Mohamed Hussein
3 سبتمبر
شكلي كده قدامي وقت كتير ,أيام و أسابيع
على بال ماوصل لمرحلة إني أقعد في بلكونة شقتي و أكتب على صفحتي إني بسمع فيروز و بشرب
قهوة الصباح و ( يقرأ لمحمود درويش و جابريل جارثيا ) , يعني قدامي بتاع اسبوعين تلاته
على بال مابقى مستقر و مثقف و عميق .
Mohamed Hussein
3 سبتمبر
سعادة اللواء وزير الداخليه
............ بعد التحيه
........... شكوى من مواطن مصري قرر فجأه
إنه ينهي غربته و يرجع لمصر أم الدنيا و أم اللي جابوها .
.
قولي الأول معاليك , هي الساعه معاك كام
؟ قصدي إحنا في سنة كام ؟!! , بقى يا ريس العبد لله نزّل عربيته من السعوديه و دفع
جمركها في أم مرور سفاجا و استنى الملف بتاعها ييجي هنا في أم مرور القاهره , و جه
الملف الحمد لله , وراح العبد لله يرخّص العربيه بقاله 3 أيام على كده في السلام ,
كل يوم الصبح رايح فين رايح المرور , والعصر جاي منين جاي من المرور , وكمّلت الملف
و روحت مرور الدرّاسه عشان أجيب أم شهادة المخالفات و رجعت تاني لأم المرور بتاعي
, قالولي إيه بقى معاليك ؟
.
قالو لي اللوح بتاعة العربيه دي لازم الأول
تروح تسلمها في سفاجا !!!!!!!!! , و تجيب من هناك شهادة بيانات إنهم استلمو اللوح
, يعني يا ريس أسافر يومين رايح جاي عشان أسلّم لوح ؟ أولّع في أم العربيه دي عشان
الحكومه ترتاح و لا أولّع في نفسي يا حكومه ؟
أرض مصر الطيبه لو كلها مزروعه حشيش وبانجو
و نيلها بيجري فيه ويسكي و كونياك مكانشي يبقى فيها الشر ده , دي مش اسمها بيروقراطيه
يا ريس دي اسمها كفر و العياذ بالله .
Mohamed
Hussein
3
سبتمبر
و الله شكلها هتُفرج
, أيوه هتفرج باينه أوي أهي , أصلي دلوأتي في مرحلة أو محطة ( فلما استُحكمت حلقاتها
) , فأكيد يعني المحطه الجايه مش المرج و لا غمره , أكيد محطة ( فرجت و كنت أظنها لا
تفرج ) .
.
........... تفائلو
يا بشر ,تفائلو , دانا قرّبت أخلّص ترخيص العربيه في مرور السلام , في 3 أيام بس ,
أه والله 3 أيام .......... ياااااااه يا الميدان , و هعلّق لوح مصريه , و مش كل أمين
شرطه واقف على طريق يوقفني و يشتغلني عشان عربيه جمرك و أكيد طالما عربيه جمرك يبقى
صاحبها خواجه أو زكيبة فلوس متحركه !!.
Mohamed
Hussein
2
سبتمبر
بوستات كتير بلاقيها
عالتايم لاين من نوعية , يأكل في تشيليز , يشرب بيناكولادا في بينوس , يشعر بالمتعه
في مارينا , في علاقه مع فلان .
.
امبارح والله لو
كان معايا اللاب توب بالليل كنت عملت زي الناس دي و كتبت : يجلس على قهوه في النعام
, يشرب قهوه عالريحه من أم 2 جنيه و نص , يشعر بإن طعم القهوه زي الهباب أستغفر الله
العظيم , في علاقة تعارف مع الواد خيشه بتاع القهوه , مانا عايز أعرف إيه اللي كنت
بشربه ده ؟ , و أخيرا : يأكل كوز دره من عالعربيه عشان يغير طعم البتاعه اللي قالو
لي إنها قهوه عالريحه .
Mohamed
Hussein
2
سبتمبر
الحمد لله الثوره
نجحت في حاجه أهي , قدرنا بفضل الله و توفيقه نقنع الناس بالتخلي عن فكرة و هبل العلاج
ببول الناقه و شكلهم اقتنعو أوي عشان كده هيعالجو فيروس سي بلبن البقره !!.
...الناقه و البقره
!! , هو إحنا ليه مُصّرين نحط الإريل بتاع البحث العلمي فوق الزريبه ؟!
Mohamed
Hussein
1
سبتمبر
النهارده رايح
مرور السلام عشان أرخّص للعربيه , اللهم إني أستودعك ديني و أهلي و مالي حتى أرجع
, يا عم بقولك راح مرور السلام , مرور السلالالالالالالام إنت مابتسمعش ؟ إنت مش من
هنا ولا ايه ؟ طب عمرك روحت كوكب مرور السلام قبل كده ؟ أي حد له فلوس عندي يسامحني
بقى و يستعوض ربنا فيها , و اللي عليه ليا فلوس يجيبها عشان أسامحه , أه مش مسامحك
ياض .
