Mohamed
Hussein
12
أكتوبر 2017·
فصل جديد من فصول
المهزله ..... أمجاد يا عرب !! .
.
السودان و الجزائر
بيصوتو لصالح مرشح الكشك الإرهابي , أتحدى أي سوداني أو جزائري يقولي إيه علاقة قطر
باليونسكو ؟ ايه علاقتها بالثقافه و الحضاره و التربيه و العلوم و التراث ؟ إلا إذا
كان هيعتبر إن لباس حمد بن خليفه من التراث البشري و فلّاية شعر موزه من الأثار التاريخيه
العظيمه اللي أنارت كوكب الأرض في عصر من العصور.
.
مرشحة لبنان لما
انسحبت النهارده أصواتها بالكامل راحت للكشك الإرهابي , و بتقولك أتمنى الفوز لمرشح
عربي , يا أبلتي مفيش 2 مرشحين عرب في اليونسكو , فيه مصر و فيه كشك إرهابي , و فيه
رز بلبن و ريالات , كنتي خليكي صريحه كده و واضحه و كتكوته و قولي قصيدة شعر في لباس
حمد التراثي العظيم , انتو عار على لبنان و عزة جلال الله .
.
في المقابل يا
مولانا الصين لما سحبت مرشحها قالت بنسحبه لصالح مصر , في الوش كده , و خدنا ال 5 أصوات
اللي كانت بتاخدهم الصين , أصل عدم اللامؤاخذه الصين دي مش دوله عربيه , و لا بتتشري
بشوية ريالات , دي دوله تقيله أوي يا عم الحاج , مين يقدر يشتريها ؟ .
.
يابني حاول تركز
, انا هنا مش بتكلم عن مصر ولا مرشح مصر , انا بتكلم عن أبجديات العقل البشري , لما
تقولي يونسكو تقولي مصر أو فرنسا أو العراق أو ايطاليا او اليونان أو البرازيل أو سوريا
أو او أو , انما ماتقوليش كشك إرهابي ابن امبارح , لا له علاقه بعلم ولا ثقافه ولا
حضاره ولا تراث ولا تربيه , عارف لو أصوات العرب كلهم راحو لفرنسا كنت هحترمهم و الله
, أنا هنا بتكلم عن المنطق اللي قرّب يرمي نفسه تحت أتوبيس سياحي فاخر .
....................................................................................................................
Mohamed
Hussein
12
أكتوبر 2017·
جورج وايا لاعب
الكوره الليبيري الشهير فاز النهارده برئاسة ليبيريا , الواد ده ( قصدي الرئيس ده
) جاب جون في عصام الحضري في تصفيات المونديال و بسببه ماوصلناش كاس العالم سنة 98
.
.
نبدأ من دلوأتي
بقى حملة محمد صلاح رئيسا لمصر 2026 , أهو قدامه تسع سنين لسه , يلعب فيهم كوره و يتألق
و يتنقّل بين أندية أوروبا العملاقه , و يجيب أجوان في طوب الأرض , و معنديش مانع انه
في أي ماتش ودي يجيب جون عكسي في الحضري برضه .
.................................................................................................................
Mohamed
Hussein
11
أكتوبر 2017·
صوره بائسه و قبيحه
قبح العالم و السنين و الرأسماليه و السياسه و النجاسه و التربيطات و الريالات والأغنيه
و الموّال و ذل السؤال !! .
.
صورة تجمع بين
مرشحة فرنسا لليونسكو و مرشح الشاذ القطري الإرهابي , صوره بألف معنى و ألف رساله و
ألف عنوان و ألف تفّه !! .
.
متحف اللوفر في
أحضان قناة الخنزيره الإرهابيه , جامعة السوربون تحت أقدام موزه , عاصمة النور و الجمال
و الموضه تداعب قبح و دمامة عاصم عبد الماجد و يوسف القرضاوي , عندما تختلط رائحة البارود
و العفن برائحة العطور الفرنسيه , شارل ديجول زمانه ب ( يشكر ) في قبره , حزين على
ميتين أمك يا فرنسا .
................................................................................................................
Mohamed
Hussein
11
أكتوبر 2017·
أكتر ست بتعجبني
في كوكب الأرض و المجموعة الشمسيه , هي الست اللي ممكن تقابلها ماشيه في مول أو هايبرماركت
و ماسكه ابنها في إيديها و طول ماهي ماشيه تكلّمه بالإنجليزي ( حتى لو كانت الست دي
اسمها نحمده و ابنها اسمه عوضين ) , و دونت , و نو نو , و بليز عوضين كم , و ساي هيللو
.
المشهد ده بالنسبالي
مثير , مثير جدا , مثير للإنتباه , مثير للشفقه !! .
.
طب لو مسكت مدام
نحمده من إيديها و خدتها على جنب و سألتها هو معاليكي بتعملي كده ليه ؟ هتسمع رد نموذجي
, أنا عايزه الواد عوضين ابني لما يكبر يشتغل في شركة مالتي ناشونال و لازم الإنجليزي
بتاعه يكون بيرفيكت و نبدأ معاه من سن صغير أوي و كمان عشان مجتمعنا يبقى متطور و متحضر
, و تفهم من كلام مدام نحمده و قريناتها إن الجيل ده كله لما يكبر هيشتغل في شركات
مالتي ناشونال و يلبس بدله و كرافته و يبقى السوبرفايزور و العضو المنتدب ورئيس المجلس
الأعلى للفضاء الخارجي .
