Mohamed Hussein
17 July
سؤال لأولي الألباب
.
مصر فيها كام إخوانجي من النوع الرسمي فهمي نظمي ؟ نقول 500 ألف حسب كلامهم هما , طب عمر الجماعه دي كام سنه ؟ بيقولو 85 سنه , طب كده نقدر نقول فيه كام جيل اخوانجي ؟ نقول اتنين عالأقل , يعني العدد الأجمالي ممكن يكون 750 ألف على مدار تاريخهم .
.
حلو أوي , طب كام إخوانجي وقف في مظاهرات لتحرير القدس و غنّى أغاني لتحرير القدس ؟ ممممممممم كلهم أكيد , طب كام إخوانجي لبس الكوفيه الفلسطينيه الشهيره و تضامن و تعاطف مع القضيه الفلسطينيه أه واتشحتف وبات ضارب بوز يا ولداه ؟ ممممممممم نقول كلهم , طب كام اخوانجي دعى عالصهاينه في الجوامع والشوارع وقال أحفاد القرده والخنازير و دموعه نزلت ورا الشيخ ؟ أكيد كلهم .
طيب سؤال أخير هو مش مهم طبعا بعد كل الإنجازات اللي فاتت دي , كام إخوانجي في تاريخ الجماعه راح اسرائيل وحارب الصهاينه ؟ ممممممممممم الإجابه صفر zero .
.
طيب كويس أوي , كام عسكري مصري أثناء الخدمه وقف في مظاهره تهتف بتحرير القدس ؟ الإجابه صفر عشان ممنوع , طب كام عسكري مصري أثناء الخدمه هتف ضد الصهاينه أحفاد القرده والخنازير أو قال أمين ؟ الإجابه صفر عشان ممنوع , طب كام عسكري مصري لبس الكوفيه الفلسطينيه واتشتحف على غزه ؟ الإجابه صفر عشان ممنوع , طب كام عسكري مصري جت له الأوامر بحرب الصهاينه و دخل وحارب من غير مايفكر هو راجع ولا لأ ؟ الإجابه مممممممممممم كلهم !!.
.
أهي مقارنه بسيطه بين ناس بتغني و تدعي و تتشحتف و ناس بتشيل روحها على كفها و تحارب .
Mohamed Hussein
17 July
امبارح وصلت ل 5 الاف صديق , كده الصندوق اتقفل على طلبات الصداقه , طب انا اكيد عندي ألف ولا ألفين أكاونت من نظام الأكاونتات اللي أصحابها فتحوها و نسيو الباسورد أو فتحوها وسابوها وسافرو الأردن , أو فتحوها وفاكرين أكاونت الفيس زي البوسته كده ممكن يفتح فيه حساب ب 5 جنيه أو بوست وصوره ويسيبه وينساه و اهي حاجه متشاله للعيال لما تكبر .
طب أنا أعرف الأكاونتات دي ازاي ؟ هل فيه طريقه لكده أعرف بيها الأكاونتات اللي مش نشطه خالص ؟ ولا لازم اجيب مُنكاش وافضل أنكش عليهم في ال 5 الاف اسم ؟!
Mohamed Hussein
17 July
صوره و بوست خلوني أفطس من الضحك , أه ياني يامه , الله يخرب بيت البانجو على بيت أول واحد لفّ سجارة بانجو في التاريخ .
.
قال الصوره عباره عن كاريكاتير لست فلسطينيه ( عرفتها من أم الكوفيه ) وشايله طفل على ايديها , و فوق في السما صورة القمر و جواه مين بقى ؟ لا مش هتصدق , لأ مش أحمد عز ولا عبد الناصر ولا السيسي ولا صورتي طبعا , جواها مرسي , أيوه على رأي الشاويش عطيه , هو مرسي بوش أمه العكر ... وتحت الصوره مكتوب كده : في الليلةِ الظلماء يٌفتقد البدر !!
.
نياهاهاهاها , وانا افتكرت مشهد لمحمد هنيدي و حنان ترك في فيلم جاءنا البيان التالي , لما كانو رايحين لمرات العالم اللي اتقتل , و هنيدي عامل نفسه اهبل , و حنان ترك تقول ده أخويا واهبل يا بيه والله اهبل , و هنيدي يقول : أهبل أيوه أهبل .
.
أهو مرسي لو شاف البوست و الصوره دي هيقوم مصفّر بالصفاره اللي معاه و يقول زي ما هنيدي قال بالظبط : ظلماء ايه و بدر ايه ؟ دانا اهبل يا جدعان والله اهبل .
Mohamed Hussein
16 July
عملنا ليه ثورة في 30 يونيو ؟
.
عشان كده , عشان مصر في ظرف سنه واحده كانت معدتها اتقلبت و قالت مش طايقه , مصر بشوارعها و حواريها , اتقلبت من شكل مرسي و البلتاجي و ام ايمن و عقولهم , عشان جيناتها اللي اتشكلت في كذا ألف سنه رفضت و قاومت اللعب فيها .
.
عشان مصر فيها الفقير المعدم اللي مش لاقي ياكل بس لو قلت له : إيه رأيك تعتدي على جارك المسيحي و تبقى غني ؟ هيقولك لأ عايز اعيش فقير , طب نبيع شبر من أرض مصر ( اللي مش مدياك حقك ) و تبقى غني ؟ هيقول لأ عايز أعيش فقير , طب نبيع قناة السويس اللي جدودك حفروها بضوافرهم بس مش واخد حقك منها , نبيعها للغريب ؟ هيقول لأ , عايز أعيش فقير .
.
هي دي الجينات المصريه العجيبه اللي الإخوان قعدو 80 سنه يذاكرو فيها و ياخدو دروس , أغلبها دروس موجعه , و مع ذلك لما دخلو الإمتحان جابو صفر !!.
أصل الغباوه لها ناسها و بتبقى كيف عند البعض , و عشان كده الشعب المصري كتب عليهم يعيشو بالشكل ده , مشردين , لا وطن بيلمهم ولا أرض قابلاهم .
Mohamed Hussein
16 July
من ضمن شروط حركة ولا مؤاخذه حماس للمصالحه هي وضع معبر رفح تحت الرقابه الدوليه !! ههههههههههه يعني اللي رايح واللي جاي يشتري و يبيع فينا , أنا رأيي اننا نوافق و نوافق كمان ان مصر كلها تتحط تحت الرقابه الدوليه عشان حماس و الكولجيه و الأسياد يرضو عننا .
يابني حاول تفهم , حماس المفروض انها في صراع و لا مؤاخذه مع الصهاينه , بس لما بتحب تفرض شروط بتفرضها على مصر , هه , عرفت غزه انفصلت عن الضفه بمباركة الصهاينه ليه ولا لسه ؟ لأ لسه , لسه قدامك مليون سنه ضوئيه على بال ما تبقى جحش صغير .
Mohamed Hussein
16 July
الجماعات الإسلاميه في العراق دبحت 29 ست عراقيه عشان شغالين في شقة دعاره , دبح يا مولانا , بركة دم و الجثث عايمه فيها , منظر يخلي البوذي و اللي بيعبد الجحش و طفاية السجاير حتى يفكر ألف مره قبل ما يقرا عن الإسلام , اللهم لك الحمد و المنّه , داحنا كنا هنعيش في زريبه اسمها الإخوان والسلفيين .
.
قانون الغابه , أبو رجل مسلوخه و أبو سنجه لدبح الناس مكتوب عليها ( هل صليت على النبي اليوم ) , و أبو دقن حديد
Mohamed Hussein
16 July
متى يفهم المتنطعون والحمقى و دراويش #عبث و بهايل #مرسي #راجع إن غزه قُدِّرَ لها من اليوم الأول لانفصالها عن الضفه إنها تكون مجرد ملعب كوره مزروع نجيله للصراعات الدوليه مش أكتر , حتة الأرض الصغيره دي هي مجرد ساحة ملعب , والكوره هي دم الغزاويين الغلابه , حماس والصهاينه بيلعبو لصالح امريكا , و كل واحد عينه عالجايزه .
.
أهي كلمه مني و الأيام بينا , قطاع غزه اللي هو الفرخه اللي بتبيض دهب لحماس و الصهاينه عمره ما هيرجع تاني للإنضمام مع الضفه , دي مين العبيط اللي يفرّط في فرصه زي كده ؟ , و السيسي مش عيل صغير و فاهم كويس أوي
.
بس عايزك انت تتخيل , شوكه تفضل موجوده في حلق مصر طول العمر , و فيلم هندي اسمه : افتحو الحدود , فين مصر وجيشها , هنحارب , وناس بتاكل عيش و بتُرزق من وسع , كل ما هنمشي إحنا خطوتين تلاته لقدام هيبدأو هما ماتش كوره , حماس في النهايه تلم الشيكات و الصهاينه يجربو سلاحهم و يخلو عساكرهم في فورمة القتال دايما , واحنا نتعك بقى في فلان قال و علانه عادت ومين ضرب مين
و أين أصحاب القلوب الرحيمه ؟!..
Mohamed Hussein
15 July
حماس رفضت المبادره المصريه لوقف إطلاق النار !!...... , ماهي السبوبه لازم تكمل , الرقاصه حالفه لا تكمل الليله عالمسرح عشان تحلّل الفلوس و النقطه نازله عليها زي المطر , ............ الرقاصه مش عايزه تنزل !! .
Mohamed Hussein
15 July
سجن النسا
.
أخيرا لقيت حاجه تتشاف في رمضان , مسلسل رائع , تأليف و سيناريو و إخراج , إبداع فتحيه العسال و كامله أبو ذكري .
