Mohamed Hussein
15 يوليو 2019 ·
بما إنه مفيش أخبار مهمه النهارده ولا فيه ماتشات يبقى السؤال الأزلي الوجودي هنقضي اليوم إزاي و نهبد في ايه ؟ أه بس بس , تاهت و لقيناها , تعالو نستدعي روح جمال عبد الناصر اللي مات من خمسين سنه و ننحت في وبره و نتركب من الخرفان كالعاده و نتألق في تشويه الرموز الوطنيه المصريه المخلصه , و نجيب معانا شوية شمامين الكوله و شوية النوفو ريتش محدثين النعمه أحفاد عوضين باشا أبو لباس , و نقول و نعلّي على بعض بقى , ده خسر حرب 48 و حرب 54 وثورة 19 على التوازي , وخد الفيلات و القصور بتاعة الاغنيا الكيوت اللي جابوها من عرق جبينهم عشان يأكل الجرابيع و الأوباش اللي هما الشعب المصري .
.
محمد ناصر مذيع الخرفان اللذيذ له فيديو جميل أوي اليومين دول و هو بينحت في وبر ناصر و ثورة يوليو , و سبحان الله يا اخي له فيديو تاني بيتكلم فيه عن ثورة يوليو و جمال عبد الناصر بس كان بيعزف بالربابه , يعني العكس تماما , ده قبل مايسافر تركيا و يشتغل عاهره في بلاط تميم ابن موزه , تاخدو التقيله ؟ هو اسمه ناصر على اسم جمال عبد الناصر .
.
على فكره بقى ,عبد الناصر كان يهودي و اسمه الحقيقي ليشع و كان عميل للأمريكان و السوفيت و الإنجليز و الموزمبيقيين و مطاريد الجبل , و هو سبب خسارتنا لل 3 ماتشات بتوع مونديال روسيا وسبب خروجنا من دور ال 16 في أمم أفريقيا , ماهو لو مكانش الرعاع و الأوباش اتعلمو و بقى معاهم فلوس يشترو كوره يلعبو بيها كان زمانهم دلوأتي بينقو الدوده من وسية الباشا و الكوره دي نسيبها للعيال الحلوين المستحميين اللي بيلبسو طربوش أحمر بزر , العيال اللي بيعرفو يجيبو البطولات من ديلها , باصي الكوره فالاد , برافو فالاد , عفارم عفارم .
.........................................................................................................
Mohamed Hussein
14 يوليو 2019 ·
بغض النظر عن أي رواسب جوه عقول الناس , منتخب الجزائر بيقدم كوره محترمه , أداء راقي و استقتال في الملعب , ولاعيبه عارفه كويس أوي قيمة تي شيرت بلدها , ابحثو عن المدرب الجزائري الوطني اللي خلق جوه الفريق ده حالة حب و حالة حماس , لأنه بنفس اللاعيبه دي و بمدرب أجنبي من اللي بييجو يسترزقو في أفريقيا الجزائر ماعملتش حاجه قبل كده , برافو منتخب الجزائر , مليون برافو جمال بلماضي .
.................................................................................................................
Mohamed Hussein
14 يوليو 2019 ·
حدث بالفعل
....................................
هي : مساء الخير
أنا : مساء النور
.
هي : هو حضرتك حد مشهور ؟
أنا : لا خالص
.
هي : طب حضرتك معانا في النادي ؟
أنا : نادي إيه ؟
.
هي : نادي الصيد
أنا : لا والله للأسف
.
هي : أومال احنا بقينا أصدقاء عالفيس بوك إزاي ؟
أنا : مش فاكر الحقيقه , بس ثانيه واحده يافندم , أنفريند , كده مابقيناش أصدقاء , سهله خالص أهي
.........................
.........................
والنبي يا خوانا , أي حد يكون مشهور في نفسه كده أو عضو في نادي الصيد يراجع حكاية الصداقه في صفحتي عشان زي مانتو عارفين , كل شئ بالخناق إلا صداقة الفيس بوك بالإتفاق , ولازم يكون فيها توافق اجتماعي مادي عضلي عصبي سايكوسوماتيك , أما بقى العامه و البسطاء و الغوغاء و الدهماء أمثالي ف مممممممممم خليكو قاعدين جنبي عالحصيره , هتروحو فين يعني ؟ يابني تراجعو ايه بس ؟ إحمدو ربنا أصلا إني مستحملكو و إنتو لا مشهورين ولا أعضاء في نادي الصيد .
.
#أبوك_كان_قائد_طابيه؟
#لأ
#تبقى_مش_من_مستوايا
..............................................................................................................
Mohamed Hussein
13 يوليو 2019·
التفكير بره الصندوق
.
لوجي بنتي , 12 سنه و نص و قاعدالي بقى في أجازة الصيف
...............
أول يوم
لوجي : بابا أنا عايزه أشتري كذا و كذا و كذا من موقع أونلاين
أنا : مفيش فلوس
..............
تاني يوم
لوجي : بابا أنا عايز أشتري كيت و كيت و كيت من محل عامل عروض عالنت
أنا : مفيش فلوس
..............
تالت يوم
لوجي : بابا , فلانه صاحبتي اشترت كذا و كذا , خامتهم حلوه أوي و سعرهم معقول
أنا : مفيش فلوس
..............
رابع يوم
لوجي : بابا أنا عايز أطلع من المدرسه و أتجوز ثري عربي عشان يشتري لي الحاجات اللي قلت لك عليها كلها و أبقى أشبرقكو معايا .
أنا : على بركة الله , نقرا الفاتحه .
.................................................................................................
Mohamed Hussein
13 يوليو 2019 ·
حدث بالفعل
.
في ملاعب أكاديمية عالم الرياضه اللي جوه جمعية الوفاء و الأمل في مدينة نصر , شوفت شلّه من الشباب و الأطفال , عددهم حوالي 8, اغلبهم لابس تي شيرتات مصر و تي شيرتات ليفربول , و كاتبين عليها اساميهم من ورا أو أرقام , تحديدا أرقام 10 و 11 !!..
.
العيال جم وانا عيني عليهم , معاهم كوره و دخلو ملعب يلعبو و هما فرحانين أوي , , لعبو و انا بتفرج عليهم و على حماسهم , بس كانت المفاجأه لما سمعتهم بيضحكو و يتكلمو مع بعض وقت اللعب عرفت إنهم توانسه أو جزائريين , أه و عهد الله .
.
و هي دي مصر باختصار و ببساطه , مجموعة أكبر واحد فيهم عمره 16 سنه , نزلو من المكان اللي ساكنين فيه و معاهم كوره عشان يلعبو , مفيش معاهم حد كبير ولا ولي أمر , و ممكن يكونو أصلا وصلو مصر يادوب من يومين عشان يشجعو منتخب بلدهم .
.
اللي سافر و شاف بلاد تانيه هيعرف ان الحكايه دي ماتحصلش إلا عندنا , تبقى أجنبي ولسه يادوب واصل بلد بالنسبالك غريبه , بس انت فيها لا بتحس إنك أجنبي و لا غريب ولا بتحمل هم هتنام فين ولا هتاكل إيه و لو ضربت في دماغك تلعب هتلعب , من غير مايكون معاك حد كبير ولا حد يحرسك , خد كورتك في إيدك ولم شلة أصحابك و انزلو عشان تلعبو في أي أحته تعجبكو , ولو حابين تتوهو في شوارع مصر المحروسه توهو من غير ماتقلقو خالص , هتلاقو اللي بيوصلكو لحد البيت .
...................................................................................................
Mohamed Hussein
13 يوليو 2019 ·
حكاوينا , و اللي ما يعرفش بيقول عدس
.
اللي جرب يمسك سناره و يصطاد سمك من الترعه أو ينزل في قلب المايه و يعمل سدين طين و ينزح المايه و يصطاد السمك اللي فيها , يطلع معاه شوية بلطي صغيرين , عشرين تلاتين سمكه يعملو بالكتير كيلو , تشويهم على صاجه أو في فرن بلدي بشوية قش , و تملّحهم في مايه و ملح , و بعدين تتلمو كلكو على حصيره و صينيه نحاس و جنبكو لمبة جاز عشان مفيش كهربا , تاكلو السمك الصغير أوي ده بمنتهى الطعامه و المتعه و معاه عيش طري مخبوز في نفس الفرن .