.
عزيزتي مدام نحمده
, تعالي أقولك كلمتين
- اللغه الإنجليزيه
مهمه جدا صحيح , لأنها اللغه العالميه , و مهمه أوي لو ابنك أو بنتك هيدخلو كليه علميه
عشان طبيعة الدراسه فيها و لو هيكملو بعد كده ماجستير و دكتوراه , ده كلام جميل .
- بس خلي بالك
, اللغه الإنجليزيه اسمها اللغه التانيه و عندك لغه أولى اسمها اللغه العربيه , بيسمّوها
اللغه الأم , اللي هي لغتنا أو لساننا العربي المبين , أور تانج حضرتك .
.
اللغه العربيه
دي بقى صدقيني و الله , و عزة جلال الله , ماهي لغه لقيطه لاقينها قدام جامع ولا لغة
بنت امبارح و لا لغة سمعتها هباب و شاقطينها من شارع جامعة الدول , ولا هي لغه معاقه
و بتمشي على رجل واحده , ولا هي لغه مشوهه و مناخيرها 3 فتحات , ولا هي لغه عجوزه كركوبه
و المفروض نستعرّ منها و نرميها في ملجأ أو دار للمسنين
.
لغتنا العربيه
يا مدام نحمده فيها مفردات و حروف و كلمات تغطّي كل موقف و كل شعور و كل حدث و كل تعبير
, أكتر من أي لغه في العالم , يعني ينفع والله تعلمي عوضين ابنك يقول لو سمحت و شكرا
بدل من بليز و ثانك يو .
.
في اليابان بقى
ياخالتي , و اليابان دي دولة متقدمه أوي و مع ذلك في طريق تقدمها مش هتشوفي أبدا مستحيل
تشوفي المشهد ده , واحده اسمها مدام أوشين ماسكه الواد ابنها اللي اسمه يوكوهاما و
ماشيه في مول و عماله تقوله بليز و نو دونت , لا عادي الدول تقدمت و هي بتعتز بلغتها
الأصليه و بهويتها ( و بلسانها ) .
.
أخر حاجه عايز
أقولهالك , الواد عوضين ابنك ماشاء الله هيرضع الإنجليزي رضاعه , وهيبقى بيرفيكت و
فيري ماتش و زي الفل , و بإذن الله لما يكبر هيطلع كهربائي سيلسيون , سوري , قصدي إليكتريشن
بتاع سيلسيون
....................................................................................................................
Mohamed
Hussein
11
أكتوبر 2017·
السيسي صحي من
النوم بدري كالعاده , سأل السكرتير بتاعه , هنعمل ايه النهارده يابراهيم ؟ السكرتير
قعد يفكر و قال للريس سيادتك كنت أعلنت عن فنكوش كده من سنتين اسمه العاصمه الإداريه
الجديده , السيسي قال له أه فاكره الفنكوش ده , ابراهيم قال للريس ماتيجي نفتتح الفنكوش
ياريس , و عليها الريس ماكدبش خبر و راح يفتتح المرحله الأولى من فنكوش العاصمه الإداريه
الجديده , بعد الإنتهاء من بناء و تشطيب أغلب الوحدات في الحي السكني و طرح 17 ألف
وحده للبيع بأنظمة سداد مختلفه .
.
إنما توقعاتي بقى
( و من شكل الصور اللي شوفتها ) إن الأسعار هتبقى في متناول الطالب اللي أبوه طاهر
القويري أو نجيب ساويرس !! , ماهي الفناكيش كده بتبقى أسعار الشقق فيها نار , عايز
شقه ياريس في فنكوش العاصمه الجديده , ماهو أنا لو فضلت أشتغل 400 سنه مش هعرف أشتريها
, أقولك حاجه ؟ اعتبرني محمد صلاح و هات لي شقه هديه و أنا مستعد أشوط بلانتي من مدينة
نصر يدخل جون عندنا في السنبلاوين .
.
يعني ايه الكلام
ده ؟ يعني يابني يا حبيبي شيل بقى اللوحه بتاعة المشروع ده فنكوش و الشركات الصينيه
هربت , و مفيش تمويل و مستحيل يتم في الفتره الزمنيه المحدده لأنه مشروع عملاق , و
إنزل بلوحة ده مشروع ملوش أي تلاتين لازمه و الفلوس دي كنا استثمرناها في تنمية الإنسان
و الحوار المجتمعي , و ليه نعمل عاصمه جديده بس ؟ مالها العاصمه القديمه ؟ ماحنا لو
عملنالها ريستارت أو ضربناها على دماغها هتشتغل و تبقى زي الفل .
.........................................................................................................................
Mohamed
Hussein
11
أكتوبر 2017·
على سيرة المصالحه
اللي بتتم بين فتح و حماس في القاهره حاليا , و تسليم إدارة قطاع غزه للحكومه الفلسطينيه
.