سجن النسا مش بيتكلم عن سجن القناطر والستات اللي فيه و حكاياتهم , سجن النسا من وجهة نظر فتحيه العسال هو مجتمعنا العربي اللي حاطط الست و البنت في سجن كبييييييييير خصوصا لو كانت فقيره , بيفرم ويدوس مابيرحمش , مشهد الست اللي راحت للشيخ و اتعاملت بمنتهى الهمجيه و رجعت سممت نفسها و جوزها و عيالها ده مشهد عبقري رغم انها مريضه بوسواس قهري .
.
............... شابووووووو ياست فتحيه .
Mohamed Hussein
14 July
إضحك مع حماده
.
و على فكره , لو واحد حمساوي كسر عليك باب شقتك و اغتصب مراتك قدام عنيك و قتل ابنك و حرق بيتك إوعى تزعل منه أو تقول عليه أي كلمه تجرح مشاعره و إلا تبقى صهيوني حقير , مراتك وابنك و أرضك و عرضك لازم تقدمهم قرابين لحماس و القضيه الفلسطينيه و إلا ماتبقاش عربي ولا مسلم و تبقى صهيوني أو عالأقل بتعمل فتنه , أه بتعمل فتنه باللحمه الضاني .
............. من الأقول المأثوره لحماده المثقف .
Mohamed Hussein
14 July
خلاص خلاص , إحنا عشان مش نبقى صهاينه و بندعم الصهاينه و نعمل فتنه و نبقى غوغائيين و ماعندناش سوشيال بوليتيكال إنتيليجنس لازم يعني و حتما و لابد ندعم حماس و نحبها من قلبنا , حبو حماس يا ولاد , حبو خالد مشعل واسماعيل هنيه , مش حقيقي انهم دعموا الإرهاب في مصر , مش حقيقي انهم قتلو مصريين على أرضنا مش حقيقي انهم سبب رئيسي في إرهاب سينا , مش حقيقي إنهم أهانو جيش مصر و لسه بيهينوه , حبوها من قلبكو عشان مش يتقال عليكو صهاينه , أهه , أنا من بكره هعلق صورة خالد مشعل جنب السرير , و مش هنام غير وصورة هنيه في حضني , أنا أصلي يهمني جدا رضى الكولجيه عني , الكولجيه اللي لما بنتقد الفيلم بتاع حماس و قلة أدبها على مصر بيقولو انت كده بتدعم الصهاينه , الكولجيه العباقره النابهين , الكولجيه اللي كتب احلام مستغانمي و تشوميسكي اشتكت منهم , الكولجيه اللي باقي لهم يومين و صورتهم تنزل علبة الكولّه !!.
.
افتكرت حاجه كده كتبتها أيام مذبحة رفح ( إهداء خاص للكولجيه ) عن عسكري غلبان راح يحمي أرضي و عرضي
.
مات البطل
.
.
مات البطل
و التمره حمره صغيره
غرقانه دم
ساعة الأدان
ندعي يا ناس
قلبت بغم
اشجب يا مرسي
في خطبتك
شكِّل و لوِّن لهجتك
و افتح و ضُم
بس قولي
تعمل إيه
لو كنت أم ؟!.
Mohamed Hussein
14 July
مرسي من داخل القفص بيهتف " حي على الجهاد , و لبيك يا غزه !!.
.
الناس دول محتاجين 900 سنه عشان يتعالجو من المرض النفسي اللي هما فيه , القيادي الإخوانجي بيوصل لمرحلة إنه ممكن يدخل كباريه ويشرب 600 ازازة ويسكي و بيره و كونياك و كام سجاره حشيش ماتعدِّش , و يطلع على اقرب كنيسه و يحرقها و أقرب محل دهب و يسرقه و أقرب عسكري غلبان واقف في الخدمه و يقتله وفي الطريق يكون كذب 7 الاف مره , وقبل ما يوصل البيت يلاقي وقفه احتجاجيه لصالح غزه يقوم واقف فيها و رافع شعار لبيك يا غزه و هل صليت على سيدنا النبي اليوم ؟!!.
Mohamed Hussein
14 July
كنت صغير أوي و بلعب في الطين وفاكر إن حماس هتحرر القدس بالبمب و الحبش و الكوفيه و السبحه و الصواريخ البلاستيك , كنت فاكر الحكايه تحرير القدس ماكنتش أعرف إنها تحرير الشيكات !!.
دم كل غزّاوي بيموت بتساوي صفر زياده في الشيك , طب إيه الفرق بين حماس و قنوات البلاي بوي ؟ ايه الفرق بين التجاره في اللحم و التجاره في الدم ؟! و أخيرا اكتشفت ان شعار حماس الدئم بيقول : نحنُ بنات عائلات محترمه !!.
Mohamed Hussein
14 July
قذائف هاون و صواريخ على مدينة العريش , على مصر يعني , شهداء مصريين مدنيين و عساكر غلابه , ولاد الكلب مالقوش الفخ بتاع العدوان على غزه نافع معانا قالو يغيّرو اللعبه بتاعتهم , أه بيلعبو بالدم سيادتك , أومال الإرهابي هيلاعبك بإيه ؟ بقصيدة شعر ؟ هه ؟ لسه متعاطف أوي يا أستاذ ؟ وانتي يا هانم قلبك اللي زي الخسايه متعاطف مع حماس و الأرهابيين بتوع سينا صح ؟ طب الإخوان فصيل وطني مش كده ؟ و سينا مفهاش ارهابيين صح ؟ و ارهابيين حماس مالهمش علاقه بارهابيين سينا مش كده ؟ ولا الإخوان لهم علاقه بالإتنين أكيد ؟ برافو برافو , سبحان من خلقكو بجسم بني أدم و راس كلب .
.
فوضناك يا سيسي في محاربة الإرهاب و الحكايه مش لعبه , دم المصريين مش لعبه , و عشان دم مصري واحد يبقى من حقك تفرم ولاد الكلب , مستني إيه طيب ؟ نحب على راسك ؟ يا أخي يا أخي حتى لو مكانشي فيه حل غير ترحيل أهالي العريش والشيخ زويد المصريين المحترمين لمكان أمن و أدمي واحرق المنطقه دي بالإرهابيين اللي فيها , و بعد كده الأهالي يرجعو و يتبني لهم مساكن جديده , هما كلهم كام ألف مش كتير , ياريس لو مش عارف قول , قول عشان اشتري كراسه فاضيه واكتب فيها عدد اللي بيموتو كل كام يوم , و اكتب على جلدة الكراسه من بره بالخط العريض : في انتظار رئيس دكر .
Mohamed Hussein
14 July · Edited
أووووووووووو , ألمانيا بقى ألمانيا بقى ألمانيا بقى , يعني المرسيدس والبي إم وانت طالع , يعني الحته الفولكس الصغيره بتاعتي , يعني أفضل أجهزه طبيه في العالم , يعني سماعات ليتمان و ما أدراك ما ليتمان , يعني المواتير و المَكن الأصلي , يعني شلبيديش وانا بهبّك موهامّد ( فيلم النمر الأسود ) , يعني ميركل و أدب ميركل , مممممممممممممم يا عم أنا ماعرفش حاجه عن الأرجنتين غير مارادونا و ميسي هشجعها ليه ؟.
Mohamed Hussein
13 July
النهارده الحفله هتبقى على الأرجنتين و هتدخل العشّه مع السفّاح الألماني اللي بيخطف العيال الصغيرين , حقها ولا مش حقها يابو كمال ؟
الأرجنتين هتنزل خايفه من الفضيحه و من إنها تخرج من الملعب ملفوفه في ملايه زي ما حصل مع هنادي بنت الجيران , هتهاجم بشراسه و غشم و هتضرب ألف ضربه بالشاكوش , و الألمان هيفوزو بضربتين تلاته بالمرزبّه !!.
Mohamed Hussein
13 July
و لما تنتهي الليله بتاعة غزه دي هتكتشف حضرتك إن اللي انتصر فيها هي مصر , أيوه مصر , طب هو ينفع حرب فيها طرفين واللي ينتصر طرف تالت ؟
أيوه ينفع , لما يكون غرض اساسي في الحرب دي هو توريط الطرف التالت وشدها للشَرَك المنصوب
.
مصر لو وقفت ساكته تبقى خسرت ولو اتهورت تبقى دخلت في الخيه اللي منصوبه لها , الصح عمله السيسي , فتح المعابر للمصابين والجرحى و تقديم مساعدات رسميه من الجيش , و المطالبه بوقف العدوان ....... في الحرب دي بيبقى مطلوب من مصر إنها تمشي عالحبل من غير ما تقع , ادينا مشينا و عدّينا , ولا انت فاكر فجأه كده ان الجماعات الجهاديه خطفت 3 صهاينه و فجأه ماتو وفجأه قررت اسرائيل تشن عدوان على غزه ؟ و كل ده حصل فجأه بعد فوز السيسي بشهر و فجأه الجزيره تصرخ أين مصر و جيشها ؟ نياهاهاها و تعبت من المفاجأه ونزلت دمعتي.
.
عشان تصدق كلامي هقولك دليل بسيط , مفيش عدوان هيحصل على غزه الفتره الجايه , شهور و سنين , عشان الكروت اتكشفت والفيلم الحمضان كده يبقى اتحرق اتهرس ألف مره , هيدوّرو على فيلم هندي تاني .
مبروك لمصر ولا عزاء للإخوان والكولجيه بتوع رصد وروائع ميديا , وربنا يرحم أهالينا الغلابه في غزه اللي ماتو عشان صدّقو الدقن والسبحه بتوع حماس , سبحة المعلم زكي رستم في ( رصيف نمره 5 ) , رجل البر والخير والشريعه الإسلاميه , فين سبحتك يا معلم ؟!!.