.
و بعدين تجري السنين , و تشيلك الدنيا و تحطك و تلاقي نفسك فجأه عايز تاكل سمك , تقوم تتصل بمحل وانت قاعد في التكييف , تقوله عايز كيلو , يبعت لك كيلو عباره عن سمكتين , كل واحده نص كيلو , تيجي تاكل يا مؤمن ماتبقاش عارف انت بتاكل سمك ولا فراخ مجمده , تكونشي فرخه عامله نفسها سمكه ؟ طب ايه رأيك بقى في السمك بتاع محلنا ؟ ممممممممم لا حضرتك ده مش سمك , ده بلاستيك .
........................................................................................
Mohamed Hussein
12 يوليو 2019 ·
إزيك يا مصر , وحشتيني أوي والله , أنا بس ولو فيها قلة ذوق مني كنت عايز أسألك عن عيلين من عيالك الكتير اللي يسدو عين الشمس
.
الواد اسمه ايه ده , اللي من أول مايصحى لحد ماينام يقعد يتشقلب في حكاية إن مفيش أديان ولا إله و الكون ده خلق نفسه بنفسه من شواشي الدره و ينجعص أوي وهو بيقولها و كل ساعه ينزّل بوست بنفس المعنى و نفس الشقلبه و كأنها شقلبه بتوحشنا مثلا , يا سيدي خلاص عرفنا ,إنت عقلك ألماظات و سابق كوكب الأرض بمليون فدان و قيراطين , و ماتقلقش هنريحك عالأخر , من بكره بإذن واحد أحد , قصدي بإذن الطبيعه , هنقسم نفسنا شرايح و طرنشات , شويه مننا يعبدو حجر المعسل وشوية يعبدو مشابك الغسيل , أنا شخصيا هختار إني أعبد شجرة جوافه أو برطمان لمون مخلل , أهو يبقى الإله نفعنا بحاجه .
.
و الواد التاني ده اللي إسمه أبصر ايه , أبو حاجه كده, اللي بيكدب و يسرق و يقتل و يحرق و يحرض على الإرهاب و يقذف محصنات و يبقى فاحش و بذئ و خاين للأمانه و خاين لبلده و مكفراتي و يرتكب كل الموبقات و الكبائر بشكل يومي و متصل , و كل مشكلته في الحياه إن الست لازم تلبس نقاب عشان مناخيرها ماتبانش , لأن طبعا مناخيرها اللي بتبان دي هي سبب الإنحراف الأخلاقي و الإحتباس الحراري و سبب إنهيار الإتحاد السوفيتي , و إن الموسيقي حرام لأنك لو سمعت موسيقى هتتحرك جواك الغرائز الحيوانيه الشيطانيه , و غريزه تجري ورا غريزه عايزه تطولها , و مش هتلاحق بقى و أخر النهار تلاقينا جايبينك بالعافيه من حمام السيدات وانت سكران طينه , تلاقيك يا فاسق سمعت المقطوعه الموسيقيه الأولى لأغنية ( من أجل عينيك ) بتاعة أم كلثوم والعياذ بالله .
.
قولي لي بقى يا مصر , العيلين دول , خلفتيهم ليه و إزاي ؟ لا هما شبهك ولا انتي شبههم , ماخدتيش حبوب منع الحمل ليه ؟ طب هو انتي خلفتيهم فعلا ولا لقياهم جنب صفيحة زباله و قولتي تتبنيهم عشان يقرفونا في عيشتنا ؟ .
...........................................................................................................
Mohamed Hussein
11 يوليو 2019 ·
سوريا تتهم تركيا بسرقة أثار سوريه عمرها ألاف السنين !!.
.
وقالت السلطات السوريه إن الجرافات التركيه هدمت أثار كتيره جداً في شمال سوريا , طبعا مقصود هنا الأثار اللي حجمها كبير ( اللي ماتنفعش تتسرق ) , واللي بعد هدمها بينقّبو تحتها و يدوّرو على أي قطع أثريه يسرقوها .
............................................
الحقيقه بتقول حاجتين تلاته وبس :
1- تاريخك و أثارك جزء مهم جدا من قوتك الناعمه , قيمتهم الماديه لا توازيها شيكات بأي عدد من الأصفار , و ده اللي بيخلي القوة الإستعماريه القديمه و الحديثه زي بلد خليفة الشواذ , بيخليها حريصه على تدمير أثار الدوله اللي بيدخلوها و سرقة الباقي .
( هنا قيمة الأثار لا تقل أهمية عن قيمة أبار البترول والغاز اللي بيسرقهم نفس الخليفه النصاب الشاذ البلطجي ) .
.
2 - و الحقيقه إن أغلب الأثار العراقيه و السوريه الحضاريه العظيمه اللي عمرها ألاف السنين اتنهبت أو اتدمرت , على إيد القوات الأمريكيه و التركيه و الإيرانيه و خلافه ( ماهي الكلاب أنواع , بس كلهم ولاد كلب!! )
.
3 - والحقيقه التالته و سامحوني فيها , حقيقه بتقول إن الدول اللي وقعت و خربت تماما في العشرين تلاتين سنه اللي فاتو , مكانشي سقوطهم في المقام الأول بسبب جيوش ضعيفه أو أجهزه سياديه دون المستوى , إنما السبب الأهم كان الشعوب نفسها , وهنا مش بقصد التعميم , إنما اعتقادي إن شخصية والي عكا مكانش مجرد شخص خاين في كتاب التاريخ , ده شريحه موجوده في كل بلادنا , يمكن في البلاد التانيه كان أحفاد والي عكا أكتر بكتير من المواطنين الشرفاء , عشان كده الدول دي وقعت بسهوله رغم تاريخها و حضارتها و جذورها , وقعت في غمضة عين , و عشان كده أنا مش بستغرب أبدا لو لقيت مواطن سوري بيشوف بعنيه الجرافات التركيه بتهد أثار بلاده و يشوف العربيات النقل بتنقل بقية الأثار عشان تهربها لبلاد الدعاره والشذوذ يقوم يسبح و يكبر و يهلل و يحمد الله كثيرا على هذا النصر المبين , مانا قلت لكو , أحفاد والي عكا كتير اوي , و دايما بيلاقو لنفسهم مبرر .
...................................................................................................
Mohamed Hussein
10 يوليو 2019 ·
خبر عجيب : أعلنت وزارة الدفاع القطرية، صباح اليوم الأربعاء، عن تصادم طائرتي تدريب عسكري خلال تحليقهما في أجواء البلاد !! .
.
طبعا حضراتكو اتفاجئتو زي حالاتي مش بخبر التصادم نفسه , إنما بحكاية أجواء البلاد دي و كان فيه بلاد وليها أجواء , و اتفاجئتو كمان بحكاية وزارة الدفاع القطريه , هما عندهم وزارة دفاع زيهم زي مصر و أمريكا و روسيا كده ؟ أه طبعا , مانتو عشان مش بتقرو و لا مطلعين على الأشياء تلاقيكو مش عارفين .
.
هشرح لكو بقى وأمري لله :
.
- الجيش القطري تعداده بتاع عشرين تلاتين ألف , 90 % منهم مجنسين , هنود و بنغاله و سودانيين و أفارقه على شوية من دول شرق أوروبا الفقيره , يعني تلاقي قائد الكتيبه هندي واسمه كومار و المساعدين بتوعه معاويه و موجابي و العسكري باتشان اللي بيقعد يهز راسه ويقول ( مافي معلوم ) .
.
- قطر موقعه اتفاقية دفاع مشترك مع أمريكا وبريطانيا عشان تحميها من السلعوه و من عصابة الولاويله الحمره .
.
- قطر عندها أكبر قاعده عسكريه أمريكيه في الشرق الأوسط , تعداد الجنود الأمريكان فيها يساوي تعداد جنود الجيش القطري المجنس , و صرفت عليها 8 مليار دولار , و أول امبارح اتفقت مع أمريكا انها توسعها شويه ( توسع القاعده العسكريه يا مولانا)
.