بهدوء شديد و بالورقه
و القلم
- حركة حماس سيطرت
على قطاع غزه من 11 سنه بالظبط , مش من سنه ولا اتنين ؟ عملت ايه بقى ؟
- هل جاهدت ضد
العدو الصهيوني و حرّرت القدس ؟ الإجابه لأ
- هل قتلت جندي
صهيوني واحد طول ال 11 سنه ؟ الإجابه لأ
- طب يمكن بطّلت
جهاد و انشغلت بتنمية القطاع و عمل مشاريع عملاقه و بنيه تحتيه و مدارس و مستشفيات
و مصانع ؟ الإجابه برضه لأ .
.
أومال عملت ايه
؟ هقولك يا مولانا
- حركة حماس حوّلت
قطاع غزه لمجرد خرابه و وكر للإرهابيين و السلاح ضد دوله شقيقه كبرى .
- حركة حماس حوّلت
القضيه الفلسطينيه لشوية شعارات و سابت أهل غزه يموتو من الفقر و الجوع و المرض .
- حركة حماس باعتبارها
عصابه اتحولت لمجرد حصّاله للي يدفع , واللي يدفع بتنفذ تعليماته ( و تضرب بسيفه )
.
.
دي الحدوته باختصار
و من غير لف و دوران , حدوته اسمها نظام حكم الإخوان , نموذج فج و صريح لحكم جماعة
الإخوان الإرهابيه , ألياته ببساطه هي , السيطره على جزء من الأرض حتى لو على حساب
تقسيم الدوله و ضربها في مقتل , التجاره بشعارات الدين و القدس و البطيخ و الفول الحريتي
, التحوّل لمجرد مرتزقه في إيد اللي يدفع .
.
نموذجين شوفناهم
لحكم الإخوان في الدول اللي حوالينا , اتنين مفيش غيرهم و نسخه بالكربون من بعض , حكم
حماس لقطاع غزه لمدة 11 سنه و حكم عمر البشير للسودان لأكتر من عشرين سنه , اتحدّى
أي حد يلاقي فرق بينهم , أو يلاقي أليات مختلفه , غير التقسيم و الخراب و التجاره بالشعارات
و التحول لمجرد مرتزقه مع إسقاط تام و كامل و متعمد لمفهوم و أليات الدوله !! .
................................................................................................................
Mohamed
Hussein
10
أكتوبر 2017·
مساء الخير يافندم
, حضرتك الأستاذ يونسكو ؟
- أيوه يا سيدي
أنا الأستاذ يونسكو
.
ماشاء الله عليك
, سمعتك زي البرلنت , تربيه و ثقافه و علوم , ابن حسب و نسب بصحيح .
- شكرا يا ابني
شكرا , دي أقل حاجه عندي .
.
طب بالنسبه بقى
حضرتك لريالات دويله قذره بترعي الإرهاب ولا تعرف أي حاجه عن التربيه ولا الثقافه ولا
العلوم ؟ ايه النظام ؟ ايه الحوارات ؟
- قصدك ايه ؟ لا
انا ماسمحلكش , أنا أشرف من الشرف .
.
يا عم أشرف مين
و حمدان مين ؟, مانت اتفضحت واللي كان كان
- ايه ده ؟ بجد
؟ يعني انا اتفضحت ؟.
.
اه و عهد الله
, بس ليه تعمل في نفسك كده ؟ دانت كنت حد جميل .
- يابني العيشه
بقت نار و الجنيه غلب الكارنيه , الفلوس بتعمل كل حاجه دلوأتي .
.
طب و بالنسبه للتربيه
و الثقافه و العلوم ؟
- شعارات يا حبيبي
, مابقتش تأكل عيش , بلا ثقافه بلا بطيخ .
.
والله معاك حق
يا أستاذ يونسكو , بس المفروض كده تغيّر اسمك بقى .
- أغير إسمي إزاي
؟
.
يعني تروح السجل
المدني و تعزم عالموظف بسيجاره كليوباترا و تخليه يختار لك اسم مناسب .
- اللي هو ايه
الإسم المناسب ده ؟
.
والله ممكن تسمّي
نفسك مثلا منظمة ( بقلع ملط و عمري ما بطّلت ) , ولّا أقولك ده اسم طويل و ممل , هات
من الأخر وسمّي نفسك منظمة ( مدام ريري التعبانه ) .
..........................................................................................................................
Mohamed
Hussein
10
أكتوبر 2017·
اليونسكو و المصداقيه
و الشفافيه و اللامؤاخذه القيم
.
اللي هيتابع من
حضراتكو عملية التصويت اللي شغاله في اليونسكو من امبارح لاختيار مدير جديد للمنظمه
هيعرف و يفهم اللي قولته كتير و صوتي اتنبح و انا بقوله .
.
