Mohamed
Hussein
18
ينابر 2018·
ممدوح حمزه : إن
لم يأخذ الربيع العربي مجراه لتحقيق طموحات الشعوب سيتحول إلى اعصار مخيف !! .
.
طب بالإذن أنا
بقى يا جدعان , يادوب ألحق أدقّ عمدان الخيمه جامد و أقفّلها كويس و أجيب المعزتين
اللي انا رابطهم بره قدام الخيمه يدخلو جوه بدل ماياخدو دور برد لما ييجي الإعصار المخيف
بتاع ممدوح حمزه , يووه كنت هنسى , دانا كمان ناشر شوية ملابس داخليه عالحبل , ألحق
ألّمّهم بقى .
.
ياختي و النبي
مانا عارفه , هو الإعصار المخيف هييجي من هنا ولا من هنا ولا من هنا , ولا يكونشي هييجي
من حيث تترفع أنت على ان تتداخل معه ؟ بيقولك الإعصار المخيف في المنام نظره والله
, انتي منظوره , طب بصي يا حبيبتي , انتي تجيبي سمّانة رجل غراب دكر يتيم و ديل سحليه
راضعه صدر أمها و حته من تويتاتك و حته من سوالف عمرو حمزاوي , و تعمليهم حجاب تحطيه
تحت المخده , و تنامي على جنبك اليمين طول الليل , هتصحي من النوم تلاقي اتنين رجالة
لابسين أبيض فأبيض و عربيتين فيرنا جنب السرير
.
أول ما تفتّحي
عنيكي هتلاقي واحد في الاتنين رجاله ماسك علبه بلاستيك في إيديه , مكتوب عليها من بره
( خلاصة منقوع الإعصار المخيف ) , و هتلاقيه بيقولك اتفضلي يا مدام , الإعصار المخيف
ده كان هيضيع منكو بس احنا لحقناه في أخر لحظه , كل المطلوب من حضرتك انك تحطي منه
ملو معلقه صغيره على شوية مايه و تبلّيهم و تشربيهم عالريق الصبح , مش ضروري تحطي عليه
سكر , انتي بس تقلّبيه بصباع ايديكي أو تلمسيه بشفايفك هتلاقيه بقى حلو .
.........................................................................................................
Mohamed
Hussein
17
يناير 2018·
خطاب الرئيس ,
الأقوى و الأجمل على الإطلاق في 4 سنين .
.
عبد الفتاح السيسي
النهارده كان هادي , متزن , مبتسم , مليان تفاؤل , واضح و صريح و بيرجع الحق لأهله
.
.
الترجمه : احنا
عدينا مرحلة الخطر الأصعب و خصوصا الخطر الإقتصادي , دي الترجمه اللي قريتها في ملامح
وشه قبل ماسمعها في كلامه , الترجمه كمان بتقول ان كل الملفات حاليا في إيدينا , اللي
اتحل منها اتحل و اللي لسه ماتحلّش جاهزين له بالحلول و البدايل ( يعني بلغة الجيش
, جنباً سلاح , استرح ) .
.
أهم حاجتين قالهم
السيسي
- إعداد و تدريب
كوادر شبابيه للقياده , اختبارات صعبه و قاسيه , انتقاء أفضل العناصر , التعليم المستمر
و التدريب , زي ماحصل في فرنسا في وقت من الأوقات , طب ليه كده ياريس ؟ ماينفعش نجيب
شوية شباب من عالقهوه و نمسكهم القياده ؟ لا والله سيادتك ماينفعش , مصر مش حقل تجارب
, و المناصب المسئوله يلزمها اعداد و تدريب و انتقاء على الفرازه .
.
- قرار الإصلاح
الإقتصادي كان متأخر جدا , قال السيسي نصحوني إني أأجل القرار شويه أو أسيبه للرئيس
اللي هيجي بعدي و قالو هيأثر كتير على شعبيتك , بس انا لو عملت كده ابقى خاين للأمانه
و للمسئوليه !! ( كلمتين بيختصرو شخصية عبد الفتاح السيسي ), و نصحوني كمان إني أأجل
قرار رفع الدعم لبعد 11/11 , قلت لهم لا انا مش هضحك عالناس و أبقى بلاعبهم و أخدعهم
.