Mohamed Hussein
13 July
ما تسألشي في يوم درويش
إذا واقف على بابها
و زي النخله كان راشق .
.
أنا المعجون
بطين الأرض و ترابها
بقيت درويش
أنا الزاهد و انا العاشق .
.
.
محمد حسين
#مصر.
Mohamed Hussein
13 July
مبادئ أهي بيفهمها أي عاقل
.
الجيش كان قاعد في حاله و كافي خيره شره , مش الجيش هو اللي عمل ثورة يناير ولا قال انا جيش ثورجي و شايل صوره جيفارا في الدولاب , إحنا اللي عملناها , ولا الجيش اللي جه يرمي جتته علينا و قال احميكو و اخلصكو من نظام مبارك , إحنا اللي قولناله تعالى الحقنا
.
مش الجيش هو اللي جاب الإخوان في البرلمان والرئاسه , بتوع اللمون هما اللي جابوهم , مش الجيش هو اللي نزل في 30 يونيو و ملى الشوارع و الميادين وقال يا شعب تعالى ورايا , إحنا اللي نزلنا و قولنا ياجيش الحقنا للمره التانيه , مش الجيش هو اللي قرر يلعب سياسه ولا كان حلم حياته كده , إحنا اللي اتحايلنا عليه و قولناله مش بنثق في حد غيرك .
.
جيش مصر حماها من حرب اهليه و خراب و تقسيم في ظروف مرّت عليه أصعب ألف مره من حرب اكتوبر بس وقف وسهر و تعب عشان نعدّي , مكانشي خاين زي غيره .
.
إنت بقى من حقك كمواطن تكون مؤيد للسيسي و لا البرادعي ولا حمدين ولا خالد على و لا حتى عم محفوظ بتاع الجراج أو تامر هجرس , إنما تجيب سيرة جيش مصر , اللي أصغر عسكري فيه على راسي من فوق , بكلمه يبقى دواك هو الجزمه , وانا صيدلي و عمري ما هتأخر عنك في الدوا , أخلاق مهنتنا و حبنا للبلد دي علموني كده .
Mohamed Hussein
12 July
البرازيل بعد ما نامت في العشّه مع ألمانيا و حصل اللي حصل , أكيد تاني يوم ضميرها أنّبها على اعتبار إن دي أول مره البرازيل تبات في عشة مع راجل , و أول مره تبات بره البيت , بس بعد يومين كمان حسّت إن العشه و حشتها , فراحت باتت مع هولندا , أهو أي راجل والسلام , خدت الموضوع هوايه بقى , ماهي الكيميا غدّاره .
كده البرازيل بدل ما هتبقى منتخب السامبا هتبقى منتخب ( زيزي صديقة الطلبه ) .
Mohamed Hussein
12 July
عبد الرحمن يوسف القرضاوي , إبن مفتي الناتو و كبير كهنة الإخوان :
النظام الذي اخترع تهمة التخابر مع حماس لن يغضبه لو ألقت إسرائيل فلسطين كلها في البحر !!.
.
و طبعا حضرتك كنحنوح كولجي أد الدنيا بيعجبك أوي البؤ الحمضان ده , أيوه صحيح , هو فيه تهمه اسمها التخابر مع حماس ؟!.
.
كان وصفي ليكو صح لما قلت ( المثقف الحمار ) , مثقف عشان قريت كلمتين و فهمت منهم إن التخابر يعني تخابر مع إسرائيل أو أمريكا أو بريطانيا .
بس حمار طبعا عشان انت حمار , ماعرفتش تعمم الفكره , التخابر هو التخابر يا جحش , لصالح اسرائيل لصالح تونس لصالح سليم , لصالح أي حد .
.
مصر دوله زي أي دوله , لها حدود و تأشيره و جهات رسميه معتمده بتقولك انت جاي تعمل ايه عندنا ؟ الكلام بقى عن الشقيق العربي ده كلام منتديات و مؤتمرات و ساقية الصاوي و برنامج همسه عتاب .
.
إنما لو مواطن من دولة هونولولو دخل مصر بغرض و اتحرك فيها لغرض تاني و عمل حاجات مشبوهه و ثبت تورطه لصالح جهه معينه , لو نقل معلومات أو جاب سلاح أو دعم جهه ارهابيه يبقى اسمه تخابر , ماسمعتش عن تهمه امريكيه اسمها التخابر لصالح بريطانيا أو اسرائيل ؟ مع إنهم بينامو كل ليله في حضن بعض .
.
أنا عارف انك مش هتفهم و الحموريه بالنسبالك خدتها عن عشق و اقتناع مش جواز صالونات يعني , ألف مبروك .
Mohamed Hussein
12 July
البت لوجي بنتي دخلت مدرسه انترناشونال هنا 3 سنين , من كي جي 1 ل جريد 1 , و بقت ما شاء الله بتتكلم إنجليزي لبلب فشر توني بلير و روني , و طبعا كانت بتتريأ على نطقي في الإنجليزي , الإنجليزي بتاعي بتاع أستاذ رجب و مجانية التعليم , بتتريأي على ابوكي يا لوجي ؟ ماشي ماشي , بس شوف حكمة ربنا بقى ؟ أهي هتكمل تعليمها في مصر , لا انترناشونال ايه ؟ هو انا ابن طاهر القويري ؟ في مدرسه خاصه عاديه يا مولانا , عشان تتعلم الإنجليزي بتاعنا بتاع ميس ميرفت , الإنجليزي المصري الأصيل اللي من نبت الأرض الخضره , الإنجليزي اللي بخيره زي السمن البلدي بتاع سيكيس و بط هوين , الإنجليزي اللي ورثناه أبا عن جداً هو و الحشيش .
Mohamed Hussein
12 July
عضمه في زور مصر
.
من يوم مانفصلت غزه عن الضفه الغربيه و فلسطين بقت اتنين أو واحد و نص بعلم و مباركة صهاينة اسرائيل و صهاينة حماس , من يوميها و غزه هي العضمه أو العُقله اللي في حلق مصر .
صاروخين بلاستيك من حماس , بعده عدوان صهيوني على غزه بس الأهم هو الخطوه التالته اللي هي دي : افتحو العابر , مش بتفتحتو المعابر ليه يا ولاد الحرام ؟ أين الجيش المصري ؟ , أين رئيس مصر مما يحدث ؟ هل يقف الجيش المصري عاجزا عن حماية غزه ؟ و برامج بقى و أغاني و أفلام , و محللين و غرغره على الفضائيات , والجزيره و قطر , و هجوم على الشعب المصري و جيش مصر .
.
فيه مصريين بهاليل كمان بيشتركو في الفيلم الهابط ده , بيلعبو دور الرقاصه و الطبال و الراجل اللي بيلم النقطه ( أفلام مقاولات ) , ناشط سياسي , ناشط حقوقي , قلب خسايه , سفير للنوايا الحسنه , و قرشين حلوين , أصل النوايا بتسند الزير .
.
مش ببيع دماغي و مش هبيعها , حتى لو تكاثرَ البقرُ علينا , حدودك هي باب شقتك و شبابيكك اللي بتقفلها كويس , و محدش بيدخل بيتك إلا بموافقتك , و دم عسكري مصري واحد بألفٍ مما تعدّون , كفايه اللي عملناه من غير كلمة شكر ولا احترام , و إذا كان فتح البيبان والشبابيك عالبحري هو التمن للحلم العربي يبقى طز , طز في الحلم العربي و المجد العربي و الحصان العربي , طز في الفيلم العربي و العربي و ابو العربي .
Mohamed Hussein
12 July
أنا و الضفدعه
.
ألذّ حاجه بقى لما بكلم أمي في البلد بعد العشا ببقى سامع في الخلفيه أصوات الضفادع , عامله موسيقى تصويريه للمكالمه , أصل بيتنا أول بيت في البلد والأرض الزراعيه حواليه من 3 جهات و كلها حاليا بتبقى مزروعه رز ( و ضفادع ) , بحس إني بكلم الحاجه فاطمه تعلبه في مسلسل الوتد , والله وحشتيني أوي يا حاجه فاطمه .
.
في البيت ده كل ذكرياتي , الطريق والشجر والأرض و نسمة الهوا , حتى الضفادع ليا ذكريات معاها , بنعيش سوا و نتصاحب عادي , يعني ممكن أكون نايم في البلكونه أصحى ألاقي ضفدعه نايمه جنبي .
.
وانا في الكليه كنا بناخد تشريح الضفادع , الطحال بقى والقلب و العده اللي جوه دي , بس ضفادع الكليه بيبقو جايبينها في شوال , صغيره أوي و عدمانه العافيه من كتمة الشوال نفسه , ولما نيجي نشرحها في الأول بنخدرها , بسن إبره في مكان معين في راسها , الحكايه دي بيسموها pithing , بس ضفادع الكليه بتبقى مسطوله جاهزه من حبسة الشوال .
.
جيت أنا بقى قبل امتحان العملي وانا في البيت , قلت اراجع مع نفسي , طلعت في الأرض اللي قدام البيت و مسكت ضفدعه معتبره , بتاع نص كيلو , حاجه كده تملى العين , و جبت دبابيس طرحه ( سرقتهم من أختي ) و قلت أعمل pithing بس على مين ؟ و لا الهوا , الضفدعه دي محتاجه حقنة بنج 20 سم في الوريد وازازة ويسكي مشبره وسجارتين حشيش عشان تتهد , قلت بس مفيش غيرها الطريقه البلدي , مسكت رجلين الضفدعه و ضربت دماغها في الحيطه بتاع 9 مرات عشان تدوخ .
