Mohamed
Hussein
16
يونيو 2016·
لما قريت و شوفت
هجوم الجماعه الارهابيه و بهاليلها على مسلسل القيصر قلت أتفرج على حلقتين تلاته منه
, بصراحه معاهم حق , بس الأولى بالهجوم عالمسلسل هما جماعة شمامين الكوله , ليه بقى
؟ .
.
المسلسل هو عمل
درامي بيجسد جزء يسير من اللي كان بيحصل في سينا , و ما خفي كان أعظم , و الفكره بصفه
عامه بتنسف منهج شمامين الكوله اللي مبني على تويتات و أفكار مولانا البرادعي المقدس
, و يبدو ان حكاية الربط بين الإرهاب و التنميه و العداله الإجتماعيه هي تبسيط مخل
و عبيط و ساذج , و العقول اللي بتردد افتكاسه : احنا بنرمي عيالنا في حرب لا ناقه لهم
فيها ولا جمل هي عقول منقوعه ( لشوشتها ) في ماية البطيخ .
.
على الهامش , بس
حاول تركز
.
1- قصة الأنفاق
دي بدأت قبل 2011 , يعني قبل ثورتك المجيده , مش بالصدفه , دي تقدر تقول إنها كانت
جزء من الإعداد لأم الربيع العربي , حتى سيطرة حماس على قطاع غزه كانت جزء من الإعداد
.
.
2- الأنفاق اتعملت
و اتكلفت عشرات الملايين و استخدمو فيها معدات ثقيله , و اللي عمل الأنفاق هما جهتين
اتنين مفيش غيرهم , و النبي حاول تركز يا مولانا , الجهه الأولى هي كلاب حماس , جحور
توصلك لمصر !! تنقل منها و فيها كل اللي انت عايزه , سلاح , مخدرات , ارهابيين ( من
و إلى ) , يعني حاجه اخر حماده , لو كلمتني في اللحظه دي عن معاناه أطفال غزه هلعن
جدود اللي خلفوك .
.
3- و الجهه التانيه
و بنفس الأليه تماما هي تركيا ( كلاب أردوغان ) , عملو أنفاق توصل لشمال سوريا , ولنفس
الغرض , الأنفاق التركيه السوريه كان لها الفضل في خراب الجزء الأكبر من سوريا , و
الأنفاق اللي اتصرف عليها ملايين متلتله عشان تتعمل مع مصر كانت محصلتها صفر , بفضل
جيش مصر ( و بفضل أولادنا اللي بنرميهم في حرب ال لا ناقه ولا جمل .... بحسب مبدأ أسيادنا
بتوع ماية البطيخ ) .
.
4- و بفضل جيشنا
العظيم بقينا النهارده في رمضان 2016 بنتفرج على عمل درامي بيحكي عن بعض التفاصيل اللي
كانت بتحصل في سينا و الأنفاق , يعني بنألف و نخرج و نمثل و نبدع و نتفرج و نستمتع
و احنا قاعدين في التكييف قدام صينية الكنافه بالمانجه .
.
5- اللي مش هيفهم
البوست ده بيقول ايه ؟ يبقى محتاج مليون سنه ضوئيه عشان يخرج بالسلامه من ماية البطيخ
.
..........................................................................................................................
Mohamed
Hussein
16
يونيو 2016·
في دولة الإمارات
الشقيقه لما أعلنو عن أوائل الثانويه العامه كانت النتيجه إن الغالبيه الكاسحه من المصريين
!! .
.
الكلام ده معناه
ايه ؟ معناه اننا موجودين في كل مكان , متفوقين , مهما اختلف نظام التعليم , بنرفع
علم بلدنا , و طبعا اغلب الطلبه دول اتعلمو لفتره من حياتهم في مدارس مصريه , برضه
الكلام ده معناه ايه ؟ معناه اننا مش صفر ولا حاجه , التعليم اللي محتاج تفويره عندنا
لا يعني اننا كنا في يوم من الأيام صفر , بلاش تقرو أم التقارير بتاعة مصر في المرتبه
الأخيره في مستوى التعليم دي , أي عيل صايع ممكن يعمل موقع او جريده و ينشر احصائيه
و يلعب براحته ( يلعب في دماغك طبعا ) .
.