.
و أجمل حاجه على
الإطلاق قالها الريس هي تحريفه لبيت الشعر الشهير في نهاية الخطاب , وقف الخلق ينظرون
جميعا كيف نبني قواعد المجد وحدنا !! ( الإعتراف بالجميل , التواضع أمام الشعب , اعطاء
الناس حقها , فكرة العمل الجماعي أو التيم ورك ) .
.
بص يا ريس , انت
يا مولانا هدية ربنا اللي رماها في حِجْرنا , نفحه من نفحاته و رشقت يعني جت في وقتها
, و عزة جلال الله مانا عارف البلد دي كانت هتروح فين لو جالها واحد زي مبارك كده من
بتوع ( نريح الزبون و ندلعه و ندعمه و ننيّمه في ماية البطيخ و نكسب شعبيه وهميه )
أو واحد يتصالح مع ارهابيين ويشركهم في الحكم و تبقى رقبة بلد و شعب تحت سكينة الإرهاب
باستمرار ( زي ماحاصل في تونس حاليا ) أو واحد خروف إرهابي يقزّم مصر و يحجمها و يخليها
ماتسواش تلاته تعريفه ( زي ماحصل في السودان ) , أو عيل صايع يكون فاهم ان بلد بحجم
مصر و في توقيت زي ده ممكن تتحكم من على قهوه من قهاوي وسط البلد كأنها دور كوتشينه
.
...................................................................................................................
Mohamed
Hussein
17
يناير 2018·
صوره و حدوته
.
دي صوره لوزير
الخارجيه المصري و نظيره الأثيوبي من مقر وزارة الخارجيه بيوريه فيها نهر النيل
.............................
حوار افتراضي تخيلي
سامح شكري : شايف
ده ؟
وزير خارجية اثيوبيا
: اه طبعا .
.
ده معاليك اسمه
نهر النيل
- اه مانا عارف
.
.
نهر النيل ده بقى
بيجري و يجيلنا من ألاف السنين
- اه عارف
.
حتى مصر نفسها
بيقولو عليها ( هبة ) النيل
- اه عارف .
.
بس فيه حاجه معاليك
مش عارفها
- حاجة ايه ؟
.
منسوب المايه دي
لو قل أو النيل بطل يجري و يجيلنا
- هيحصل ايه ؟
.
ممممممم هنجري
احنا و نجيلكو و نجيب النيل في إيدينا و احنا راجعين .
...............................................................................................................
Mohamed
Hussein
17
يناير 2018·
الخرفان اللي عايشين
في بلاط الأغا التركي و الخليفه الأمريكاني و فاتحين قنوات وجرايد و صفحات عشان يشوهو
بلدهم و يسخرو منها ويحاولو يخربوها طايحين في بعض , دكتور أيمن نور رئيس قسم السيليكون
بجامعة الخيانه الدوليه و أبله أيات المنافق قصدي أيات العرابي بطلة معركة الدندو و
أستاذ معتز مطر و الحاج محمد ناصر .
كل واحد فيهم بيقول
للتانيين انتو ولاد وسخه كدابين .
.
يا أستاذ , يا
أبله , احنا عارفين والله ان كلكو ولاد وسخه كدابين , بس عيب كده , عيب , عشان حتى
شكلكو قدام القطيع بتاعكو , دانتو قاتلين سارقين خاينين نايمين في سرير الأغاوات مع
بعض , طب حاولو عالأقل تصونو اللقمه الحرام اللي كنتو بتقسموها سوا .
.
هو أونكل تميم
ابن طنط موزه بطّل يبعت فلوس تكفّي الصيع و الأوباش ولا ايه ؟
................................................................................................................
Mohamed
Hussein
17
يناير 2018·
السودان و أثيوبيا
يتفقان على نشر قوة مشتركه لحماية الحدود و تأمين سد النهضه !! .
.
