسميه قرون بوك ؟! و انا والله ابعتله ال 1000 واحد اللي في قايمة البلوك عندي , شروه واحده كده و ببلاش و انا الكسبان , شوية بضاعه لوز , النطيحه و المترديه و ما أكل السبع , و قالك الكولجيه هما اللي شالو مرسي و جابو السيسي يا كفتجي يا جاهل ( اللي هو أنا ) !!.
.
هههههههههههه على يدي , الكولجيه كانو ماليين الميادين و الإستفتاء و الإنتخابات و على كلمه واحده ( عايزه السيسي يا بابا , مش هقاطع يا بابا , دي بلدنا ولازم نشارك يا بابا , مش مسرحيه يا بابا , البرادعي جبان يا بابا ) , وبس كده يا ولاد , قامو شالو مرسي و جابو السيسي و يقدرو يشيلو السيسي و يجيبو ألدو ويشيلو ألدو ويجيبو شاهين , أومال ايه ؟ , دانا اعرف واحد كولجي شال ابو الهول بصباع إيده الصغير و لفّه في الهوا و رماه على الأرض و من يوميها وابو الهول مناخيره مكسوره ............. امنعو الضحك
Mohamed Hussein
26 June
من كام يوم روحت التوكيل أغيّر زيت للعربيه , والنهارده مكالمه من شركة فولكس واجن في ألمانيا بيسألوني عن جوده الخدمه و إذا كنت راضي عنها ولا لأ , و لو عندي اقتراحات أقدمها , المكالمه دي اتكررت كتير حتى في أول 3 سنين لما كانت الخدمه اللي بعملها في التوكيل مجانيه !!.
.
كارفور و هايبر باندا و الهايبرماركتات الكبيره هنا لما بتعمل جايزه بتعمل مثلا 7 عربيات BMW زيرو , وبيكونو حاطين واحده منهم قدام الهايبرماركت وعاملين حواليها زينه .
.
في مصر , أولاد رجب لما بيعمل خصم ربع جنيه على علبة مسحوق الغسيل بيزّل أنفاسنا بيها , وتيجي في الأخر تقوله طب هات كيس بلاستيك أحط فيه الحاجات ؟ يقولك كيس بلاستيك ليه ؟ داحنا عاملين لك ربع جنيه بحاله خصم , إنتو هتنهبو , مممممممممم طب يا عم مافيش حمام هنا لو سمحت ؟ أه حمام , بص انت حضرتك تاخد الشارع ده لأخره كده وبعدين تدخل يمين هتلاقي جامع هناك و فيه حمام !!.
.
بس و لو , و لو ....جايلك يا طاهره هههههههههههههههههههههه
3 يوليو
دليل الثائرين في نفخة البلالين
.
1- السيسي مش عبيط عشان يعين توني بلير مستشار له والجارديان ماشيه على حل شعرها من بدري , بس انت لسه فاهم إن الغرب ده عباره عن ملاك كبير و له جناحين اسمهم أمريكا و بريطانيا !!.
نفس اللي بتعمله فيك شبكة رصد , خبر كاذب أو صوره متفبركه و شير بعنف يا جدع و بعد يومين تشيل الخير و جايز تعتذر مش مهم محدش بيقرا الإعتذار , المهم ان حضرتك خدت الخبر على صدرك واتنفخت زي البالونه وتيجي عندي بقى تفضل تتبلّور و تتقعّر و تتحظرم و تكلمني عن #التخرصات ....!!.
.
2- البنت قالت الظابط خدني في المدرعه واغتصبني كداهو يا سعادة البيه , عمل فيا كذ و قالي كذا قلت له لأ لا يمكن أبدا, مممممممممممم هو احنا عندنا ظباط ممكن يعملو كده ؟ أه عندنا و فيهم أزبل من كده كمان , وعندنا دكاتره و نجارين بيعملو كده عادي , بس استني , هات ألف جنيه وانا اجيب لك بنت تألف لك قصه زي دي , أو هات 5 الاف وانا أخليها تعملها بالفعل ( ترمي جتتها ) و تطلع في التلفزيون و تتشهر , و لو مش معاك فلوس اصبر عليا شويه وانا هجيب لك بنت من بتوع جهاد النكاح , هتعمل كده مجانا لوجه الله والجماعه , وعشان مش توجع قلبي هقولك الشعار اللي بتحبه و انا مصدقه ( الشرطه بنت تييييييييت و محتاجه تطهير ) .
.
3- لو حضرتك شايف ان الليله في مصر هي عباره عن عاركه بين الجيش والإخوان يبقى اسمح لي أبشرك إنك وصلت ل ليفل الأخير في السلبيه و الإفلاس , ألف مبروك يا غالي , و تبقى حطيت الشعب في المعادله على إنه صفر , بس ده اسمه اسقاط لأنك انت صفر و اللي بتأيده صفر عشان كده أسقطت صفرك على الشعب , الشعب اللي لما بينزل الشارع بيهز الكره الأرضيه , إنما الشهاده لله : الصفرُ يليقُ بكْ ( من مؤلفات أحلام بتستعماني يا هرم ).
.