يا ناس يا هوووه
, يا خلق الله , كل المنظمات و الكيانات و الحبشتكانات العالميه فستك يعني بلح , من
أول الأمم المتحده و مجلس الأمن و انت نازل , حتى الجرايد و القنوات العالميه و مراكز
حقوق الإنسان و الجامعات اللامؤاخذه العريقه , كله بلح , كله قابل للتسييس , كله قابل
للرشوه , كله بيتباع و يتشري إما بالعصايه ( الدول العظمى ) أو بالجزره ( الدول اللي
طفح فيها البترول ) أو بكلاهما معا .
.
قطر دفعت مليارات
الدولارات رشاوي عشان تفوز بتنظيم كاس العالم , و احتمال كبير تتفضح و يتسحب منها حق
التنظيم , بس المعنى إن الإتحاد الدولي لكره القدم , اللي هو الفيفا , برضه بلح , أعضاؤه
قابلين للرشوه عادي , بلا فخامة الإسم بلا فخامة البتنجان , يابني ماتبقاش داقق عصافير
على دراعك و تمشي في الدنيا اللي رايح واللي جاي يركبك و يسرح بيك .
.
الأمم المتحده
هتلاقي في أدراجها شخروميت ألف إدانه للكيان الصهيوني , ورق متستف و زي الفل , وابقى
سلّم لي على أممك المتحده ياسماعيل بيه .
.
جامعة هارفارد
اكتشفت فجأه مواهب خرافيه في واد صايع اسمه نادر بكار كان أخره يشتغل كاشير في التوحيد
و النور , و اكتشفت برضه مواهب عظيمه في كام خروف من خرفان الجماعه اللي بيفكّو الخط
بالعافيه , جامعه عريقه بقى وكداهون .
.
جريدة معرفشي إيه
الأمريكيه العريقه كتبت تقرير يا مولانا إن سفينة معرفشي ايه كانت بتهرب أسلحه لكوريا
الشماليه في أكبر صفقه في تاريخ كوريا ( 22 مليون دولار ) هع هع هع دي ممكن تكون أكبر
صفقه تسليح فعلا ( في تاريخ كفر البدماص ) , وقوم المخابرات المصريه عملت ايه و اتكشفت
ازاي و محدش عرف الحكايه دي إلا محرر الجريده ولا تخرج قبل أن تقول ملعون أبوكو ولاد
كلب صيّع .
.
تعالى بقى قولي
إيه علاقة كشك إرهابي ابن امبارح بمنظمة التربيه و العلم و الثقافه ؟ ايه علاقتة بالتربيه
؟ بالعلم ؟ بالثقافه ؟ و النبي يا شيخ تقول ايه العلاقه ؟
.
طب فين المصداقيه
و الشفافيه و القيم و المبادئ للمؤسسات العريقه ؟ هقولك انا أهو , انت بكره الصبح تيجي
بدري أوي و تجيب معاك 4 سلطانيات , سلطانيه تاخد فيها مصداقيه و سلطانيه شفافيه و سلطانيه
للقيم و واحده للمبادئ و هات حد يشيل معاك بدل ما تدلدق في الشارع و انت ماشي .
.
مصر بقى على المستوى
الرسمي مضطره تتعامل مع الكيانات و المؤسسات دي اللي هي بتتحول وقت الجد ل ( بيوت دعاره
) , بنضطر نتعامل عشان دي طبيعة السياسه الدوليه و الدبلوماسيه , بتضطر تتعامل لأن
كوكب الأرض البائس مفهوش منظمات بديله تكون أكتر ( نضافه ) , دي البضاعه اللي موجوده
و انت مضطر للتعامل معاها , و بتتعامل بشرف مع إنك بتبقى عارف انك واقف في بيت دعاره
عالمي .
.
شخصيا و بصفتي
مواطن مصري مش دبلوماسي ولا حاجه , بس مواطن من أرض عمرها 10 ألاف سنه , من أرض الفراعنه
و العلم و التحنيط و الأهرامات و الحضاره والطب و الفلك و الكيميا , يعني من مهد التربيه
و العلم و الثقافه ( اللي اختصارها اليونسكو ) , شخصيا بتمنى إنسحاب مشيره خطاب بس
بشرط , قبل ماتنسحب تجيب 3 حاجات و تحطهم عالترابيزه قدام رئيس المنظمه الحالي , هيكل
مصغر لقنبله , و هيكل لكشك , و هيكل لعاهره أو راقصة ستربتيز و تسيب الساده الحضور
يفكّرو براحتهم مين القنبله و الكشك و مين راقصة الستربتيز , أو تكتب لهم بقلم ماركر
عالحيطه ( أنتم بنات عائلات محترمه !! ) .
................................................................................................................
Mohamed
Hussein.
9
أكتوبر 2017·
حكاية صورتين و
حكاية فرحه
.
عارفين الفرحه
الحقيقيه بتبقى فين ؟ لا مانتوش عارفين .
.
الفرحه الأكبر
مش هتلاقيها في ستاد برج العرب وقت الماتش و لا قدام الشاشات في البيوت و القهاوي في
القاهره و اسكندريه و مغاغه و السنبلاوين و مصر من أقصاها إلى أقصاها .
.