تخيل حضرتك مثلا
مثلا يعني , لما مركز شباب كفر أبو لباس يكون عايز يلاعب ريال مدريد , بس يقول لنفسه
لأ لأ , أنا مش هعرف ألاعب ريال مدريد لوحدي , هتنفخ اكيد ويتعمل عليا حفله .
.
و في نفس التوقيت
تلاقي مركز شباب كفر ابو بعجوره عايز يلاعب ريال مدريد , يقوم برضه السيد محمود بعجوره
رئيس مركز الشباب يقول لأ لأ , أنا مش هعرف ألاعب ريال مدريد لوحدي , هتنفخ و يتعمل
عليا حفله .
.
يقوم يجيلهم عيل
شاذ و أمه عارفه , يكون فايت بالصدفه و يجيب مندوب من مركز شباب كفر أبو لباس و مندوب
من كفر أبو بعجوره و يقول لهم يا جماعة الخير انتو لازم توحدو صفوفكو عشان تعرفو تلاعبو
ريال مدريد , يقومو يسألوه نعمل ايه يا مولانا الشاذ الجميل ؟ يقول لهم مفيش غير حل
واحد , انتو تعملو منتخب مشترك من كفر أبو لباس و كفر أبو بعجوره .
.
الجميل بقى في
القصه دي كلها , إن المسئولين في ريال مدريد بيأكدو طول الوقت أنهم بيحترمو جدا كفر
أبو لباس و كفر أبو بعجوره و بيعتذرو لانهم مش فاضيين والله يلعبو الماتش ده , لكن
لو حكم الأمر ممكن يبعتو الإحتياطي بتاع فريق الناشئين تحت سبع سنين .
....................................................................................................................
Mohamed
Hussein
16
يناير 2018·
على سبيل الاعتراف
.
عمري ماقتنعت أبدا
بحبايبنا بتوع الجيش الإلكتروني و الصقر العائد و عمر سليمان راجع و العقاب الذهبي
و الملفات السريه و ماوراء الكواليس و يوم سبعه سبعه الساعه سبعه و التنين المجنح و
الصقور لا تنام و الديوك لا تبيض .
ولا بيدخلو دماغي
بتعريفه , أه و عهد الله .
...................................................................................................................
Mohamed
Hussein
15
يناير 2018·
زمان أيام الجاهليه
و العصر الأموي و العباسي , كنت تلاقي الجهبذ من دول ضليع و عالم في النحو و الكيميا
و الطب و الفلك و الفلسفه و التحنيط و العروض والجيولوجيا و العقاقير الطبيه و الهندسه
والفجل الرومي .
.
الحكايه دي فات
عليها مئات و ألاف السنين , بس لسه جيناتها فينا , يعني مثلا عندك استاذ ابراهيم عيسى
تلاقيه صحفي ( ضليع في الصحافه ) , اعلامي ( ضليع في الإعلام ) , كاتب روائي ( ضليع
في الروايه ) , محلل سياسي ( ضليع في السياسه ) و أخيرا ممثل تلفزيوني ( أكيد موهوب
جدا في التمثيل ) .
.
طب بالك انت ؟
و شبكة العشره دول انا مش هستغرب لو هيكتور كوبر ضم ابراهيم عيسى لبعثة المنتخب اللي
مسافره روسيا عشان يحل أزمة الباك الشمال .
...............................................................................................................
Mohamed
Hussein
15
يناير 2018·
خبر , مقاتلات
قطريه تعترض طائره مدنيه إماراتيه كانت في طريقها إلى البحرين !!.
.
بص يا مولانا
- قطر بنت الوسخه
اشترت صفقات أسلحه كبيره جدا في الكام سنه اللي فاتو بعشرات المليارات , الصفقات في
الأصل بتبقى رشاوي للدول الصناعيه الكبري زي أمريكا و فرنسا .
.
- قطر معندهاش
جيش ولا عندها طيارين , قطر محميه بقاعدة عسكريه أمريكيه و حاليا ضافو ليهم شوية خواجات
من بتوع أردوغان و شوية ملالي من بتوع ايران .
.