4- يا ريس عبد الفتاح انت قلت ماعنديش فواتير أدفعها لحد , مطلوب إقالة وزير الداخليه محمد إيراهيم , خلي بالك انت اللي بتشيل الليله لوحدك في النهايه , محمد إبراهيم يمشي مش عشان نرضي الإخوان و لا الصفرجيه ( بتوع الصفر يليق بهم ) , إنما عشان محمد إبراهيم فااااااااااااااااااااااشل باختصار , وبيحضر صوانات عزا أكتر ما بيستحمى .
Mohamed Hussein
3 يوليو
يعني الأقباط يستغلو شهر رمضان و يعملو حملة ( الله محبه ) يوزّعو فيها شنطة رمضان على الفقراء من المسلمين و الإخوان يستغلو شهر رمضان في التفجيرات و القتل و في الأخر تسألني انت بتحب مين ؟!............ انت عبيط ياض ؟!!.
Mohamed Hussein
3 يوليو
تبقى الزياره وجبت يا عطيه
.
الإخوان ناويين لها رسمي , هيقلبوها خراب النهارده و كلامهم نفسه معلن و واضح , البشاير بدأت تبان , و ولاد ال *** بعد التفجيرات كالعاده هيقولو ده شغل أمن دوله !! .
.
كده تبقى الزياره وجبت يا عطيه , سيبك يا سيسي من ولاد ال *** , و افرم الإرهابيين , أهو شر واتكتب علينا ( شر لابد منه ) , مفيش بلد في الكون هتعيش تحت رحمة فصيل إرهابي , بناقص يا أخي ...........عالم ربنا إني بخاف حتى من منظر الفرخه و هي بتندبح و مش بتمنى الشر لأي مخلوق , بس البلد دي لازم تعيش حتى لو موتنا كلنا .
............... رحمتك بمصر يارب .
Mohamed Hussein
3 يوليو
الفجر أدن عندنا , مش بحب النص الساعه اللي بتبقى قبل الفجر دي , بشرب فيها كمية مايه كبييييييييره جدا وسجاير كأني بعمل ( خزين ) , و أول ما الفجر يأدن أدخل أنا بقى في مرحلة ( التلحمه ) و دي بتستمر بتاع نص ساعه , ببقى عامل فيها شبه الراجل اللي كان قاعد عالكرسي في مسرحية الواد سيد الشغال اللي عادل امام كان بيجيب له اكياس عدس و خيار و زيت و كده , يتهيألي لو دخل عليا حرامي في الوقت ده هبقى نفسي جدا ياخد اللي هو عايزه بس مش يكلمني ولا كلمه , حرامي ماشي و يسرقني أوكيه , لكن يبقى غتيت لأ مش هستحمل .
Mohamed Hussein
2 يوليو
الجارديان نشرت تقرير بتقول فيه إن توني بلير هيشتغل مستشار للسيسي , و مكتب توني بلير نفى الخبر !! ............ الخبر كان وابور جاز حلو يسخّن الناس اللي عايزه تنزل بكره .
يا حضرة يا حضرة , إمتى حضرتك هتفهم إن مفيش فرق بين الجارديان و الواشنطن بوست و بين ريري سيلان صديقة الطلبه ؟ , و إمتى هتفهم إن الجزيره بتلعب دور شخصيه معروفه جدا في عمارة يعقوبيان ؟!!.
.... say hello للصحافه الحره , say hello للإعلام المهني ولا مؤاخذه الشريف .
Mohamed Hussein
2 يوليو
أحيانا كده بتخيل إني اتولدت في البرازيل , برازيلي يعني وافتخر , اسمي بقى محمد رونالدو و لا شمعون ريكاردو , أي حاجه مش مهم , بس لما وعيت عالدنيا كان فيه بالصدفه نظام حاكم فاسد , قومنا عملنا ثوره عليه , و لجل حظنا الحلو إن بلدنا البرازيل مفهاش جماعه اسمها الإخوان ولا فيها بهاليل اسمهم السلفيين و اكيد اكيد ماعندناش بنت اسمها اسماء محفوظ ولا مصطفى أبو صداغ , إنما كرم ربنا علينا كان أكبر بكتير في حاجه تانيه خالص , إن دولتنا البرازيل مالهاش عدو في الشمال ولا صديق قليل الأصل عايز يخرب دولتنا مداين و يهرب لها سلاح وارهابيين , و في الغرب مش فيه قبايل كل واحد بيحكم حته , وفي الجنوب مش فيه واحد معتوه قسّم بلده وخربها عشان يطبق الشريعه ولا فيه قناة السويس ولا بترول في دول الخليج المجاوره .
مش كان زمانا زي الفل دلوأتي , و بنغني : يا ورد على فل و ياسمين , الله عليكي يا غابات السافانا ؟!
.
الشرق الأوسط منطقه موبؤه , مفيش مستعمر في التاريخ إلا ما جه لها وعمل ( بيبي ) عندنا , وكانت النتيجه في النهايه , تخلف و جهل , سنه وشيعه , اخوان وسلفيين , إسرائيل وايران , إنت كافر وانا هدبحك , لا بقى انت اللي كافر وانا هقتلك , لالالا مفيش حد كافر غير الواد اللي هناك ده و تعالو نحرقه بجاز .
.
