Mohamed
Hussein
18
أكتوبر 2018·
عاجل قناة الجزيره
: شهود عيان أتراك يؤكدون أنهم شاهدو مجموعة من كفار قريش تابعين للأمير محمد بن سلمان
تسللو إلى محيط القنصليه السعوديه ليلا و ربطو خيولهم في الساحه الخلفيه .
.
ثم باتو ليلتهم
بداخلها , و في صبيحة اليوم التالي و ما إن دخل جمال خاشقجي إلى القنصليه حتى انهالو
عليه طعنا بالسيوف و السهام و الرماح و المنجنيق .
.
و يروي أحد الشهود
أنه سمع بإذنيه قائد المجموعة و يدعى أبو لهب و هو يطلب من امرؤ القيس الذي تصادف وجوده
في القنصليه في نفس الوقت ( كان بيختم قصيدة ) , طلب منه أن يقرأ عليه المعلقه الشهيره
( قفا نبكِ ) عشان يعرف يتمزج و هو بيدبح و يشفي .
.
و في سياق متصل
و تأكيدا لشهادة الشهود , صرح أحد المحققين الأتراك ( رفض الكشف عن إسمه ) أنهم في
اليوم التالي لاختفاء خاشقجي و باستخدام أجهزه غايه في التطور والجمال و الحلاوه عثرو
على أثار و روث للخيول خلف القنصليه , كما عثرو على بقايا من سيجارة حشيش يٌرجح أن
تكون من النوع الذي يستخدمه أبو لهب شخصيا .
.
شاهد أخر يؤكد
أنه سمع صراخ خاشقجي و هو يستنجد بعنتره بن شداد , و يبدو أنه لم يجد عنتره ولا حتى
الواد الصغير شيبوب .
..........................................................................................................
Mohamed
Hussein
18
أكتوبر 2018·
صباح الخير
.
مصر تعلن رسميا
و لأول مره عن امتلاكها طائرات عسكريه مسلحه بدون طيار !! , جنب إخواتها بقى الرافال
متعددة المهام و ال f16 .
.
بالنسبه لست أم
شوشو اللي كانت رايحة تنشر الغسيل و فجأه سابت السبت على جنب و دخلت عالفيس تتريأ عالسيسي
لما قال ( سيات و مرسيدس ) و بالنسبه لأستاذ عبد الحميد الموظف المحترم اللي كل معلوماته
عن الحياه فرخ الكربون و ورقة الدمغه واللي برضه كتب نفس الكلام , عايز أقول لهم كلمتين
:
.
عبد الفتاح السيسي
لما قال سيات و مرسيدس كان بيقصد التسليح و الإمكانيات العسكريه , في 73 كنا بناخد
السلاح من الإتحاد السوفيتي بالتيله و بخلع الضرس و في نفس الوقت الطرف التاني اللي
هو عدونا في الحرب عنده أحدث الأسلحه الأمريكيه و معمول له جسر جوي مباشر و مخازن السلاح
الأمريكيه مفتوحاله عالبحري , ادخل انت بس و عبّي و شيل .
.
كلام السيسي هو
أكبر مدح لجيش مصر العظيم , انتصرنا ازاي و عبرنا بعربية سيات و احنا بنحارب مرسيدس
؟ انتصرنا ازاي رغم الفجوه المخيفه في التسليح و التكنولوجيا ؟ انتصرنا يا محترم بالشجاعه
و البساله و التضحيه , بعقيدة الجندي المصري اللي مفيش زيها في العالم , احنا بالظبط
كنا وقتها عاملين زي الغزّاله الشاطره , و الغزّاله كانت بتغزل برجل حمار .
.
عقيدتنا القتاليه
دي هي اللي حاولو يضربوها بعد 73 و بيحاولو لحد النهارده , تشويه للجيش , فبركه للتاريخ
, تقليل من شان انتصارك , تطاول على جيش بلدك عشان تبقى مناضل و بطل , حاولو بكل الطرق
عشان عارفين ان ده أقوى سلاح بتمتلكه ( أقوى حتى من القنبله النوويه ) , حاولو و فشلو
كالعاده , و أكبر لعنه ممكن تصيب اعدائك هي إنك تكون محتفظ بنفس عقيدتك القتاليه المصريه
الصلبه اللي مفيش زيها في العالم , و في نفس الوقت تسليحك بقى مرسيدس مش سيات !! .
...........................................................................................................
Mohamed
Hussein
17
أكتوبر 2018·
شوف يابني , اللي
حصل كالتالي
.
- هما استدرجوه
جوه السفاره عشان يخلص ورق و عارفين طبعا انه هييجي في التوقيت ده بالظبط .
.