الفرحه الأكبر
هتلاقيها عند المصري المغترب , اللي بيجري على اكل عيشه في بلاد الله , في أمريكا و
أوروبا و الخليج , أنا جربت الشعور ده , في 2006 و 2008 و 2010 , المصريين بعد الماتش
يملو الكورنيش و الشوارع الرئيسيه , يحتفلو بطريقة هستيريه , اهالي الدول دي زي السعوديين
و الإماراتيين يحتفلو معانا , الأجهزه الأمنيه تعلن حالة طوارئ , فيه مصريين هيطلعو
دلوأتي يحتفلو , الصوت ده و الهتاف بيرج الشوارع , و ارقص و غني , كنت بتعلي صوتك و
كأنك نفسك إن الناس اللي في مصر يسمعوك و هتافك يوصل لهم .
.
و الصوره دي حكايه
و حدوته , يتكتب فيها كتب و مجلدات , دي مش صورة شاب , دي صورة شعب , ظروف اقتصاديه
صعبه و أسعار نار , و خرجنا بأعجوبه من الطوفان , بس وقت الفرحه بنقلب العُكّاز و نعمله
مرجيحه و نقف عليها , نعمل شالباظات , فرحانين يا عم ببلدنا , إسم مصر ده معجزه في
حد ذاته , و فرحة الناس بيها ماتقدرش تتخيل شكلها و لا تتوقّعها , قلبنا العكاز و نسينا
الغلا , و عملنا عكازنا مرجيحه و طيرنا في الهوا .
.
الصوره دي حطها
كده جنب صورة الجندي المصري اللي طلع بدبابته من كام شهر على عربية مليانه متفجرات
, هتلاقيهم مش مجرد صوره فرحة في ماتش كوره و صورة تصرّف سريع من جندي في كمين , الصورتين
معناهم أكبر من كده بكتير و رسالتهم و تأثيرهم , الصورتين بيقولو رساله لكل ولاد الكلب
, وكلاب السكك , مخططكو فشل , ده الشعب المصري , الشعب المُعجِز مش العاجز , شجاع
, مقاتل , بيعشق بلده و بيعرف يفرح , محدش بيكسرنا ولا حد هيكسرنا .
..............................................................................................................
Mohamed
Hussein
9
أكتوبر 2017·
ابن بهيه الأسطوره
.
.
طب هقول لكو حاجه
بقى , محمد صلاح سمع أخبار حلوه كتير , من أول انتقاله من المقاولين للنادي السويسري
, و بعدين لتشيلسي و روما و ليفربول , و وصول قيمته السوقيه حاليا ل 100 مليون يورو
يعني 2 مليار جنيه !! ( ربنا يزيد و يبارك ) .و فاز بجوايز كتير مع الفرق الأوروبيه
و بقى معشوق الجماهير في كل مكان في العالم .
و النهارده عبد
الفتاح السيسي استقبل الفريق عشان يبارك له و يهنيه , اسأل محمد صلاح أحلى لحظه في
حياتك ايه ؟ هيقولك اللحظه اللي الريس بص لي و قالي فيها بشكرك يا محمد لأنك فرّحت
المصريين .
.
و هقول لكو حاجه
كمان , محمد صلاح أحرز أهداف في أكبر أندية و حُراس العالم , و لسه هيجيب و يمتعنا
, بس اسأله النهارده واسأله بعد عشرين سنه إيه أهم أهداف في حياتك ؟, هيقولك الجونين
اللي جبتهم في الكونغو و صعّدونا لكاس العالم
.
الواد ده مش مجرد
لاعب كوره حريف و موهوب و مهاري , اللي عايز يعرف مين هو محمد صلاح بالظبط يشوف أخر
4 دقايق في ماتش امبارح بتركيز , يشوف رد فعله بعد ما دخل فينا جون , يشوفه و هو بيشاور
للجماهير و يقول لهم شجعو ماتيأسوش , يشوف في عنيه الحزن و الصبر و الأمل و العزيمه
, يشوف القائد بمعنى الكلمه , الواد ده أسطوره و فارس معجون بتراب مصر و طينها .
.......................................................................................................................
Mohamed
Hussein
9
أكتوبر 2017·
صلاح الخير يا
مصر , و صباح الزفت و القطران على دماغ كارهين الفرح
.
- امبارح قبل الماتش
و انا بتابع أدق التفاصيل و مين هيلعب و مين عطس و شكل المدرج و عدد المتفرجين و كمية
الزمامير , حتى الأخبار الصغيره كنت بتابعها باهتمام , من ضمنهم لقيت خبر بيقول , مكافأت
الفرق المتأهله لكاس العالم ,اللي هتاخدها من الإتحاد الدولي الفيفا , كام بقى ؟ يعني
لما فريقك يوصل كاس العالم هتاخد كام ؟ من غير حسبه معقده 12 مليون دولار غير حوالي
مليون دولار من الشركه الراعيه , دي المكافأت المباشره , المبلغ ده يساوي حوالي
230 مليون جنيه !! , هيروحو خزينة اتحاد الكوره يعني خزينة الدوله المصريه .
.