- اللي بيقود الطياره
المقاتله في قطر هتلاقيه أمريكي أو بريطاني أو تركي , و أصلا الكام ألف جندي اللي في
جيش قطر بنت الوسخه أغلبهم مجنسين , سوداني على صومالي على موزمبيقي .
.
- عبد الفتاح السيسي
صوته اتنبح مع دول الخليج , من أيام ما كان سلمان بيرقص بالعصايه قدام الشاذ ابن موزه
!!.
.
- لما قولنا قطر
بترعى بفلوسها الخراب في المنطقه و الإرهاب و الحرق كانت دول الخليج في الوقت ده بترفض
تصريحاتنا و بتعمل غطاء سياسي للشاذ القطري .
.
- مش عارف الساده
الأفاضل حكام دول الخليج مستنيين ايه عشان يطردو الشاذ الإرهابي من مجلس التعاون و
يعزلو الكشك الخليجي بشكل كامل .
.
- امتى هيفهمو
ان السفينه الوحيده الناجيه هي سفينة مصر , و إننا من سنين طويله بننادي و نصرخ في
المغيبين و الحمقى , يا بُنّي اركب معنا.
.
- طب ايه اللي
بتحاول تعمله قطر حاليا ؟
يابني ركز شويه
, قطر كارت اتحرق خلاص , دورها حاليا بقى عامل زي فار الغيط اللي النار شابطه فيه
, هو عارف انه في النهايه هيموت هيموت , اللي ربى فار الغيط طالقه في الأراضي حواليها
عشان يحرق الزرع , أخر مرحله في الليله دي هي محاولة جر المنطقه كلها لحرب , في منطقتين
, في أرض قطر نفسها و في أرض الخروف السوداني ( بعد ماعرفنا نحيد المنطقه التالته
, قطاع غزه ) , الحرب هتكون بين جيش مصر والجيوش الخليجيه , في مواجهة القواعد العسكريه
الأمريكيه و التركيه و الميلشيات الإيرانيه , يعني حرب اقليميه على أراضي عربيه , ده
اللي بيحاول يعمله الشاذ ( القطري ) و الخروف ( السوداني ) و ده الفخ اللي مصر عارفاه
و حافظاه .
.
مش هنقع في الفخ
, ولا هندخل حرب اقليميه المستفيد الوحيد منها هو الكيان الصهيوني , معركة تكسير عظام
بين الجيوش الأربعه القويه اللي باقيه في المنطقه ( مصر و تركيا وإيران والسعوديه
) مع محاوله لكسر الجيش المصري و تفتيت السعوديه إلى دويلات , اللعبه كلها ممكن تخلص
بتكتل واضح و صريح بيمثل قوه اقتصاديه و سياسيه معينه مع شوية قرارات حازمه , مصر موقفها
واضح تماما و مابيتغيرش , والإمارات اعتقد موقفها بقى واضح , الكوره دلوأتي في ملعب
سلمان وابنه , والرساله الأخيره لطويل العمر , يا طويل العمر , لا هينفع ترقص قدام
ابن موزه ولا هينفع ترقص عالسلم !! .
......................................................................................................
Mohamed
Hussein
14
يناير 2018·
القبض على محافظ
المنوفيه بتهمة الفساد !! .
.
الهري النهارده
هيكون كالتالي
- المحافظ الفاسد
ده اختاره السيسي , ده طبعا على أساس ان الرئيس مش لازم بس يعمل تحريات عن الشخص قبل
اختياره في منصب مسئول , لا رئيس الدوله لازم يكون مكشوف عنه الحجاب و بيقرا الفنجان
و يوشوش الودع أو يكون بيعلم الغيب و يعلم ما في الأرحام .
.
- المحافظ ده اتقبض
عليه عشان تحت ايده ملفات بتدين ناس مهمين و جهات سياديه , أه و عهد الله الجمله بتتقال
كده ( بؤ واحد ) ,ناس مهمين و جهات سياديه .
.
- المحافظ ده اتقبض
عليه عشان كان معارض للسيسي في الانتخابات الرئاسيه القادمه و بيأيد خالد علي و أم
نحمده بتاعة الكرشه , و كان رأيه ان تيران و صنافير مصريه
.