- في نفس اللحظه
كان فيه مسئولين امنيين سعوديين بتاع 15 واحد , لا 15 مش 5 , ماهو يادوب على ماناس
تمسك و ناس تكتف و كده .
.
- لما دخل كانو
مجهزين منشار بالكهربا , وبعدين قطعوه حتتين في الأول , في اللحظه دي الحته اللي فوق
صرخت و قالت إلحقوني إلحقوني ( بليز هيلب مي ) , و كان فيه واحد تركي ماشي جنب السفاره
بالصدفه و هو بيعرف عربي و انجليزي طبعا فسمعه بيقول إلحقوني و هيلب مي .
.
- قبلها بيومين
كانو اشترو شوية منظفات كتير و جراكن ديتول و رابسو, عاملين حسابهم , و اشترو المنشار
و فيه شهود عيان شافو البت ميلاني الفلبينيه اللي شغاله في السفاره داخله و معاها اتنين
كيلو بطاطس في كيس بلاستيك و حبايتين طماطم و بصلتين ( أكيد كانو ناويين يعملوه صينية
بطاطس باللحمه ) .
.
- في وقت تقطيعة
, رئيس الوفد الأمني طلب إنهم يشغلو موسيقى كلاسيك هاديه ( ضميني وانسى الدنيا , ضميني
وانسي الناس ) , و قال اتفضلو يا رجاله قطعو , قطعوه كذا حته و بعدين جابو مفرمه كبيره
و فرموه , و بعد مافرموه حطو عليه ماده كيميائيه سريه للغايه رقمها الكودي mns 758 أو 785 مش فاكر بالظبط , لحد ما داب و اتبخر .
.
- و بعدين جابو
ديتول سبراي من أبو 60 جنيه وقعدو يرشو الهوا بتاع السفاره لحسن حد يلاحظ حاجه , مع
انه كان وقتها لابس ساعة أبل و الساعه دي بتبعت تسجيلات على رقم مو بايل , إنما أأأأ
...................
يا أستاذ يا أستاذ
؟
- نعم يا حبيبي
, بتقاطعني ليه ؟
.
كلامك كله صح و
الجزيره مأكداه هي و قنوات الإخوان والمخابرات البريطانيه , بس فيه سؤال صغير,هو جمال
خاشقجي ده كان سوبر مان أو جبار و بيمشي عالحيط أو مشهور ومهم أوي و معاه كتيبة صاعقة
بتحميه وهو ماشي في الشارع ؟
- لا أبدا , لا
جبار ولا مشهور ولا حد يعرفه و خالته ذات نفسها بتتلخبط في إسمه .
طب ما كانو يتأجرو
أي بلطجي سكران من قدام أي بيت دعاره هناك و يدّوله 500 دولار و ازازتين بيره مشبرين
و نص فرخه مشويه عالفحم , و كان راح قتل خاشقجي و تاوى جتته في أي داهيه بدل الفيلم
الهندي ده كله .
- ممممممممممم
طب ما تقول لنفسك يا حيوان ؟!
..............................................................................................................
Mohamed
Hussein
17
أكتوبر 2018·
الدرس الأول
.
بالنسبالي أهم
درس في قصة جمال خشبندي ده هي رساله واضحه و صريحه , رساله لكل واحد فكر أو بيفكر إنه
يخون بلده في يوم من الأيام
.
شوف يا حبيبي
, ناوي تخون بلدك ؟ طب كويس أوي و جميل جدا , هتلاقي أبواب أمريكا و بريطانيا و تركيا
و قطر بنت الوسخه مفتوحين لك عالبحري , عايز جنسيه تانيه ؟ وماله , نقّى و اختار ,
عايز فلوس كتير ؟ هنديك , عايز شهره و تلميع , عبّي و اغرف بمعرفتك ( ده الإعلام اعلامنا
و الورق ورقنا و الميديا العالميه بتاعتنا و مراكز حقوق الإنسان في جيب البنطلون الوراني
) .
.
عايز حاجه تاني؟
مش عايز ؟ طب تمام , عارف طبعا دورك اللي هتلعبه من غير مانقول , و كل ماتجتهد هنلمّعك
اكتر و نديك فلوس اكتر , و هنعمل لك كمان ألتراس يقولو عليك بطل و مناضل و يبنو لك
مقام و يطوفو حواليه
.
خلص دورك ؟ لا
حول ولا قوة إلا بالله , طب الفلوس اللي صرفناها عليك ماخدناش مقابلها أوي , نعمل ايه
نعمل ايه ؟ أيوه لقيتها , احنا نقتلك أو نسيب الدوله اللي خونتها تقتلك ( سيان على
فكره ) , و بس كده ؟ لا طبعا , احنا بعد ما نقتلك أو نسيبك تتقتل نتاجر بدمك , يوووه
مانا نسيت أقولك , انت حياتك عندنا كانت بتكسبنا دولار فسبناك عايش , و لو موتك هيكسبنا
2 دولار هنصفى دمك بإيدنا أو بإيد غيرنا .