أمريكا بقالها سنين طويله بتخطط لإفقار الشرق الأوسط و دفنه في مستنقع غباء , عشان اسرائيل تعيش في سلام و نفضل احنا سوق مستهلك لأمريكا و الكاتشب بتاعها ...بس الشهاده لله , إحنا وصلنا لمستوى من التخلف والتشرزم مكانتش تحلم بيه السي أي إيه نفسها , يعني احنا أبهرنا أمريكا , و لسه ياما هتشوف مننا انبهارات
!!.
.
ده مش دفاع عن حد ولا بسوق مبررات مقدما , بس رأيي الشخصي إن الرئيس اللي يقدر ينتشل مصر في الظروف اللي فيها الشرق الأوسط دي و يوصل بيها لحلم بنحلمه هو بلا شك رئيس يعرف يحكم العالم كله بصباع رجليه الصغير !!
Mohamed Hussein
2 يوليو
من وحي الثوره
.
في وقت من الأوقات كنت بشتغل في ( الفاعل ) , يعني على خلاطه مثلا , أشيل رمل و زلط و أسمنت , أو أشيل طوب أحمر و اطلّعه الدور السابع ( الألف كان ب 6 جنيه تقريبا ) , ترص رصة طوب معتبره كده فوق بعض خِلف خلاف ( 16 طوبه غالبا ) و تشيلهم على ضهرك و تطلع السلم , على بال ما تخلص ال الف طوبه تكون طلع لك عضلات في كل مكان في جسمك , تحكم عجيب في عضلات الجسم .
.
نصيحه لوجه الله , لما تحب تسأل عن الغلابه و الفواعليه و عُمّال اليوميه و عيشتهم ابقى اسألني أنا عشان عشت معاهم و وسطيهم , بلاش تسأل الشاب إياه اللي مربّي 12 كلب في بيتهم و بيصرف عليهم 10 ألاف جنيه في الشهر أكل وسلاسل و فسح و سمع عن الغلابه في مسلسل الوسيه فاتأثر أوي و الدمعه فرّت من عنيه , و قرر إنه ينزل ويهتف عشان حقوق الغلابه , الشاب ده مع أول فرصه للظهور في التلفزيون هينسى , و هيفكر في شقه كبيره في ماونتين فيو عشان يعرف يفسّح فيها الكلاب بتاعته اللي أكيد أكيد بتعاني من حاله نفسيه سيئه بسبب الحبسه و مش بيخرجو غير كل أسبوع مره , يا حرام , قلبي الضعيف لا يحتمل !!.
Mohamed Hussein
2 يوليو
طب جرّب كده و خد 10 من الشباب في مصر ( عينه عشوائيه ) و اقعد معاهم قاعده , اتكلمو في حال البلد والأمن والبنزين و التظاهر والقوانين و داعش و حماس والحدود , في النهايه هتطلع حضرتك ب 30 رأي مختلف في كل موضوع , أه كل واحد من الشباب له 3 أراء مختلفه في نفس الحاجه .
عشان كده أنا وصلت لقناعه تامه إن أحسن واحد يحكم مصر هو الشخص اللي (خغلخغسلغيخعل ) و عقله ( لهخلهلغلعلع ) و له ( هلهغلغلخغلغل ) إيد , و بيفهم أوي في ال ( هعلغخلغلغلعلع ) أكتر من فهمه ومعرفته لل ( هخلغخلغلخفعبف ) مممممممممم و برضه مش هيعجب في الأخر !!........ بيصعب عليا عبد الفتاح السيسي أحيانا و متعاطف معاه , الحريه للسيسي , السيسي على الأسفلت !!.
Mohamed Hussein
2 يوليو
لما شوفت صورة عبدالرحمن عز و مراته و هما في المطار راكبين ل قطر و رافعين إشارة رابعه و افتكرت كام واحد تاني كده كانو برضه عاملين نفسهم قادة الشباب و الفكر الثورجي المناضل , اللي بيدوّر على مروه الشاطره اللهلوبه و ياخد ربع مرتبها , واللي عايز ملفه وسيديهاته , و اللي التحرير كان مكان حلو بالنسباله لو حب يشقط مزه ثورجيه , و اللي بقت ثروته في البنوك كذا مليون دولار , لا اتغرّب ولا شال فاس و زرع شجره , و اللي رشق في مصلحه و سبوبه معتبره , و اللي بقى اشهر من محمد غنيم و مجدي يعقوب و ساعته في الجزيره بألفين دولار واللي واللي , ممممممممممممم الله يرحم عماد و مينا و سالي , النضيف اللي كان فيها مات وسابولنا شوية كلاب , هو احنا عملنا ثورة كأننا رجاله و لّا اتعمل علينا شوربه كأننا جوز فراخ ؟!!........ اللهم إني صائم
Mohamed Hussein
1 July
و لما يدخل عليك مريض و ياخد دواه و طلبه و خلاص هيمشي بس يلاقيك مشغول أوي في حاجه بتعملها فجأه هتلاقيه افتكر 10 ألاف سؤال جم على باله في نفس اللحظه , يعني ممكن مثلا يفتكر إن حماته من 3 سنين كانت بتدور على شراب للدوالي , أو إن دوا السكر بتاع أمه كان ناقص شويه بس أمه الله يرحمها ماتت من 9 سنين , و لو مافتكرش حاجات زي دي هيسألك عن رأيك في كاس العالم و أثر شامبو بانتين على الشعر المصبوغ كستنائي فاتح , أو يسألك عن عملة الدنمارك و عاصمة بوركينا فاسو و العلاقه بين بورصة وول ستريت و سعر حزمة الخس في السوبرماركت اللي جنبي !!.