امبارح السيسي
و هو بيبارك للمنتخب أمر لكل لاعب بمكافأه مليون و نص , يعني اجمالي المكافأت 25 مليون
جنيه مثلا , اللي هي أقل من 10 % من قيمة اللي هيدخل خزينة اتحاد الكوره بسبب العيال
دي اللي وصلتنا كاس العالم .
.
عايز أقول لكل
واحد زاط في الزيطه و طلّع من الدرج قميص عثمان , اللي هو الغلابه و الغلابه أولى
, عايز أقولك بنفس راضيه مطمئنه , يلعن ميتين أهلك , اه و عهد الله , انت يا حبيبي
بتمارس أقذر و أوسخ أنواع التجاره , التجاره بالغلابه , زي التجاره بالدين و التجاره
بالثورات .
.
ملحوظه بسيطه
, من بين كل المنتخبات اللي تأهلت للمونديال و اللي هتتأهل انا واثق إن أقل مكافأة
فوز هتكون اللي خدها لاعبي المنتخب الوطني المصري , اللي هي مليون و نص , يعني 85 ألف
دولار .
.
ملحوظه تانيه
, محمد صلاح اتباع لليفربول بمبلغ مليار جنيه , لا مش مليون , مليار , يعني ألف مليون
, عشان يلعب خمسين ماتش مثلا , يعني الماتش الواحد اللي بيلعبه محمد صلاح مع ليفربول
بيكلف ناديه 20 مليون جنيه , في الماتش الواحد حتى لو هيلاعب فريق كهرباء لندن !!
.
.
عموما احنا اتعودنا
على سخافة و انحطاط و قذارة كارهين الفرح , بتوع السجاده الحمره , عشان كده هنفرح أوي
و نبتسم و نقول لهم ,..... حمره !! .
.......................................................................................................................
Mohamed
Hussein
8
أكتوبر 2017·
و نحب نهدي هذا
الفوز و التأهل لمونديال روسيا إلى فخامة الرئيس عبد الفتاح السيسي راعي الرياضه في
مصر .
أه يا عم فرحان
أوي و عايز أحرق دم الخرفان و ولاد التيت و اجيب لهم شلل رباعي , و اهو تبقى فرحتنا
فرحتين .
.............................................................................................................
Mohamed
Hussein
8
أكتوبر 2017·
ده ستاد الجيش
في برج العرب , و ده التصوير , الجماهير كامل العدد , نفرق إيه عن أي دوله في أوروبا
؟ .
امبارح كنت بشوف
ماتش أوغندا و غانا حسيت انهم بيلعبو في جُرْن مليان سباخ .
......................................................................................................................
Mohamed
Hussein
8
أكتوبر 2017·
ايه الجمال و الحلاوه
اللي في المدرجات دي ؟ شوفت مجموعة بنات قد بعض , بتاع 18 سنه و أكتر و أقل , عدد كبير
أوي , لابسين كلهم نفس الطقم , تيشيرت أبيض و بنطلون إسود و طرحه حمره , ألوان علم
مصر , منظر يشرح القلب , بنات بهيه الصغيرين , اللي هيرجعو بيوتهم على 11 و 12 بالليل
, من غير خوف , ماتخافشي ابدا و انت في بلدك , ده الغريب و المشرد بييجي عندنا عشان
يحس بالأمان .
...................................................................................................................
Mohamed
Hussein
8
أكتوبر 2017·
مدحت شلبي لو هو
اللي هيعلّق على ماتش النهارده هيقول عالكونغو ( الكنغر النتايه البُحلقي ) , و يا
جماعه منتخب الكونغو مش هو الكنغر النتايه البحلقي اللي احنا فاكرينه .
..............
واحد هيسألني و
يقولي وايه علاقة الكونغو بالكنغر البحلقي ؟ هقوله و هي ايه علاقة أوغندا بالدبه الباندا
؟
يابني مدحت شلبي
ده عاهه من عاهات الزمن , أتب كده و طالع لنا في ضهرنا هو و أيمن يونس و مجدي عبد الغني
.
....................................................................................................................
Mohamed
Hussein
8
أكتوبر 2017·
عزيزي هيكتور كوبر
......... صباح
الخير يا مولانا
.
بص بقى , من الأخر
كده , انت النهارده مش هتلاعب البرازيل ولا ألمانيا , هتلاعب منتخب بيشتغل حصّالة
, فريق عنده نقطه واحده من سبعتاشر ماتش باين , يعني فريق بيروح أي حته عشان يتغلب
, كل لاعب في الفريق ده بيجهز شنطته و هو عالباب أمه تسأله رايح فين ؟ يقولها رايحين
نتغلب في المكان الفلاني و راجعين على طول , الكونغو بشكلها الحالي لو جت تلعب عندنا
في السنبلاوين هتشيل أوبّح .
.
فعشان خاطر ربنا
بقى و عشان خاطر المراره و الطحال و أبوس إيد الحاجه أم هيكتور , ماتنزلش تدافع و تعمل
حيطه و تحرق دم اللي خلفونا , انت تهاجم من أول لحظه و تجيب جون و اتنين و سبعه , يعني
الحفر يكون عالناشف .
.............................................................................................................
Mohamed
Hussein
7
أكتوبر 2017·
إلى من يهمه الأمر
.