.
يعني باختصار
, انت مجرد منديل كلينكس بيستخدمه أهل الشر و يرموه , تاخد التقيله بقى ؟ لا لازم تاخدها
, بص يا مولانا , عيلتك اللي هي أبوك و أمك ومراتك , عارفين انك بتشتغل في مهنة خاين
ابن وسخه ( مش مهندس ديكور ولا دكتور أمراض نسا ) , و عارفين ان الفلوس الكتير اللي
عايشين منها دي تمن الخيانه , اصبر عليا عشان هديك التقيله , بعد مالمنديل الكلينكس
يترمي في الزباله , يعني بعد ماتموت , أهلك نفسهم هيتاجرو بيك و يفتحو علي روحك مزاد
, مين يدفع أكتر ؟! .
.
فيه قصه مكرره
جدا في كتاب التاريخ بأشكال مختلفه شويه , قصة إن مستعمر أو بلطجي دولي عايز يخرب دوله
معينه أو يحتلها , فيقوم يستعين بشوية خونه من أبناء الدوله دي و يظبطهم و يسنجفهم
و لما يخلّص مهمته و يحتل الدوله أو يخربها أوّل ناس بيتخلص منهم هما الخونه اللي استخدمهم
, و لما تسأله انت ليه عايز تخلص مننا بعد كل اللي عملناه عشانك يقولك بمنتهى الهدوء
, انت واحد قدرت تخون بلدك و أهلك , عايزني أثق فيك إزاي ؟!
..........................................................................................................
Mohamed
Hussein
16
أكتوبر 2018·
اللي يشوف تعامل
قناة الخنزيره مع موضوع زفت الله يجحمه خاشقجي و إزاي بتحرض ضد السعوديه , كل 10 دقايق
خبر , صرح مصدر تركي مطلع إن المسئولين السعوديين قطعوه بمنشار , صرح مصدر تركي إن
مواطن كان ماشي جنب السفاره و سمع صوت خاشقجي و هو بيتخانق , صرح مصدر تركي مسئول إنهم
شغّلو موسيقى هاديه و هما بيقطعوه , صرح مصدر تركي رفض الإفصاح عن اسمه انهم ضربوه
في المفرمه و عملوه كفته .
.
اللي يشوف التعامل
ده يعرف يعني ايه مرقعه و انحطاط اعلامي , و يعرف انه مفيش حاجه اسمها حرية إعلام في
المطلق و إنك في النهايه قدام قناه فضائيه اتصرف عليها مليارات الدولارات عشان بس تلعب
دور ( لسان الشيطان ) في لعبة الشرق الأوسط الجديد الصهيونيه الأمريكيه البريطانيه
.
.
يعني أنا شخصيا
لو سمعت بكرة الصبح إن طياره سعوديه ضربت قناة الخنزيره بكل العاهرات و الخواجات اللي
فيها و ساوتها بالأرض مش هترحم على كلب فيهم ولا حتى عامل البوفيه لأنه برضه عارف انه
بيشتغل في بيت دعاره , بيشتغل في وكر الخراب .
......................................................................................................
Mohamed
Hussein
16
أكتوبر 2018·
القطنه مابتكدبش
, لو فيه حاجه مش نضيفه هتطلع في القطنه أكيد , أو هتطلع في أكاونت تويتر الرسمي
!! .
.
كلمتين أحيانا
بيكونو أبرك من ألف , لو عايز تعرف يعني ايه جايزة نوبل للسلام مؤخرا ؟ و مين اللي
بيمنح الجايزه دي في الواقع مش عالورق ؟ و بيمنحها لمين بالظبط ؟ اقرا التويتتين دول
, بهدوء شديد , للإتنين اللي حصلو على جايزة نوبل لامؤاخذه للسلام , أيوه هي لازم تتنطق
كده, اسمها جايزة نوبل لامؤاخذه للسلام .
.
ايه الدور و إيه
التمن و مين الناس دول ؟ بص يا مولانا , واحده كان أخرها تبقى مرات بواب لعماره في
أعفن شارع من شوارع صنعاء ( مع كل و كامل احترامي لكل بواب و كل مرات بواب لأنها مهن
شريفه ) يقومو يجيبوها و يلمعوها و يحولوها لأيقونه و يدوها جايزة نوبل , تخرب بلدها
لحد ماتجيبها عالجنط و الناس ماتلاقيش فيها مرتبات ولا بؤ مايه و تظهر فيها أمراض اختفت
من كتب الطب من 50 سنه , تخلص الدور ده و تتنقل على بلد تانيه و هكذا .