الصوره السوده
و الكئيبه عمرها ما كانت حجر أساس تبني عليه , في رأيي لو قدرنا نلغي الدروس الخصوصيه
تماما و نعمل مناهج تعليميه مفهاش حشو و فيها جزء كبير من الابتكار و التفكير هنبقى
في مصاف الدول المتقدمه علميا في ظرف سنين بسيطه ( و برضه مش مهم وقتها تقرا تقارير
واحصائيات مجلة ( هشتكني و النبي ياحمد ) العلميه .
.
الحدوته بتقول
باختصار ان الطالب المصري عنده عقل مش أقل من أي طالب في الدنيا و بيتميز عن غيره بالعزيمه
و الإراده و الإجتهاد و التحدّي , و التعليم اللي مش عاجبنا هو اللي في يوم من الأيام
خرّج اكتر من 40 ألف عالم جوه مصر و برّاها , و في أخر الدنيا هتلاقيهم .
.
ممكن لو سمحت تفكر
في تطوير التعليم المصري من غير أم النظره السوداويه بتاعتك و من غير التقارير اياها
؟ التقارير اللي بتقول ان مستوانا في التعليم أقل من جيبوتي و الصومال و جزء القمر
و بنجلاديش و السنغال و نيبال و قبائل الكوتوموتو , يعني ممكن لو سمحت وانت بتفكر ماتخليش
حد يركبك ؟!
.........................................................................................................................
Mohamed
Hussein
15
يونيو 2016·
مشهد عبقري في
مسلسل ونوس .
.
صاحب القناه الفضائيه
و الشيخ فاروق و المزه , المزه اللي كانت ممثله و قررت تتوب فقالت تعمل برنامج ديني
( عشان تعلمنا الدين الصحيح ) , و الشيخ فاروق المدرس اللي فهّمه ونوس انه اتخلق لهداية
البشريه و ان الفتوى بتطلع من بؤه المفروض تعيد رسم خريطة العالم , و صاحب القناه اللي
اشتغل في التوك شو و الطبيخ و قرر انه يلعب في الدين , تجديد الخطاب الديني و كده
, تاجر و سبوبه حلوه هتجيب قرشين , يا شيخ فاروق ماينفعش تلبس جلابيه و الحاجات دي
, عايزينك كاجوال , و تلم الناس كلها حواليك بما فيهم العيال بتوع الهيفي ميتال
..................... مشهد رائع .
.
الحقيقه الشيطان
مش محتاج كتير عشان يلعب علينا , مش محتاج يعلّمنا ( هو احنا محتاجين علام ؟ ) , كل
اللي بيعمله انه بينسق المسائل و يجمّع الناس ببعض , و يسّهل الإنترفيوهات و يوفق الروس
في الحلال أو الحرام مش فارقه , و بكره الشيخ فاروق يبقى مالتي مليونير و يركب بي إم
و يسكن في قصر في الرحاب و يطلع عالمنبر يدعو الغلابه ( و عمال اليوميه ) اللي قاعدين
قدامه لتقوى الله و الزهد , أه و عهد الله يدعوهم للزهد , و لسماع دعاء الزهد و القناعه
بصوت الشيخ العلّامه فاروق بن ياقوت و انشراح اضغط رقم 2 .
...........................................................................................................................
Mohamed
Hussein
15
يونيو 2016·
المناوشات الحدوديه
بين أثيوبيا و إريتريا مابتنتهيش .
.
ممكن ( يعني جايز
يعني وارد يعني احتمال يعني MAY
BE
) , ممكن الحاج يوسف يكون مخنوق من الواد صميده , و الواد صميده أصلا مالوش في التور
ولا الطحين , بس أهو بينفذ تعليمات جيلبرتو , و الحاج يوسف عارف و مش عايز يدخل في
صراع مباشر مع جيلبرتو , و الحاج يوسف كمان عارف ان الواد صميده علاقته زي الزفت بجارة
الواد حوكشه , يقوم يعمل ايه بقى ؟ أهي فكره , خد لك فكره و اشتري بطيخه لبكره , السياسه
مش دايما بتبقى لعبة 1 + 1 يساوي 2 , ده احيانا كتير بتبقى 1 + 1 يساوي صفر أو يساوي
9 حسب الظروف و المعطيات و التاريخ و الجغرافيا و الإحصا و حساب المثلثات .
.