- و مش بعيد نلاقي
تويته للمتألق منكوح حمره بيقول فيها إن المحافظ اتقبض عليه عشان رفض قرار السيسي ببيع
المنوفيه لمستثمر ياباني .
..................................................................................................................
Mohamed
Hussein
14
يناير 2018·
عبد المنعم أبو
الفتوح : اغلاق المجال العام على المستوى السياسي و الإعلامي و محاصرة الأحزاب بالقضايا
الملفقه و وضعهم على قوائم الإرهاب و استمرار حالة الطوارئ يعني إصرار السيسي على عدم
اجراء انتخابات تنافسيه و بالتالي أعتذر لمن طالبوني بالترشح !! .
.
يا أستاذ يا أستاذ
!!
- نعم يا حبيبي
؟
.
يطلع ايه اغلاق
المجال العام ده ؟ حاجه كده زي اغلاق المواني و المطارات لسوء الأحوال الجويه ؟
- أه بالظبط كده
.
.
مممممممم تقصد
ان فيه شبوره بتحجب الرؤيه ؟ ولا بصيص أمل في نهاية النفق المظلم؟
- أيوه تمام ,
حلو السطر ده .
.
بس انا متفق معاك
في حكاية محاصرة الأحزاب دي , أنا ديكي النهار كنت ماشي في الشارع ولقيت 9 عربيات أمن
مركزي ( و عربيتين فيرنا ) و كام طياره F16
محاصرين مبنى , سألتهم بتعملو ايه يا جماعة الخير ؟ قالو لي بنحاصر
حزب هنا و هنلفق لأعضاؤه شوية قضايا و نرمي لهم حتة حشيش تحت المكتب .
- أهو , جالك كلامي
بقى ؟ .
.
و طبعا معاليك
تقصد بوضعهم على قوائم الإرهاب الجماعه الإرهابيه , قصدي الفصيل الوطني الكيوت ( اللي
انت مش تبعهم ولا حاجه ) ؟
- أيوه صح كده
, وأنا مش إخوان بس بحترمهم .
.
بس حضرتك نسيت
تقول حاجه في البؤين اللي فوق دول .
- حاجه ايه ؟
.
ان الدوله الفاشيه
بتسجن المعارضين و تعذبهم في مناطق حساسه و تغتصبهم .
- أه نسيت حكاية
بتغتصبهم دي ,هفتكر أضيفها في التويته الجايه هي و حكاية الشبوره و البصيص و النفق
.
و طبعا قانون الطوارئ
هيعرقل مسيرتك الإنتخابيه .
- أيوه و يكعبلني
و أنا ماشي مع أنصاري .
.
عارف يا أستاذ
عبد النعيم أبو الفتوح .
- اسمي عبد المنعم
.
.
اه صح عبد المنعم
مش عبد النعيم , بس انا جايلك في الكلام أهو
- عايز تقول ايه
.
.
هات ايدك كده ؟
- أهي .
.
و شبكة العشره
دول , انت ماحد فاكرك أساسا و خالتك نفسها بقت تتلخبط في إسمك .
- لا طبعا مستحيل
, أنا ليا شعبيه خارقه و الأستاذ بلال فضل هينتخبني .
.
طب هات ايدك تاني
- أهي .
.
و شبكة العشره
دول برضه , أنا فاكرك اتوفيت من سنتين تلاته , و لو كان حد جاب سيرتك على صفحتي الفتره
اللي فاتت كنت هقوله عيب , الميت مايجوزشي عليه إلا الرحمه .
................................................................................................................
Mohamed
Hussein
13
يناير 2018·
عاجل , السيد المستشار
الخلوق مرتضى منصور , أصغر مستشار في تاريخ البني أدمين يقرر الترشح لديك أم الانتخابات
الرئاسيه القادمه .
.
بكده لو نجح سيادة
المستشار في الانتخابات دي هيبقى بيشتغل محامي و عضو برلمان و رئيس نادي الزمالك و
رئيس الجمهوريه و إنشراح لحد مانلاقي انشراح .