- و أخيرا لازم تعرفو إن الجيش القطري المجنس المخيف الجبار ده له مهام متعدده لوجستيه و عسكريه و مدنيه في غاية الخطوره و الأهميه , و هي باختصار إنه بيروح كل يوم يلم الزباله من قاعدة العديد الأمريكيه .
...................................................................................................................
Mohamed Hussein
9 يوليو 2019 ·
ولابد أن يدخل بهما
.
بس يا سيدي , و وقف ترامب قدام تميم ابن موزه في مأدبة عشاء , و قال له بالنص :
"أنت حليف عظيم، ساعدتنا بمنشأة عسكرية رائعة (قاعدة العديد) ومطار عسكري لم ير الناس مثيلا له منذ وقت طويل" , وأضاف ترامب مخاطبا الشيخ تميم ووفده: "وحسبما أفهم، تم خلال ذلك استثمار 8 مليارات دولار، حيث كانت كلها من أموالكم !!.) .
.......................
مممممممممم يعني ماكنش ينفع يقول الكلمتين دول وهو قاعد ؟ لا ماينفعش , الكلمتين دول بالذات لازم يقولهم وهو واقف .
........................
ملحوظه 1: قاعدة العديد هي أكبر قاعدة عسكريه أمريكيه في الشرق الأوسط , بتستوعب حاليا 11 ألف جندي أمريكي , و قطر وافقت على توسيعها عشان تستوعب ضعف العدد ده ( يابني أقصد توسيع القاعده الأمريكيه , انت دماغك راحت فين بس ؟ ) .
.
ملحوظه 2 : أكبر قاعدة جويه أمريكيه خارج الولايات المتحده هي قاعدة أنجرليك اللي موجوده في تركيا عند خليفة الشواذ
.......................
يعني أفهم من كده إن قطر و تميم ابن موزه و قناة الجزيره و تركيا و أردوغان و قناة مكملين و معتز مطر أبو حزقه هياخدو معاهم الجنود الأمريكان من قاعدة العديد و قاعدة أنجرليك عشان يحاربو الصهاينه و يحررو القدس ؟ أه طبعا طبعا , خد بقى هات لك عسليه .
.......................................................................................................
Mohamed Hussein
· 8 يوليو 2019
خبر عجيب نشره موقع روسيا اليوم
.
بيقول الخبر : توتر شديد بين القاهره و تل أبيب بسبب نشر صواريخ اسرائيليه حول سد النهضه في أثيوبيا !!
.
الحكايه ايه بقى ؟ نقول تاني و عاشر
- دراسات سد النهضه دي معموله من عشرين تلاتين سنه , اللي خطط و اللي فكر مش أثيوبيا خالص , اثيوبيا أصلا دوله بتكح تراب , لا عندها مشاريع عملاقه ولا بطيخ يعني يوم مابتعمل كوبري مشاه و فاسقيه بتبقى عملت انجاز ضخم .
.
- بتتقال إزاي ؟ هتعملو سد يخزن ماية النيل و يولد كهربا و مشروع عملاق , ده البؤ اللي يخص أثيوبيا , إنما البؤ الأهم بيخص الدول المخططه , محور الشر الثلاثي , بريطانيا أمريكا اسرائيل و بفلوس قطر بنت الوسخه .
.
- أيوه هيستفيدو ايه من سد بيتعمل عند منابع نهر النيل ؟ هيستفيدو 3 حاجات , محاولة تقليل حصتك و بالتالي تأثر على كل حاجه و أولها الزراعه في مصر , أو محاولة لوي دراعك بعد إكتمال السد , أو محاولة ابتزازك أثناء عملية البناء , بمعنى ماتخلع ايدك من ليبيا و احنا نأجل سد النهضه ؟ ماتسيب لنا السودان و احنا نخف عليك في سد النهضه ؟ ماتوافق على صفقة القرن واحنا نوقف لك حال سد النهضه ؟ ماتيجي تضرب معانا سوريا واحنا نهد لك سد النهضه ؟ أه هي السياسات الدوليه للدول الاستعماريه بتبقى كده , بطريقة سيب وانا اسيب .
.
- مصر عارفه الكلام ده و عارفه ان اثيوبيا في موضوع السد هي مجرد أرض للمعركه ؟ يعني مش هي العدو الحقيقي ؟ أه طبعا عارفه .
.
- طب عملنا ايه ؟ عملنا مفاوضات و وفود بتروح و تيجي وسلامات و أحضان مطارات , طب ليه نعمل كده ؟ هل احنا عارفين ان المفاوضات هتجيب نتيجه ؟ لأ خالص , احنا عارفين ان أثيوبيا كانت بتلعب دور زكي قدره و البشير كمان كان زكي قدره , اومال ليه مفاوضات ؟ عشان نكسب وقت يا مولانا , عشان نقف على رجلينا الأول , عشان ماينفعش تفتح صدرك وانت الاحتياطي النقدي بتاعك 13 مليار دولار و عندك عدم استقرار سياسي وأمني و عندك مليون كولجي أي خروف بيركبهم و يسرح بيهم , اسمها الجبهه الداخليه .
.
- و لما كسبنا وقت عملنا ايه ؟ لما كسبنا وقت بقى الاحتياطي النقدي بتاعنا 50 مليار دولار , وبقى فيه استقرار سياسي و أمني و عدلنا الدستور , و البشير طار و جبنا رافال , اه جبناها ليه بقى ؟ لا مش عشان نخوف شوية الخرفان و شمامين الكوله اللي بينامو على بطنهم عالسرير .
.
- طب برضه هنعمل ايه بعد ماعرفنا ان اسرائيل باعت لأثيوبيا منظومة صواريخ ( سبايدر إم أر ) و نشرتها حوالين سد النهضه ؟ انا وانت اسمنا مواطنين مانعملش حاجه , مطلوب مننا الدعم و الإبتسامه و بس , يعني تحط في بطنك شادر بطيخ صيفي .
.
- طب مكانش ينفع نعمل مؤتمر عالهوا و نجيب أيمن نور أبو سداغ و شوية صيع و نعمل حوار مجتمعي حوالين سد النهضه ؟ لا يا حماده .
.
- طب ماينفعش نجيب النشطاء السياسيين و الأستاذ حبظلم بتاع الفيس بوك و أم نحمده بتاعة الكرشه عشان ناخد رأيهم ؟ لا برضه يا حماده .
.
- يعني الدوله المصريه عندها حل ؟ عندها ألف حل , جراب الحاوي ما بيخلاش , المهم انت تفهم القصه من بدايتها كانت ايه و مصر ليه عملت مفاوضات , مطلوب منك بعد كده تشد كرسي و تقعد و تتفرج و تستمتع و تفهم إن مصر فيها حاجتين اتنين غير قابلين للنقاش والمساومه, حباية رمل من ترابها و نقطة مايه من نيلها .
........................................................................................................
Mohamed Hussein
7 يوليو 2019·
مازعلتش إني حجزت تذاكر لدور ال 8 و ألاف المصريين حجزو , مازعلتش عالفلوس اللي مش هترجع , بس زعلت إن البنات عندي كانو جهزو تي شيرتات المنتخب و استعدو لليوم ده و للمدرجات و للنشيد الوطني و للتشجيع , قلت لهم الكوره مابتخلصش و هي كده مره تفوز و مره تخسر , الماتشات جايه كتير لمصر و هنروح الإستاد و نشجع بلدنا .
.
منظر الأطفال اللي شوفتهم في المدرجات امبارح و هما بيعيطو ده مكسبنا الحقيقي , منظر العائلات و الأسر و السيدات و البنات وهما لابسين تي شيرت مصر ده مكسبنا الحقيقي , المجهود اللي بذله ناس كتير جدا في حجز التذاكر و سهرهم يوم و اتنين و تلاته قدام النت عشان يعرفو يحجزو ده مكسبنا الحقيقي .
.