.
و واحد كل معرفة
المصريين عنه انه كان بيشتغل في الوكاله الدوليه للطاقه الذريه , عاش له خمستاشر عشرين
سنه بره , لا شارك في حياه سياسيه في مصر ولا شارك في حزب ولا حركة ولا أغنيه ولا طقطوقه
, يقوم يجيلنا متلمع جاهز و أيقونه جاهزه ( هوم دليفري ) و معاه جايزة نوبل لامؤاخذه
للسلام في جيب البنطلون الوراني ( ماهي لازم تكون في الجيب الوراني ) , و يبقى دوره
ايه غير كده ؟ ملايين العرب اتقتلو و اتهجرو وبلادهم خربت , و مولانا أبو نوبل لامؤاخذه
للسلام بيحرض بشكل رسمي على ثورة مسلحه , عشان ننعم بقى بالديموقراطيه الأمريكاني زي
اللي حصلت في سوريا و ليبيا و العراق بالظبط , ويبقى الإرهابيين اسمهم ميليشيات معارضه
و بعد شوية يبقى اسمهم الجيش الحر !! .
.
الجميل كمان في
المشهد ان كل واحد منهم بيبقى جاهز ببلد أجنبيه و له مكان اقامه فخم متحدد من الأول
عشان لما بلده تخرب يلاقي حته يتتاوى فيها , مفيش حاجه بتتساب للصدفه , و إبليس الرجيم
مش بيتخلى أبدا عن شياطينه الصغيرين .
.................................................................................................................
Mohamed
Hussein
16
أكتوبر 2018·
يا أخي الواحد
بيجي عليه أوقات كده بيبقى عايز يطبطب على نفسه و يقوم ياخدها حضن مطارات ويقول لها
, إجمدي بقى أومال دانتي سترونج اندبندانت , مش أي كلام يعني , ولّا تكوني مش سترونج
اندبندانت وضاحكه عليا طول السنين دي ؟ والله شكلك لا سترونج ولا اندبندانت ولا نيله
و هتورطينا معاكي .
..............................................................................................................
Mohamed
Hussein
15
أكتوبر 2018·
الأحداث متسارعه
بشكل غريب , بشكل لا يحتمل التأويل و التحليل و لا نافع فيها خبراء استراتيجيين ولا
تجار أثار مهمين .
.
- السيسي بيزور
بوتين
- وزير خارجية
الكشك القطري بيزور الشاذ التركي بشكل مفاجئ .
- الكويت جابت
الأتراك عندها من يومين تلاته ( وبقى زيها زي الكشك ) .
- ترامب بيتصل
بسلمان و بعدها بيقول كلام مختلف في موضوع خاشقجي
- إنزال 3000 جندي
من مشاة البحريه الأمريكيه على سواحل قطر بنت الوسخه
.
لو عايزين رأيي
في الموضوع ده ؟ هقول لكو باختصار , اللي عندها كام كيس باميه مخزناهم في الفريزر أو
كام كيلو مانجه تلحق تطلعهم عشان خساره , اللي مخاصم حد يصالحه , و اللي بيحب حد من
تحت لتحت يلحق يقوله بحبك , النهارده , دلوأتي , ناو مينز ناو , أما بقى اللي له سيديهات
عند مرتضى منصور و قلقان منها فعايز أقوله ماتقلقش .
...........................................................................................................
Mohamed
Hussein
15
أكتوبر 2018·
إعتقادي إن زيارة
السيسي لموسكو حاليا ممكن تكون أخطر و اهم زياره خارجيه للرئيس من أول ما مسك الرئاسه
و لمدة 20 سنه جايين ( لحد مايخلص فترته الرئاسيه يعني ) , بحكم الظروف المحيطه في
الشرق الأوسط حاليا و الوضع الراهن و مصر اللي وقفت على رجليها من تاني ( اقتصاديا
و سياسيا و عسكريا ) .
.
و قال يقولك هيتباحثو
في العلاقات الثنائيه بين البلدين !! يابني ( ثنائيه ) دي تبقى خالتك , القاعده بتاعة
بوتين و السيسي هيبقى فيها كلام و ملفات و مباحثات بتشمل نص الكره الأرضيه اللي فوق
خط الإستواء .
..............................................................................................................
Mohamed
Hussein
15
أكتوبر 2018·
معركة الوعي
............ امنعو الضحك
.
خبر جميل أوي بيقول
, وصول سفينة إنزال امريكيه إلى سواحل قطر و تحمل 3000 جندي أمريكي من مشاة البحريه
, استنى بس , لسه يابني جمال الخبر ماكملش , خد السبب المعلن , وقالك ياسيدي إن الحكايه
دي بتأتي في إطار التعاون المشترك في مكافحة الإرهاب !! اه و عهد الله زي مابقول لكو
كده .