Mohamed
Hussein
1
سبتمبر
إلى الساده أصحاب
المعالي والسمو و الفخامه سائقي الميكروباسات في مصر
سيدي سائق الميكروباس
في شوارع المحروسه , أنا بحبك والله , و عادي جدا إنك تمشي من غير مرايا يمين و مرايا
شمال و لا أنوار و لا رخصة سواقه و ماشي بكارت ميناتيل في جيبك , عادي جدا إنك تقرر
تقف في أي لحظه و أي مكان و أي حاره و تحمّل و تنادي , عادي جدا إنك تاخد مطلع الدائري
و تعمله موقف سيرفيس ( فِرده كده يعني ) , عادي إنك تقف وتركن و تمشي أو تروّح و تنام
وتبقى عربيتك جزء لا يتجزأ من جغرافية الطريق , عادي جدا إنك تلفّ فجأه في أي مكان
وتمشي عكس السير وتضرب النور العالي , عادي جدا إنك تبقى ماشي و فارد ايدك بره و تكسر
على أي حد براحتك بقى , ماهي فردة إيدك دي يعني إشاره شمال بس إحنا اللي بهايم , و
تلاقي جناب معاليك بيبقى نايم عالسرير في بيته و فارد إيده كده برضه عشان محدش يعدّي
من جنب السرير .
المهم يعني أتمنى
إنك جنابك تكون راضي عن الحكومه و مبسوط منها , و متكيّف أوي من عم الحاج ابراهيم محلب
, و الأهم إنك تكون راضي عني , أصلي و لا مؤاخذه عيل سوسو و توتو و فوفو و العربيه
دي أمي اللي شاريهالي .
.
.............
مع تحيات حملة #الإيد #اللي #ماتقدرش #عليها #بوسها
Mohamed
Hussein
31
أغسطس
لو السيسي وافق
إنه يقابل تميم ابن موزه تبقى كده باظت , بنلف في دايره مقفوله و بنحكي في قصة عنب
ديبو , مفيش حاجه اسمها الصلح خير , و ناديه مصطفى مش خبير سياسي واستراتيجي , لما
يكون الطرف التاني ديب وخاين من يومه و كل دوره في الحياه هو خراب الوطن العربي لصالح
سيده الأمريكي يبقى الصلح مش خير , الصلح خيبه !!.
Mohamed
Hussein
31
أغسطس
`أصدقائي الأعزاء اللي بيعاتبوني على غيابي لساعات
طويله و أيام عن الفيس بوك في الإسبوعين تلاته اللي فاتو , أنا والله بنزل كل يوم من
شقتي في الحرفيين على الضهر تقريبا و أخد مراتي و نلف في شوارع مدينة نصر لحد 10 بالليل
بين السماسره و أصحاب الشقق و البوابين , بدوّر على شقه عشان ألحق أنقل حاجتي قبل الدراسه
, كل يوم تقريبا و لما الساعه تيجي 10 بالليل أحس إني جعان أوي أقوم شاري كوز دره مشوي
من أي عربية دره في مكرم عبيد ولا مصطفى النحاس , و لو حضرتك عرفت أنا كلت كام كوز
دره في الفتره اللي فاتت هتعرف أنا تعبت في اللفّ أد ايه .
.
الدور ده العاشر
وانا بدوخ في الأماكن العاليه , الشقه دي صغيره أوي , دي شقه ولا ستوديو ؟ , العماره
دي قديمه , لا مش قديمه بس الشارع ضيق و خنيق و عايز يتفرد بالنشّابه , العماره مش
قديمه والشارع واسع و دور تالت و مساحة الشقه كبيره بس أنا مش ابن طاهر القويري , المعادله
المستحيله , ......... هناكل دره كتير و #مكملين
Mohamed
Hussein
30
أغسطس
...10
طائرات أباتشي أمريكيه هيتبعتو لمصر ( لمواجهة الإرهاب !! ) , دول مجلس التعاون هترجّع
سفرائها لقطر تاني , مساعي دبلوماسيه خليجيه لعقد لقاء بين السيسي و أمير قطر !!.
قواعد اللعبه بتتغير
أو اتغيرت بالفعل , و أمريكا بتجر ناعم عشان تلاقي مكان لكلبها القطري وسط العرب من
تاني و بتضغط بكل قوتها , الغريب بقى إن أمريكا مصرّه جدا و مصممه عالكلب القطري و
لسان حالها بيقول ( إحنا ما صدقنا لقينا الكلب ده , هو أنا يعني كل يوم هلاقي حاكم
عربي يلعب دور الكلب ؟! ).
Mohamed
Hussein
30
أغسطس
إن واحد مسجون
( لأي سبب كان ) أبوه يموت و يطلب من إدارة السجن إنه يحضر جنازة أبوه فمن حق إدارة
السجن تقبل أو ترفض , و ممكن تكون مسجون و يكون ابنك بيتجوز و تطلب من رياض باشا المنفلوطي
قصدي تطلب من مأمور السجن إنك تحضر فرح ابنك و يوافق و يحضر معاك كمان .
.