استقالة اتحاد الكوره مكسب كبير , و إقالة أجيري مكسب , منتخب مصر يعني مدرب وطني زي حسن شحاته , يعرف يعمل معسكر زي مخاليق ربنا , يعرف يدي اللاعيبه بالجزمه , يعرف يعمل روح جوه الفرقه , يعرف يعني ايه إسم مصر , مش مجرد موظف خواجه بييجي عندنا عشان يسترزق .
.
محمد الشناوي , طارق حامد , محمود علاء , تريزيجيه , صلاح , أيمن أشرف , انتو تستاهلو تلبسو التي شيرت دي , بغض النظر عن أي ملاحظات على الأداء , انما عندكو إحساس بالمسئوليه و الإحساس نعمه , محمد النني , عبد الله السعيد , كوكا , عمرو ورده , مروان محسن , كفايه عليكو أوي لحد كده , مصر مش حقل تجارب ولا انتو أساميكو مكتوبه في الدستور .
.
اللاعيبه اللي ماعرفتش يعني ايه بتمثل مصر في بطولة دوليه و يعني ايه تاكل نجيلة الملعب ويعني ايه بتحقق حلم 100 مليون , اللاعيبه اللي بتلعب لنفسها أو للمنظره , عايز أقولهم , إن جزمة أصغر طفل أو طفله بكى في مدرجاتنا امبارح وقدام الشاشات برقبتكو كلكو .
...................................................................................................
Mohamed Hussein
5 يوليو 2019·
وانت يابني اتجوزتها حُب ولا صالونات ؟
- لا بنزينة حضرتك
.
بنزينه ؟
- اه اتعرفت عليها في طابور بنزينه و احنا رايحين نفول العربيات قبل رفع الدعم الأخير , بصراحه عجبني عقلها و طريقة تفكيرها .
.
جميل أوي , و اتفقتو على ايه بقى ؟
- اتفقنا إننا نخلف عيال كتير أوي في أول سنه , نملى البيت عيال عشان محدش ضامن الظروف بعد كده.
...................................................................................................
Mohamed Hussein
4 يوليو 2019 ·
يا جدعان حركة حماس بتسلم عليكو و بتقول لكو إن اللي بيحصل في إسرائيل شأن داخلي و إن يهود الفلاشا فئه مندسه ولا يمثلون إلا أنفسهم , أما فرع المجاهدين والأشاوس بتاع الحركه فبرضه بيسلمو عليكو و بيقولو لكو إنهم مشغولين حاليا في محاربة الجيش المصري عشان التعليمات من 2006 جايالهم بكده , لكن ده مايمنعش إنه لما تخلص فلوس التمويلات بتاعة الشقيقه الكبرى قطر و يكونو عايزين نفحه جديده من الخليج هيضربو بمبتين من بمب العيد على صحراء اسرائيل و يصيبو سحليه بريه بالإسهال زي مابيعملو كل مره .
.
إنتهى البيان
مع تحيات حركة حماس , إحدى فروع جماعة الإخوان اللامؤاخذه المسلمين
شعارنا : الإسلام و الجهاد , و الحَطّه و القَطّه , و الوزه و البطه .
.................................................................................................................
Mohamed Hussein
4 يوليو 2019 ·
إسرائيل بتولع , مظاهرات و قتل و إعتقالات بالجمله , الجزيره ماجابتش خبر واحد عن الموضوع عشان مشغوله أوي بتقرير منظمة ( علمني العوم والنبي ياحمد ) الحقوقيه الدوليه عن فترة حكم السيسي و أكل كام دراع عيل صغير في 2013 , و معتز مطر هيدخل بحزقه ناريه النهارده ويقول إن أمه اتكعبلت في السجاده و يتهم المخابرات المصريه بكده و إنها بعد ما اتكعبلت جت تفتح الحنفيه عشان تغسل وشها لقت ظابط أمن وطني برتبة عقيد نازل لها من الحنفيه و في إيده مدفع رشاش و دبابتين و طياره f16 بحالة جيده .
.........................................................................................................
Mohamed Hussein
2 يوليو 2019 ·
الملحمه
.
ناس كتير مش مدركة ولا فاهمه يعني إيه ننظم بطولة أمم أفريقيا 2019 , و نبدأ الاستعداد قبلها ب 5 شهور بس .
.
تنظيم بطوله زي دي في 2006 مايعتبرش حدث أوي , لأن الوضع السياسي والأمني كان مستقر جدا في المنطقه و القرداتي مكانشي بدأ لعبته في الشرق الأوسط .
.
تنظم بطوله زي دي و تجهّز ملاعبك و فنادقك و طرقك و حفل الافتتاح في 5 شهور ده إعجاز مش انجاز .
.
تنظم بطوله بحجم بطولة أفريقيا في توقيت و منطقه بتتشألب كل يوم 180 درجه ده إعجاز مش إنجاز .
.
تنظم بطولة بحجم بطولة أفريقيا و يكون عندك القدره الأمنيه على تأمين 24 فريق باللاعبين و الإداريين و عشرات الألاف من الجماهير من جنسيات مختلفه , ده إعجاز مش انجاز .
.
الإعجاز هنا في التوقيت و طبيعة المرحله , و أعتقد موافقتنا على تنظيم البطوله كان قرار سياسي في المقام الأول , اسمه تحدي القوه , قوتك السياسيه و الأمنيه و الاقتصاديه و حتى الشعبيه .
.
ممكن أقولهالكو بشكل مبسط , مصر من الدول اللي اتعملت عليها المؤامره في الشرق الأوسط , المؤامره اللي بيقودها اللوبي الصهيوني البريطاني الأمريكي بمساعدة صبيانهم في المنطقه , خليفة الشواذ و أمير الكشك , المؤامره كانت ولا زالت , و اتصرف عليها فلوس تكفي لبناء قاره .
.
تقوم انت بدل ماتلم أشلائك و تقعد جنب الحيطه تعيط أو تستجدي عطف حلف الشيطان أو تستنى إن بلدك و مصيرها تحدده دول تانيه في غرفه مغلقه في سويسرا أو تحدده ستوديوهات قناة الخنزيره و شوية الصيع اللي شغالين فيها , أو يحدده شوية عيال برياله من جنسيات مختلفه بيسمو نفسهم مجاهدين, او تحدده تويته لترامب أو أوباما , تقول لا , مستقبلنا بنحدده احنا و حتى مستقبل الدول المجاوره , و مفيش حاجه بتكسرنا ولا لنا دراع عشان يتلوي .
.
طب نقولها بشكل تاني , الدول اللي اتعرضت للمؤامره و الطوفان زينا لا بقى عندها قدره على تنظيم دوره رمضانيه و لا عندها نادي أو منتخب عارف يجمع 11 لاعب عشان يلعب ماتش كوره , و يوم ما يقدرو يجمعو ال 11 لاعب هيكون السؤال اللي بعد كده , هنلعب الماتش فين ؟ هنلعبه في دولة ايه ؟ مممممممممم تعالو عندنا في مصر .
.
اللي حصل باختصار هو مش تنظيم بطوله قاريه , إنما ده اختبار تحدي , و من ضمن أدوات التحدي بتاعتنا كانت الجماهير اللي حاولو يلعبو عليها بكل الطرق و فشلو , الجماهير يعني الشعب , يعني الإنتماء , واللي حصل من الجماهير كان بطوله تانيه , ستاد القاهره يبقى كومبليت كل ماتش , و 100 مليون قدام الشاشات في البيوت و القهاوي و النوادي و المولات , و عدد اللي هتشوفهم في الشارع لابسين تي شيرت مصر يوم الماتش أكبر من عدد دول سكان دول الخليج مجتمعه , مشهد مايقلش أبدا عن مشهد نزول المصريين في 30 يونيو ولا نزولهم في التفويض .
.
الماتش الأهم في البطوله دي و أحلى كوره فيها , هو قرار مصر بالإستضافه , ده اسمه الأسيست العالمي , و قرار الشعب بالنزول ولبس التي الشيرت و شيل العلم , ده اسمه الشعب الحريف اللي بيعرف يجيب الجون .
........................................................................................................