الفرحه يا ساده
تمنها كبير أوي , واحنا شعب بيحب يفرح , بيتنشّق على الفرحه , بيدوّر عليها بمنكاش
, بيخترع حاجات تفرحه .
.
من سنين طويله
و احنا في معركة , معركة مصير , معركة بلد , معركة مستمره ماخدناش فيها بريك , إرهاب
و دول حوالينا بتخرب , و بنحارب في خمسين جبهه , قدمنا شهداء و تضحيات , و صبرنا و
استحملنا حتى في لقمة العيش .
.
رفضنا التشاؤم
و رفضنا المحبطين و رفضنا نشر السواد , نتعب و نتحمل و نقول بكره أحلى , و الله هتفرج
, الحمد لله اجتازنا المرحله الأصعب و عدّينا ببلدنا , بلدنا اللي هي حيطان البيت و
جدران المعبد و عمدان الخيمه , الحمد لله مالقيناش نفسنا فجأه مرمييّن على حدود مستنيين
مساعدات و بطاطين و علبة لبن لأطفالنا , ولا لقينا بلدنا فجأه مش عارفين فين جيشها
ولا فين حكومتها , ولا لقينا مصيرها فجأه بيحددو شوية صيع و عربجيه في دوله أوروبيه
.
.
الحمد لله رب العلمين
, الحمد لله حتى يبلغ الحمد منتهاه , بس احنا محتاجين نفرح , نفرح امتى ؟ نفرح بكره
, نفرح ازاي ؟ نفرح لما منتخبنا يوصل لكاس العالم , ده حلم مستنيينه من 28 سنه , حلم
ضاع مننا أحيانا بإيدينا و أحيانا بقذارة غيرنا .
.
مش عارف المقدمه
الطويله دي كتبتها ليه , هو انا عايز أقول ايه ؟ عايز اقول ان بكره حدث مش عادي , فكرة
التأهل دي و فرحة الناس اللي هتستمر أيام و شهور, السعاده دي احنا محتاجينها اوي و
هتفرق معانا كتير , هقولهالكو بمثل بسيط , خبر صعودنا للمونديال هيفرح الناس أكتر من
خبر انخفاض الدولار ل 14 جنيه و انخفاض الأسعار بنسبة 20 % مثلا .
........................................................................................................................
Mohamed
Hussein
7
أكتوبر 2017·
هبدأ بقى اتعلّم
روسي , بوجالويستا , سباسيبو , بروشتشاني , هوروشي أوترو , دا سبيدانيا .
.
و من النهارده
هقبل كل طلبات الصداقه الغريبه اللي بتجيلي من مزز و سحالي روسيا , يمكن واحده منهم
تعزمني و تبعت لي تذاكر السفر عشان أروح أشجع منتخب مصر , أه ياخويا عشان أشجّع المنتخب
, و انت مال أهلك انت .
.
جايلك يا مونيفيرا
.
.
برضه عايز أقول
ايه ؟ عايز اقول اننا على مدار سنين طويله عرفنا وأدركنا و بصمنا بالعشره , إن فيه
ناس وسطينا كارهين لنا الفرح , بيتمنولنا الموت و الخراب و الحزن , كارهين الفرح ممكن
يعملو أي حاجه , أي حاجه عشان يضيعو فرحتنا , أنا هنا مش بتكلم عن ماتش كوره هنلعبه
و نفوز فيه أو نخسر مش مهم , انا بتكلم عن حاجه أكبر بكتير .
.
مش متشائم ولا
ده في طبعي , بس لازم أكون حذر جدا , فرحة الملايين دي وارد جدا يقف لها ولاد الكلب
, و يفكرو و يخططو , طوبه تترمي من مدرجات على لاعب كوره و يتلغي الماتش زي ماحصل قبل
كده , اللي هيرمي الطوبه مش واحد بيحب مصر و متحمس بقى و فرحان , اللي هيرميها خروف
من ولاد الكلب ( كارهين الفرح ) , طلقة خرطوش في الهوا أو في صدر متفرج , شماريخ تترمي
على لاعب أو حكم , القصه مش ان بس فرحتنا هتضيع و هنبقى فايزين بس مش هنوصل , القصه
كمان ان الماتش ده هيشوفو ملايين في كل مكان في العالم يعني سمعة بلد و استقرارها الأمنى
و يعني السياحه !! .
.
معالي وزير الداخليه
, انتباه يافندم , معركتك بكره و اتصرّف , فرحة 95 مليون مش بس في أقدام 11 لاعب ,
دي كمان في إيد معاليك , تعمل ايه بقى ؟ تتصرف ازاي لما يكون فيه خمسين ستين ألف متفرج
, ماتعرفشي مين وسطيهم ؟ اتصرف حضرتك .
..........................................................................................................................
Mohamed
Hussein
7
أكتوبر 2017·
الأشياء بمسمياتها
.
- مافتكرشي في
التاريخ الحديث إن دوله لمّت الصيع و البلطجيه و الارهابيين و الهاربين من دوله تانيه
و فتحت لهم قنوات و صرفت عليهم و علفتهم عشان يهاجمو دولتهم و يشوهوها إلا في تركيا
( اللي هي بنت وسخه برضه زي قطر ) , أه يا حبيبي مفيش مؤامره , فيه رز بلبن .