.
و ثبّتها عالترابيزه بالدبابيس و فتحت بقى , اللهم صل عالنبي , الطحال أد بيضة الحمامه مش حباية العدس اللي كنا بندور عليها في المعمل , و بعد ما خلصت و ركنت على جنب اقرا شويه كانت المفاجأه , الضفدعه نطت و فكت المشابك و هوب نطتين تلاته بقت في الأرض وهي بحالتها كده والدبابيس في رجليها , أيوه بقى ضفدعه عفيّه من نبت الأرض الخضره .
Mohamed Hussein
11 July
شوف يا صاحبي
.
العبد لله بيقعد 16 ساعه يوميا عالفيس , يكتب 5 بوستات عالأقل كل يوم , أغلبها سياسي , إسم السيسي بدأ يظهر أوي في ال 6 شهور الأخيره , في الفتره دي انا كتبت تقريبا 1000 بوست , و لقيت نفسي كده ولا مؤاخذه يعني يا مولانا مؤيد للسيسي و العياذ بالله , أصل الديموقراطيه بنت الحرام قالت لي من حقك تؤيد فلان و تعترض على علان يا محمد وانا بسمع كلامها , و بحبها , بحبها من جوه قلبي .
.
و مع ذلك , هتلاقيني ماكتبتش عن إيجابيات الحكومه حاجات كتير و عن السيسي حاجات أكتر , ماكتبتش كلمتين على بعض عن عودة مصر للإتحاد الأفريقي ولا زيارات السيسي المحسوبه جدا للجزاير و اثيوبيا والسودان , ماكتبتش عن الحد الأقصى للأجور اللي بدأ تطبيقه بالفعل ( جايز سطر ولا اتنين ) , ماجبتش سيرة السلع الغذائيه اللي نزلت على بطاقة التموين , ماتكلمتش عن إزالة الأشغال و هيبة الدوله اللي رجعت للشارع ولا قولت حاجه عن المستشار اللي هدو العماره بتاعته و مستشار الوزير الفلاني اللي اتمسك في قضية رشوه , ولا اتكلمت عن هوامير الفلول في الصعيد اللي تخلو عن السيسي في الإنتخابات وكانو سبب رئيسي جدا في ضعف التصويت في الصعيد عشان هما عارفين مصيرهم , ولا اتكلمت كلمتين على بعض عن الحرب اللي بيخوضها رجال الأعمال ضد السيسي .
.
ماتكلمتش عن كده عشان ده دور الحكومه و السيسي وواجبهم , مش هشكرهم عليه , و بطبيعة الحال ماقولتش عن جمال عيون السيسي ولا غمازاته ولا قولت انه صلى إمام بالأنبياء والقديسين و لا إنه حفيد عمر بن الخطاب و جنكيز خان و قريب و نسيب عائلات هولاكو بشبرا التبت ., وبالتأكيد ماقولتش إنه الزعيم الملهم بكسر الهاء و فتحها , ولا إنه حد ماحصلش في كوكب الأرض و مالوش مثيل و لا زي .
.
حضرتك بقى كتبت عن البرادعي , اللي لا خبط فيها فاس و لا شاكوش ولا شال روحه على كفه في يوم من الأيام زي ما عمل السيسي , أكتر من اللي قاله مالك في الخمر , و اللي كتبه جميل عن بثينه , البرادعي بيغيب شهور عايم في ماية البطيخ و أول ما يكتب كلمتين من الهجايص بتوعه ألاقي قلبك بيرفرف كداهو و اسمعك بتقول هاااااااااااح و لايك يا جدع و شير بعنف , يا راجل دانا حاسس إن البرادعي لما يموت هتعملو له مقام و تحجو لمقام سيدنا البرادعي و تبقو فشر دراويش و بهاليل السيد البدوي .
.
و في النهايه فاكر نفسك المثقف العبقري الثورجي اللي مجابتهوش ولّاده , وانا بقى اللي يتقال لي #تبرير و #تطبيل .
Mohamed Hussein
11 July
حياة عزبنجي زي ما الكتاب بيقول
.
عندي كوم هدوم بيت عايز يتغسل علو كده , و كل يوم أقول بكره , و ييجي بكره و اقولك بكره , أنا تقريبا استخدمت نص الهدوم اللي شاريها جديد عشان انزل بيها مصر ( يارب مراتي ما تقرا البوست ده ) .
امبارح بقى حلمت وانا نايم ( مع إني نادرا ما بحلم ) , حلمت إني غسلت الهدوم دي و نشرتها عالحبل كمان , أه والله , و لما قومت من النوم روحت ألم الغسيل من عالحبل مش لقيته , غسيلي اتسرق يا جدعان , أكيد لما أنام النهارده هلاقي الغسيل عالحبل نشف , و هحلم إني لميته و طبقته الحمد لله , الخوف بقى لا مراتي هي اللي تجيلي في الحلم و تقولي : حد يسيب هدومه من غير غسيل بالشكل ده ؟
.
....................أحلامنا ليه مابتكملشي ؟!
Mohamed Hussein
11 July
يعني إيه هيبة الدوله ؟
.
يعني القوات المسلحه تبعت 500 طن مساعدات غذائيه و طبيه عاجله لقطاع غزه , مفيش بقى أبو الفتوح ولا خالد على و لا شغل هبلوله الشغاله .
.
يعني إيه رئيس مش غشيم ؟
.
يعني السيسي يرفض التوقيع كضامن لحماس , و المعابر تتفتح للمصابين والجرحى فقط , يدخلو يتعالجو في مستشفياتنا و تحت عنينا ولما يقومو بالسلامه والدنيا تهدى يرجعو بلدهم ..برضه مش ميغه هي ولا جرن الهبله .
.
يعني إيه مواطن مصري بيفهم ؟
.
يعني ما يتفرجش على شبكة رصد و الجزيره و روائع ميديا و يفضل ياخد على صدره و يعيش بقى بطريقة ( إوعى إيدك كده ملخت الكُم ) .
..........................
شابووووووووو يا عبد الفتاح .
Mohamed Hussein
11 July ·
معتز مطر ......... المثال الجبّار للمثقف الحمار
.
وقالك السيسي خاف من رجال الأعمال !! , أومال , أصل السيسي هو مرسي اللي بيخاف من العيال , أو جايز زي حالاتك و بيطلع عالشاشه بقميص نوم و خلخال .
.
السيسي طلع لخادم الحرمين الطياره !! , مع إنه مش راجل عجوز أوي يا خساره , وقاله يا سيسي مش هنديكو بترول , نياهاها , شوفتو الكلام والقول ؟!.
.
طب فين بقى الصناديق الخاصه وفلوس مبارك المنهوبه ولا هي يعني صفقه وسبوبه ؟ غنّي كمان يا معتز , إنت اللي هتغني يا منعم عشان موزه تعطف عليك و تنعم .
.
و قال مش باقي بقى غير الشعب الغلبان نلجأ له ونرفع أسعار البنزين يا نهار زي طين , لأ مالوش حق , لأ لأ , كنا نبيع قناة السويس لستك و تاج راسك و نفتحها ميغه لكلابك و ناسك .....و هتفضل كده ماشي زي الحمار واتهريت يا عيني من شغل الخيار , والخروف أهو راكب و مدلدل و بيزؤك .............. و كل شويه يقولك : ما تجيب بوسه من بؤك ؟!!.
Mohamed Hussein
11 July
يعني إيه زهايمر ؟
يعني أبقى في الصيدليه و عملت نسكافيه و عايز اطلع بره اشرب سجاره مع النسكافيه و اعمل مكالمة موبايل ( عشان التدخين ممنوع في الصيدليه ) , أقوم أخد النسكافيه و علبة السجاير و الولاعه و أولّع السجاره بره , أفتكر إني نسيت الموبايل جوه , و طبعا ماينفعش أدخل بالسجاره , الإنسان العادي ( اللي هو مش زهايمري من أبناء جلدتي ) بيقوم سايب السجاره على سلم الصيدليه و يدخل بالنسكافيه في ايده , أما أنا كمواطن زهايمري مميز جدا و مختلف عن الأخرين تماما قمت سيبت النسكافيه على سلم الصيدليه و دخلت بالسجاره في ايدي جبت الموبايل و سيبت السجاره مكانه !! , الله بقى ؟ هو انا مخي دفتر ؟ المهم اني بسيب حاجه عالسلم و باخد حاجه معايا .
و لما تسسألني يعني إيه زهايمر ؟ أقولك باختصار شديد : زهايمر يعني أنا , أو بلغة المعلم حلاوه العنتبلي : زهايمر يعني بلا فخر إحنا .
Mohamed Hussein
10 July
أكتر حاجه بقت تستفزني في تعليقات بعض الأصدقاء ( المصريين ) هي التشدّق بالكلمات دي ( حرية الرأي !! حرية التعبير !! ) , ومش عارف أنا إيه حرية الرأي في النقاش مع واحد بيهين شعب مصر ؟! و يعني ايه حرية تعبير لما واحد يتطاول على جيش مصر ؟!.
فيه ناس عايشه الدور أوي , ملكيين أكتر من الملك , ثورجيه أكتر من الثوره ذات نفسها , الحكايه فرطت أوي منهم لدرجة انهم بقو عبيد للشعارات , الثوره مش معناها إننا نتخلى عن الحيطه اللي ساندانا يا بشر , ولما الموضوع يمس شعب مصر على مطلق الكلمه أو جيشها يبقى من حقي أقول : مصر أولا , بلا ربيع عربي بلا ربيع ياسين !!.