صدقني مش مهم نكون
فاهمين كل حاجه , ماهي دي لعنة الفيس بوك , اللي خلت كل واحد فينا يعتقد انه خليط من
جمال عبد الناصر و نيلسون مانديلا و أينشتاين و عبد الوهاب و مايكل شوماخر و كريستوفر
كولومبس و عنده حرفنة ابو تريكه على مهارة مصطفى فتحي على خفة دم محمد بركات , و احنا
و عزة جلال الله أنضف من الصيني بعد غسيله , نسيب الرجاله بقى تشوف شغلها و نبطل هري
, دي أجندات مفتوحه و خيارات كتير و كله بحسابه .
.
أه حاجه أخيره
, هات ايدك كده , و شبكة العشره دول ملف سد النهضه موجود عند الرئيس و جهاز المخابرات
و وزير الخارجيه و وزير الري و عندهم ييجي 500 مستشار , فلما حضرتك تكون بتعرف تعمل
ساندوتش جبنه نستو في رغيف عيش فينو ف ده مايديش لحضرتك الحق انك تتخيل انك بتفهم اكتر
من الأسماء و المؤسسات اللي فوق دي .
...................................................................................................................................
Mohamed
Hussein
14
يونيو 2016·
الإعلان بتاع مركز
مجدي يعقوب يليق باسم مجدي يعقوب و يليق بإسم المركز , الحكايه مش جرّاح قلب و لا مستشفى
بيتعمل فيها عمليات , الحكايه حاله كامله متكامله من العطاء و البحث العلمي , حاله
بنفخر بيها كلنا سواء بالإسم ( مجدي يعقوب ) أو بالكيان ( مركز القلب ) . و السير اللي
جايز يكون أشهر جراحي القلب في العالم مالوش في السياسه بس له في الإنسانيه , يعني
مصر يحكمها السيسي يحكمها مبارك يحكمها البهلول مرسي مش مهم , بالنسباله مش مهم , هو
عينه على طفل مريض و محتاج عمليه , الطفل ده بالتأكيد مش هيكون الحل بالنسباله انه
يتعايش بالمكارثيه ولا صمامات القلب هترجع زي الأول لما يسمع شوية شعارات يساريه متينه
أو شعارات ( عالقدس رايحين ) و لا عضلة القلب هتقوى لما يقرا بوستات شماماين الكوله
.
.
شكل الإعلان ,
و الفنانين و لاعبي الكوره و الإخراج و التصوير جميل , يفرح , و في النهايه مشهد التحيه
من الرائع العظيم مجدي يعقوب .
.
أي كلام تاني يتقال
عن مجدي يعقوب أو مركزه , أو عطاؤه , هو محض سفاله و انحطاط , أو جزء من صفايح الزباله
اللي بتترمي قدامنا كل يوم تحت داعي حرية الرأي .
و بالنسبه بقى
لحكاية الأديان و كشوفات الجنه و النار اللي عند بهاليل بديع و الإرهابيين و الشواذ
فكريا و عقليا , فلا تعليق عشان احنا في شهر كريم , و مفيش رد عندي أقل من +18 ينفع
يتقال في الحاله دي .
................................................................................................................................
Mohamed
Hussein
13 يونيو 2016·
إف بي أي : منفذ
هجوم أورلاندو ردد أكتر من مره عبارات تضامن مع داعش !! .
.
لا و النبي يا
إف بي أي ؟ طب قولي و المصحف كده يا إف بي أي ؟ يعني الراجل قعد يقول داعش داعش , بحب
داعش , بموت في داعش , يا عيني على داعش , داعشي و أفتخر ؟ طب مانساش جواز سفره اللي
مكتوب فيه من مواليد دولة داعش و معاه جواب غرامي كان عايز يبعته لأبوبكر البغدادي
؟! ياااه فكرتوني بابوبكر البغدادي , الراجل ده انتو اعلنتو انه مات 17 مره قبل كده
, يارب تكون صحته اتحسنت بعد المره السبعتاشر .
.
هما اخوانا بتوع
الإف بي أي و الدبليو سي و البي إتش و و الحاجات دي مش ناويين يتكسفو على دمهم بقى
و يحسو إنهم بقو مملين و مقرفين أكتر من مقالب رامز جلال ؟! .
...................................................................................................................