.
إحنا العرب كتير مننا محتاجين يتعلّمو أصول المعامله من أول زرع و حصد .
Mohamed Hussein
1 July
قريت مره بحث بيقول إن المسجون اللي مرمي في السجن فتره طويله بيفضل يحلم باليوم اللي يخرج فيه من السجن و يشوف النور , بيحلم بالحريه و الأهل والصحاب , و لما ييجي اليوم ده بيحصل له حالة خوف و رهبه غريبه مالهاش تفسير , الحكايه دي ظاهره عامه تقريبا , و لها اسم علمي مش فاكره .
.
من شهور و سنين وانا بحلم بالرجوع لمصر , بالنور و الحريه والأهل والصحاب , و من شهر و نص قدمت استقالتي , النهارده ظهرت بوادر قبول الإستقاله و معاها جت لي لحظة الخوف والرهبه !!.
.
تقريبا الواحد بيرتبط أحيانا بالجماد من طول العشره , بالمكان والجدران , بالطريق حتى لو كان ثابت سنين مابيتغيرش , و جه على بالي أقول للصيدليه ( أهاجر واسيبك لمين ؟ ) .
.
أنا نازل مصر بإذن الله يا سيسي , مش عارف هشتغل ايه و هشتغل فين ؟ أظن كده الرساله وصلت , يعني لو رئيس تحرير الأهرام بصفه مؤقته ماعنديش مانع , أنا أصلي متواضع و برضى بقليلي , و على فكره بقى أنا مستعد أصحى من النوم كل يوم أغسل وشي واكتب مقاله متر ونص ( الله يرحمك يا عم جلال ) عن حكمة و عظمة و ألمعية سيادة الرئيس و عن جمال و رقة و حكمة فخامته , دانا كمان ممكن أكتب مقال عن ( طشة الملوخيه ) , يعني تقدر تقول إن جينات رئيس التحرير فينا بس ربنا هادينا !!.
Mohamed Hussein
1 July
كلاكيت عاشر مره , اسرائيل بتضرب قطاع غزه , و قالك أصل فيه 3 اسرائيلين اتخطفو و مارجعوش , و ديني لاحط السيخ المحمي في صرصور ودن حماس .
هههههههههههه عبيط أنا يا عصام ؟! عبيط أنا صح ؟ و داقق عصافير على دراعي الشمال , حتى شوف أهي .
.
بقى الحكايه و ما فيها , إن حماس بقالها 4 شهور مش لاقيه فلوس تدي مرتبات للموظفين في غزه ( الكلام ده معلن ) , حالهم اتوقف بعد ردم الأنفاق , أصلك مش واخد بالك , الأنفاق دي كانت بتعمل لهم مليارات في السنه , تهريب بترول و مواد غذائيه و سلاح و مخدرات وإرهابيين و متفجرات و سبح و سجاجيد صلاه , و لما اتقفلت الأنفاق اتقفلت الحنفيه .
.
طب نعمل ايه يا ناس ؟ أشق هدومي يعني ؟ أجيب فلوس منين للموظفين في القطاع ؟ أه وجدتها وجدتها , نخطف كام عيل اسرائيلي بمساعدة حكومة الصهاينه نفسها , اسرائيل ترد بشوية غارات ( تجرب سلاحها و تمرّن عساكرها عشان يبقو جاهزين باستمرار ) , إحنا بقى يحصل عندنا شوية خراب كده و الجزيره تصور , القاده العرب ( بتوع الخليج ) يقوم كل واحد فيهم مادد إيده في جيبه و مطلّع دفتر الشيكات , و عندك شيك بمليار دولار لحماس قصدي لقطاع غزه , حماس تشيد بموقف القاده العرب و يا دار ما دخلك حشيش ولا سجاجيد صلاه .
.
طب احنا مطلوب مننا ايه بقى في أم الليله دي ؟ مطلوب مننا نستنكر و نشجب ممممممممممم أه نسيت و ندعي على الصهاينه و نهتف لتحرير القدس و لا مؤاخذه .
.
عيل صغير عمل صوابعه كداهوه مسدس و قال لصاحبه طريخ طروخ , قام صاحبه صدق , عملّ له ميت و أهله قالو ده طخه طخ !
Mohamed Hussein
1 July
أجمل حاجه على الإطلاق في صديقك الناشط السياسي والفيسبوكي بتاع #عبث إنه في الوقت العادي يقولك مفيش ارهاب , ده شغل أمن دوله , الإخوان فصيل وطني , و لما يحصل تفجير يقولك ايوه فيه إرهاب أهو بس النظام مش قادر عليه ولازم يمشي !!.و لما الدنيا تهدى شوية هيقولك برضه مفيش ارهاب , و يفضل على كده حتى إشعار أخر أو تفجير أخر .