17 July
سؤال لأولي الألباب
.
مصر فيها كام إخوانجي من النوع الرسمي فهمي نظمي ؟ نقول 500 ألف حسب كلامهم هما , طب عمر الجماعه دي كام سنه ؟ بيقولو 85 سنه , طب كده نقدر نقول فيه كام جيل اخوانجي ؟ نقول اتنين عالأقل , يعني العدد الأجمالي ممكن يكون 750 ألف على مدار تاريخهم .
.
حلو أوي , طب كام إخوانجي وقف في مظاهرات لتحرير القدس و غنّى أغاني لتحرير القدس ؟ ممممممممم كلهم أكيد , طب كام إخوانجي لبس الكوفيه الفلسطينيه الشهيره و تضامن و تعاطف مع القضيه الفلسطينيه أه واتشحتف وبات ضارب بوز يا ولداه ؟ ممممممممم نقول كلهم , طب كام اخوانجي دعى عالصهاينه في الجوامع والشوارع وقال أحفاد القرده والخنازير و دموعه نزلت ورا الشيخ ؟ أكيد كلهم .
طيب سؤال أخير هو مش مهم طبعا بعد كل الإنجازات اللي فاتت دي , كام إخوانجي في تاريخ الجماعه راح اسرائيل وحارب الصهاينه ؟ ممممممممممم الإجابه صفر zero .
.
طيب كويس أوي , كام عسكري مصري أثناء الخدمه وقف في مظاهره تهتف بتحرير القدس ؟ الإجابه صفر عشان ممنوع , طب كام عسكري مصري أثناء الخدمه هتف ضد الصهاينه أحفاد القرده والخنازير أو قال أمين ؟ الإجابه صفر عشان ممنوع , طب كام عسكري مصري لبس الكوفيه الفلسطينيه واتشتحف على غزه ؟ الإجابه صفر عشان ممنوع , طب كام عسكري مصري جت له الأوامر بحرب الصهاينه و دخل وحارب من غير مايفكر هو راجع ولا لأ ؟ الإجابه مممممممممممم كلهم !!.
.
أهي مقارنه بسيطه بين ناس بتغني و تدعي و تتشحتف و ناس بتشيل روحها على كفها و تحارب .
Mohamed Hussein
17 July
امبارح وصلت ل 5 الاف صديق , كده الصندوق اتقفل على طلبات الصداقه , طب انا اكيد عندي ألف ولا ألفين أكاونت من نظام الأكاونتات اللي أصحابها فتحوها و نسيو الباسورد أو فتحوها وسابوها وسافرو الأردن , أو فتحوها وفاكرين أكاونت الفيس زي البوسته كده ممكن يفتح فيه حساب ب 5 جنيه أو بوست وصوره ويسيبه وينساه و اهي حاجه متشاله للعيال لما تكبر .
طب أنا أعرف الأكاونتات دي ازاي ؟ هل فيه طريقه لكده أعرف بيها الأكاونتات اللي مش نشطه خالص ؟ ولا لازم اجيب مُنكاش وافضل أنكش عليهم في ال 5 الاف اسم ؟!
Mohamed Hussein
17 July
صوره و بوست خلوني أفطس من الضحك , أه ياني يامه , الله يخرب بيت البانجو على بيت أول واحد لفّ سجارة بانجو في التاريخ .
.
قال الصوره عباره عن كاريكاتير لست فلسطينيه ( عرفتها من أم الكوفيه ) وشايله طفل على ايديها , و فوق في السما صورة القمر و جواه مين بقى ؟ لا مش هتصدق , لأ مش أحمد عز ولا عبد الناصر ولا السيسي ولا صورتي طبعا , جواها مرسي , أيوه على رأي الشاويش عطيه , هو مرسي بوش أمه العكر ... وتحت الصوره مكتوب كده : في الليلةِ الظلماء يٌفتقد البدر !!
.
نياهاهاهاها , وانا افتكرت مشهد لمحمد هنيدي و حنان ترك في فيلم جاءنا البيان التالي , لما كانو رايحين لمرات العالم اللي اتقتل , و هنيدي عامل نفسه اهبل , و حنان ترك تقول ده أخويا واهبل يا بيه والله اهبل , و هنيدي يقول : أهبل أيوه أهبل .
.
أهو مرسي لو شاف البوست و الصوره دي هيقوم مصفّر بالصفاره اللي معاه و يقول زي ما هنيدي قال بالظبط : ظلماء ايه و بدر ايه ؟ دانا اهبل يا جدعان والله اهبل .
Mohamed Hussein
16 July
عملنا ليه ثورة في 30 يونيو ؟
.
عشان كده , عشان مصر في ظرف سنه واحده كانت معدتها اتقلبت و قالت مش طايقه , مصر بشوارعها و حواريها , اتقلبت من شكل مرسي و البلتاجي و ام ايمن و عقولهم , عشان جيناتها اللي اتشكلت في كذا ألف سنه رفضت و قاومت اللعب فيها .
.
عشان مصر فيها الفقير المعدم اللي مش لاقي ياكل بس لو قلت له : إيه رأيك تعتدي على جارك المسيحي و تبقى غني ؟ هيقولك لأ عايز اعيش فقير , طب نبيع شبر من أرض مصر ( اللي مش مدياك حقك ) و تبقى غني ؟ هيقول لأ عايز أعيش فقير , طب نبيع قناة السويس اللي جدودك حفروها بضوافرهم بس مش واخد حقك منها , نبيعها للغريب ؟ هيقول لأ , عايز أعيش فقير .
.
هي دي الجينات المصريه العجيبه اللي الإخوان قعدو 80 سنه يذاكرو فيها و ياخدو دروس , أغلبها دروس موجعه , و مع ذلك لما دخلو الإمتحان جابو صفر !!.
أصل الغباوه لها ناسها و بتبقى كيف عند البعض , و عشان كده الشعب المصري كتب عليهم يعيشو بالشكل ده , مشردين , لا وطن بيلمهم ولا أرض قابلاهم .
Mohamed Hussein
16 July
من ضمن شروط حركة ولا مؤاخذه حماس للمصالحه هي وضع معبر رفح تحت الرقابه الدوليه !! ههههههههههه يعني اللي رايح واللي جاي يشتري و يبيع فينا , أنا رأيي اننا نوافق و نوافق كمان ان مصر كلها تتحط تحت الرقابه الدوليه عشان حماس و الكولجيه و الأسياد يرضو عننا .
يابني حاول تفهم , حماس المفروض انها في صراع و لا مؤاخذه مع الصهاينه , بس لما بتحب تفرض شروط بتفرضها على مصر , هه , عرفت غزه انفصلت عن الضفه بمباركة الصهاينه ليه ولا لسه ؟ لأ لسه , لسه قدامك مليون سنه ضوئيه على بال ما تبقى جحش صغير .
Mohamed Hussein
16 July
الجماعات الإسلاميه في العراق دبحت 29 ست عراقيه عشان شغالين في شقة دعاره , دبح يا مولانا , بركة دم و الجثث عايمه فيها , منظر يخلي البوذي و اللي بيعبد الجحش و طفاية السجاير حتى يفكر ألف مره قبل ما يقرا عن الإسلام , اللهم لك الحمد و المنّه , داحنا كنا هنعيش في زريبه اسمها الإخوان والسلفيين .
.
قانون الغابه , أبو رجل مسلوخه و أبو سنجه لدبح الناس مكتوب عليها ( هل صليت على النبي اليوم ) , و أبو دقن حديد
Mohamed Hussein
16 July
متى يفهم المتنطعون والحمقى و دراويش #عبث و بهايل #مرسي #راجع إن غزه قُدِّرَ لها من اليوم الأول لانفصالها عن الضفه إنها تكون مجرد ملعب كوره مزروع نجيله للصراعات الدوليه مش أكتر , حتة الأرض الصغيره دي هي مجرد ساحة ملعب , والكوره هي دم الغزاويين الغلابه , حماس والصهاينه بيلعبو لصالح امريكا , و كل واحد عينه عالجايزه .
.
أهي كلمه مني و الأيام بينا , قطاع غزه اللي هو الفرخه اللي بتبيض دهب لحماس و الصهاينه عمره ما هيرجع تاني للإنضمام مع الضفه , دي مين العبيط اللي يفرّط في فرصه زي كده ؟ , و السيسي مش عيل صغير و فاهم كويس أوي
.
بس عايزك انت تتخيل , شوكه تفضل موجوده في حلق مصر طول العمر , و فيلم هندي اسمه : افتحو الحدود , فين مصر وجيشها , هنحارب , وناس بتاكل عيش و بتُرزق من وسع , كل ما هنمشي إحنا خطوتين تلاته لقدام هيبدأو هما ماتش كوره , حماس في النهايه تلم الشيكات و الصهاينه يجربو سلاحهم و يخلو عساكرهم في فورمة القتال دايما , واحنا نتعك بقى في فلان قال و علانه عادت ومين ضرب مين
و أين أصحاب القلوب الرحيمه ؟!..
Mohamed Hussein
15 July
حماس رفضت المبادره المصريه لوقف إطلاق النار !!...... , ماهي السبوبه لازم تكمل , الرقاصه حالفه لا تكمل الليله عالمسرح عشان تحلّل الفلوس و النقطه نازله عليها زي المطر , ............ الرقاصه مش عايزه تنزل !! .
Mohamed Hussein
15 July
سجن النسا
.
أخيرا لقيت حاجه تتشاف في رمضان , مسلسل رائع , تأليف و سيناريو و إخراج , إبداع فتحيه العسال و كامله أبو ذكري .