و طبعا أول قرارين
هياخدهم السيد الرئيس مرتضى منصور وقتها هما :
1- قفل الفيس بوك
و تويتر وإنستجرام و قهوة عماد اللي في النعام
2- إسقاط الجنسيه
المصريه عن هاني العتّال ونفيه إلى جزيرة مالطه .
..............................................................................................................
Mohamed
Hussein
13
يناير 2018·
السودان يعلن رسميا
عن تهديد عسكري مصري و إريتري , و البشير يشحن الجيش السوداني للمناطق الحدوديه مع
إريتريا ك ( قوه ضاربه ) , اه و عهد الله الخبر بيقول كده .
.
بص يا حبيبي ,
نقول تاني و تالت و رابع
- الجيش المصري
واحد من أقوى جيوش العالم , ترتيبه العاشر , الجيش السوداني ترتيبه 71 , يعني الموضوع
هيكون أشبه بمباراه بين ريال مدريد و مركز شباب أم درمان الرياضي .
.
- مصر تحديدا مش
هتحارب السودان , لا احنا فاضيين لكده ولا عمرنا عملنا كده ولا عقيدة الجيش المصري
و الشعب المصري فيها إننا نحارب أشقائنا حتى لو كان بيحكمهم خروف إخوانجي إرهابي .
.
- أصدقائي و حبايبي
و نور عيني السودانيين , اللي بعد كل بوست أكتبه عن الخروف عمر البشير يدخلو يشتموني
في رسايل ملف الأوزرس بالعاميه و الفصحى , في يوم من الأيام هتصحو من النوم و تفوقو
من الغيبوبه و تفهمو , تفهمو ايه بقى ؟ :
.
1- عدوكو الأهم
و الأخطر و جايز الوحيد هو الخروف اللي قاعد في قصر الرئاسه في الخرطوم , الخروف اللي
قسم السودان لنصين و هيقسمها لأربعه و هو رافع لكو العصايه بشعارات الشهاده و القدس
, الخروف اللي انضم لصف أثيوبيا في ملف سد النهضه مع ان المنطق البسيط بيقول إن حصة
مصر من مايه النيل لما متتأثرش يبقى بالتأكيد حصة السودان مش هتتأثر , لأن مصر دولة
مصب و المايه مابتفوتش على عطشان , يعني المنطق يقول ان السودان تقف في صفنا حتى لو
ماكناش أشقاء ولا بينا تاريخ مشترك و عروبه و بطيخ من غير بذر .
.
2- مشكلتنا مش
مع الشعب السوداني ( الشقيق ) ولا عمرنا كنا بنمثل أي تهديد للسودان , ولا من مصلحتنا
إننا نهدد دوله عربيه جاره بتمثل العمق المصري و جزء من أمننا القومي , يعني احنا مش
مخابيل ولا بنحرق صوابع رجلينا .
.
3- طلبات مصر الخاصه
بالسودان مفهاش أي اعتداء على سيادة الدوله السودانيه , ماتعملوش قواعد عسكريه اجنبيه
في نطاق امننا القومي , اعملو قواعد سودانيه زي مانتو عايزين , لكن ماتجيبوش الأجانب
و أعدائنا على حدودنا الجنوبيه
.
4- ماية النيل
خط أحمر رقم 1 , مش لعب عيال , حصتنا هتتأثر بالسد اللي انتو واقفين فيه جنب أثيوبيا
؟ يبقى هنطربقها على الكل , تغرق الخرطوم في شبر مايه , و الله مش مشكلتنا احنا , معلش
والله سامحونا , الشعب المصري مش موافق يموت من العطش , حقكو علينا .
.
5- جبنا الخروف
عمر البشير عشان يحضر احتفالات اكتوبر و عملناه كبير و هو مايسواش تلاته تعريفه و قلناله
يابن الناس بلاش تقزّم السودان و تحولها لمجرد سلسله في ايد عيل صايع بيحكم كشك عالخليج
, يابن الناس الشعب السوداني ده شقيق و مصيرنا واحد , بس واضح انه مفيش فايده .