الناشط السياسي مش بتفرق معاه حكاية و طن ولا ديموقراطيه ولا حقوق لامؤاخذه إنسان , ده كله كلام في الهجايص , هو يهمه في المقام الأول إنه يثبت إن فكرته صح بس الغريبه جدا إن فكرته دي هي أصلا ( الحاجه و عكسها ) , بس هو مستني يثبت , مفيش إرهاب بس فيه إرهاب , القمح مش محتاج صوامع , القمح محتاج صوامع !!.
Mohamed Hussein
30 June
أنا مصدق إوي إن الرئيس فلان الفلاني ده عنده شعبيه جارفه , شعبيه ترعب , الشارع كله معاه و الغلابه و ملح الأرض , مؤسسات الدوله كمان , و الطريق قدامه مفتوح عالبحري و الصوت عالي أوي و بيقول له : إنجز , إخلص , دوس .
.
أغلب الناس مصدقين زيي كده , و يا خوفي يا خوفي لا يكون أكتر واحد مش مصدق كده في مصر هو عبد الفتاح السيسي نفسه , مصيبه يا سيسي لا تكون بتتفرج عالجزيره و صدقت إن شعبيتك فوتو شوب !!.
.
صح فيه كلاب كتير بره و جوه , و العين مفتوحه عليك أد كده , بس الشعبيه دي هي سندك و عكازك و كافيه جدا إنك تدوس , مايهمكش حد , عارف ؟ عارف ؟ u know ? , شويه كده نونو و مش هلاقي لك عذر و لا مبرر و جايز أتحول لمعارض أو حتى مؤيد صامت زي اللي في متحف الشمع !!
Mohamed Hussein
30 June ·
في ذكرى ثورة شعب
.
قنابل في محيط قصر الإتحاديه , استشهاد لظباط و عساكر و ناس غلابه , فصيل وطني بقى و بيمارس حقه في المواطنه , و قالو : قوتنا في سلميتنا , المصالحه هي الحل ( قال الفيلسوف ) , شرطه ضعيفه و متخلفه , خطاب عاطفي للسيسي , مفيش حسم مفيش حسم , كيري جلط الحنه اللي على رجله و جه مخصوص عشان يقول الحريه لعلاء عبد الفتاح و مصوري الجزيره , داعش على الأبواب , ألف مبروك , الإخوان على الأسفلت , المغرب أدن هشرب بؤ مايه بقى , لما نشوف مسلسلات السنادي , أهه , بنت بترقص و شاب قاعد بيشرب خمره و يتفرج عليها , اللهم لك صمت و على رزقك أفطرت , تحرش في الشارع , الحريه للمتحرشين , البنت هي السبب هي السبب هي السبب , مفيش حسم , خطاب عاطفي , داعش على الأبواب , فصيل وطني , نشطاء بيتغرغرو صبح وليل , #عبث #عبث #عبث , بنت بترقص وشاب بيشرب خمره , شرطه متخلفه , خطاب عاطفي , إرهاب و دم , مفيش حسم مفييييييييييييش حسم .
Mohamed Hussein
30 June
و اكتملت أركان دولة الخلافه الإسلاميه الداعشيه
.
أبو بكر البغدادي خليفة اللامؤاخذه المسلمين , عاصم عبد الماجد كبير البصاصين , وجدي غنيم مفتي الديار الداعشيه , علاء صادق كبيرة الجواري و محمد محسوب لقسم الغلمان ............. اللهم صل عالنبي , اللهم صل عالنبي , الإسلام قادم يا شلاليط يا أوباش , خيبر خيبر يا يهود جيش أوباما سوف يعود !!
Mohamed Hussein
30 June
داعش أعلنت قيام إمارة إسلاميه في شمال العراق و جنوب سوريا , لأ لأ مش هسمح لك تجيب سيرة داعش بكلمه وحشه , دول مهما كان فصيل وطني يا منى !! ...............كلنا داعش , الحريه لداعش , داعش على الأسفلت
Mohamed Hussein
29 June
رمضان في الحر
.
من 25 سنه ولا اكتر شويه كان رمضان بييجي في الصيف برضه , و بعدها فضل يرجع بضهره لورا و بقى ييجي في مايو و ابريل و و و لحد ما رشقنا في الصيف من تاني .
.
كان عمري 11 سنه تقريبا و كنا عايزين نضم أرض الفول و انا صايم , الجو حر أوي , و أرض الفول بتاعتنا كان فيها حشائش و ( ديل قط ) أكتر من شجر الفول نفسه , و ديل القط ده رخم أوي في ضمه و مقرف , أرخم من البلتاجي و أحمد موسى , و انا من انفعالي قمت ضربت ( المنجل ) جامد في ديل القط و انا بقطعه قام المنجل راشق في كعب رجلي , ماسورة دم اتفتحت بعدها , أبويا الله يرحمه جابلي قماشه بسرعه ( كانت فالنه قديمه مرميه عالطريق ) و ربطتها عشان الدم يقف و كملت ضم , رجعنا البيت الساعه كانت 2 الضهر , ريقي ناشف أوي وحاسس اني هيغمى عليا , اترميت في المندره عالأرض من التعب و نمت لحد المغرب , ماغسلتش وشي حتى .
.