سجن النسا مش بيتكلم عن سجن القناطر والستات اللي فيه و حكاياتهم , سجن النسا من وجهة نظر فتحيه العسال هو مجتمعنا العربي اللي حاطط الست و البنت في سجن كبييييييييير خصوصا لو كانت فقيره , بيفرم ويدوس مابيرحمش , مشهد الست اللي راحت للشيخ و اتعاملت بمنتهى الهمجيه و رجعت سممت نفسها و جوزها و عيالها ده مشهد عبقري رغم انها مريضه بوسواس قهري .
.
............... شابووووووو ياست فتحيه .
Mohamed Hussein
14 July
إضحك مع حماده
.
و على فكره , لو واحد حمساوي كسر عليك باب شقتك و اغتصب مراتك قدام عنيك و قتل ابنك و حرق بيتك إوعى تزعل منه أو تقول عليه أي كلمه تجرح مشاعره و إلا تبقى صهيوني حقير , مراتك وابنك و أرضك و عرضك لازم تقدمهم قرابين لحماس و القضيه الفلسطينيه و إلا ماتبقاش عربي ولا مسلم و تبقى صهيوني أو عالأقل بتعمل فتنه , أه بتعمل فتنه باللحمه الضاني .
............. من الأقول المأثوره لحماده المثقف .
Mohamed Hussein
14 July
خلاص خلاص , إحنا عشان مش نبقى صهاينه و بندعم الصهاينه و نعمل فتنه و نبقى غوغائيين و ماعندناش سوشيال بوليتيكال إنتيليجنس لازم يعني و حتما و لابد ندعم حماس و نحبها من قلبنا , حبو حماس يا ولاد , حبو خالد مشعل واسماعيل هنيه , مش حقيقي انهم دعموا الإرهاب في مصر , مش حقيقي انهم قتلو مصريين على أرضنا مش حقيقي انهم سبب رئيسي في إرهاب سينا , مش حقيقي إنهم أهانو جيش مصر و لسه بيهينوه , حبوها من قلبكو عشان مش يتقال عليكو صهاينه , أهه , أنا من بكره هعلق صورة خالد مشعل جنب السرير , و مش هنام غير وصورة هنيه في حضني , أنا أصلي يهمني جدا رضى الكولجيه عني , الكولجيه اللي لما بنتقد الفيلم بتاع حماس و قلة أدبها على مصر بيقولو انت كده بتدعم الصهاينه , الكولجيه العباقره النابهين , الكولجيه اللي كتب احلام مستغانمي و تشوميسكي اشتكت منهم , الكولجيه اللي باقي لهم يومين و صورتهم تنزل علبة الكولّه !!.
.
افتكرت حاجه كده كتبتها أيام مذبحة رفح ( إهداء خاص للكولجيه ) عن عسكري غلبان راح يحمي أرضي و عرضي
.
مات البطل
.
.
مات البطل
و التمره حمره صغيره
غرقانه دم
ساعة الأدان
ندعي يا ناس
قلبت بغم
اشجب يا مرسي
في خطبتك
شكِّل و لوِّن لهجتك
و افتح و ضُم
بس قولي
تعمل إيه
لو كنت أم ؟!.
Mohamed Hussein
14 July
مرسي من داخل القفص بيهتف " حي على الجهاد , و لبيك يا غزه !!.
.
الناس دول محتاجين 900 سنه عشان يتعالجو من المرض النفسي اللي هما فيه , القيادي الإخوانجي بيوصل لمرحلة إنه ممكن يدخل كباريه ويشرب 600 ازازة ويسكي و بيره و كونياك و كام سجاره حشيش ماتعدِّش , و يطلع على اقرب كنيسه و يحرقها و أقرب محل دهب و يسرقه و أقرب عسكري غلبان واقف في الخدمه و يقتله وفي الطريق يكون كذب 7 الاف مره , وقبل ما يوصل البيت يلاقي وقفه احتجاجيه لصالح غزه يقوم واقف فيها و رافع شعار لبيك يا غزه و هل صليت على سيدنا النبي اليوم ؟!!.
Mohamed Hussein
14 July
كنت صغير أوي و بلعب في الطين وفاكر إن حماس هتحرر القدس بالبمب و الحبش و الكوفيه و السبحه و الصواريخ البلاستيك , كنت فاكر الحكايه تحرير القدس ماكنتش أعرف إنها تحرير الشيكات !!.
دم كل غزّاوي بيموت بتساوي صفر زياده في الشيك , طب إيه الفرق بين حماس و قنوات البلاي بوي ؟ ايه الفرق بين التجاره في اللحم و التجاره في الدم ؟! و أخيرا اكتشفت ان شعار حماس الدئم بيقول : نحنُ بنات عائلات محترمه !!.
Mohamed Hussein
14 July
قذائف هاون و صواريخ على مدينة العريش , على مصر يعني , شهداء مصريين مدنيين و عساكر غلابه , ولاد الكلب مالقوش الفخ بتاع العدوان على غزه نافع معانا قالو يغيّرو اللعبه بتاعتهم , أه بيلعبو بالدم سيادتك , أومال الإرهابي هيلاعبك بإيه ؟ بقصيدة شعر ؟ هه ؟ لسه متعاطف أوي يا أستاذ ؟ وانتي يا هانم قلبك اللي زي الخسايه متعاطف مع حماس و الأرهابيين بتوع سينا صح ؟ طب الإخوان فصيل وطني مش كده ؟ و سينا مفهاش ارهابيين صح ؟ و ارهابيين حماس مالهمش علاقه بارهابيين سينا مش كده ؟ ولا الإخوان لهم علاقه بالإتنين أكيد ؟ برافو برافو , سبحان من خلقكو بجسم بني أدم و راس كلب .
.
فوضناك يا سيسي في محاربة الإرهاب و الحكايه مش لعبه , دم المصريين مش لعبه , و عشان دم مصري واحد يبقى من حقك تفرم ولاد الكلب , مستني إيه طيب ؟ نحب على راسك ؟ يا أخي يا أخي حتى لو مكانشي فيه حل غير ترحيل أهالي العريش والشيخ زويد المصريين المحترمين لمكان أمن و أدمي واحرق المنطقه دي بالإرهابيين اللي فيها , و بعد كده الأهالي يرجعو و يتبني لهم مساكن جديده , هما كلهم كام ألف مش كتير , ياريس لو مش عارف قول , قول عشان اشتري كراسه فاضيه واكتب فيها عدد اللي بيموتو كل كام يوم , و اكتب على جلدة الكراسه من بره بالخط العريض : في انتظار رئيس دكر .
Mohamed Hussein
14 July · Edited
أووووووووووو , ألمانيا بقى ألمانيا بقى ألمانيا بقى , يعني المرسيدس والبي إم وانت طالع , يعني الحته الفولكس الصغيره بتاعتي , يعني أفضل أجهزه طبيه في العالم , يعني سماعات ليتمان و ما أدراك ما ليتمان , يعني المواتير و المَكن الأصلي , يعني شلبيديش وانا بهبّك موهامّد ( فيلم النمر الأسود ) , يعني ميركل و أدب ميركل , مممممممممممممم يا عم أنا ماعرفش حاجه عن الأرجنتين غير مارادونا و ميسي هشجعها ليه ؟.
Mohamed Hussein
13 July
النهارده الحفله هتبقى على الأرجنتين و هتدخل العشّه مع السفّاح الألماني اللي بيخطف العيال الصغيرين , حقها ولا مش حقها يابو كمال ؟
الأرجنتين هتنزل خايفه من الفضيحه و من إنها تخرج من الملعب ملفوفه في ملايه زي ما حصل مع هنادي بنت الجيران , هتهاجم بشراسه و غشم و هتضرب ألف ضربه بالشاكوش , و الألمان هيفوزو بضربتين تلاته بالمرزبّه !!.
Mohamed Hussein
13 July
و لما تنتهي الليله بتاعة غزه دي هتكتشف حضرتك إن اللي انتصر فيها هي مصر , أيوه مصر , طب هو ينفع حرب فيها طرفين واللي ينتصر طرف تالت ؟
أيوه ينفع , لما يكون غرض اساسي في الحرب دي هو توريط الطرف التالت وشدها للشَرَك المنصوب
.
مصر لو وقفت ساكته تبقى خسرت ولو اتهورت تبقى دخلت في الخيه اللي منصوبه لها , الصح عمله السيسي , فتح المعابر للمصابين والجرحى و تقديم مساعدات رسميه من الجيش , و المطالبه بوقف العدوان ....... في الحرب دي بيبقى مطلوب من مصر إنها تمشي عالحبل من غير ما تقع , ادينا مشينا و عدّينا , ولا انت فاكر فجأه كده ان الجماعات الجهاديه خطفت 3 صهاينه و فجأه ماتو وفجأه قررت اسرائيل تشن عدوان على غزه ؟ و كل ده حصل فجأه بعد فوز السيسي بشهر و فجأه الجزيره تصرخ أين مصر و جيشها ؟ نياهاهاها و تعبت من المفاجأه ونزلت دمعتي.
.
عشان تصدق كلامي هقولك دليل بسيط , مفيش عدوان هيحصل على غزه الفتره الجايه , شهور و سنين , عشان الكروت اتكشفت والفيلم الحمضان كده يبقى اتحرق اتهرس ألف مره , هيدوّرو على فيلم هندي تاني .
مبروك لمصر ولا عزاء للإخوان والكولجيه بتوع رصد وروائع ميديا , وربنا يرحم أهالينا الغلابه في غزه اللي ماتو عشان صدّقو الدقن والسبحه بتوع حماس , سبحة المعلم زكي رستم في ( رصيف نمره 5 ) , رجل البر والخير والشريعه الإسلاميه , فين سبحتك يا معلم ؟!!.