Mohamed
Hussein
13
يونيو 2016·
حادث أورلاندو
الإرهابي , يخدم بقى ترامب , يخدم الست هيلاري , يجيب لأمريكا خليفه لجورج بوش الإبن
, يجيب لهم جورج بوش الخال , يجيب دراكولا أو ريا و سكينه , يكون حادث مدبر عشان أمريكا
تبدأ موجه جديده من البلطجه في العالم أو مايكونشي , مش هيفرق معانا خالص , أه و الله
خالص .
.
عشان الشرق أوسط
اللذيذ بتاعنا مبقاش فيه مكان ينضرب و لا مكان تعرف تركن فيه إلا مصر و دول الخليج
, و مصر هي مصر اللي رسالتها و ردها واضح ( و جاهز ) , يعني تقول المسلمين عملو كده
, تقول المنفلوطيين هما السبب , تيجي عند مصر و ستوب , ( مصر مش أفغانستان ولا العراق
ولا ليبيا ) , و طبعا دول الخليج حاميه نفسها بفلوسها .
.
إنما اللي انا
واثق منه جدا و تماما و قطعيا و نهائيا و استقر في وجداني ( معرفش استقر في وجدان ابراهيم
عيسى ولا لا ) هو إن الإرهاب اللي أمريكا صنعته على إيديها و علفته و دعمته بكل الطرق
و الكباري , الديب ده اللي اتصنع في مقر المخابرات الأمريكيه ( و البريطانيه ) هيخرج
عن سيطرة الصانع و هينهش في صاحب الليله عاجلا أو أجلا , أصل القاعده بتقول إنك ممكن
تستخدم الديب لفتره و توجهه بس مستحيل مهما كانت امكانياتك التكنولوجيه و النفسيه و
السايكوسوماتيكيه و البطاطس المقليه مستحيل تحوّل الديب لحيوان أليف , و يكون قطة شيرازي
مثلا .
.
باختصار , أمريكا
لسه مشافتش إرهاب , بس هتشوف , أكيد هتشوف و تدوق و تبلع و تقلع و تلبس !! .
.............................................................................................................................
Mohamed
Hussein
12
يونيو 2016·
إمبارح اشتباكات
و خناقه لرب السما بين جماهير انجلترا و روسيا , و النهارده الإشتباكات بين جماهير
أوكرانيا و ألمانيا , الكلام ده بيحصل في قلب باريس عاصمة النور والحريه و الجمال
( عم يا صاحب الجمال ) , و بيحصل في قلب الإتحاد الأوروبي , الكيان النضيف المعقم اللي
بيتوضى 17 مره في اليوم بديتول سوليوشن مركّز.
أما بقى في أمريكا
( بلد الديموكراسي و التفتح و الإنفتاح و الفتيحه فتّوح ) عيل ارهابي راح عمل هجوم
مسلح على مكان للمثليين , خمسين قتيل عالأقل هي الحصيله الأوليه .
.
و في مصر , العيال
أصحابي هاريني من الصبح دعوات للعب كاندي كراش , يا جدعان كاندي كراش ايه بس في الظروف
دي ؟ مايصحش كده , لازم نراعي شعور أصدقائنا في دول العالم الأول و العالم الأول مكرر
.
.
لازم نفكر في حاجه
إيجابيه , أنا بقول نبعت لهم مساعدات طبيه و كام مستشفى ميداني و كام خيمه , و نبعت
لهم كمان قوات مكافحة الشغب و فرقة صاعقه تلم العيال اللي بيمارسو العنف و البلطجه
, و مفيش مانع نبعت كام شمام كوله ( من عندنا برضه ) عشان يتعاطفو مع البلطجيه الكيوت
اللي قوات مكافحة الشغب هتقبض عليهم .
.................................................................................................................................
Mohamed
Hussein
12
يونيو 2016·
إشتباكات و همجيه
و عنف في ملاعب أوروبا , الواد ( الأوروبي ) طالع متشرّح يا عيني , ده شغل دواعش صغيرين
, مشكله أوروبا إنها اهتمت بالطرق و الكباري و الأنفاق و صوامع الغلال و زراعة القمح
( و حفر قناة جديده ) و أهملت تنمية الإنسان فكانت النتيجه كده , و طبعا ماننساش دور
الأزهر فرع أوروبا في تفريخ الدواعش الأوروبيين .
.................................................................................................................................