.
بصو بقى , عشان
احنا عايشين في زمن و في توقيت شديد الخصوصيه , و عندي قناعة تامه إنك لو مافهمتش لحد
دلوأتي فانت بالتأكيد خساره فيك نفس الهوا اللي بنتنفسه , لو مافهمتش هتبقى عالة على
نفسك وأسرتك و مجتمعك و دولتك بالكامل , لو مافهمتش هتبقى أخطر علينا من أعدائنا ,
ده مش كلام عميق ولا بطيخ , ده ألف باء و بتتكرر قدامنا كل يوم ( ليس ضروري ان تكون
خائنا لتخدم عدوك , يكفي جدا انك تكون بقره !!), الجهل بتاعنا أقوى سلاح في إيد اعدائنا
, الحماس بغشم أقوى سلاح في إيدهم , و ده الكلام اللي قاله السيسي في اخر خطاب .
.
بص يا حبيبي ,
لو عايز تبقى بني أدم و تستحق نفس الهوا و ماتبقاش عاله عالكل هقولك الحكايه تاني
:
.
أمريكا و بريطانيا
يصنعو بلطجي اسمه الإرهاب , يختارو عناصره من عندنا , يدربوه و يبعتوه لبيوتنا العربيه
, من ضمن البيوت دي بيت واحد يصرف عالبلطجي و يعمله تغطيه اعلاميه اسمه قطر بنت الوسخه
وقناة الخنزيره , و بيت تاني اسمه تركيا يوفر له الدعم اللوجستي و يموله بالسلاح .
.
البلطجي يقوم بدوره
على أكمل وجه بالتدريب و التخطيط الصهيوني الأمريكي البريطاني و بالدعم الكامل التركي
القطري , و يخرب على قد مايقدر من بيوتنا ( بمساعدة برضه شوية خونه من عندنا و شوية
بقر !! ) .
.
يخلص دور البلطجي
و تيجي مرحلة لم التعابين , نفس اللي صنع البلطجي عايز يستفيد منه لأخر لحظه , يعمل
ايه بقى ؟ يخليه غطاء لتواجده وسط بيوتنا بحجة محاربة البلطجي ( اللي هما صنعوه )
!! , لا سحر ولا شعوذه .
.
فتبقى الحكايه
بالشكل ده , أصنع بلطجي , أبعته للشرق الأوسط , الصبي بتاعنا يوفر له الدعم و الفلوس
, ينتهى دور البلطجي , أبعت قواتي لبيت الصبي بتاعي عشان نحارب أنا و هو البلطجي اللي
صنعناه و علفناه , سأّفو يا ولاد .
.
بس أصل حضرتك قطر
و تركيا ( اللي فيهم أكبر قواعد عسكريه أمريكيه خارج أمريكا ) بيدعمو الإسلام و هيحررو
القدس من إيد إسرائيل ( بنت بريطانيا و أمريكا ) ؟ ممممممممم بس يا بقره يابن البقره
.
.............................................................................................................
Mohamed
Hussein
14
أكتوبر 2018·
أبو قرش و أبو
قرشين
.
- السعوديه كان
لها مواقف بايخه مع مصر اخر سنتين تلاته ؟ حصل يافندم , و دقات نقص كتير ؟ أكيد , السعوديه
ورطت نفسها في سوريا و انضمت لتحالف بيشمل القوى الإستعماريه ( امريكا و بريطانيا و
تركيا ) اللي مالهمش أصل ولا مبدأ , وماسمعتش نصايح السيسي ؟ صح .
.
السعوديه مافهمتش
انها مجرد ماتخلص دورها هييجي الدور عليها ؟ صح , السعوديه في وقت من الأوقات كانت
بتمثل غطاء شرعي للشاذ ابن موزه ؟ حصل , السعوديه من خمسين ستين سنه بتنشر فكر وهابي
متحلف عقيم و بتصرف مليارات على نشره و في الأخر نكتشف انها تعليمات من أمريكا ( بحسب
تصريحات محمد بن سلمان نفسه ) ؟ صح جدا , الفكر الوهابي ده كانت نتايجه كارثيه علينا
و لسه بنعاني منها و هنحتاج سنين طويله لحد مانخلص منه ؟ ايوه صح .
.