15 يوليو 2019 ·
بما إنه مفيش أخبار مهمه النهارده ولا فيه ماتشات يبقى السؤال الأزلي الوجودي هنقضي اليوم إزاي و نهبد في ايه ؟ أه بس بس , تاهت و لقيناها , تعالو نستدعي روح جمال عبد الناصر اللي مات من خمسين سنه و ننحت في وبره و نتركب من الخرفان كالعاده و نتألق في تشويه الرموز الوطنيه المصريه المخلصه , و نجيب معانا شوية شمامين الكوله و شوية النوفو ريتش محدثين النعمه أحفاد عوضين باشا أبو لباس , و نقول و نعلّي على بعض بقى , ده خسر حرب 48 و حرب 54 وثورة 19 على التوازي , وخد الفيلات و القصور بتاعة الاغنيا الكيوت اللي جابوها من عرق جبينهم عشان يأكل الجرابيع و الأوباش اللي هما الشعب المصري .
.
محمد ناصر مذيع الخرفان اللذيذ له فيديو جميل أوي اليومين دول و هو بينحت في وبر ناصر و ثورة يوليو , و سبحان الله يا اخي له فيديو تاني بيتكلم فيه عن ثورة يوليو و جمال عبد الناصر بس كان بيعزف بالربابه , يعني العكس تماما , ده قبل مايسافر تركيا و يشتغل عاهره في بلاط تميم ابن موزه , تاخدو التقيله ؟ هو اسمه ناصر على اسم جمال عبد الناصر .
.
على فكره بقى ,عبد الناصر كان يهودي و اسمه الحقيقي ليشع و كان عميل للأمريكان و السوفيت و الإنجليز و الموزمبيقيين و مطاريد الجبل , و هو سبب خسارتنا لل 3 ماتشات بتوع مونديال روسيا وسبب خروجنا من دور ال 16 في أمم أفريقيا , ماهو لو مكانش الرعاع و الأوباش اتعلمو و بقى معاهم فلوس يشترو كوره يلعبو بيها كان زمانهم دلوأتي بينقو الدوده من وسية الباشا و الكوره دي نسيبها للعيال الحلوين المستحميين اللي بيلبسو طربوش أحمر بزر , العيال اللي بيعرفو يجيبو البطولات من ديلها , باصي الكوره فالاد , برافو فالاد , عفارم عفارم .
.........................................................................................................
Mohamed Hussein
14 يوليو 2019 ·
بغض النظر عن أي رواسب جوه عقول الناس , منتخب الجزائر بيقدم كوره محترمه , أداء راقي و استقتال في الملعب , ولاعيبه عارفه كويس أوي قيمة تي شيرت بلدها , ابحثو عن المدرب الجزائري الوطني اللي خلق جوه الفريق ده حالة حب و حالة حماس , لأنه بنفس اللاعيبه دي و بمدرب أجنبي من اللي بييجو يسترزقو في أفريقيا الجزائر ماعملتش حاجه قبل كده , برافو منتخب الجزائر , مليون برافو جمال بلماضي .
.................................................................................................................
Mohamed Hussein
14 يوليو 2019 ·
حدث بالفعل
....................................
هي : مساء الخير
أنا : مساء النور
.
هي : هو حضرتك حد مشهور ؟
أنا : لا خالص
.
هي : طب حضرتك معانا في النادي ؟
أنا : نادي إيه ؟
.
هي : نادي الصيد
أنا : لا والله للأسف
.
هي : أومال احنا بقينا أصدقاء عالفيس بوك إزاي ؟
أنا : مش فاكر الحقيقه , بس ثانيه واحده يافندم , أنفريند , كده مابقيناش أصدقاء , سهله خالص أهي
.........................
.........................
والنبي يا خوانا , أي حد يكون مشهور في نفسه كده أو عضو في نادي الصيد يراجع حكاية الصداقه في صفحتي عشان زي مانتو عارفين , كل شئ بالخناق إلا صداقة الفيس بوك بالإتفاق , ولازم يكون فيها توافق اجتماعي مادي عضلي عصبي سايكوسوماتيك , أما بقى العامه و البسطاء و الغوغاء و الدهماء أمثالي ف مممممممممم خليكو قاعدين جنبي عالحصيره , هتروحو فين يعني ؟ يابني تراجعو ايه بس ؟ إحمدو ربنا أصلا إني مستحملكو و إنتو لا مشهورين ولا أعضاء في نادي الصيد .
.
#أبوك_كان_قائد_طابيه؟
#لأ
#تبقى_مش_من_مستوايا
..............................................................................................................
Mohamed Hussein
13 يوليو 2019·
التفكير بره الصندوق
.
لوجي بنتي , 12 سنه و نص و قاعدالي بقى في أجازة الصيف
...............
أول يوم
لوجي : بابا أنا عايزه أشتري كذا و كذا و كذا من موقع أونلاين
أنا : مفيش فلوس
..............
تاني يوم
لوجي : بابا أنا عايز أشتري كيت و كيت و كيت من محل عامل عروض عالنت
أنا : مفيش فلوس
..............
تالت يوم
لوجي : بابا , فلانه صاحبتي اشترت كذا و كذا , خامتهم حلوه أوي و سعرهم معقول
أنا : مفيش فلوس
..............
رابع يوم
لوجي : بابا أنا عايز أطلع من المدرسه و أتجوز ثري عربي عشان يشتري لي الحاجات اللي قلت لك عليها كلها و أبقى أشبرقكو معايا .
أنا : على بركة الله , نقرا الفاتحه .
.................................................................................................
Mohamed Hussein
13 يوليو 2019 ·
حدث بالفعل
.
في ملاعب أكاديمية عالم الرياضه اللي جوه جمعية الوفاء و الأمل في مدينة نصر , شوفت شلّه من الشباب و الأطفال , عددهم حوالي 8, اغلبهم لابس تي شيرتات مصر و تي شيرتات ليفربول , و كاتبين عليها اساميهم من ورا أو أرقام , تحديدا أرقام 10 و 11 !!..
.
العيال جم وانا عيني عليهم , معاهم كوره و دخلو ملعب يلعبو و هما فرحانين أوي , , لعبو و انا بتفرج عليهم و على حماسهم , بس كانت المفاجأه لما سمعتهم بيضحكو و يتكلمو مع بعض وقت اللعب عرفت إنهم توانسه أو جزائريين , أه و عهد الله .
.
و هي دي مصر باختصار و ببساطه , مجموعة أكبر واحد فيهم عمره 16 سنه , نزلو من المكان اللي ساكنين فيه و معاهم كوره عشان يلعبو , مفيش معاهم حد كبير ولا ولي أمر , و ممكن يكونو أصلا وصلو مصر يادوب من يومين عشان يشجعو منتخب بلدهم .
.
اللي سافر و شاف بلاد تانيه هيعرف ان الحكايه دي ماتحصلش إلا عندنا , تبقى أجنبي ولسه يادوب واصل بلد بالنسبالك غريبه , بس انت فيها لا بتحس إنك أجنبي و لا غريب ولا بتحمل هم هتنام فين ولا هتاكل إيه و لو ضربت في دماغك تلعب هتلعب , من غير مايكون معاك حد كبير ولا حد يحرسك , خد كورتك في إيدك ولم شلة أصحابك و انزلو عشان تلعبو في أي أحته تعجبكو , ولو حابين تتوهو في شوارع مصر المحروسه توهو من غير ماتقلقو خالص , هتلاقو اللي بيوصلكو لحد البيت .
...................................................................................................
Mohamed Hussein
13 يوليو 2019 ·
حكاوينا , و اللي ما يعرفش بيقول عدس
.
اللي جرب يمسك سناره و يصطاد سمك من الترعه أو ينزل في قلب المايه و يعمل سدين طين و ينزح المايه و يصطاد السمك اللي فيها , يطلع معاه شوية بلطي صغيرين , عشرين تلاتين سمكه يعملو بالكتير كيلو , تشويهم على صاجه أو في فرن بلدي بشوية قش , و تملّحهم في مايه و ملح , و بعدين تتلمو كلكو على حصيره و صينيه نحاس و جنبكو لمبة جاز عشان مفيش كهربا , تاكلو السمك الصغير أوي ده بمنتهى الطعامه و المتعه و معاه عيش طري مخبوز في نفس الفرن .