Mohamed Hussein
13 July
ما تسألشي في يوم درويش
إذا واقف على بابها
و زي النخله كان راشق .
.
أنا المعجون
بطين الأرض و ترابها
بقيت درويش
أنا الزاهد و انا العاشق .
.
.
محمد حسين
#مصر.
Mohamed Hussein
13 July
مبادئ أهي بيفهمها أي عاقل
.
الجيش كان قاعد في حاله و كافي خيره شره , مش الجيش هو اللي عمل ثورة يناير ولا قال انا جيش ثورجي و شايل صوره جيفارا في الدولاب , إحنا اللي عملناها , ولا الجيش اللي جه يرمي جتته علينا و قال احميكو و اخلصكو من نظام مبارك , إحنا اللي قولناله تعالى الحقنا
.
مش الجيش هو اللي جاب الإخوان في البرلمان والرئاسه , بتوع اللمون هما اللي جابوهم , مش الجيش هو اللي نزل في 30 يونيو و ملى الشوارع و الميادين وقال يا شعب تعالى ورايا , إحنا اللي نزلنا و قولنا ياجيش الحقنا للمره التانيه , مش الجيش هو اللي قرر يلعب سياسه ولا كان حلم حياته كده , إحنا اللي اتحايلنا عليه و قولناله مش بنثق في حد غيرك .
.
جيش مصر حماها من حرب اهليه و خراب و تقسيم في ظروف مرّت عليه أصعب ألف مره من حرب اكتوبر بس وقف وسهر و تعب عشان نعدّي , مكانشي خاين زي غيره .
.
إنت بقى من حقك كمواطن تكون مؤيد للسيسي و لا البرادعي ولا حمدين ولا خالد على و لا حتى عم محفوظ بتاع الجراج أو تامر هجرس , إنما تجيب سيرة جيش مصر , اللي أصغر عسكري فيه على راسي من فوق , بكلمه يبقى دواك هو الجزمه , وانا صيدلي و عمري ما هتأخر عنك في الدوا , أخلاق مهنتنا و حبنا للبلد دي علموني كده .
Mohamed Hussein
12 July
البرازيل بعد ما نامت في العشّه مع ألمانيا و حصل اللي حصل , أكيد تاني يوم ضميرها أنّبها على اعتبار إن دي أول مره البرازيل تبات في عشة مع راجل , و أول مره تبات بره البيت , بس بعد يومين كمان حسّت إن العشه و حشتها , فراحت باتت مع هولندا , أهو أي راجل والسلام , خدت الموضوع هوايه بقى , ماهي الكيميا غدّاره .
كده البرازيل بدل ما هتبقى منتخب السامبا هتبقى منتخب ( زيزي صديقة الطلبه ) .
Mohamed Hussein
12 July
عبد الرحمن يوسف القرضاوي , إبن مفتي الناتو و كبير كهنة الإخوان :
النظام الذي اخترع تهمة التخابر مع حماس لن يغضبه لو ألقت إسرائيل فلسطين كلها في البحر !!.
.
و طبعا حضرتك كنحنوح كولجي أد الدنيا بيعجبك أوي البؤ الحمضان ده , أيوه صحيح , هو فيه تهمه اسمها التخابر مع حماس ؟!.
.
كان وصفي ليكو صح لما قلت ( المثقف الحمار ) , مثقف عشان قريت كلمتين و فهمت منهم إن التخابر يعني تخابر مع إسرائيل أو أمريكا أو بريطانيا .
بس حمار طبعا عشان انت حمار , ماعرفتش تعمم الفكره , التخابر هو التخابر يا جحش , لصالح اسرائيل لصالح تونس لصالح سليم , لصالح أي حد .
.
مصر دوله زي أي دوله , لها حدود و تأشيره و جهات رسميه معتمده بتقولك انت جاي تعمل ايه عندنا ؟ الكلام بقى عن الشقيق العربي ده كلام منتديات و مؤتمرات و ساقية الصاوي و برنامج همسه عتاب .
.
إنما لو مواطن من دولة هونولولو دخل مصر بغرض و اتحرك فيها لغرض تاني و عمل حاجات مشبوهه و ثبت تورطه لصالح جهه معينه , لو نقل معلومات أو جاب سلاح أو دعم جهه ارهابيه يبقى اسمه تخابر , ماسمعتش عن تهمه امريكيه اسمها التخابر لصالح بريطانيا أو اسرائيل ؟ مع إنهم بينامو كل ليله في حضن بعض .
.
أنا عارف انك مش هتفهم و الحموريه بالنسبالك خدتها عن عشق و اقتناع مش جواز صالونات يعني , ألف مبروك .
Mohamed Hussein
12 July
البت لوجي بنتي دخلت مدرسه انترناشونال هنا 3 سنين , من كي جي 1 ل جريد 1 , و بقت ما شاء الله بتتكلم إنجليزي لبلب فشر توني بلير و روني , و طبعا كانت بتتريأ على نطقي في الإنجليزي , الإنجليزي بتاعي بتاع أستاذ رجب و مجانية التعليم , بتتريأي على ابوكي يا لوجي ؟ ماشي ماشي , بس شوف حكمة ربنا بقى ؟ أهي هتكمل تعليمها في مصر , لا انترناشونال ايه ؟ هو انا ابن طاهر القويري ؟ في مدرسه خاصه عاديه يا مولانا , عشان تتعلم الإنجليزي بتاعنا بتاع ميس ميرفت , الإنجليزي المصري الأصيل اللي من نبت الأرض الخضره , الإنجليزي اللي بخيره زي السمن البلدي بتاع سيكيس و بط هوين , الإنجليزي اللي ورثناه أبا عن جداً هو و الحشيش .
Mohamed Hussein
12 July
عضمه في زور مصر
.
من يوم مانفصلت غزه عن الضفه الغربيه و فلسطين بقت اتنين أو واحد و نص بعلم و مباركة صهاينة اسرائيل و صهاينة حماس , من يوميها و غزه هي العضمه أو العُقله اللي في حلق مصر .
صاروخين بلاستيك من حماس , بعده عدوان صهيوني على غزه بس الأهم هو الخطوه التالته اللي هي دي : افتحو العابر , مش بتفتحتو المعابر ليه يا ولاد الحرام ؟ أين الجيش المصري ؟ , أين رئيس مصر مما يحدث ؟ هل يقف الجيش المصري عاجزا عن حماية غزه ؟ و برامج بقى و أغاني و أفلام , و محللين و غرغره على الفضائيات , والجزيره و قطر , و هجوم على الشعب المصري و جيش مصر .
.
فيه مصريين بهاليل كمان بيشتركو في الفيلم الهابط ده , بيلعبو دور الرقاصه و الطبال و الراجل اللي بيلم النقطه ( أفلام مقاولات ) , ناشط سياسي , ناشط حقوقي , قلب خسايه , سفير للنوايا الحسنه , و قرشين حلوين , أصل النوايا بتسند الزير .
.
مش ببيع دماغي و مش هبيعها , حتى لو تكاثرَ البقرُ علينا , حدودك هي باب شقتك و شبابيكك اللي بتقفلها كويس , و محدش بيدخل بيتك إلا بموافقتك , و دم عسكري مصري واحد بألفٍ مما تعدّون , كفايه اللي عملناه من غير كلمة شكر ولا احترام , و إذا كان فتح البيبان والشبابيك عالبحري هو التمن للحلم العربي يبقى طز , طز في الحلم العربي و المجد العربي و الحصان العربي , طز في الفيلم العربي و العربي و ابو العربي .
Mohamed Hussein
12 July
أنا و الضفدعه
.
ألذّ حاجه بقى لما بكلم أمي في البلد بعد العشا ببقى سامع في الخلفيه أصوات الضفادع , عامله موسيقى تصويريه للمكالمه , أصل بيتنا أول بيت في البلد والأرض الزراعيه حواليه من 3 جهات و كلها حاليا بتبقى مزروعه رز ( و ضفادع ) , بحس إني بكلم الحاجه فاطمه تعلبه في مسلسل الوتد , والله وحشتيني أوي يا حاجه فاطمه .
.
في البيت ده كل ذكرياتي , الطريق والشجر والأرض و نسمة الهوا , حتى الضفادع ليا ذكريات معاها , بنعيش سوا و نتصاحب عادي , يعني ممكن أكون نايم في البلكونه أصحى ألاقي ضفدعه نايمه جنبي .
.
وانا في الكليه كنا بناخد تشريح الضفادع , الطحال بقى والقلب و العده اللي جوه دي , بس ضفادع الكليه بيبقو جايبينها في شوال , صغيره أوي و عدمانه العافيه من كتمة الشوال نفسه , ولما نيجي نشرحها في الأول بنخدرها , بسن إبره في مكان معين في راسها , الحكايه دي بيسموها pithing , بس ضفادع الكليه بتبقى مسطوله جاهزه من حبسة الشوال .
.
جيت أنا بقى قبل امتحان العملي وانا في البيت , قلت اراجع مع نفسي , طلعت في الأرض اللي قدام البيت و مسكت ضفدعه معتبره , بتاع نص كيلو , حاجه كده تملى العين , و جبت دبابيس طرحه ( سرقتهم من أختي ) و قلت أعمل pithing بس على مين ؟ و لا الهوا , الضفدعه دي محتاجه حقنة بنج 20 سم في الوريد وازازة ويسكي مشبره وسجارتين حشيش عشان تتهد , قلت بس مفيش غيرها الطريقه البلدي , مسكت رجلين الضفدعه و ضربت دماغها في الحيطه بتاع 9 مرات عشان تدوخ .