طب هنعمل ايه دلوأتي
و احنا شايفين الدور جه عليها فعلا و بدأو يساوموها و اخترعو لها قصة زي بتاعة ريجيني
لإبتزازها و الكلام بقى يتقال علنا , هتدفع و لا نبطل نحميك و نسلط كلابنا عليك ( الخنزيره
و قنوات تركيا و الميديا الأمريكيه و البريطانيه و كل بيوت الدعاره اللي بيديرها أهل
الشر ) ؟ , هنقف مع السعوديه و جنبها طبعا , مفهاش نقاش , ليه كده ؟ هقولك يا سيدي
:
.
بص يا مولانا
- السياسه مفهاش
حاجه اسمها ديمومه , أمريكا ضربت اليابان بالنووي و بعدها بكام سنه عملو تحالف استراتيجي
كامل مع بعض .
.
- دول العالم بالنسبه
لمصر ممكن نقسمها ل 3 أنواع , دول مهمه جدا بحكم الموقع الجغرافي و التاريخ المشترك
و اللي و اللي ( السعوديه و ليبيا و السودان و فلسطين وسوريا و اليمن و العراق و خلافه
) , دول مهمه جدا بحكم انها بتتحكم في كوكب الأرض سياسيا و اقتصاديا و عسكريا ( زي
امريكا و بريطانيا و فرنسا و ألمانيا و روسيا و الصين ) , دول أقل اهميه زي أغلب دول
العالم .
.
- أهمية السعوديه
بالنسبالنا بتخليها أمن قومي لمصر رقم 1 , حتى لو حكمها في وقت من الأوقات أبو لهب
شخصيا , و الدول اجمالا بتبقى زي البيوت , بتتسند على بعض , مهما كان اللي بيحصل جوه
بيت جارك من شرور فانت مسنود عليه و هو مسنود عليك
.
السعوديه وقفت
معانا في 30 يونيو ايام الله يرحمه الملك عبد الله , مش وقفت اقتصاديا بس , لا وقفت
سياسيا و ساومت بكل قوتها الإقتصاديه الدول اللي كانت واقفالنا عالواحده وقتها , السعوديه
بيشتغل فيها أكتر من 2 مليون مصري , يعني 2 مليون بيت مفتوحين , يعني عشره خمستاشر
مليون مستفيد , يعني أكتر من 15 مليار دولار سنويا , يعني حوالي 300 مليار جنيه في
السنه .
.
و بالتالي , شئنا
أم أبينا , أي أذى أو ضرر تتعرض له السعوديه أو محاولة تفتيت أو أو ( و بحكم قوتها
الإقتصاديه المهوله ) هيأثر على العالم كله , و يطرطش في كل حته و طبعا اكبر طرطشه
هتبقى على دماغنا احنا .
.
بس ماهو لو كانو
سمعو كلام السيسي , و لو كانو عملو كذا من الأول , ولو و لو , أه نسيت أقولك , السياسات
الدوليه فيها تعامل مع الواقع , مفهاش كلمة ( لو كان ) ,
.......................................................................................................
Mohamed
Hussein
14
أكتوبر 2018·
نسور الجو , عيد
قواتنا الجويه
.
زي النهارده من
45 سنه ( في اكتوبر 73 ) حاولت طائرات العدو الصهيوني تدمير القدره الجويه لمصر و الدفاعات
الجويه في منطقة الدلتا , خرجت لها طائراتنا الحربيه و حصلت المعركه , أقوى معركة جوية
بعد الحرب العالميه التانيه , معركة المنصوره , المعركه اللي استمرت 50 دقيقه كامله
, نجحت فيها قواتنا الجويه في إسقاط 17 طائره مقاتله من طائرات العدو ( مقابل 3 طائرات
من عندنا ), و بقية طياراتهم هربت و انسحبت بعد الخساره الفادحه و قبل ما تحصل اخواتها
.
.
المعركه قادها
الطيار المصري البطل محمد حسني مبارك , ده احقاقا للحق , هننتقده و نلعن سلسفيل اللي
خلفوه لما نتكلم عن سياساته كرئيس دوله , إنما لما تيجي سيرة حرب اكتوبر و القوات الجويه
يبقى لازم ننحني احتراما لطيار مصري مقاتل .
.
علّمو أولادكم
السباحه و الرمايه و ركوب الخيل , علّمو أولادكم التاريخ و الفخر و العزه و الإحترام
لجنودنا البواسل , أعظم جنود الله , خير أجناد الأرض .
.................................................................................................................
Mohamed
Hussein
13
أكتوبر 2018·
اشتريت ساعة أبل
لقيتها مابتعرفش تحلب الجاموسه ولا تزغط البط ولا بتجلب الحبيب في ساعتين , روحت رجعتها
للمحل تاني .
.......................................................................................................
Mohamed
Hussein
13
أكتوبر 2018·
بص حضرتك
- نعم يا حبيبي
.
هو كان لابس ساعة
أبل
- أها
.