.
و بعدين تجري السنين , و تشيلك الدنيا و تحطك و تلاقي نفسك فجأه عايز تاكل سمك , تقوم تتصل بمحل وانت قاعد في التكييف , تقوله عايز كيلو , يبعت لك كيلو عباره عن سمكتين , كل واحده نص كيلو , تيجي تاكل يا مؤمن ماتبقاش عارف انت بتاكل سمك ولا فراخ مجمده , تكونشي فرخه عامله نفسها سمكه ؟ طب ايه رأيك بقى في السمك بتاع محلنا ؟ ممممممممم لا حضرتك ده مش سمك , ده بلاستيك .
........................................................................................
Mohamed Hussein
12 يوليو 2019 ·
إزيك يا مصر , وحشتيني أوي والله , أنا بس ولو فيها قلة ذوق مني كنت عايز أسألك عن عيلين من عيالك الكتير اللي يسدو عين الشمس
.
الواد اسمه ايه ده , اللي من أول مايصحى لحد ماينام يقعد يتشقلب في حكاية إن مفيش أديان ولا إله و الكون ده خلق نفسه بنفسه من شواشي الدره و ينجعص أوي وهو بيقولها و كل ساعه ينزّل بوست بنفس المعنى و نفس الشقلبه و كأنها شقلبه بتوحشنا مثلا , يا سيدي خلاص عرفنا ,إنت عقلك ألماظات و سابق كوكب الأرض بمليون فدان و قيراطين , و ماتقلقش هنريحك عالأخر , من بكره بإذن واحد أحد , قصدي بإذن الطبيعه , هنقسم نفسنا شرايح و طرنشات , شويه مننا يعبدو حجر المعسل وشوية يعبدو مشابك الغسيل , أنا شخصيا هختار إني أعبد شجرة جوافه أو برطمان لمون مخلل , أهو يبقى الإله نفعنا بحاجه .
.
و الواد التاني ده اللي إسمه أبصر ايه , أبو حاجه كده, اللي بيكدب و يسرق و يقتل و يحرق و يحرض على الإرهاب و يقذف محصنات و يبقى فاحش و بذئ و خاين للأمانه و خاين لبلده و مكفراتي و يرتكب كل الموبقات و الكبائر بشكل يومي و متصل , و كل مشكلته في الحياه إن الست لازم تلبس نقاب عشان مناخيرها ماتبانش , لأن طبعا مناخيرها اللي بتبان دي هي سبب الإنحراف الأخلاقي و الإحتباس الحراري و سبب إنهيار الإتحاد السوفيتي , و إن الموسيقي حرام لأنك لو سمعت موسيقى هتتحرك جواك الغرائز الحيوانيه الشيطانيه , و غريزه تجري ورا غريزه عايزه تطولها , و مش هتلاحق بقى و أخر النهار تلاقينا جايبينك بالعافيه من حمام السيدات وانت سكران طينه , تلاقيك يا فاسق سمعت المقطوعه الموسيقيه الأولى لأغنية ( من أجل عينيك ) بتاعة أم كلثوم والعياذ بالله .
.
قولي لي بقى يا مصر , العيلين دول , خلفتيهم ليه و إزاي ؟ لا هما شبهك ولا انتي شبههم , ماخدتيش حبوب منع الحمل ليه ؟ طب هو انتي خلفتيهم فعلا ولا لقياهم جنب صفيحة زباله و قولتي تتبنيهم عشان يقرفونا في عيشتنا ؟ .
...........................................................................................................
Mohamed Hussein
11 يوليو 2019 ·
سوريا تتهم تركيا بسرقة أثار سوريه عمرها ألاف السنين !!.
.
وقالت السلطات السوريه إن الجرافات التركيه هدمت أثار كتيره جداً في شمال سوريا , طبعا مقصود هنا الأثار اللي حجمها كبير ( اللي ماتنفعش تتسرق ) , واللي بعد هدمها بينقّبو تحتها و يدوّرو على أي قطع أثريه يسرقوها .
............................................
الحقيقه بتقول حاجتين تلاته وبس :
1- تاريخك و أثارك جزء مهم جدا من قوتك الناعمه , قيمتهم الماديه لا توازيها شيكات بأي عدد من الأصفار , و ده اللي بيخلي القوة الإستعماريه القديمه و الحديثه زي بلد خليفة الشواذ , بيخليها حريصه على تدمير أثار الدوله اللي بيدخلوها و سرقة الباقي .
( هنا قيمة الأثار لا تقل أهمية عن قيمة أبار البترول والغاز اللي بيسرقهم نفس الخليفه النصاب الشاذ البلطجي ) .
.
2 - و الحقيقه إن أغلب الأثار العراقيه و السوريه الحضاريه العظيمه اللي عمرها ألاف السنين اتنهبت أو اتدمرت , على إيد القوات الأمريكيه و التركيه و الإيرانيه و خلافه ( ماهي الكلاب أنواع , بس كلهم ولاد كلب!! )
.
3 - والحقيقه التالته و سامحوني فيها , حقيقه بتقول إن الدول اللي وقعت و خربت تماما في العشرين تلاتين سنه اللي فاتو , مكانشي سقوطهم في المقام الأول بسبب جيوش ضعيفه أو أجهزه سياديه دون المستوى , إنما السبب الأهم كان الشعوب نفسها , وهنا مش بقصد التعميم , إنما اعتقادي إن شخصية والي عكا مكانش مجرد شخص خاين في كتاب التاريخ , ده شريحه موجوده في كل بلادنا , يمكن في البلاد التانيه كان أحفاد والي عكا أكتر بكتير من المواطنين الشرفاء , عشان كده الدول دي وقعت بسهوله رغم تاريخها و حضارتها و جذورها , وقعت في غمضة عين , و عشان كده أنا مش بستغرب أبدا لو لقيت مواطن سوري بيشوف بعنيه الجرافات التركيه بتهد أثار بلاده و يشوف العربيات النقل بتنقل بقية الأثار عشان تهربها لبلاد الدعاره والشذوذ يقوم يسبح و يكبر و يهلل و يحمد الله كثيرا على هذا النصر المبين , مانا قلت لكو , أحفاد والي عكا كتير اوي , و دايما بيلاقو لنفسهم مبرر .
...................................................................................................
Mohamed Hussein
10 يوليو 2019 ·
خبر عجيب : أعلنت وزارة الدفاع القطرية، صباح اليوم الأربعاء، عن تصادم طائرتي تدريب عسكري خلال تحليقهما في أجواء البلاد !! .
.
طبعا حضراتكو اتفاجئتو زي حالاتي مش بخبر التصادم نفسه , إنما بحكاية أجواء البلاد دي و كان فيه بلاد وليها أجواء , و اتفاجئتو كمان بحكاية وزارة الدفاع القطريه , هما عندهم وزارة دفاع زيهم زي مصر و أمريكا و روسيا كده ؟ أه طبعا , مانتو عشان مش بتقرو و لا مطلعين على الأشياء تلاقيكو مش عارفين .
.
هشرح لكو بقى وأمري لله :
.
- الجيش القطري تعداده بتاع عشرين تلاتين ألف , 90 % منهم مجنسين , هنود و بنغاله و سودانيين و أفارقه على شوية من دول شرق أوروبا الفقيره , يعني تلاقي قائد الكتيبه هندي واسمه كومار و المساعدين بتوعه معاويه و موجابي و العسكري باتشان اللي بيقعد يهز راسه ويقول ( مافي معلوم ) .
.
- قطر موقعه اتفاقية دفاع مشترك مع أمريكا وبريطانيا عشان تحميها من السلعوه و من عصابة الولاويله الحمره .
.
- قطر عندها أكبر قاعده عسكريه أمريكيه في الشرق الأوسط , تعداد الجنود الأمريكان فيها يساوي تعداد جنود الجيش القطري المجنس , و صرفت عليها 8 مليار دولار , و أول امبارح اتفقت مع أمريكا انها توسعها شويه ( توسع القاعده العسكريه يا مولانا)
.