هنا بقى السؤال
, فيه عشرات الألاف من المصريين في السجون , و ألاف منهم مات لهم عزيز أو اتجوز لهم
عزيز و هما داخل السجن , كام واحد حضر الفرح أو الجنازه ؟! حضرتك ماتحمقتش اوي ليه
لما المعلم الدفاس أبوه مات و ماحضرش الدفنه ؟ و مازعلتش أوي ليه و عملت إيفنت بيطالب
ادارة السجون إنها تسمح للست ( عطيات مشرط ) إنها تحضر فرح بنتها نوسه ؟ معقوله يعني
بقالك كام يوم بتتشحتف على أبو علاء عبد الفتاح و مش جايلك نوم و لا دوقت طعم الزاد
؟ .....................أكتر حاجه بتنرفزني هي الأفوره بتاعة نشطاء الفيس بوك , بتبقى
عامله زي حلّة الطبيخ البايت .
.
طب علاء طلع و
حضر جنازة أبوه , مبسوط يا مولانا ؟ و علاء ماكتفاش بحضور الجنازه و قال إن أبوه مات
شهيد و تقريبا عبد الناصر اللي قتله أو السادات مش فاكر و احتمال السيسي و بوتين و
محمد علي و شجرة الدر عملو خطه مشتركه لاغتيال أبو علاء اللي انا مش عارف إسمه ( الله
يرحمه ) , وانا كناشط سياسي و فيس بوكي أطالب بإطلاق إسم أبو علاء على أول نفق تعمله
الحكومه ( نفق الشهيد أبو علاء ) .
Mohamed
Hussein
29
أغسطس
بمناسبة إن النهارده
الجمعه و يوم مفترج و كداهون , و كل منبر في كل حي أو نجع أو قريه في مصر طالع عليه
شيخ , مسك ميكروفون و بيخطب , و الشيخ بقى انت و حظك , ممكن تلاقي شيخ من نسل الشعراوي
و جاد الحق أو شيخ من نسل حسان و الحويني أو شيخ من نسل الشاطر والبلتاجي , يعني ممكن
شيخ أزهري معمم أو شيخ كهربائي سيليسيون و بقى خطيب عشان يحسّن دخله , شيخ هيكلمك عن
الثعبان الأقراع و عذاب القبر و السحليه العملاقه و شيخ هيكلمك عن صلة الرحم و حسن
الخلق .
.
وانا قاعد بسمع
الخطبه سرحت شويه , يا ترى فضيلة الأستاذ الدكتور المهندس الشيخ الظابط طارق سويدان
بيخطب عن إيه دلوأتي ؟ أنا أخر كام تويته شوفتها له بيحشر فيها كلمة مصر و جيش مصر
و ثورة مصر في أي جمله و يعملها ساندوتش بداعي أو من غير داعي , يعني يقولك (( الثوره
نجحت في سوريا و اليمن على عكس مصر , بشكر الثوار الليبيين اللي حافظو على ثورتهم مش
زي مصر , البت بنتي نجحت في أولى ابتدائي بس ثورة مصر مانجحتش , مرات أخويا ولدت الحمد
لله عقبال ثورة مصر , كنت عايز أدهن واجهة البيت بتاعي في لندن بس مستني لما الثوره
تنجح في مصر )).
.
أكيد طارق سويدان
بيتكلم عن قصة أهل الكهف و إزاي لما خرجو من الكهف لقو ثورتهم اتسرقت زي ثوره مصر
, أو قصة حوت يونس اللي لما وصل للشط عطس عطستين و رمى سيدنا يونس عالشط و لولا ستر
ربنا كان زمانه فضل في بطن الحوت زي ثورة مصر !!.
Mohamed
Hussein
29
أغسطس
و يوم ما تتحل
القضيه الفلسطينيه حل نهائي بدوله عاصمتها القدس هتلاقي حضرتك 500 قيادي فتحاوي على
حمساوي على عويسي و منجاوي سارحين بأمشاط وفلايات في قطر الزقازيق , واسماعيل شايل
على كتفه صندوق وبيقول ( بيبس حاجه ساقعه بيبس ) و عباس بينادي عالقرص الطازه السخنه
.
العاقل في مصر
بيفهم إن الصهاينه عاجبهم الوضع الحالي و مش عايزين يسمحو بقيام دولة فلسطين , و الذكي
لازم يفهم إن فيه ناس كتير أوي في فلسطين صهاينه أكتر من الصهاينه نفسهم و عاجبهم الحال
أكتر .... , بالذمه ده اسمه كلام ؟ يعني بعد العز والفخفخه و شيكات داخله و شيكات طالعه
و معالي صاحب الفخامه وزير ماعرفش ايه في قطاع ايه و القيادي الفلاني أبو بدله إيطالي
و فيلل و قصور و وملايين متلتله بتملي الكروش يسرحو بأمشاط وفلايات ؟!....... باختصار
: القضيه الفلسطينيه هي سبوبه حلوه لناس كتير عايزه تاكل عيش و يعني تقلِّب رزقها
( أثرياء الحرب ) .
ليست هناك تعليقات:
إرسال تعليق