دلوأتي إيدي نعمت , قاعد في التكييف و اللاب توب قدامي و ريموت التليفزيون , و بقول إيه الحر ده ؟ , مش ممكن , مش معقول , شئ لا يصدقه عقل , ههههههههههه , زمان كنا رجاله و بنقف وقفة رجاله .
Mohamed Hussein
29 June ·
تخاريف صايمين .
.
مفيش عالم ابن حلال كده يخترع لنا سيجاره الواحد ياخد منها نفس قبل أدان الفجر مباشرة و يفضل النفس ده موجود في صدره لمدة 16 ساعه ؟ نفس طويل المفعول يعني زي البنسلين كده .
مفيش حاجه كتيره على ربنا , ماهما زمان كانو بيقولو إن الضظوي بيشوط الفاول في استاد القاهره والكوره تدخل جون في ستاد ريودي جانيرو ..... و مرسي راجع هو و الزمالك .
.
لو حد من حضراتكو قفش علاء صادق في القاهره و مسكه من ياقة القميص و طحنه العلقه التمام ياريت يا ريت مايرميهوش في الشارع عشان مايدفعش غرامه 500 جنيه , انتو مش عارفين إن الحكومه عملت غرامه 500 جنيه على اللي يرمي الزباله في الشارع ؟!
.
كان نفسي اطلع صياد سمك , عندي مركب صغيره و شوية شبك و اتعلم العوم و اصطاد في بحر واسع مافهوش شبكة نت ولا موبايل , بس انا واثق اني برضه كنت هقابل السمكه الغلسه الغتيته اللي لا عايزه تدخل الشبكه ولا عايزه تعوم في البحر و كل ما أكلمها هتقولي #عبث
Mohamed Hussein
29 June
العيال بناتي و حشوني , وحشتوني يا ولاد الكلب , لمار كل ما تكلمني تقولي انت كل ده بتشتغل بتشتغل بتشتغل أومال هتيجي إمتى ؟ ..يا ترى يا لوجي يا بنتي وصلتي ل ليفل كام في كاندي كراش ؟!
Mohamed Hussein
28 June
يعني الماتش كله فيه كورتين اتنين ..كوره نجيبها جون في نفسنا و كوره بلانتي لنا و نضيعها و في الأخر نفكر نكسب أي بطوله ؟ ... الزمالك ده المفروض أول ما نشأ النادي يعني كانو يسمّوه شحته أو خيشه عشان الحسد و النحس
Mohamed Hussein
28 June
في نص الطريق
.
اللي فات كان رأيي في موضوع جهاز فيروس سي , مش متفائل , بقيت مش متفائل , و لقيت نفسي واقع في النص بين فريقين , فريق عشمان أوي وبيقول لسه فيه أمل و ده فريق بحبه رغم اني مش متفائل .
.
و فريق تاني عامل حفله عالجيش مش عبد العاطي , لدرجة انه بقى يردد شعارات ( عسكر كاذبون ) , الكلمه كبيره أوي يا صاحبي , اسمه جيش مصر مش عسكر , و حكاية الجهاز كانت سوء تقدير , ناس بتوع سلاح و حروب و تفائلو بحاجه هي في علم الغيب , و انا في الحكايه دي تحديدا لا أؤمن بنظرية المؤامره اللي بتقول إن الجهاز من الاول كان خدعه لكسب تعاطف سياسي ولا أؤمن بنظرية المؤامره العكسيه اللي بتقول إن الجهاز حقيقي و إن تأخير الإعلان عنه عشان هو جهاز حساس جدا و يمس الأمن القومي , لا جهاز علاجي بيمس الأمن القومي ولا السيسي كان يلزمه جهاز علاجي عشان يفوز بانتخابات .
.
الفريق التاني في رأيي الشخصي مريض مش أكتر , محتاج علاج نفسي , و أقسم بالله انه بقاله شهور بيحلم إن الجهاز يطلع مش حقيقي , يعني لا يهمه بحث علمي ولا وجع الناس , الفريق التاني لو عرف ان مصر عملت جسر علوي عالبحر الأحمر مثلا يربط مصر بالسعوديه هيدعي ربنا كل يوم إن يحصل زلزال والجسر يقع عشان يدخل على صفحته ويكتب #عبث .... الجيش عمل جسر و وقع
Mohamed Hussein
28 June
اعتذار واجب
.
الجيش أعلن تأجيل العلاج بفيروس سي لمدة 6 شهور كمان !! , و قالو عشان الأبحاث تبقى سليمه و كل حاجه متستفه , أصلنا يهمنا في المقام الأول عامل الأمان في الإختراع الجديد و الأمن الدوائي و أمن و سلامة المواطن !!.
.
كده بح , بحكم شغلي و معرفتي بالأمور دي أقدر أقول بح , و وجب عليا الإعتذار , أسف جدا يا بشر , كنت واحد من المتفائلين باحتمالية نجاح الفكره , و قلت نستنى و نشوف , طريقة العرض مكانتش عاجباني بس قلت جايز , أصل أغلب المرضى بفيروس سي غلابه اوي و بيتعلقو بقشايه , قلت المبدأ في فكرة الإختراع معقول و ربنا يخيب ظن الناس بس مخابش !!.
.