- و أخيرا لازم تعرفو إن الجيش القطري المجنس المخيف الجبار ده له مهام متعدده لوجستيه و عسكريه و مدنيه في غاية الخطوره و الأهميه , و هي باختصار إنه بيروح كل يوم يلم الزباله من قاعدة العديد الأمريكيه .
...................................................................................................................
Mohamed Hussein
9 يوليو 2019 ·
ولابد أن يدخل بهما
.
بس يا سيدي , و وقف ترامب قدام تميم ابن موزه في مأدبة عشاء , و قال له بالنص :
"أنت حليف عظيم، ساعدتنا بمنشأة عسكرية رائعة (قاعدة العديد) ومطار عسكري لم ير الناس مثيلا له منذ وقت طويل" , وأضاف ترامب مخاطبا الشيخ تميم ووفده: "وحسبما أفهم، تم خلال ذلك استثمار 8 مليارات دولار، حيث كانت كلها من أموالكم !!.) .
.......................
مممممممممم يعني ماكنش ينفع يقول الكلمتين دول وهو قاعد ؟ لا ماينفعش , الكلمتين دول بالذات لازم يقولهم وهو واقف .
........................
ملحوظه 1: قاعدة العديد هي أكبر قاعدة عسكريه أمريكيه في الشرق الأوسط , بتستوعب حاليا 11 ألف جندي أمريكي , و قطر وافقت على توسيعها عشان تستوعب ضعف العدد ده ( يابني أقصد توسيع القاعده الأمريكيه , انت دماغك راحت فين بس ؟ ) .
.
ملحوظه 2 : أكبر قاعدة جويه أمريكيه خارج الولايات المتحده هي قاعدة أنجرليك اللي موجوده في تركيا عند خليفة الشواذ
.......................
يعني أفهم من كده إن قطر و تميم ابن موزه و قناة الجزيره و تركيا و أردوغان و قناة مكملين و معتز مطر أبو حزقه هياخدو معاهم الجنود الأمريكان من قاعدة العديد و قاعدة أنجرليك عشان يحاربو الصهاينه و يحررو القدس ؟ أه طبعا طبعا , خد بقى هات لك عسليه .
.......................................................................................................
Mohamed Hussein
· 8 يوليو 2019
خبر عجيب نشره موقع روسيا اليوم
.
بيقول الخبر : توتر شديد بين القاهره و تل أبيب بسبب نشر صواريخ اسرائيليه حول سد النهضه في أثيوبيا !!
.
الحكايه ايه بقى ؟ نقول تاني و عاشر
- دراسات سد النهضه دي معموله من عشرين تلاتين سنه , اللي خطط و اللي فكر مش أثيوبيا خالص , اثيوبيا أصلا دوله بتكح تراب , لا عندها مشاريع عملاقه ولا بطيخ يعني يوم مابتعمل كوبري مشاه و فاسقيه بتبقى عملت انجاز ضخم .
.
- بتتقال إزاي ؟ هتعملو سد يخزن ماية النيل و يولد كهربا و مشروع عملاق , ده البؤ اللي يخص أثيوبيا , إنما البؤ الأهم بيخص الدول المخططه , محور الشر الثلاثي , بريطانيا أمريكا اسرائيل و بفلوس قطر بنت الوسخه .
.
- أيوه هيستفيدو ايه من سد بيتعمل عند منابع نهر النيل ؟ هيستفيدو 3 حاجات , محاولة تقليل حصتك و بالتالي تأثر على كل حاجه و أولها الزراعه في مصر , أو محاولة لوي دراعك بعد إكتمال السد , أو محاولة ابتزازك أثناء عملية البناء , بمعنى ماتخلع ايدك من ليبيا و احنا نأجل سد النهضه ؟ ماتسيب لنا السودان و احنا نخف عليك في سد النهضه ؟ ماتوافق على صفقة القرن واحنا نوقف لك حال سد النهضه ؟ ماتيجي تضرب معانا سوريا واحنا نهد لك سد النهضه ؟ أه هي السياسات الدوليه للدول الاستعماريه بتبقى كده , بطريقة سيب وانا اسيب .
.
- مصر عارفه الكلام ده و عارفه ان اثيوبيا في موضوع السد هي مجرد أرض للمعركه ؟ يعني مش هي العدو الحقيقي ؟ أه طبعا عارفه .
.
- طب عملنا ايه ؟ عملنا مفاوضات و وفود بتروح و تيجي وسلامات و أحضان مطارات , طب ليه نعمل كده ؟ هل احنا عارفين ان المفاوضات هتجيب نتيجه ؟ لأ خالص , احنا عارفين ان أثيوبيا كانت بتلعب دور زكي قدره و البشير كمان كان زكي قدره , اومال ليه مفاوضات ؟ عشان نكسب وقت يا مولانا , عشان نقف على رجلينا الأول , عشان ماينفعش تفتح صدرك وانت الاحتياطي النقدي بتاعك 13 مليار دولار و عندك عدم استقرار سياسي وأمني و عندك مليون كولجي أي خروف بيركبهم و يسرح بيهم , اسمها الجبهه الداخليه .
.
- و لما كسبنا وقت عملنا ايه ؟ لما كسبنا وقت بقى الاحتياطي النقدي بتاعنا 50 مليار دولار , وبقى فيه استقرار سياسي و أمني و عدلنا الدستور , و البشير طار و جبنا رافال , اه جبناها ليه بقى ؟ لا مش عشان نخوف شوية الخرفان و شمامين الكوله اللي بينامو على بطنهم عالسرير .
.
- طب برضه هنعمل ايه بعد ماعرفنا ان اسرائيل باعت لأثيوبيا منظومة صواريخ ( سبايدر إم أر ) و نشرتها حوالين سد النهضه ؟ انا وانت اسمنا مواطنين مانعملش حاجه , مطلوب مننا الدعم و الإبتسامه و بس , يعني تحط في بطنك شادر بطيخ صيفي .
.
- طب مكانش ينفع نعمل مؤتمر عالهوا و نجيب أيمن نور أبو سداغ و شوية صيع و نعمل حوار مجتمعي حوالين سد النهضه ؟ لا يا حماده .
.
- طب ماينفعش نجيب النشطاء السياسيين و الأستاذ حبظلم بتاع الفيس بوك و أم نحمده بتاعة الكرشه عشان ناخد رأيهم ؟ لا برضه يا حماده .
.
- يعني الدوله المصريه عندها حل ؟ عندها ألف حل , جراب الحاوي ما بيخلاش , المهم انت تفهم القصه من بدايتها كانت ايه و مصر ليه عملت مفاوضات , مطلوب منك بعد كده تشد كرسي و تقعد و تتفرج و تستمتع و تفهم إن مصر فيها حاجتين اتنين غير قابلين للنقاش والمساومه, حباية رمل من ترابها و نقطة مايه من نيلها .
........................................................................................................
Mohamed Hussein
7 يوليو 2019·
مازعلتش إني حجزت تذاكر لدور ال 8 و ألاف المصريين حجزو , مازعلتش عالفلوس اللي مش هترجع , بس زعلت إن البنات عندي كانو جهزو تي شيرتات المنتخب و استعدو لليوم ده و للمدرجات و للنشيد الوطني و للتشجيع , قلت لهم الكوره مابتخلصش و هي كده مره تفوز و مره تخسر , الماتشات جايه كتير لمصر و هنروح الإستاد و نشجع بلدنا .
.
منظر الأطفال اللي شوفتهم في المدرجات امبارح و هما بيعيطو ده مكسبنا الحقيقي , منظر العائلات و الأسر و السيدات و البنات وهما لابسين تي شيرت مصر ده مكسبنا الحقيقي , المجهود اللي بذله ناس كتير جدا في حجز التذاكر و سهرهم يوم و اتنين و تلاته قدام النت عشان يعرفو يحجزو ده مكسبنا الحقيقي .
.