وداس على زرارها
و هو داخل السفاره
- داس على زرار
السفاره ؟
.
لا على زرار الساعه
الأبل
- اها
.
و كان معاه موبايلين
, واحد سابه مع خطيبته التركيه اللي كانت واقفه بره والتاني اكيد سلّمه لهم في أمن
السفاره قبل مايدخل للقنصل السعودي .
- أها
.
لما داس على الزرار
بقى كانت الساعه بتسجل اللي بيحصله صوت و صوره و تنقله عالموبايل بتاعه بالأشعه فوق
المحشيه
- أها
.
فاللي سجلته الساعه
و نقلته للموبايل هيوضحو حقايق كبيره اوي تيجي اتنين كيلو
- أها
.
ده طبعا بناء على
كلام جريدة ( علمني العوم والنبي ياحمد ) التركيه و قناة الخنزيره نقلا عن مسئول تركي
رفض خلع بنطلونه قصدي رفض الإفصاح عن اسمه .
- أها .
.
ايه أها اها دي
؟ مابتقولش رأيك يعني ؟
- رأيي في ايه
بالظبط ؟ في الساعه ولا الموبايلين ولا خطيبته ولا علمنى العوم و النبي ياحمد ؟
.
رأيك في الموضوع
- أه رأيي في الموضوع
, طب بص يا حماده
.
بصيت أهو
- من كام شهر كده
أردوغان كان رايح حفله و قال لأنصاره , سوري يا جماعه انا اتأخرت عليكو عشان وانا جاي
في الطريق لقيت حادثه و فيها طفل صغير , استأذنت من اهله و خدته وديته المستشفى , وسط
تصفيق من الحضور و يادين النبي ايه الحلاوه دي .
.
أها
- بعدها بشوية
نفس الأردوغان كان ماشي بموكبه فشاف طفله صغيره بتعيط قام موقف الموكب و مطلع من جيب
البدله عروسه لعبه و اديهالها ( بالك لو كانت طلبت تلاجه 16 قدم كان طلعهالها من الجيب
التاني ) وسط تصفيق الحضور برضه , و يادين النبي ايه الحلاوه دي .
.
أها
- بعدها بكام يوم
كان أردوغان ماشي بنفس دين أم موكبه ولقى شاب هينتحر على كوبري , قام وقف الموكب و
نزل قاله يابني مايصحش , انت حد جميل اخر فيصل و الشاب اقتنع وسط تصفيق الحضور , ويادين
النبي ايه الحلاوه دي .
.
يا أستاذ يا أستاذ
- مممممم نعم يا
حبيبي .
.
أنا بسالك عن رأيك
في موضوع خشبندي و الساعه الأبل .
- مانا يابني بجاوبك
في نفس الموضوع عشان هو في النهايه موضوع واحد , اسمه الهري و الهبد و التأليف اللي
عند خليفة الشواذ و حكومته و جرايده و قنواته و سلطاته و حبشتكاناته , الناس دي يابني
بتكدب أكتر ماحنا بنستحمى .
.......................................................................................................................
Mohamed
Hussein
12
أكتوبر 2018·
مفيش أي تناقض
بين كلام السيسي عن يناير من سنين و كلامه النهارده , بين انه من كام سنه يقول ثوره
عظيمه و انه النهارده يقول أحداث و علاج خاطئ , العبيط بس هو اللي يفهم انه فيه تناقض
, العبيط بس هو اللي مابيدركش أهمية الوقت و التوقيت , هو اللي مايعرفش يعني ايه مسئولية
و حكمه في التصرف .
.
بص يا حبيبي
حسن بيحب بنت اسمها
ياسمين , بيعشقها , متيم بيها , وفي الرايحة والجايه مفيش على لسانه غير سيرتها , انما
أبوه سأل و أدرك وبصم بالعشرة ان ياسمين دي نصابة وحلنجيه هي و أهلها و هيخربو البيت
( مع انها كيوت شبه الفراشه أو شبه البنت إياها بتاعة الرحاب !! ) , الأب حاول يلمّح
لابنه انما الولد كان في حالة هيام , في حالة جنون .
أبو حسن لو كان
رفض قصة الحب دي و أصر على رأيه , كان هيبقى قدامه احتمال من تلاته , إما إن حسن ينتحر
او يولع في البيت أو يدخل في مواجهه مع أبوه و واحد فيهم يقتل التاني , احتمالات كلها
كوارث , طب الراجل ده مسئول وبيعرف يفكر بهدوء , يعمل ايه بقى ؟
.