.
6- أخر حاجه في
طلبات مصر إن الخروف مايفتحش أرضه لتدريب الإرهابيين , دم ولادنا مش لعبه , و زي ماوصلنا
للعمق الليبي عشان نجيب حق ولادنا هنوصل لأخر نقطه في أخر دوله في كوكب الأرض , معندناش
مشكله .
.
7- أتحدى بقى أي
سوداني عاقل أو عنده ربع مخ أو حتى ربع بسطرمه يقول ان طلبات مصر دي مش منطقيه ولا
حقنا أو فيها عداوه مسبقه أو حالة ( تربّص ) , أو إن فيها أي شكل من أشكال الاعتداء
على سيادة دولة السودان , قصدي دولة ( شمال السودان ) .
.....................................................................................................................
Mohamed
Hussein
12
يناير 2018·
أيها الأخوه المواطنون
, يا شعب مصر العظيم , يعلن مكتب محمد حسين اللي مفهوش غيري و تعلن حملتي الانتخابيه
اللي مفهاش غيري برضه , أنني لم أكن أنتوي الترشح لرئاسة الجمهوريه نظرا للجو العام
و المناخ العام و أتوبيسات النقل العام و الصوره الضبابيه و وجود شبوره كثيفه على طريق
شبرا بنها الحر , و لكنني صحيت من النوم النهارده بدري شويه قبل صلاة الجمعه , و قعدت
أشرب نسكافيه و في لحظه كده فكّرت و قررت إني مش هترشح برضه , أه و عهد الله , أنا
قلت أقول لكو يعني عشان ماتعملوش حسابكو على حاجه
.
طب ليه لم أكن
أنتوي الترشح ؟ و ليه قررت اني مش هترشح ؟ عشان أنا متأكد اني بمجرد اعلاني للترشح
هتعرض لمضايقات و ضغوطات زي اللي بيتعرض لها الأستاذ الأخ الزميل خالد علي , و مش بعيد
ألاقي عربيتين فيرنا بيراقبوني قدام البيت ( زي اللي بيراقبو حازم أبو دوده ) أو المخابرات
بتكلمني عالواتس ( زي مابتكلم أبله غاده بلاتين ) , و مش بعيد أنزل من بيتنا ألاقي
الأمن الوطني مفسّي لي عجل العربيه الورّاني وسرقو الكوريك ( سرقو الكوريك وانا نايم
يا سعادة البيه ) , أو أبقى ماشي في الشارع في أمان الله ألاقي ست أم شوشو اللي تبع
المخابرات رمت عليا من البلكونه حلة ملوخيه من غير أرانب و من غير ماترمي معاها رغيفين
عيش سخنين , يبقى شكلي ايه بقى و النبي ( وانا مرشح رئاسي بالملوخيه الأورديحي ) قدام
أنصاري و قدام الشعب و الأمم المتحده و مجموعة الكومنولث ؟ و مش بعيد برضه يخطفو أبويا
الله يرحمه و يسجنوه عشان يمارسو عليا كل انواع الضغط و الترهيب النفسي .
.
طب اقول لكو حاجه
؟ انا عندي قناعه تامه اني لو اترشحت للرئاسه هقصر في الشهرين دول بتاع 15 سم من كتر
الضغط و الضغوطات اللي هتعرض لها و ابقى اقصر من البت لوجي بنتي .
.
طب عليا بايه كل
ده ؟ أقصر 15 سم و يسرقو الكوريك و يسجنو ابويا الله يرحمه ؟ , خلاص بقى هنتخب السيسي
و أمري لله .
والله الموفق و
المستعان .
..............................................................................................................
Mohamed
Hussein
12
يناير 2018·
انتخابات الرئاسه
2018 هتبقى قويه جدا , أتوقع انه هيكون فيه منافسه شرسه بين خالد علي و محمد أنور السادات
و سامي عنان على المراكز من التالت للخامس , معروف طبعا إن المركز التاني محجوز للأصوات
الباطله
..............................................................................................................
ليست هناك تعليقات:
إرسال تعليق