مطلوب من المتحدث العسكري فورا تقديم اعتذار للشعب و التبرأ من فكرة الإختراع و تحويل عبد العاطي لتحقيق أدبي على الأقل , مطلوب من الجيش المصري العظيم إنه مايشيلش فوق طاقته مره تانيه , إختراع زي ده لا هيكبّره لو نجح ولا هيصغّره لو فشل , بش العيار اللي مايصبش يدوش.... مطلوب من الجيش المصري التوقف فورا عن منح ما يُسمى باسم ( الرتب الفخريه ) , عشان في النهايه كل حاجه بتتحسب عليه , و فخريه نفسها مابقتش مستحمله .
.
ياريس عبد الفتاح مطلوب اعتذار , و الإعتذار شيمة الكبار , أمي عندها فيروس سي ربنا يعافيها , و انت غالي صحيح بس بالتأكيد مش أغلى من أمي
Mohamed Hussein
28 June
خبر هتسمعه عالجزيره سنه 2020
.
هذا وقد صرح مصدر مسئول رفض الكشف عن هويته أن قبيلة الجن الأزرق قد وضعت لافته كبيره في مدخل القبيله كُتب عليها ( الإنقلاب يترنح ..مرسي راجع ..هل صليت على سيدنا محمد اليوم ؟ ) و أن 3 عفاريت من أبناء القبيله قررو تدشين حملة ( جن أزرق مع الشرعيه ) , و علمت الجزيره من مصادر قريبة الصله من المصدر المسئول أن حملة جن أزرق مع الشرعيه سوف تختار مقرها في مدينة الدوحه حيث يقيم شرفاء العالم أمثال علاء صادق و محمد محسوب علينا راجل و المناضل الحقوقي عاصم عبد الماجد و الناشطه السياسيه ريري سيلان , و عن اختيار قطر تحديدا لاستضافة الحمله قال المصدر قريب الصله من المصدر المسئول أن قطر هي معقل الحريات و الديموقراطيات و الحضارات و مهبط الأديان السماويه و طائرات الأباتشي الأمريكيه .
Mohamed Hussein
28 June
و سمعت فتوى كده من راجل شيخ جليل لابس أبيض ف ابيض , و باين عليه علامات التقوى و الصلاح و الورع , قال الشيخ الجليل : و يجوز للمسلم إنه يفطر في نهار رمضان لو كانت درجة الحراره 45 وانت طالع , أو كان التكييف مش أد كده و محتاج فريون , و يجوز كمان انه يفطر لو كان عنده مشوار الصبح و هيخلص اجراءات و أوراق أو عنده جرد للصيدليه , و يجوز إنه يفطر لو كان نفسه في شوية نسكافيه و سجاره ممممممممممممم و بس صحيت من النوم بقى , اللهم بلغنا شهر شوّال وانت راضي عنا يارب , هو باقي كام يوم عالعيد يا جدعان ؟ أنا عطشان أوي
Mohamed Hussein
27 June
مش صعبان عليا في الليله دي غير الراجل اللي بيمشي ورا السيسي في زياراته الخارجيه ( كبير الياوران تقريبا ) , الراجل يا عيني طلع كعب داير من القاهره للجزائر لغينيا للسودان في 3 أيام , و زمان نفسه اتقطع يا ولداه .
.
زيارات السيسي كلها أفريقيه و محسوبه ( الله يفتح عليك يا شيخ ) , الراجل على فكره مركّز على دول الممانعه أو الدول اللي موقفها مش أد كده من مصر حاليا , الجزائر فلوس قطر لاعبه فيها للصبح , و البشير مواقفه زي الهباب , يعني السيسي بيروح لخصمه السياسي في عقر داره .
.
الله يمسيه بالخير مرسي , كان كل دوره الخارجي إنه راح زار باكستان ( ماعرفش ايه علاقتنا بباكستان الحقيقه ) و هناك لبس السلطانيه و أشاد بدور باكستان في حرب اكتوبر ( أه كده عرفت ايه علاقتنا بباكستان ) .
و راح ايران و ترضّى عن صحابة رسول الله , و بس يا عم , أقامو الأفراح و الليالي الملاح كأننا حررنا القدس و فتحنا عكا !!.
Mohamed Hussein
27 June
ذكريات بقى ذكريات
.
و كل مامشي بالعربيه في شوارع السنبلاوين و المرج أسمع عربيتي بتقولي : حرام عليك يا شيخ , هو انت فاكرني شيفروليه الدبابه ؟ انت يا عم انت لاقيني في الشارع ؟ دانت جايبني من التوكيل , أنا بنت ناس يا ناس .
و انا أقول لها استحملي يا حبيبتي استحملي , هانت خلاص , و ادعي لي ربنا يرزقنا بشقه في الرحاب و اجيب أمي تعيش معانا و يبقى لا سنبلاوين ولا مرج .
.
تقولي : استحملي استحملي استحملي , دانا عضمي اتفشفش و شعري شاب , و انت لسه بتحلم بشقه في الرحاب ؟ انت عبيط يا محمد ولا كداب ؟
.
أنا كداب يا حبيبتي كداب ........ , هه هه عربيتي بقت بتقول شعر , من كُتْر ما تعبت و فاض منها العَجَل , اتعلِّمت الشعر والزجل !!