استقالة اتحاد الكوره مكسب كبير , و إقالة أجيري مكسب , منتخب مصر يعني مدرب وطني زي حسن شحاته , يعرف يعمل معسكر زي مخاليق ربنا , يعرف يدي اللاعيبه بالجزمه , يعرف يعمل روح جوه الفرقه , يعرف يعني ايه إسم مصر , مش مجرد موظف خواجه بييجي عندنا عشان يسترزق .
.
محمد الشناوي , طارق حامد , محمود علاء , تريزيجيه , صلاح , أيمن أشرف , انتو تستاهلو تلبسو التي شيرت دي , بغض النظر عن أي ملاحظات على الأداء , انما عندكو إحساس بالمسئوليه و الإحساس نعمه , محمد النني , عبد الله السعيد , كوكا , عمرو ورده , مروان محسن , كفايه عليكو أوي لحد كده , مصر مش حقل تجارب ولا انتو أساميكو مكتوبه في الدستور .
.
اللاعيبه اللي ماعرفتش يعني ايه بتمثل مصر في بطولة دوليه و يعني ايه تاكل نجيلة الملعب ويعني ايه بتحقق حلم 100 مليون , اللاعيبه اللي بتلعب لنفسها أو للمنظره , عايز أقولهم , إن جزمة أصغر طفل أو طفله بكى في مدرجاتنا امبارح وقدام الشاشات برقبتكو كلكو .
...................................................................................................
Mohamed Hussein
5 يوليو 2019·
وانت يابني اتجوزتها حُب ولا صالونات ؟
- لا بنزينة حضرتك
.
بنزينه ؟
- اه اتعرفت عليها في طابور بنزينه و احنا رايحين نفول العربيات قبل رفع الدعم الأخير , بصراحه عجبني عقلها و طريقة تفكيرها .
.
جميل أوي , و اتفقتو على ايه بقى ؟
- اتفقنا إننا نخلف عيال كتير أوي في أول سنه , نملى البيت عيال عشان محدش ضامن الظروف بعد كده.
...................................................................................................
Mohamed Hussein
4 يوليو 2019 ·
يا جدعان حركة حماس بتسلم عليكو و بتقول لكو إن اللي بيحصل في إسرائيل شأن داخلي و إن يهود الفلاشا فئه مندسه ولا يمثلون إلا أنفسهم , أما فرع المجاهدين والأشاوس بتاع الحركه فبرضه بيسلمو عليكو و بيقولو لكو إنهم مشغولين حاليا في محاربة الجيش المصري عشان التعليمات من 2006 جايالهم بكده , لكن ده مايمنعش إنه لما تخلص فلوس التمويلات بتاعة الشقيقه الكبرى قطر و يكونو عايزين نفحه جديده من الخليج هيضربو بمبتين من بمب العيد على صحراء اسرائيل و يصيبو سحليه بريه بالإسهال زي مابيعملو كل مره .
.
إنتهى البيان
مع تحيات حركة حماس , إحدى فروع جماعة الإخوان اللامؤاخذه المسلمين
شعارنا : الإسلام و الجهاد , و الحَطّه و القَطّه , و الوزه و البطه .
.................................................................................................................
Mohamed Hussein
4 يوليو 2019 ·
إسرائيل بتولع , مظاهرات و قتل و إعتقالات بالجمله , الجزيره ماجابتش خبر واحد عن الموضوع عشان مشغوله أوي بتقرير منظمة ( علمني العوم والنبي ياحمد ) الحقوقيه الدوليه عن فترة حكم السيسي و أكل كام دراع عيل صغير في 2013 , و معتز مطر هيدخل بحزقه ناريه النهارده ويقول إن أمه اتكعبلت في السجاده و يتهم المخابرات المصريه بكده و إنها بعد ما اتكعبلت جت تفتح الحنفيه عشان تغسل وشها لقت ظابط أمن وطني برتبة عقيد نازل لها من الحنفيه و في إيده مدفع رشاش و دبابتين و طياره f16 بحالة جيده .
.........................................................................................................
Mohamed Hussein
2 يوليو 2019 ·
الملحمه
.
ناس كتير مش مدركة ولا فاهمه يعني إيه ننظم بطولة أمم أفريقيا 2019 , و نبدأ الاستعداد قبلها ب 5 شهور بس .
.
تنظيم بطوله زي دي في 2006 مايعتبرش حدث أوي , لأن الوضع السياسي والأمني كان مستقر جدا في المنطقه و القرداتي مكانشي بدأ لعبته في الشرق الأوسط .
.
تنظم بطوله زي دي و تجهّز ملاعبك و فنادقك و طرقك و حفل الافتتاح في 5 شهور ده إعجاز مش انجاز .
.
تنظم بطوله بحجم بطولة أفريقيا في توقيت و منطقه بتتشألب كل يوم 180 درجه ده إعجاز مش إنجاز .
.
تنظم بطولة بحجم بطولة أفريقيا و يكون عندك القدره الأمنيه على تأمين 24 فريق باللاعبين و الإداريين و عشرات الألاف من الجماهير من جنسيات مختلفه , ده إعجاز مش انجاز .
.
الإعجاز هنا في التوقيت و طبيعة المرحله , و أعتقد موافقتنا على تنظيم البطوله كان قرار سياسي في المقام الأول , اسمه تحدي القوه , قوتك السياسيه و الأمنيه و الاقتصاديه و حتى الشعبيه .
.
ممكن أقولهالكو بشكل مبسط , مصر من الدول اللي اتعملت عليها المؤامره في الشرق الأوسط , المؤامره اللي بيقودها اللوبي الصهيوني البريطاني الأمريكي بمساعدة صبيانهم في المنطقه , خليفة الشواذ و أمير الكشك , المؤامره كانت ولا زالت , و اتصرف عليها فلوس تكفي لبناء قاره .
.
تقوم انت بدل ماتلم أشلائك و تقعد جنب الحيطه تعيط أو تستجدي عطف حلف الشيطان أو تستنى إن بلدك و مصيرها تحدده دول تانيه في غرفه مغلقه في سويسرا أو تحدده ستوديوهات قناة الخنزيره و شوية الصيع اللي شغالين فيها , أو يحدده شوية عيال برياله من جنسيات مختلفه بيسمو نفسهم مجاهدين, او تحدده تويته لترامب أو أوباما , تقول لا , مستقبلنا بنحدده احنا و حتى مستقبل الدول المجاوره , و مفيش حاجه بتكسرنا ولا لنا دراع عشان يتلوي .
.
طب نقولها بشكل تاني , الدول اللي اتعرضت للمؤامره و الطوفان زينا لا بقى عندها قدره على تنظيم دوره رمضانيه و لا عندها نادي أو منتخب عارف يجمع 11 لاعب عشان يلعب ماتش كوره , و يوم ما يقدرو يجمعو ال 11 لاعب هيكون السؤال اللي بعد كده , هنلعب الماتش فين ؟ هنلعبه في دولة ايه ؟ مممممممممم تعالو عندنا في مصر .
.
اللي حصل باختصار هو مش تنظيم بطوله قاريه , إنما ده اختبار تحدي , و من ضمن أدوات التحدي بتاعتنا كانت الجماهير اللي حاولو يلعبو عليها بكل الطرق و فشلو , الجماهير يعني الشعب , يعني الإنتماء , واللي حصل من الجماهير كان بطوله تانيه , ستاد القاهره يبقى كومبليت كل ماتش , و 100 مليون قدام الشاشات في البيوت و القهاوي و النوادي و المولات , و عدد اللي هتشوفهم في الشارع لابسين تي شيرت مصر يوم الماتش أكبر من عدد دول سكان دول الخليج مجتمعه , مشهد مايقلش أبدا عن مشهد نزول المصريين في 30 يونيو ولا نزولهم في التفويض .
.
الماتش الأهم في البطوله دي و أحلى كوره فيها , هو قرار مصر بالإستضافه , ده اسمه الأسيست العالمي , و قرار الشعب بالنزول ولبس التي الشيرت و شيل العلم , ده اسمه الشعب الحريف اللي بيعرف يجيب الجون .
........................................................................................................
ليست هناك تعليقات:
إرسال تعليق