.
- القنوات دي اتفتحت
عشان تبقى بديل أو مكمّل لقناة الخنزيره في قطر بنت الوسخه , و الصيع اللي هنا مايختلفوش
عن الصيع اللي هناك .
.
- أي حد بيشتغل
في القنوات دي سواء إعلامي أو معد برامج أو حتى عامل شاي و قهوه اسمه خاين وابن كلب
, ماسموش اعلامي ولا حاجه , ولا الحكايه بتحصل صدفه ولا بتحصل سهوا , مفيش حد بيمارس
خيانة وطنه شهور و سنين و يبقى سهوا و سوري و الله .
.
- أي واحد بقى
من جوه مصر يروح يظهر في القنوات دي برضه يبقى خاين و ابن كلب , سواء كان اسمه صحفي
أو وكيل نيابه أو رئيس المجلس الأعلى لمراجيح مولد النبي .
.
اللي فوق ده اسمه
الأشياء و مسمياتها , ماتقعدشي تعمل شألباظات عشان تلاقي مبرر للخونه و الأرزقجيه
, و مفيش حاجه اسمها حرية صحافه و حرية اعلام و حرية الظهور و حرية البطيخ إذا كان
الأمر يتعلق بكيان خاين لوطنك , الظهور في قنوات الخرفان الإرهابيين زي الظهور في الخنزيره
زي الظهور في قنوات تل أبيب
.
الحكايه سهله أوي
, و ربنا هيكرمنا أخر كرم لما نرجّع الأشياء لمسمياتها الحقيقيه , الحرامي اسمه حرامي
مش مختلس , و الخاين اسمه خاين مش صاحب رأي ولا صاحب مرض ولا صاحب صاحبه .
.................................................................................................................
Mohamed
Hussein
6
أكتوبر 2017·
زي النهارده كل
سنه , يبقى المصريين كلهم بيحتفلو بنصر اكتوبر العظيم , و أنا بلفّ على هديه اجيبها
لمراتي , عشان ده تاريخ خطوبتنا , أه يوم 6 اكتوبر , دي علامة يا مارد , ولازم اجيب
هديه , تقولشي يوميها عبرنا خط بارليف .
.
طب انا دلوأتي
متجوز بقالي 12 سنه , و صامد على الجبهه و مستبسل و بجيب هدايا و دباديب , اتناشر سنه
يا مؤمن , المفروض الحكومه بقى تصرف لي مكافأه و معاش شهري و تعتبرني من قدامى المحاربين
.
.......................................................................................................................
Mohamed
Hussein
6
أكتوبر 2017·
مدير جهاز الأمن
الروسي : أحبطنا مجموعه من العمليات الإرهابيه داخل روسيا بمساعدة المخابرات المصريه
!! .
.
يابني اللي عملته
المخابرات المصريه أخر سبع سنين هيتكتب في كتب و مجلدات و يتحكي عالربابه زي قصة أبو
زيد الهلالي , عملو ايه و زرعو عناصرهم فين و وصلو لحد فين بالظبط ؟ إيه دورهم في جبل
الحلال و ايه المعلومات و الأدلّه ؟ ولا كان دورهم في قطاع غزه و قطر بنت الوسخه ؟
بيعملو ايه في ليبيا و السودان و سوريا و كل مكان في العالم ؟ ده جهاز المخابرات بتاعنا
؟ أه و الله سيادتك ده جهاز المخابرات المصريه و بطولاته و فرسانه .
.
يعني المخابرات
المصريه ماتصلتش بغاده عبد الرازق و قالت لها و النبي و انتي سكرانه كده تنزّلي فيديو
على انستجرام و تبيّني صدرك و البتاعه ؟ لا والله المخابرات المصريه مش فاضيه لصدر
غاده عبد الرازق ولا فاضيه للبتاعه .
.
معقوله ؟ طب المخابرات
المصريه ماكلمتش الدكتوره غاده معرفشي ايه عالواتس أب , يا جدع الدكتوره دي اللي محدش
يسمع عنها و خالتها ذات نفسها بتتلخبط في إسمها , اللي هي بتاعة المعلقه البلاتين ؟
لا و الله المخابرات المصريه مابتتكلمش عالواتس ولا فاضيه لغاده ولا لبلاتين أمها
.
.
ملحوظه عزيزي الجحش
شمّام الكوله الجميل , مفيش قسم في المخابرات المصريه اسمه قسم ( الحاجات اللي بنغطي
بيها عالحاجات التانيه ) ولا عندهم قسم اسمه ( بص العصفوره ) , ولا انت كجحش ومعاك
بقية الجحوش شاغلين بال المخابرات المصريه ولا ثانيه واحده , مانا قلت لك قبل كده
, انتو مش مهمين خالص ولا ليكو أي تلاتين لازمه , معلش كل شويه بجرح شعورك , سامحني
بقى .
................................................................................................................
.
أزال أحد مشرفي المدونة هذا التعليق.
ردحذف