خلاص يا حسن هخطب
لك ياسمين , دي بنت كيوت يا ابني و من عيله محترمه ( ثورة عظيمه ) , حسن فرح أوي و
خطب ياسمين فعلا , وأبوه مراقب الموقف, قال ده إبني وانا عارفه , صح هو طيب وعلى نياته
( حسن النيه ) بس هيفوق ويفهم لما يشوف بنفسه تصرفات البنت ( و أهلها ) , لحد ماجه
يوم والأب قاعد على كنبه الانتريه بيشرب قهوته وحاطط رجل على رجل , لقى حسن داخل عليه
وبيقوله يابابا انا اسف, البت دي نصابة وأهلها مشبوهين , في اللحظه دي بس الأب رد على
ابنه و قاله , انا عارف من الأول بس ماكنتش هعرف أوقفك وكنت خايف أخسرك , كان لازم
اسيبك تجرب و تشوف بنفسك .
............ و
توته توته خلصت الحدوته .
.
يعني حضرتك تقصد
ان الملايين اللي نزلو في 25 يناير كانو بيلعبو دور حسن ؟ أيوه بالظبط ( و انا منهم
على فكره ) , و الثوره تبقى ياسمين ؟ بالظبط , ياسمين اللي بعتتها أمريكا ( أهل البنت
الكيوت ) لبيتنا و لكذا بيت عربي تانيين , و الأب لو كان قال لنا وقتها ان ياسمين دي
نصابه ومشبوهه كنا هنعمل ايه ؟ كنا هنحرق البلد سيادتك , حرفيا كنا هنحرقها ( مراية
الحب عاميه ) , أنا شخصيا من 6 سنين بس لو كان حد انتقد قدامي تسريحة شعر البرادعي
كنت هدوسه بالعربيه
.
ملحوظه 1 : الأب
في القصه دي مش اسمه عبد الفتاح السيسي , ده مجرد شخص , قائد كتيبه مليانة رجاله ,
كتيبة اسمها المؤسسات السياديه اللي عرفت تتعامل بمنتهى الحكمه مع الطوفان و السيل
الجارف .
.
ملحوظه 2 : الفرق
بين مصر و سوريا و ليبيا إنهم ماعندهمش أجهزه سياديه محترفه و بالتالي اتعاملو مع السيل
الجارف ( مع ياسمين بتاعتهم ) بطريقة المواجهه ( الغشم ) , و دي كانت بداية الكارثه
اللي حضراتكو شوفتوها .
.
ملحوظه 3 : كون
إن ياسمين و أهلها مشبوهين ف ده لا ينفى أبدا إن مبارك و شلته كانو يستحقو إنهم يغورو
في ستين داهيه ( من فضلك اقرا البوست اللي قبل ده ).
.................................................................................................
Mohamed
Hussein
12
أكتوبر 2018·
عبد الفتاح السيسي
: أحداث 2011 هي علاج خاطئ لتشخيص خاطئ !! .
.
هو الراجل يعني
مش عايز يجيبهالكو صراحةً و يقول الكلام اللي بنقوله من سنين , في 25 يناير احنا ماعملناش
ثوره إنما اتعمل بينا ثوره او اتعمل علينا ثوره ( زي مالفرخه بيتعمل عليها شوربه )
, ماكناش فاعل , كنا مفعول به منصوب عليه بالربيع العربي و مبني للمجهول اللي مبقاش
مجهول ولا حاجه , الموضوع بدأ بحرف جر , كان هيجرّنا في سكة اللي يروح مايرجعش .
.
مبارك فسد و ترهل
في أخر عشره خمستاشر سنه و ساب مصر مرتع للوهابيه و خرفان الجماعه الارهابيه ؟ صح
, مبارك مسئول عن دولة الفساد و تشويه الهويه المصريه و تدمير الإقتصاد و زراعة القطن
و البنيه التحتيه ؟ برضه صح , مبارك كان لازم يمشي ؟ صح جدا .
.
طب يبقى اللي حصل
في 25 يناير اسمه ثوره , لأ يا محترم , مفيش تعارض بين الجملتين , مابين فساد نظام
و صحة الحدث اللي حصل عشان يتشال , احنا نزلنا عشان نهدم نظام فاسد بس اللي نزّلنا
و اللي أشرف علينا واللي روج لثورتنا المزعومه في قنواته و جرايده و اللي كان بيطلع
عالهوا كل ساعتين يقول ناو مينز ناو , واللي أعد العده و الليله من قبلها بسنين طويله
و اللي درّب الشباب ( الأيقونات ولامؤاخذه ) يعني اللي زقنا و استغلنا و استخدمنا كان
بيخطط لهدم دوله , مش لهدم نظام حكم .
.
جمعتكم مباركه
و التلات بتاعنا برضه , مش بتاع حمدين ولا حاجه .
.....................................................................................................
ليست هناك تعليقات:
إرسال تعليق