Mohamed
Hussein
11
يونيو 2016·
حلق الحاجه زينب
, الست المصريه الطيبه الغلبانه , هو بالتأكيد مكانشي هيحل مشاكل مصر , إنما هو معنى
يعني رمز يعني دلاله زيه زي رسايل ( صبح على مصر بجنيه ) , رمز للخير , معنى للعطاء
, دلاله على حب الناس ( الطبيعيين ) لبلدها .
.
اتضايقت حضرتك
لما الحاجه زينب عملت اعلان ؟ عشان المعنى و الرمز ينتشرو شويه بين الناس و يتشجعو
أكتر ؟ و ممكن تكون اتضايقت ان الست الغلبانه دي تبقى مشهوره و معروفه للجميع ؟ .
.
طب تعالى احكي
لك حدوته لذيذه , من كام شهر نزل عيلين صايعين ( زي جنابك كده ) , جابو واقي ذكري و
نفخوه و عملوه بلالين و وزعوه عالعساكر الغلابه في عيد الشرطه , إيه قولك بقى ان الحركه
دي جنابك اعتبرتها رمز و معنى و دلاله لأم الفكر الثوري ؟ و ان العيلين دول بقو مشاهير
و أيقونات بسبب أمثالك , و باسم يوسف يكتب تويته ( جدع يا شادي ) , عرفت انت واقف فين
دلوأتي ؟ .
.
انت في صف الصيع
و شمامين الكوله و التشاؤم و تصوير مقالب الزباله و التعليق بسفاله و إنحطاط , في صف
أحمد مالك و شادي و الواد بتاع الروايات الجنسيه ( هما دول أيقوناتك ) , في صف الخونه
و الهربانين , في صف الناس اللي بتمقق عنيها في البحث عن التشاؤم و السواد و الكأبه
و تشويه كل معنى جميل .
.
وانا في صف المصريين
الطبيعيين , في صف الحاجه زينب و الجندي اللي فدى زمايله بجسمه و الراجل اللي بيبني
و الفلاح اللي بيزرع و البني أدم اللي مابيخونشي بلده , في صف الناس اللي بتدوّر عالخير
و الأمل و نور ربنا .
............................................................................................................................
Mohamed
Hussein
11
يونيو 2016·
فستك
.
هات بقى الخبر
بتاع مقتل 4 جنود صهاينه اللي كان من كام يوم , و الخبر بتاع خناقة القرضاوي مع المتحدث
بإسم حكومة الصهاينه بسبب نفس الموضوع , و حط عليهم الخبر بتاع سخرية الجنود الأمريكان
من العلم القطري و الخبر بتاع استدعاء قطر للسفيره الأمريكيه في الدوحه .
.
اجمع الأخبار دي
كلها و اضربهم في الخلاط هيطلع لك مشروب لونه غريب و طعمه أغرب اسمه ( مشروب الفستك
) , لو عايز تشربه اتفضل ( بالهنا و الشفتشي ) , أنا لأ , مبطّل شرب فستك من 3 سنين
, الحمد لله ربنا عافاني .
............................................................................................................................
Mohamed
Hussein
10
يونيو 2016·
الخارجيه القطريه
زعلت جدا و اتضايقت من الفيديو اللي فيه جوز عساكر أمريكيين في قاعدة السيليه الأمريكيه
بيتريأو على علم قطر !! .
.
بغض النظر عن إني
أول مره اعرف إن قطر لها علم زي بقية الدول , يعني زي مصر و الصين و ألمانيا و البرازيل
و السنغال و النمسا و كندا و الهند و نيجيريا , بس أتوقع رد قاسي من الخارجيه القطريه
و مش بعيد قطر تتهوّر و تطالب أمريكا بإنشاء قاعدة أمريكيه تالته في الدوحه و يسموها
قاعدة القرضاوي الأمريكيه , عشان الجوز عساكر دول يتعلمو الأدب بقى و يتشحططو بين القواعد
الأمريكيه المنتشره في ربوع عزبة قطر .
.
يعني يبقى العسكري
الأمريكي اللي ظهر في الفيديو نايم في قاعدة السيليه الأمريكيه يصحى يلاقي نفسه منقول
لقاعدة العديد الأمريكيه , و يادوب ياخد مخلته و يطلع على هناك و يفطر يلاقي جواب نقله
لقاعدة القرضاوي الأمريكيه , و ديني لانشحططهم .
...................................................................................................................
ليست هناك تعليقات:
إرسال تعليق