.
و ثبّتها عالترابيزه بالدبابيس و فتحت بقى , اللهم صل عالنبي , الطحال أد بيضة الحمامه مش حباية العدس اللي كنا بندور عليها في المعمل , و بعد ما خلصت و ركنت على جنب اقرا شويه كانت المفاجأه , الضفدعه نطت و فكت المشابك و هوب نطتين تلاته بقت في الأرض وهي بحالتها كده والدبابيس في رجليها , أيوه بقى ضفدعه عفيّه من نبت الأرض الخضره .
Mohamed Hussein
11 July
شوف يا صاحبي
.
العبد لله بيقعد 16 ساعه يوميا عالفيس , يكتب 5 بوستات عالأقل كل يوم , أغلبها سياسي , إسم السيسي بدأ يظهر أوي في ال 6 شهور الأخيره , في الفتره دي انا كتبت تقريبا 1000 بوست , و لقيت نفسي كده ولا مؤاخذه يعني يا مولانا مؤيد للسيسي و العياذ بالله , أصل الديموقراطيه بنت الحرام قالت لي من حقك تؤيد فلان و تعترض على علان يا محمد وانا بسمع كلامها , و بحبها , بحبها من جوه قلبي .
.
و مع ذلك , هتلاقيني ماكتبتش عن إيجابيات الحكومه حاجات كتير و عن السيسي حاجات أكتر , ماكتبتش كلمتين على بعض عن عودة مصر للإتحاد الأفريقي ولا زيارات السيسي المحسوبه جدا للجزاير و اثيوبيا والسودان , ماكتبتش عن الحد الأقصى للأجور اللي بدأ تطبيقه بالفعل ( جايز سطر ولا اتنين ) , ماجبتش سيرة السلع الغذائيه اللي نزلت على بطاقة التموين , ماتكلمتش عن إزالة الأشغال و هيبة الدوله اللي رجعت للشارع ولا قولت حاجه عن المستشار اللي هدو العماره بتاعته و مستشار الوزير الفلاني اللي اتمسك في قضية رشوه , ولا اتكلمت عن هوامير الفلول في الصعيد اللي تخلو عن السيسي في الإنتخابات وكانو سبب رئيسي جدا في ضعف التصويت في الصعيد عشان هما عارفين مصيرهم , ولا اتكلمت كلمتين على بعض عن الحرب اللي بيخوضها رجال الأعمال ضد السيسي .
.
ماتكلمتش عن كده عشان ده دور الحكومه و السيسي وواجبهم , مش هشكرهم عليه , و بطبيعة الحال ماقولتش عن جمال عيون السيسي ولا غمازاته ولا قولت انه صلى إمام بالأنبياء والقديسين و لا إنه حفيد عمر بن الخطاب و جنكيز خان و قريب و نسيب عائلات هولاكو بشبرا التبت ., وبالتأكيد ماقولتش إنه الزعيم الملهم بكسر الهاء و فتحها , ولا إنه حد ماحصلش في كوكب الأرض و مالوش مثيل و لا زي .
.
حضرتك بقى كتبت عن البرادعي , اللي لا خبط فيها فاس و لا شاكوش ولا شال روحه على كفه في يوم من الأيام زي ما عمل السيسي , أكتر من اللي قاله مالك في الخمر , و اللي كتبه جميل عن بثينه , البرادعي بيغيب شهور عايم في ماية البطيخ و أول ما يكتب كلمتين من الهجايص بتوعه ألاقي قلبك بيرفرف كداهو و اسمعك بتقول هاااااااااااح و لايك يا جدع و شير بعنف , يا راجل دانا حاسس إن البرادعي لما يموت هتعملو له مقام و تحجو لمقام سيدنا البرادعي و تبقو فشر دراويش و بهاليل السيد البدوي .
.
و في النهايه فاكر نفسك المثقف العبقري الثورجي اللي مجابتهوش ولّاده , وانا بقى اللي يتقال لي #تبرير و #تطبيل .
Mohamed Hussein
11 July
حياة عزبنجي زي ما الكتاب بيقول
.
عندي كوم هدوم بيت عايز يتغسل علو كده , و كل يوم أقول بكره , و ييجي بكره و اقولك بكره , أنا تقريبا استخدمت نص الهدوم اللي شاريها جديد عشان انزل بيها مصر ( يارب مراتي ما تقرا البوست ده ) .
امبارح بقى حلمت وانا نايم ( مع إني نادرا ما بحلم ) , حلمت إني غسلت الهدوم دي و نشرتها عالحبل كمان , أه والله , و لما قومت من النوم روحت ألم الغسيل من عالحبل مش لقيته , غسيلي اتسرق يا جدعان , أكيد لما أنام النهارده هلاقي الغسيل عالحبل نشف , و هحلم إني لميته و طبقته الحمد لله , الخوف بقى لا مراتي هي اللي تجيلي في الحلم و تقولي : حد يسيب هدومه من غير غسيل بالشكل ده ؟
.
....................أحلامنا ليه مابتكملشي ؟!
Mohamed Hussein
11 July
يعني إيه هيبة الدوله ؟
.
يعني القوات المسلحه تبعت 500 طن مساعدات غذائيه و طبيه عاجله لقطاع غزه , مفيش بقى أبو الفتوح ولا خالد على و لا شغل هبلوله الشغاله .
.
يعني إيه رئيس مش غشيم ؟
.
يعني السيسي يرفض التوقيع كضامن لحماس , و المعابر تتفتح للمصابين والجرحى فقط , يدخلو يتعالجو في مستشفياتنا و تحت عنينا ولما يقومو بالسلامه والدنيا تهدى يرجعو بلدهم ..برضه مش ميغه هي ولا جرن الهبله .
.
يعني إيه مواطن مصري بيفهم ؟
.
يعني ما يتفرجش على شبكة رصد و الجزيره و روائع ميديا و يفضل ياخد على صدره و يعيش بقى بطريقة ( إوعى إيدك كده ملخت الكُم ) .
..........................
شابووووووووو يا عبد الفتاح .
Mohamed Hussein
11 July ·
معتز مطر ......... المثال الجبّار للمثقف الحمار
.
وقالك السيسي خاف من رجال الأعمال !! , أومال , أصل السيسي هو مرسي اللي بيخاف من العيال , أو جايز زي حالاتك و بيطلع عالشاشه بقميص نوم و خلخال .
.
السيسي طلع لخادم الحرمين الطياره !! , مع إنه مش راجل عجوز أوي يا خساره , وقاله يا سيسي مش هنديكو بترول , نياهاها , شوفتو الكلام والقول ؟!.
.
طب فين بقى الصناديق الخاصه وفلوس مبارك المنهوبه ولا هي يعني صفقه وسبوبه ؟ غنّي كمان يا معتز , إنت اللي هتغني يا منعم عشان موزه تعطف عليك و تنعم .
.
و قال مش باقي بقى غير الشعب الغلبان نلجأ له ونرفع أسعار البنزين يا نهار زي طين , لأ مالوش حق , لأ لأ , كنا نبيع قناة السويس لستك و تاج راسك و نفتحها ميغه لكلابك و ناسك .....و هتفضل كده ماشي زي الحمار واتهريت يا عيني من شغل الخيار , والخروف أهو راكب و مدلدل و بيزؤك .............. و كل شويه يقولك : ما تجيب بوسه من بؤك ؟!!.
Mohamed Hussein
11 July
يعني إيه زهايمر ؟
يعني أبقى في الصيدليه و عملت نسكافيه و عايز اطلع بره اشرب سجاره مع النسكافيه و اعمل مكالمة موبايل ( عشان التدخين ممنوع في الصيدليه ) , أقوم أخد النسكافيه و علبة السجاير و الولاعه و أولّع السجاره بره , أفتكر إني نسيت الموبايل جوه , و طبعا ماينفعش أدخل بالسجاره , الإنسان العادي ( اللي هو مش زهايمري من أبناء جلدتي ) بيقوم سايب السجاره على سلم الصيدليه و يدخل بالنسكافيه في ايده , أما أنا كمواطن زهايمري مميز جدا و مختلف عن الأخرين تماما قمت سيبت النسكافيه على سلم الصيدليه و دخلت بالسجاره في ايدي جبت الموبايل و سيبت السجاره مكانه !! , الله بقى ؟ هو انا مخي دفتر ؟ المهم اني بسيب حاجه عالسلم و باخد حاجه معايا .
و لما تسسألني يعني إيه زهايمر ؟ أقولك باختصار شديد : زهايمر يعني أنا , أو بلغة المعلم حلاوه العنتبلي : زهايمر يعني بلا فخر إحنا .
Mohamed Hussein
10 July
أكتر حاجه بقت تستفزني في تعليقات بعض الأصدقاء ( المصريين ) هي التشدّق بالكلمات دي ( حرية الرأي !! حرية التعبير !! ) , ومش عارف أنا إيه حرية الرأي في النقاش مع واحد بيهين شعب مصر ؟! و يعني ايه حرية تعبير لما واحد يتطاول على جيش مصر ؟!.
فيه ناس عايشه الدور أوي , ملكيين أكتر من الملك , ثورجيه أكتر من الثوره ذات نفسها , الحكايه فرطت أوي منهم لدرجة انهم بقو عبيد للشعارات , الثوره مش معناها إننا نتخلى عن الحيطه اللي ساندانا يا بشر , ولما الموضوع يمس شعب مصر على مطلق الكلمه أو جيشها يبقى من حقي أقول : مصر أولا , بلا ربيع عربي بلا ربيع ياسين !!.
ليست هناك تعليقات:
إرسال تعليق