Mohamed Hussein
27 June
رمضان على الأبواب , كل سنه وأهل مصر كلهم كلهم بخير و سعاده , من أهم المميزات في رمضان إن الهري السياسي بيقل كتير عالفيس , الناس مش بيبقى فيها حمل للمناهده , بس في المقابل بيحل محله دعوات تاريخيه للكاندي كراش , اللي هي ( السيجه ) الأفرنجي , و على يوم 29 رمضان هتلاقي ناس ختمت القرأن مره و اتنين و ناس وصلت لليفل 600 في كاندي كراش , كل سنه وانتو طيبين يا كاندي كراشييين
Mohamed Hussein
27 June
ألف مبروك لمنتخب الجزائر الشقيق صعوده لدور ال 16 في بطولة كاس العالم , والحمد لله الحمد لله إن ماعندهمشي في المنتخب ده لاعب اسمه مجدي عبد الغني و إلا كان طالبهم برئاسة الجزائر مدى الحياه و يكتبوله نُص مدينة وهران بإسمه بيع و شرا !!.
Mohamed Hussein
26 June
بيقولو السيسي مكانشي أد كده في الخطبه بتاعة النهارده في المؤتمر الأفريقي , مايعجبكش يعني يا مولانا , تحرَّش بحروف اللغه العربيه و نصب و رفع براحته و مزاجه هو مش مزاج سيباويه و أبو الأسود الدؤلي , صح يا ريس عبد الفتاح انت كنت طول عمرك ظابط جيش مش أستاذ حمام نحن الزغاليل بتاع اللغه العربيه , بس ده مايمنعش إنك محتاج حد يكتب لك خطاباتك و تقراها أكتر من مره قبل المؤتمرات , مش عيب يعني , وحياة عيالك يا شيخ تسمع كلامي و بلاش تشمت فينا ولاد الذين , ده فيه ناس واقفين لك على رابطة الكرافته حتى , و هيقولك شوفت أهي رابطة الكرافته دي زي بتاعة مبارك بالظبط , عرفتو بقى إن الفلول راجعين ؟!
Mohamed Hussein
26 June
كل يوم بضطر أعمل بلوك لاتنين تلاته من الأصدقاء , مع إني صبوووووووووور جدا عالناس , بس على حد علمي الفيس بوك ده اتعمل عشان الناس تدخل ب فيسها ( يعني ب وشها ) كده و تقول صباح الخير الأول و لا حتى عواف عليهم , إنما فيه ناس بتدخل بقرونها , أيوه بقرونها , يا جدعان مفيش واحد ابن حلال كده يعمل موقع تواصل اجتماعي و يسميه قرون بوك ؟! و انا والله ابعتله ال 1000 واحد اللي في قايمة البلوك عندي , شروه واحده كده و ببلاش و انا الكسبان , شوية بضاعه لوز , النطيحه و المترديه و ما أكل السبع , و قالك الكولجيه هما اللي شالو مرسي و جابو السيسي يا كفتجي يا جاهل ( اللي هو أنا ) !!.
.
هههههههههههه على يدي , الكولجيه كانو ماليين الميادين و الإستفتاء و الإنتخابات و على كلمه واحده ( عايزه السيسي يا بابا , مش هقاطع يا بابا , دي بلدنا ولازم نشارك يا بابا , مش مسرحيه يا بابا , البرادعي جبان يا بابا ) , وبس كده يا ولاد , قامو شالو مرسي و جابو السيسي و يقدرو يشيلو السيسي و يجيبو ألدو ويشيلو ألدو ويجيبو شاهين , أومال ايه ؟ , دانا اعرف واحد كولجي شال ابو الهول بصباع إيده الصغير و لفّه في الهوا و رماه على الأرض و من يوميها وابو الهول مناخيره مكسوره ............. امنعو الضحك
Mohamed Hussein
26 June
من كام يوم روحت التوكيل أغيّر زيت للعربيه , والنهارده مكالمه من شركة فولكس واجن في ألمانيا بيسألوني عن جوده الخدمه و إذا كنت راضي عنها ولا لأ , و لو عندي اقتراحات أقدمها , المكالمه دي اتكررت كتير حتى في أول 3 سنين لما كانت الخدمه اللي بعملها في التوكيل مجانيه !!.
.
كارفور و هايبر باندا و الهايبرماركتات الكبيره هنا لما بتعمل جايزه بتعمل مثلا 7 عربيات BMW زيرو , وبيكونو حاطين واحده منهم قدام الهايبرماركت وعاملين حواليها زينه .
.
في مصر , أولاد رجب لما بيعمل خصم ربع جنيه على علبة مسحوق الغسيل بيزّل أنفاسنا بيها , وتيجي في الأخر تقوله طب هات كيس بلاستيك أحط فيه الحاجات ؟ يقولك كيس بلاستيك ليه ؟ داحنا عاملين لك ربع جنيه بحاله خصم , إنتو هتنهبو , مممممممممم طب يا عم مافيش حمام هنا لو سمحت ؟ أه حمام , بص انت حضرتك تاخد الشارع ده لأخره كده وبعدين تدخل يمين هتلاقي جامع هناك و فيه حمام !!.
.
بس و لو , و لو ....جايلك يا طاهره هههههههههههههههههههههه
ليست هناك تعليقات:
إرسال تعليق